What are the opening hours?

Monday 08:00 - 20:00 Tuesday 08:00 - 20:00 Wednesday 08:00 - 20:00 Thursday 08:00 - 20:00 Friday 08:00 - 20:00 Saturday 08:00 - 20:00 Sunday 08:00 - 20:00

http://win-business-myittha.business.site/

Win Business - Myittha, Myittha (2026)

03/12/2021

စပါးရွက်ညိုပြောက်ရောဂါ
BROWN LEAF SPOT
(က) ရောဂါဖြစ်စေသက်ရှိ - (Drechslera oryzae)

(ခ) ရောဂါလက္ခဏာ
ရောဂါလက္ခဏာကို အရွက်နှင့်စပါးစေ့အပေါ်တွင် အဓိကတွေ့ရှိရသော်လည်း စေ့ရွက်အောက်ထွက်စ၊ ရွက်ဖုံး၊ အနှံခက်များအပေါ်တွင်လည်း တွေ့နိုင်သည်။ အရွက်ပေါ်တွင် အစက်ငယ်မှ နှမ်းစေ့အရွယ်၊ တစ်ခါတစ်ရံ (၁)စင်တီမီတာ အရွယ်အထိရှိသော ဘဲဥပုံအညိုရောင်ပြောက်များ ညီညာစွာ ပျံ့ကြဲနေသည်။ အစက်အပြောက်များမှာ အစပိုင်းတွင် ခရမ်းရောင်၊ အညိုရောင်ရှိပြီး ကြီးလာသည်နှင့်အမျှ အညိုရောင်အနားရစ်နှင့် မီးခိုးရောင် ဗဟိုရှိသော ကွက်ပြောက်များ ဖြစ်လာသည်။ ထိုမှတစ်ဆင့် အရွက်ခြောက်သေသွားသည်။ အစေ့ခွံပေါ်တွင် အနက်ရောင် (သို့မဟုတ်) အညိုရင့်အစက်အပြောက်များတွေ့နိုင်သည်။ ၎င်းမှတဆင့် ဆန်စေ့ပေါ်အထိပင် အမဲပြောက်များ တွေ့နိုင်သည်။ အနှံခက်၏ အဆစ်များကြားတွင်လည်း အညိုရောင်ရောဂါကွက်ဖြစ်ပြီး စပါးစေ့အဆန်တည်ရှိမှု နည်းစေသည်။ အဆန်မအောင်ပဲ စပါးစေ့ရှုံလိမ်၍ အရောင်ပျက်စေသည်။ ရောဂါရ စပါးစေ့များကို ပြန်လည်စိုက်ပျိုးခြင်းဖြင့် ပျိုးပင်နာရောဂါ (Seeding Blight) ဖြစ်စေပြီး ပျက်စီးဆုံးရှုံးမှုများနိုင်သည်။

(ဂ) ဒေသအလိုက် ပျံနှံ့တည်ရှိမှု
စပါးစိုက်ဒေသတိုင်းတွင် တွေ့နိုင်သည်။ အထူးသဖြင့် အာဟာရချို့တဲ့သော မြေများတွင် တွေ့ရှိနိုင်သည်။

(ဃ) ရောဂါတိုးတက် ဖြစ်ပေါ်မှုကို အားပေးသော အခြေအနေ
မြေတွင် အာဟာရချို့တဲ့ခြင်းနှင့် နိုက်တြိုဂျင်ဓါတ် လွန်ကဲခြင်းတို့သည် ရွက်ညိုပြောက်ရောဂါကို တိုးတက်စေသည်။ ၎င်းပြင် ရေသွင်းရေထုတ်ညံ့ဖျင်းသော၊ ဓါတ်လျော့သည့်အခြေအနေလွန်ကဲသော မြေများတွင်လည်း ၎င်းရောဂါကို တွေ့နိုင်သည်။ စပါးပင်သည် မင်ဂနိ၊ ဆီလီကာ၊ ဖော့စဖရပ် ပိုတက်ဆီယမ်၊ နိုက်တြိုဂျင်စသောဓါတ်များ ချို့တဲ့ပါက ဤရောဂါပြင်းထန်စွာ ကျရောက်လေ့ရှိသည်။ အပုပ်လွန်သော လယ်များတွင် ဟိုက်ဒရိုဂျင်ဆာလဖိုက် ဓါတ်ငွေများ ထွက်လာခြင်းကြောင့် အပင်များသည် ဆီလီကာနှင့် ပိုတက်ဆီယမ်တို့ကို ပုံမှန်အတိုင်း မစုပ်ယူနိုင်သဖြင့် ရောဂါပို၍ ဖြစ်နိုင်သည်။ ရွက်ညိုပြောက်ရောဂါ လက္ခဏာသည် အပင်တွင် ပိုတက်ဆီယမ်ဓါတ် ချို့တဲ့၍ ဖြစ်ပေါ်လာသော ရွက်ပြောက်လက္ခဏာများနှင့် ဆင်တူသည်။ စွတ်စိုသောမြေထက် ခြောက်သွေ့သောမြေတွင် ရွက်ပြောက်အရေအတွက် ပိုမိုများပြားစွာ ဖြစ်ပေါ်သည်။ ရောဂါကူးစက်ရန် အကောင်းဆုံးအပူချိန်မှာ (၂၀ံ-၂၅ံ) စင်တီဂရိတ် ဖြစ်သည်။ တိမ်ထူပြီး မိုးအဆက်မပြတ်ရွာနေပါက မှိုကြီးထွားမှုအတွက် ကောင်းမွန်သောကြောင့် ရောဂါပြန့်ပွားမှုမြန်စေသည်။
(င) ရောဂါသံသရာ
ရောဂါဖြစ်သောမှိုသည် ရောဂါရအပင် အစိတ်အပိုင်းများတွင် (၂-၃) နှစ်အထိ ခိုအောင်းရှင်သန်နိုင်သည်။ မြေထဲတွင်လည်း (၂၈-၂၉)လအထိ ရှင်သန်နိုင်သည်။ ရောဂါရမျိုးစေ့များသည် ရောဂါအဓိကကူးစက်ပျံ့နှံ့စေသော အကြောင်းအရင်းဖြစ်သည်။ မြေကြီးအတွင်းရှိ မှိုမှတစ်ဆင့်လည်း ရောဂါကူးစက်စေနိုင်သည်။ ထပ်ဆင့်ရောဂါကူးစက်ခြင်းမှာမူ လေဖြင့်လွင့်ပါလာသော မှိုစပိုးများကြောင့်ဖြစ်သည်။

(စ) လက္ခံပင်များ
မြက်မျိုးစိတ်များ ၊ စပါးရိုင်းများ။

(ဆ) ကာကွယ်နှိမ်နှင်းနည်းများ
စိုက်ပျိုးနည်းစနစ်များဖြင့် ကာကွယ်နှိမ်နှင်းခြင်း
၁။ ရောဂါကင်းသော စိုက်ခင်းမှ မျိုးစေ့ကို ရွေးချယ်စိုက်ပါ။
၂။ ရောဂါကျ ပင်ကြွင်းပင်ကျန်များနှင့် အခြားပေါင်းပင်များကို မီးရှို့ဖျက်ဆီးပစ်ပါ။
၃။ ကျန်းမာသန်စွမ်းသော စပါးခင်းဖြစ်အောင် သဘာဝမြေသြဇာ၊ ဓါတ်မြေသြဇာ၊ အနည်းလို အာဟာရဓါတ်များကို အချိုးညီညီ သုံးစွဲပါ။ နိုင်တြိုဂျင် မြေသြဇာထည့်သော အကြိမ်တိုင်းတွင် ပိုတက်ရ်ှနှင့်တီစူပါကို တွဲထည့်ပါ။
၄။ ခံနိုင်ရှည်ရှိသော စပါးမျိုးကို ရွေးချယ်စိုက်ပါ။
၅။ ရောဂါကျစိုက်ခင်းကိုဖြတ်၍ ရေသွင်းရေထုတ် ပြုလုပ်ခြင်းကို ရှောင်ကြည်ပါ။
၆။ စပါးစိုက်မြေကို မြေဆီသြဇာ တိုးတက်ကောင်းမွန်လာအောင် ပြုပြင်ဆောင်ရွက်ပေးခြင်း၊ ရေသွင်းရေထုတ်မှန်မှန်ပြုလုပ်ပေးခြင်း၊ စိုက်ခင်းသန့်ရှင်းရေး စနစ်တကျ ဆောင်ရွက်ခြင်း၊ သင့်တော်သော စိုက်ချိန်ကို ချိန်ဆ၍ စိုက်ပျိုးခြင်းစသော စိုက်ပျိုးနည်းစနစ်များကို စနစ်တကျ မှန်မှန်ကန်ကန် ဆောင်ရွက်ပါ။

၇။ အောက်ပါဆေးများ ပက်ဖျန်းအသုံးပြုပါ။
(က) Propiconazole (ပီရိုပီကိုနာဇိုး)
(ခ) Tricyclazole (ထရိုင်ဆိုက်ကလာဇိုး)
(ဂ) Thiophanate methyl + Thiram (သိုင်အိုဖာနိတ်မီသိုင်း + သိုင်ရမ်)
(ဃ) Chlorothalonil (ကလိုရိုသာလိုနေး)
(င) Carbendazim (ကာဗန်ဒါဇင်)

credit to origin

26/11/2021

#အချိုမှုန့်သမိုင်း

၁၉၀၈-ခုနှစ်မှ စ၍ ဂျပန်ပါမောက္ခ ကီရာနအဲ အီကဲဒါဆိုသူက ဂျုံ၊ကြံ၊ ပီလောပီနံဥ၊ ရေညှိစသည့် သဘာဝပစ္စည်းများနှင့် ပေါင်းစပ်ကာ ဂလူတာမိတ်(GLUTAMAIE)ဓာတ်ကို ထုတ်လုပ်၍ ဆိုဒီယမ်ဆားတို့ ပေါင်းခံလိုက်သောအခါ ဟင်းခပ်လျှင် အရသာရှိသော (MONOSODIUMGLUTAMATE) MSGခေါ်အချိုမှုန့်ကို ရသည်။

အဆိုပါအချိုမှုန့်ကို အာဂျီနိုမိုတိုဟု အမည်ပေး၍(AJINOMOTO)
ကမ္ဘာသို့ ဖြန့်ချီလိုက်ရာ လူသားတို့နှစ်သက်စွဲလန်းသွားကြသည်။ နောက်ပိုင်း၌ ပီလောပီနံဥစသော သဘာဝပစ္စည်းတို့ကို အသုံးမပြုတော့ဘဲ ဓာတုဗေဒနည်းဖြင့် အစားထိုးခဲ့သည်။

ဓာတုနည်းဖြင့်ထုတ်လုပ်ထားခြင်းကြောင့် ရောဂါအမျိုးမျိုးဖြစ်ခဲ့ကြရသည်။ အချိုမှုန့်အန္တရာယ်ကို ကမ္ဘာက သိလာကြသဖြင့် စီးပွားရေးသမားများက နောက်ပုံစံတစ်မျိုးနှင့် ဟင်းခပ်မှုန့်ပြောင်းလဲထုတ်လုပ်ခဲ့သည်။ တံဆိပ်အမျိုးမျိုးတပ်ထားကြသောကြက်သားမှုန့်တို့မှာ မူလအချိုမှုန့်များပါဝင်နေသဖြင့် အချိုမှုန့် ကြက်သားမှုန့်ကို ဓာတ်ခွဲလျှင် မိုနိုဆိုဒီယမ်ဂလူတာမိတ်ကို တွေ့ရ၏။ (MONOSODIUM GLUTAMATE)ကြက်သားအနံ့ဓာတုအရောင်တင်ထားသဖြင့် ပိုမို
အန္တရာယ်ဘေးဆိုးဖြစ်စေနိုင်သည်။ (ငါး၊ပုဇွန်၊ ပြည်ကြီးငါးတို့ဖြင့် ပြုလုပ်ထားသော ငံပြာရည်တို့၌လည်း အချိုမှုန့်ပါနေသည်။) အဆိုပါကြက်သားမှုန့်ကို တာရှည်စွာသုံးစွဲခြင်းကြောင့် #အသားပွစိစိ၊ #ဗိုက်ပူ၊ #ခါးတုတ်၊ #ဂုတ်သားတက်၊ #မေးစိနှစ်ထပ်၊ #မျက်လုံးအစ်၊ #လက်မောင်းတုတ်၊ #ပေါင်မှာအထစ်ထစ်နှင့် #ခြေသလုံးကြီး ဖြစ်နေကြ၏။

အချိုမှုန့်လွန်စွာစားသူများမှာ အဝလွန်ပြီး ကင်ဆာအမျိုးမျိုး၊ နှလုံးခုန်မြန်၊ သွေးတိုး၊ အရေပြားကြမ်း၊ အပိန့်ထွက်၊ မျက်စိမှုန်၊ ရင်ကျပ်၊ ပန်းနာ၊ ကျောက်ကပ်ပျက်စီး၊ ကိုယ်ဖောကိုယ်ရောင်၊ စိတ်ဂယောင်ခြောက်ခြား၊ ဆီးချို၊ ကျောက်တည်၊ လေပြေသွေးတွင်းအဆီမြင့်တက်အစရှိသော ဘေးထွက်ဆိုးကျိုးများ ခံစားရနိုင်သည်။
(ပင်လယ်စာ၊ ငါး၊ စပျက်၊ မုန့်ညင်းတို့ဖြင့် ထုတ်လုပ်ထားသော သဘာဝဟင်းခပ်မှုန့်များကို သုံးစွဲသင့်သည်။)
စားသောက်ဖွယ်များအရသာရှိပြီး စားကောင်းစေလိုလျှင် အရောင်မချွတ်ထန်းလျက်ကို ပါးပါးလှီး၍ ဆားသင့်ရုံထည့်သုံးလျှင် အန္တရာယ်ကင်းသော ဟင်းခပ်မှုန့်ဖြစ်သည်။

အချိုမှုန့်ဆိုတာ ဘာလဲ
~~~~~~~~~
ဘယ်လောက်များအန္တရာယ် ပေးနိုင်လဲ သိစေချင်
~~~~~~~~~~~~~~~~~~~~
ရေရှည် မှန်မှန်စားသွားရင် ဒီလောက်အန္တရာယ်များပါတယ်ဆိုတဲ့ အချိုမှုန့်ဆိုတာ Monosodium glutamate(MSG)လို့ခေါ်တဲ့ ဒြပ်ပေါင်းတစ်ခုဖြစ်ပါတယ်။ Glutamic Acid လို့ခေါ်တဲ့ Amino Acid တစ်မျိုးပါ၀င်ပြီး စားစရာထဲထည့်လိုက်ရင် Free Glumate တွေ အဖြစ်ကို ပြောင်းလဲသွားကာ အစားအသောက်တွေရဲ့ အရသာကို ဓာတုနည်းနဲ့ လျှာပေါ်မှာ ဆပွားတိုးပေးလိုက်တာ ဖြစ်ပါတယ်။

အချိုမှုန့်ဟာ ဟင်းခပ်ပစ္စည်းတစ်ခု ဟုတ်ပါသလား? ပုံမှန်သုံးသင့်တဲ့ ဟင်းခပ်အမွှေးအကြိုင်တစ်ခု လုံး၀ မဟုတ်ပါ။ နည်းနည်းစားစား များများစားစား ရေရှည်စားရင် အန္တရာယ်ကတော့ ရှိတာပါပဲလို့ ပညာရှင်များက ပြောကြားပါတယ်။ Good Manufacturing Practice (GMP) လို့ခေါ်တဲ့ ကမ္ဘာ့အဆင့် ထုတ်လုပ်မှု စနစ်ကောင်း (GMP စနစ်)ရဲ့အစားအသောက်တွေ ထုတ်လုပ်တဲ့ နေရာမှာ အချိုမှုန့် လုံး၀ မပါပါဘူး။ အချိုမှုန့်ကို ရေရှည်ပုံမှန် စားသုံးသွားရင် ဘာဆိုးကျိုးတွေ ရှိလာနိုင်မလဲ။

(၁) ဆီးချိုမဖြစ်အောင် ထိန်းသိမ်းပေးတဲ့ အင်ဆူလင်ဟော်မုန်း (Insulin) ရဲ့ လုပ်ငန်းဆောင်တာမှာ အနှောင့်အယှက် တစ်ရပ်ဖြစ်စေလို့ ဆီးချိုဖြစ်စေဖို့ ကောင်းကောင်း အထောက်အကူပြုပါတယ်။

(၂) အစာအလွန်အကျွံ စားချင်စိတ်ကို တိုးပွားဖြစ်ပေါ်စေသလို အ၀လွန်ခြင်းကို တားဆီးပေးတဲ့ ဟော်မုန်းများကိုပါ ပိတ်ဆို့လို့ အ၀လွန်ခြင်းကို ဖိတ်ခေါ်ပါတယ်။ အ၀လွန်ခြင်း ရောက်လာရင် သွေးတိုး၊ ဆီးချို၊ နှလုံးသွေးကြောပိတ်စတဲ့ အဖော်အပေါင်းတွေပါ'ပါ လာပါလိမ့်မယ်။

(၃) ဦးဏှောက်ဆဲလ်တွေကို မြန်မြန် ပျက်စီးယိုယွင်းစေပါတယ်။ မှတ်ဉာဏ်ကို အရွယ်မတိုင်ခင် ပျောက်ဆုံးစေပြီး မေ့တတ်တဲ့ရောဂါတွေ ဖြစ်စေဖို့ အလားအလာ အရမ်း များစေပါတယ်။ အချိုမှုန့်ကို မွေးကင်းစ ကတည်းကနေ စပြီးစားတဲ့ ကလေးတွေမှာ ဉာဏ်ရည်ပိုင်းယုတ်လျော့မှု ရှိတာကို တွေ့ရှိရပါတယ်။

(၄) ဂျာမနီနိုင်ငံမှာ အချိုမှုန့် သုံးစွဲမှုကို လုံးဝြဖတ်တောက် ရှောင်ကြဉ်ဖို့ အမျိုးသားအဆင့် ကြေငြာချက်တွေ ဥပဒေတွေ အလန့်တကြား ထုတ်ခဲ့ရဖူးပါတယ်။ ဂျာမန်ကျန်းမာရေးပညာရှင်တွေ ဘာတွေ့ရလို့လဲဆိုတာ စာဖတ်သူတို့ သိပါသလား။
အချိုမှုန့်စားတဲ့ ကိုယ်၀န်ဆောင်တွေ မွေးလာတဲ့ကလေးတွေဟာ အင်ဆူလင်ဟော်မုန်း စွမ်းရည်ကျဆင်း၍ မတိုးတော့ခြင်း (Insulin-resistant) မွေးရာပါ ဖြစ်လာတာတွေ့ရပါတယ်။ ဒါကြောင့် ဒီကလေးတွေဟာ ကြီးလာရင် ဆီးချိုဖြစ်ဖို့ သေချာသလောက် ဖြစ်ပါတယ်။ ဒီအချက်ဟာ ဖွံ့ဖြိုးဆဲနိုင်ငံတွေရဲ့ ဆီးချိုဖြစ်ပွားနှုန်း မြင့်မားနေတဲ့ အချက်တွေထဲက တစ်ခုအပါအ၀င်ဖြစ်ပါတယ်။

(၅) နောက်တစ်ချက်က ကိုယ်၀န်ဆောင်မိခင်တွေ အချိုမှုန့်စားတဲ့ အကျင့်ကြောင့် မွေးလာတဲ့ကလေးတွေရဲ့ medulla oblongata, thalamus, or hypothalamus ဆိုတဲ့ ဦးဏှောက်အစိတ်အပိုင်းတွေမှာရှိတဲ့ အာရုံကြောဆဲလ်တွေကို ပျက်စီးစေပါတယ်။ ဒီနေရာတွေဟာ အစားအသောက် စားချင်စိတ်ကို အဓိက ထိန်းချုပ်တဲ့ ဦးဏှောက် ဧရိယာတွေဖြစ်လို့ ဒီလိုကလေးတွေဟာ ကြီးလာရင် အစားအသောက် အလွန်အကျွံ စားတဲ့ အကျင့်ရှိကာ အ၀လွန်ပြီး ရောဂါတွေထူစေတတ်တာ ကမ္ဘာတစ်၀န်း လေ့လာတွေ့ရှိ ထားပါတယ်။
(ဒါဟာ အချိုမှုန့်ကပေးတဲ့ အမျိုးသား ကျန်းမာရေး/ လူမှုရေး ၀န်ထုပ်၀န်ပိုး (National Health/Social Burden) ဖြစ်ပါတယ်။ ဒါ့အပြင် အချိုမှုန့် ၀ယ်ယူတင်သွင်းရတဲ့အတွက် နိုင်ငံနဲ့လူမျိုး အကျိုးရှိစေမယ့် တခြားအရာတွေ၀ယ်ယူဖို့ နိုင်ငံခြားငွေ လျော့စေလို့ တိုင်းပြည်အတွက်လည်း နစ်နာပါတယ်။)

(၆) မျိုးပွားစွမ်းရည် ကျဆင်းခြင်း၊ သားသမီးရနိုင်စွမ်း ကျဆင်းခြင်းတွေ ဖြစ်နိုင်ပါတယ်။ Chinese Restaurant Syndrome ခေါ် တရုတ်စားတော်ဆက်ရောဂါစု ဖြစ်စေနိုင်ပါတယ်။ ဒီရောဂါစုဟာ အချိုမှုန့် လွန်ကဲစွာပါတဲ့ အစားအသောက် စားပြီးပြီးချင်းမှာ မျက်နှာ၊ လည်ပင်းနဲ့ တစ်ကိုယ်လုံးမှာ အနီစက်တွေ ထွက်လာခြင်း၊ ခေါင်းအရမ်းထိုးကိုက်ခြင်း၊ ခေါင်းမူးခြင်း၊ မျက်နှာမှာ တင်းကြပ်နေတယ်လို့ ခံစားရတတ်ခြင်း၊ မေးလှုပ် ပါးစပ်ဖွင့်ရတာ လေးခြင်း၊ ဗိုက်အောင့်ခြင်း၊ ခါးနာခြင်း စတာတွေ ခံစားရတတ်တဲ့ အချိုမှုန့်နဲ့ ဓာတ်မတည့်တဲ့ ရောဂါဖြစ်ပါတယ်။

(၇) ပန်ကရိယခေါ် မုန့်ချိုအိတ်ရောင်ရောဂါအပါအ၀င် ကိုယ်တွင်းကလီစာတစ်ခုခု ရောင်ယမ်းတဲ့ရောဂါရှိနေသူတွေ၊ သက်ကြီးရွယ်အိုတွေ၊ စာသင်ကြားနေတဲ့ ကျောင်းသား ကျောင်းသူတွေ အထူးရှောင်ကြဉ် သင့်ပါတယ်။

(၈) လူအများစုက ဆားကအငန် အချိုမှုန့်က အပေါ့ဆိုပြီး တလွဲမှတ်ယူထားကြပါတယ်။ ဒီတော့ ဆားထည့်လွန်လို့ ငန်သွားရင် အချိုမှုန့်များများ ထပ်ထည့်ပါတယ်။ အမှန်က ဆားက Sodium chloride ၊ အချိုမှုန့်က Monosodium glutamate ဖြစ်လို့ နှစ်ခုလုံး ဆိုဒီယမ် (Sodium) ဆားဓာတ်ဖြစ်ကာ နှစ်ခုပြိုင်စားသုံးရင် သွေးတွင်းဆိုဒီယမ် မြင့်တက်မှု အရမ်းများလာစေကာ သွေးတိုးရောဂါကို ဖြစ်စေပါတယ်။ ဒါကြောင့် သွေးတိုးရောဂါ ကာကွယ်လိုသူများနဲ့ ရှိသူများဟာ အချိုမှုန့်ကို အထူးရှောင်ကြဉ်သင့်ပါတယ်။

အချိုမှုန့် စွဲလမ်းနေခြင်းကို ဘယ်လို လျှော့ချအမြစ်ဖြတ်ကြမလဲ
~~~~~~~~~~~~~~~~~~~~~~~~~~
(၁) လျှော့ချသုံးခြင်းဖြင့် စတင်ပါ။ အချိုမှုန့်ဟာ အသားတွေရဲ့ အရသာကိုသာ မြှင့်တင်ပေးတာဖြစ်လို့ အသီးအနှံတွေမှာ လုံး၀ မသုံးပါနဲ့။

(၂) ယေဘုယျလမ်းညွှန် (General Guideline)အရပြောရရင် အစားအသောက် တစ်ကီလို (၂.၂ပေါင်)ကို အချိုမှုန့် လက်ဖက်ရည်ဇွန်းနဲ့ တစ်ဇွန်းထက် ပိုမသုံးပါနဲ့။ ဒါဆိုရင်တော့ အန္တရာယ်နည်းတယ်လို့ သိရပါတယ်။

(၃) ရယ်ဒီမိတ် အစားအသောက်တွေ အားလုံးနီးပါးမှာ
အချိုမှုန့်ပါပြီးသားဆိုတာ သတိထားပါ။ ဘယ်တော့မှ အချိုမှုန့် ထပ်မထည့်ပါနဲ့။

(၄) ရယ်ဒီမိတ် စားစရာတွေ၀ယ်ရင် လေဘယ်လ်ပေါ်မှာပါတဲ့ အချိုမှုန့်ပါ၀င်မှု ပမာဏကို ရှာဖွေပါ။ အဆင့်အတန်းရှိတဲ့ အစားအသောက်တံဆိပ်တွေ အားလုံးရဲ့ ပါ၀င်ဖက်ပစ္စည်းစာရင်း (Ingredient List)ရဲ့ အောက်ဆုံးမှာ အချိုမှုန့် တကယ်သုံးထားရင် သုံးထားကြောင်း ပမာဏ အတိအကျပါ'ပါတယ်။

(၅) ရိုးရာဟင်းခတ်အမွှေးအကြိုင်တွေ (ဥပမာ ပုစွန်ခြောက်၊ ငါးပိ စတာတွေ)ကို ပြန်လည်အစားထိုး သုံးသင့်ပါပြီ။ ကျွန်တော်တို့ရဲ့ ရှေးအစဉ်အဆက် ဘိုးဘွားများဟာ ထွားကျိုင်းသန်မာ ရောဂါကင်းခဲ့တာ အချိုမှုန့် မစားခဲ့ကြတာလည်း ပါ'ပါတယ်ခင်ဗျား။

များပြားလှတဲ့အစားအသောက်တွေကြောင့် ထူပြောလှတဲ့ရောဂါများ မဖြစ်အောင် စားလိုစိတ်ကို ချုပ်တည်းနိုင်ကြ၍ အနာရောဂါ ဘေးဘယာများ ကင်းဝေးကြပါစေသား။

တက္ကသိုလ် လုလင်

မူရင်းရေးသူကို credit ပေးပါသည်။

05/09/2021

Creative and Nature 😍😍

Photo Crd

17/08/2021

မင်္ဂလာပါ 💐
Win Business မှာ
Oxygen Flowmeter Instockရပါပြီရှင့်
ပစ္စည်းဒီနေ့ရောက်တာပါရှင့်😍

Flowmeterတစ်စုံ 30000ကျပ်❗
ပစ္စည်းအသင့်ရှိ

မြစ်သားမြို့ပေါ်ကဆိုရင် ဆိုင်မှာလာယူလို့ရပါတယ်

ဦးသူယူပါ
ပစ္စည်းယူမယ်ဆိုCBမှာဆက်သွယ်ပေးပါရှင်😍

01/08/2021

မြစ်သားမြို့တွင်း အောက်ဆီဂျင်အိုးများ မှာယူချင်ရင် ရပါပြီ -
Myittha Only ( Edited အမှာစာရင်း ပိတ်ပါပြီ။ )

15L - 280 000 ( Flowmeter ပါပြီးဈေး )
40L - 340 000 ( Flowmeter ပါပြီးဈေး )

မြစ်သားမြို့ပေါ် အရောက်ဈေး ဖြစ်ပါတယ် ၊

မှာယူဖို့ စိတ်ဝင်စားရင်တော့ အောက်ကအချက်လေးတွေ သေချာ ဖတ်ပြီးမှ မှာပေးပါ

- ပစ္စည်းက ၈ လပိုင်း ၂၀ ရက်နေ့ ရောက်ပါမယ် ၊
- ငွေကြိုပေးစရာ မလိုပါ ၊ ပစ္စည်ရမှ ငွေချေပါ ၊

- မှာထားပြီးရင် အမှာဖျက်ခြင်း❌ မရပါ၊ အဆင်မပြေပါ ၊
- တကယ်လိုမှ တကယ်ယူဖို့ အဆင်ပြေမှ မှာပေးပါ ၊
- ငွေကြိုမယူဘဲ ရှင်းပြီးယူထားပေးတာမလို့ မှာထားပြီးတာ မယူတာမျိုးက အဆင်မပြေလို့ပါ ၊

မှာချင်ပြီ ဆိုရင်တော့ -
အမည်
ဖုန်းနံပါတ်
လိပ်စာ
အပြည့်အစုံကို Page Messenger မှာ ဆက်သွယ်ပြီး မှာယူနိုင်ပါတယ် ၊

မှတ်ချက် - မြစ်သားမြို့‌ပေါ်အရောက်ဖြစ်ပြီး ၊ ရွာဘက်ဆိုရင်တော့ မြို့ပေါ် လာယူမှ အဆင်ပြေပါမယ် ။

29/07/2021

Edited အမှာစာရင်း ပိတ်ပါပြီ။

🏙️Myittha Only
မြစ်သားမြို့တွင်း အောက်ဆီဂျင်အိုးများ မှာယူချင်ရင် ရပါပြီ -
⭐ အလုံးရေ ငါးလုံးခန့်သာ မှာယူဖို့ ကန့်သတ်ထားလို့
အရင်ဆုံး မှာယူမည့်သူသာ ရပါမယ် ၊

15L - 280 000 ( Flowmeter ပါပြီးဈေး )
40L - 340 000 ( Flowmeter ပါပြီးဈေး )

မြစ်သားမြို့ပေါ် အရောက်ဈေး ဖြစ်ပါတယ် ၊
မှာယူဖို့ စိတ်ဝင်စားရင်တော့ အောက်ကအချက်လေးတွေ သေချာ ဖတ်ပြီးမှ မှာပေးပါ

- ပစ္စည်းက ၈ လပိုင်း ၂၀ ရက်နေ့ ရောက်ပါမယ် ၊
- ငွေကြိုပေးစရာ မလိုပါ ၊ ပစ္စည်ရမှ ငွေချေပါ ၊

- မှာထားပြီးရင် အမှာဖျက်ခြင်း❌ မရပါ၊ အဆင်မပြေပါ ၊
- တကယ်လိုမှ တကယ်ယူဖို့ အဆင်ပြေမှ မှာပေးပါ ၊
- ငွေကြိုမယူဘဲ ရှင်းပြီးယူထားပေးတာမလို့ မှာထားပြီးတာ မယူတာမျိုးက အဆင်မပြေလို့ပါ ၊

မှာချင်ပြီ ဆိုရင်တော့ -
📛 အမည်
📞 ဖုန်းနံပါတ်
📃 လိပ်စာ
အပြည့်အစုံကို Messenger သို့ ဖြစ်စေ ဆက်သွယ်မှာယူနိုင်ပါတယ် ၊
Profile အတုများနဲ့ မှာယူခြင်း မပြုဖို့ မေတ္တာရပ်ခံပါတယ် ၊

မှတ်ချက် - မြစ်သားမြို့‌ပေါ်အရောက်သာ ဖြစ်ပါတယ် ၊ ရွာဘက်ဆိုရင်တော့ မြို့ပေါ် လာယူမှ အဆင်ပြေပါမယ် ။

09/07/2021

မန္တလေးမြို့တွင်းKpayဖြင့်ဝယ်ယူနိုင်သောဆေးဆိုင်များ

➡️ဇီဝကဆေးဆိုင်
ဆိုင်(၁) လမ်း(၃၀)၊(၇၆)လမ်းနှင့်(၇၇)လမ်းကြား၊မန္တလေးမြို့။
ဆိုင်(၂) လမ်း(၃၀)၊(၇၄)လမ်းထောင့်၊မန္တလေးမြို့။
ဆိုင်(၃) မနော်ဟရီလမ်း (၁၁၀လမ်း)၊(၆၂)လမ်းနှင့်(၆၄)လမ်းကြား၊မန္တလေးမြို့။
ဆိုင်(၄) ၃၈လမ်း၊(၈၁)လမ်းနှင့်(၈၂)လမ်းကြား၊မန္တလေး

➡️𝗪𝗶𝗻 𝗠𝗲𝗱 𝗣𝗵𝗮𝗿𝗺𝗮𝗰𝘆
ဆိုင်ခွဲ(၁) အမှတ် တ-၃/၅၄၊
၆၂လမ်း၊ ၁၀၂(A) လမ်း နှင့် ၁၀၃ လမ်း ကြား
ခုတင် ၃၀၀ သင်ကြားရေးဆေးရုံကြီးနှင့် မျက်နှာချင်းဆိုင်၊ချမ်းမြသာစည်မြို့နယ်၊ မန္တလေးမြို့။
ဆိုင်ခွဲ(၂)အခန်းအမှတ်(A)၊အကွက်အမှတ်(ဇဇ-၅)
၅၆လမ်း၊ ၁၀၇ လမ်း နှင့် ၁၀၈ လမ်း ကြား
အောင်သာယာဈေးတောင်ဘက်၊ချမ်းမြသာစည်မြို့နယ်၊ မန္တလေးမြို့။
ဆိုင်ခွဲ(၃)အမှတ်(၁/၁)၊၆၆လမ်း နှင့် ၂၇လမ်းထောင့်
ချမ်းအေးသာစံမြို့နယ်၊မန္တလေးမြို့

➡️𝟱𝟮𝟴 𝗣𝗵𝗮𝗿𝗺𝗮𝗰𝘆
ဆိုင်ခွဲ (၁)လမ်း၃၀၊ ၅၆လမ်းနှင့် ၅၇လမ်းကြား၊ မန္တလေးမြို့။
ဆိုင်ခွဲ (၂) ၈၃လမ်း၊ ၂၈လမ်းနှင့် ၂၉လမ်းကြား၊ မန္တလေးမြို့။
ဆိုင်ခွဲ (၃) ၂၉လမ်း၊ ၇၂လမ်းနှင့် ၇၃လမ်းကြား၊ မန္တလေးမြို့။
ဆိုင်ခွဲ (၄) ၆၅လမ်း၊ ၁၀၈လမ်းနှင့် ၁၀၉လမ်းကြား၊ မန္တလေးမြို့

➡️𝗜𝗦𝗢 𝗣𝗵𝗮𝗿𝗺𝗮𝗰𝘆
၄၇/၁၊ ၂၇လမ်း၊ ၇၂လမ်းနှင့် ၇၃လမ်းကြား၊ မန္တလေးမြို့

➡️𝗝𝗮𝗽𝗮𝗻 𝗣𝗵𝗮𝗿𝗺𝗮𝗰𝘆
၂၄၁/၁၊၃၁လမ်း ၊၈၃လမ်းနှင့် ၈၄လမ်းကြား၊မန္တလေးမြို့။
ကိုဟန်တင်+မတင်တင်အောင်ဆေးဆိုင်
ဆိုင်အမှတ် (၁)၂၇လမ်း၊၇၃နှင့်၇၄ကြား၊မန္တလေးမြို့။
ဆိုင်အမှတ် (၂)၇၅လမ်း ၂၈နှင့်၂၉ကြား၊မန္တလေးမြိူ့။
ဆိုင်အမှတ် (၃)၁၀၅လမ်း ၆၃နှင့်၆၄ကြား၊မန္တလေးမြို့။
ဆိုင်အမှတ် (၄)၈၂လမ်း ၃၂နှင့်၃၃ကြား၊မန္တလေးမြို့။

ကြိုတင်ကာကွယ်ခြင်းက ကုသမှုထက် ထိရောက်ပါတယ်၊အသက်ကို ဉာဏ်စောင့်ပါတယ်။ ်ပါ #လက်ဆေးပါ #လူစုလူဝေးရှောင်ပါ©

30/06/2021

29/06/2021

အ မေး များ လို့ IQ U WIN MYINT ရေးထား
တာလေး ကူးယူ ပြီး ဖော် ပြ ပေး လိုက် ပါ တယ်

#မြေသြဇာအကြောင်း

မြေသြဇာအကြောင်းကို အသေအချာ သဘောပေါက်အောင်လေ့လာပါ။ အလုံးစုံအတွက် စုံလင်အောင်ရေးထားပါတယ်။ စာမဖတ်ပဲ မမေးပါနဲ့။ လေ့လာစွမ်းအားကောင်းပါစေ။

မြေသြဇာနဲ့ပတ်သက်ပြီး အပင်စိုက်သူတွေအတွက် ဦးနှောက်ရှုတ်စရာတွေဖြစ်လေ့ရှိတယ်။ အနည်းဆုံးတော့ အပင်တွေအတွက် မဖြစ်မနေလိုအပ်တဲ့ မြေသြဇာ NPK 3 မျိုး ရှိတာကိုသိရပါမယ်။
နိုက်ထရိုက်ဂျင် Nitrogen (N) ၊ ဖော့စ်ဖေါရပ်စ် phosphorus (P)၊ ပိုတက်စီယမ် Potassium (K) ဖြစ်ပါတယ်။
နိုက်ထရိုက်ဂျင် Nitrogen (N) ၊ အရွက်အညွှန့်အကိုင်းအခက် ၊ အသီးအပွင့် ၊ ဥနဲ့အစေ့၊ အမြစ်နဲ့ပင်စည်တွေကို အားပေးတာဖြစ်တယ်။
ဖော့စ်ဖေါရပ်စ် phosphorus (P) အပွင့်နဲ့အသီးကိုအားပေးစေတယ်။
ပိုတက်စီယမ် Potassium (K) အမြစ်ကိုအားပေးတယ်။ ပင်စည်ဆဲလ်တွေသန်မာစေပါတယ်။ ပင်စည်ကနေ အညွှန့်အရွက်အထိကို မြေသြဇာပို့ပေးစေတယ်။ အသီးကိုချိုစေတယ်။ အသီးအရောင်လှစေတယ်။

ကိုယ်စိုက်တဲ့အပင်က အရွက်အခက် အပင်လား၊ အသီးအပွင့်အပင်လား၊ ပင်စည်းအသုံးပြုပင်လား ဆိုတာကို ခွဲခြားသိရမယ်။ ဒီတော့မှ လိုအပ်တဲ့မြေသြဇာကို လိုအပ်ချိန်မှာ ပေးမယ်ဆိုရင် အပင်အတွက်လည်းကောင်းမယ်။ ကုန်ကျစရိတ်လည်းသက်သာမယ်။
ဥပမာ သစ်သီးပင် အသီးသီးဖို့အရွယ်မရောက်ခင်မှာ အပင်သန်ဖို့အပင်ကြီးဖို့အတွက် နိုက်ထရိုက်ဂျင် Nitrogen (N) အကိုအဓိကထားပေးပြီး အမြစ်သန်ဖို့မြေသြဇာအရွက်တွေဆီရောက်အောင် ပင်စည်းကောင်းဖို့အတွက် ပိုတက်စီယမ် Potassium (K) ကို တွဲပေးရမယ်။ မလိုအပ်သေးချိန်မှာ အပွင့်အသီးအတွက် မြေသြဇာကို ပေးရင် ပိုက်ဆံကုန်တာပဲရှိမယ်။ အလားတူပဲ အပွင့် ပွင့်ခါနီးအချိန်မှာ ဖော့စ်ဖေါရပ်စ် phosphorus (P) ကိုပေးရမယ်။ တကယ်လို့နိုက်ထရိုက်ဂျင် Nitrogen (N) ပေးနေရင် အပွင့်မထွက်ပဲ အကိုင်းအခက်တွေပဲထွက်နေမယ်။ အလားတူပဲ အသီးချိုအောင် အသီးလှအောင်ဖြစ်ဖို့အတွက် ပိုတက်စီယမ် Potassium (K) မပေးရင် အသီးချိုမှာမဟုတ်ဘူး။
အပင်တွေအတွက် လိုအပ်ချိန်မှာ လိုအပ်တဲ့မြေသြဇာ ပေးနိုင်ဖို့အထူးလေ့လာပေးတတ်ရပါမယ်။

မြေသြဇာ ဘယ်နှစ်မျိုးရှိလဲ---
မြေသြဇာကို 3 မျိုးခွဲခြားထားပါတယ်။
1) သဘာဝမြေသြဇာ
2) ဓါတ်မြေသြဇာ တို့ဖြစ်တယ်
3) ဘိုင်အို မြေသြဇာ

သဘာဝမြေသြဇာနဲ့ဓါတ်မြေသြဇာ အားနည်းချက်အားသာချက်---
သဘာမြေသြဇာက အပင်က စုပ်ယူဖို့မြေသြဇာ အဖြစ်ကြာတယ်။ NPK အချိုးကို အတိအကျသိရဖို့ခက်မယ်။ အရေအတွက်များများသုံးရတယ်။ ဒါပေမယ့် မြေပွမြေဆွေးဖြစ်စေတယ်။ ရေရှည်အတွက်ကောင်းတယ်။
ဓါတ်မြေသြဇာက လိုအပ်တဲ့ NPK အချိုးကို အတိအကျသိနိုင်တယ်။ အရေအတွက်နည်းနည်းပြီး အမြန်မြေသြဇာ ပျော်၀င်တယ်။ အပင်ကိုလိုအပ်သလိုပေးနိုင်တယ်။ ဓါတ်မြေသြဇာ တစ်မျိုးသုံးရင် မြေကြပ်ပြီးမြေခံ မြေဆီခန်းတယ်။

1) သဘာဝမြေသြဇာ
- တိရိစ္ဆာန်ချေးတွေကရတာဖြစ်တယ်။
- သစ်ရွက်၊မြက်၊ သစ်ကိုင်းတွေကို စုပုံနှပ်ပြီးရတယ်။
- သြဇာအစို ၊ မြေသြဇာအစိုဆိုတာက ဥပမာ မြေပဲလိုမျိုး ပဲတမျိုးကို စိုက်ပြီး ပဲပွင့်လာရင်ထွန်ပြီးအုပ်လိုက်ရင် ရတဲ့မြေသြဇာဖြစ်တယ်။

2) ဓါတုမြေသြဇာ
ဓါတ်တုမြေသြဇာ က ဓါတ်တုပစ္စည်းတွေနဲ့မြေသြဇာဖြစ်အောင်လုပ်ထားတာဖြစ်ပါတယ်။
ဓါတ်မြေသြဇာမှာ -
နိုက်ထရိုက်ဂျင် Nitrogen (N) တမျိုးတည်းပါတဲ့တာရှိတယ်။
ဖော့စ်ဖေါရပ်စ် phosphorus (P) တမျိုးတည်းပါတဲ့တာရှိတယ်။
ပိုတက်စီယံ Potassium (K) တမျိုးတည်းပါတဲ့တာရှိတယ်။
NPK 3 မျိုးလုံးပါတာရှိတယ်။
ဓါတ်မြေသြဇာအိတ်တွေမှာ ရေးထားကိန်းဂဏန်းတွေကို သတိထားကြည့်ရပါမယ်။
45-0-0 လို့ရေးထားရင် နိုက်ထရိုက်ဂျင် Nitrogen (N) တမျိုးတည်းပါတာဖြစ်တယ်။
0-45-0 လို့ရေးထားရင် ဖော့စ်ဖေါရပ်စ် phosphorus (P) တမျိုးတည်းပါတာဖြစ်တယ်။
0-0-45 လို့ရေးထားရင် ပိုတက်စီယံ Potassium (K) တမျိုးတည်းပါတာဖြစ်တယ်။
15-15-15 လို့ရေးထားရင် NPK 3 မျိုးလုံးပါ၀င်တာဖြစ်တယ်။ အများက 15 ပတ်လည်မြေသြဇာလို့ခေါ်ကြပါတယ်။ ပါ၀င်တဲ့ မြေသြဇာ အချိုးပေါ်မူတည်ပြီး
စျေးအနည်းအများရှိပါတယ်။

အဲ့ဒီကိန်းဂဏန်းတွေက ကီလို 100 မှာ ပါ၀င်တဲ့ ရာခိုင်နှုန်းဖြစ်တယ်။ ကိန်းဂဏန်း အနည်းအများပေါ်မူတည်ပြီး ဓါတ်မြေသြဇာ အာနိသင် အနည်းအများကွာခြားပါတယ်။

အပင်တွေကို ဓါတ်မြေသြဇာ 15 ပတ်လည်ပေးရမယ်လို့ပြောနေတာကြတာကို အမြဲလိုလိုကြားရပါတယ်။ သစ်သီးပင် စစိုက်ချိန်မှာ အရွက်အခက် သန်ဖို့နဲ့အမြစ်သန်ဖို့ပင်စည် ကောင်းဖို့လိုတယ်။ အဲ့ဒီတော့ စစိုက်ချိန်မှာ အပင်သန်ဖို့က N အမြင့် ဂဏန်းပါတဲ့ဓါတ်မြေသြဇာကိုပေးရမယ်။ ဥပမာ 35-5-15 အချိုးပါ အရှေ့က N အမြင့် ဂဏန်းပါတဲ့ဓါတ်မြေသြဇာဖြစ်ရပါမယ်။

2) ဘိုင်အို-မြေသြဇာ
ဘိုင်အိုမြေသြဇာက အကျိုးပြုအနုဇီ၀ပိုးနဲ့မြေသြဇာကို ဆွေးမြေ့ဖြစ်ပေါ်စေတာဖြစ်တယ်။ လေထုမှာပါလာတဲ့ နိုက်ထရိုဂျင်နဲ့ပေါင်းစပ်ပြီး အကျိုးပြုအနုဇီပိုးတွေက မြေသြဇာကိုဖြစ်ပေါ်စေတာဖြစ်တယ်။ နောက်တခုက မြေကြီးမှာရှိနေတဲ့ မြေသြဇာကို အကျိုးပြုအနုဇီပိုးတွေက မြေသြဇာဖြစ်စေပြီး အပင်က အသုံးပြုနိုင်အောင်လုပ်ပေးတာဖြစ်မယ်။
ဘိုင်အိုမြေသြဇာကို အရည်အဖြစ်လုပ်ယူလို့ရတယ်။ အကျိုးပြုအနုဇီ၀ပိုးတွေကို အီးအမ် ကနေရရှိတာဖြစ်တယ်။ နောက်ပိုင်းမှာ အီးအမ် လုပ်နည်းနဲ့ဘိုင်အို အိုးစိမ်မြေသြဇာ အရည်လုပ်နည်းအသေးစိတ်ကိုတင်ပြပါမယ်။
အဖတ်အဖြစ်လုပ်ယူလို့ရတယ်။ သဘာဝမြေသြဇာဖြစ်တဲ့ နွားချေး၊ ကြက်ချေး၊ ငှက်ချေး၊ ၀က်ချေး၊ သစ်ရွက်ခြောက် ၊ မြက်စို၊ ဟင်းရွက်အစိုစတာတွေက ဒီအတိုင်စုပုံနပ်ထားမယ်ဆိုရင် အနုဇီ၀ပိုးတွေက အကျိုးပြုတာရော အကျိုးမပြုတာရော ရောနှောနေမယ်။ အပူဓါတ်များမယ်။ မြေသြဇာဖြစ်ဖို့ကြာလိမ့်မယ်။
နွားချေး၊ ကြက်ချေး၊ ငှက်ချေး၊ ၀က်ချေး၊ သစ်ရွက်ခြောက် ၊ မြက်စို၊ ဟင်းရွက်အစိုစတာတွေကို စုပုံထားမယ်။ အီးအမ်အရည်ကို ဖြန်းပြီးရောမွှေမယ်။ ပလပ်စတစ်မိုးကာနဲ့အလုံအုပ်ထားမယ်ဆိုရင် 45 ရက်အကြာမှာ အပူဓါတ်လျော့သွားပြီးမြေသြဇာဖြစ်သွားပါမယ်။
သဘာဝမြေသြဇာတွေကို အီးအမ် အကျိုးပြုအနုဇီ၀ပိုးအရည်နဲ့့စိမ်ပြီး မြေသြဇာ အရည်ဖြစ်အောင်လုပ်နိုင်တယ်။

သဘာဝမြေသြဇာမှာလည်း လိုချင်တဲ့ NPK အချိုးရအောင် လုပ်ယူလို့ရတယ်။

NPK ပါ၀င်မှု ရာခိုင်နှုန်း ……
N P K
အရိုးမှုန့် 3 - 4 15 - 23 0.68
နွားချေး 1.10 0.40 1.60
ကျွဲချေး 0.97 0.60 1.66
ဆိတ်ချေး 1.03 0.66 0.64
လင်းနို့ချေး 1.54 14.28 0.60
ငုံးချေး 9.28 2.31 1.91
ကြက်ချေး 2.42 6.29 2.11
ဘဲချေး 1.02 1.84 0.52
၀က်ချေး 2.69 2.24 1.12
သစ်ရွက်အစိမ်းရောင် 1.64 0.14 0.43
ဗေဒါပင် 1.55 0.45 2.80
ဖွဲနု 1.9 – 2.3 4 - 6 1.9
စပါးခြံ 0.46 0.26 0.70
စပါးခွံမီးသွေး 0.00 0.15 0.81
ကောက်ရိုး 0.59 0.08 1.72
ငါးခြောက်မှုန့်9 -10 2.13 1.2 – 2.7
ပြောင်းဖူးရိုး 1.78 0.25 1.53
ပြောင်းဖူးပင် 0.71 0.11 1.38
ပဲပုတ်ပင် 2.71 0.56 2.47
ပဲပုတ်အခွံ 7-10 2.13 1.12 – 2.7

နွားချေးက NPK ပါ၀င်တဲ့နှုန်းထားက မြက်စို မြက်ခြောက်နဲ့ပဲပင်တွေကရတဲ့ အချိုးထက်ကို နည်းနေတာကို သတိထားမိပါလိမ့်မယ်။
ဘာကြောင့်လည်းဆိုတော့ နွားတွေက မြက်စို မြက်ခြောက်နဲ့ပဲပင်ကို စားသုံးလိုက်ပြီး နွားခန္ဓာကိုယ်အတွက်လိုအပ်တာတွေကို စစ်ယူလိုက်ပြီး ကျန်တာကမှ နွားချေးအဖြစ် ပြန်ထွက်လာလို့ အချိုးအစားနည်းတာဖြစ်တယ်။

နွားချေး၊ လင်းနို့ချေး ကြက်ချေး သစ်ရွက်စို သစ်ရွက်ခြောက်တွေကို အပင်ကို တိုက်ရိုက်ပေးတာမျိုးက အပူဓါတ်ဖြစ်စေနိုင်တယ်။ အပင်ကို ဖျက်ဆီးတဲ့ မှိုပိုးကိုဖြစ်ပွားစျေးတယ်။ ပိုးမွားတွေ ပေါက်ဖွားမှုကို ဖြစ်စေတယ်။ ဒါကြောင့် တိုက်ရိုက်မထည့်ပဲ သိပ်ထားပြီးမှာ ထည့်ပေးတာက အပင်အတွက် ပိုမိုအကျိုးဖြစ်ထွန်းစေပါတယ်။
သစ်သီးပင်အတွက် သဘာ၀ မြေသြဇာအလွယ်တကူလုပ်နည်း….

အသီးအပင် အတွက် မြေသြဇာအရည်အလွယ်လုပ်နည်း…..
နွားချေးခြောက် 1 ပိသာ၊ ကြက်ချေးခြောက် 1 ပိသာကို ပလပ်စတစ်ပိုက်အကွက်စိတ်စိတ် ပါးပါးနဲ့ပဲဖြစ်ဖြစ် အ၀တ်ပါးပါးနဲ့ပဲဖြစ်ဖြစ် ထုပ်ပါ။ အဲ့ဒီအထုပ်ကို ရေ 8 ဂါလံနဲ့စိမ်ပါ။ 3 ရက်တိတိစိမ်ပြီးရင် နွားချေး ကြက်ချေး အထုပ်ကိုဆည်ယူပြီး သစ်ပင် အရင်း တခုခုမှာချထားပါတယ်။ အထုပ်ထဲက စိတ်ကျလာမယ့် အရည်တွေက အပင်အတွက် မြေသြဇာရအောင်ဖြစ်ပါတယ်။ ကြက်ချေး နွားချေး စိမ်ထားတဲ့ အရည် 1 ဆကို ရေ အဆ 20 ရောပြီး အပင်တွေမှာ လောင်းပေးနိုင်ပါတယ်။ အရွက်ကိုဖြန်းဖို့ဆိုရင် ဟင်းခတ်ဇွန်း 15 ဇွန်းနဲ့ရေလီတာ 20 ကိုရောပြီးဖြန်းနိုင်ပါတယ်။
တကယ်လို့အသီးပင် အပွင့် ပင်မဟုတ်ရင် တော့ နွားချေးတစ်မျိုးတည်း နဲ့လုံလောက်ပါတယ်။

သဘာမြေသြဇာနဲ့ ဘိုင်အို - မြေသြဇာ လုပ်နည်း….
နွားချေး 1 ဆ၊ မြက်အစိမ်း 1ဆ၊ ကြက်ချေး (လင်းနို့ချေးရနိုင်ရင်ပိုကောင်းတယ်) 1 ဆ၊ သစ်ရွက်ခြောက် 1 ဆ၊ စပါးခွံက 2 ဆ၊ စပါးခွံမီးသွေးက 1 ဆ၊ မြေကြီးက 1 ဆကို စုပုံ။ အကျိုးပြုအနုဇီ၀ပိုး ပွားပြီး မြေသြဇာ အမြန်ဖြစ်ဖို့အတွက် အကျိုးပြုအနုဇီ၀ပိုးပွားစေဖို့တစ်ထပ်စီမှာ ဖွဲနု သင့်တော်သလို ဖြန်းပေး၊ သကြားညို သို့မဟုတ် တင်လဲရည် သို့မဟုတ် ထန်းလျက်ရည် သို့မဟုတ် ကြံသကာ အရည် တို့ကို အနည်းငယ်ဆို ဖြန်းပေးပါ။ (ဖွဲနုက အကျိုးပြု အနုဇီ၀ပိုးကို ဖြစ်ထွန်းစေတယ်။ အချိုရည်က အနုဇ၀ပိုးရဲ့အစာဖြစ်တယ်။ ) မြေသြဇာအားလုံးကို ရေစိုရုံ ဖြန်းပေးပါ။ လက်နဲ့ဆုပ်ကြည့်ရင် အဆုပ်လိုက်ရှိနေရုံဖြစ်ပါတယ်။ မြေသြဇာအားလုံးကိုရောပြီး သမအောင်မွှေပေးပါ။ အားလုံးသမပြီးဆိုရင် မိုးကာပလတ်စတစ်နဲ့အလုံ အုပ်ထားပါ။ ပထမ ရက်ပိုင်းမှာ အတွင်းကို လက်ထိုးထည့်ရင် အလွန်ပူနေတာကိုတွေ့ရမယ်။ 15 ရက်တစ်ခါလောက် သမအောင်ပြန်ရောမွှေပေးပါ။ ပြီးရင် မိုးကာပလတ်စတစ်နဲ့အလုံ အုပ်ထားပါ။ 45 ရက်ခန့်အကြာဆိုရင် မြေသြဇာအပုံကို လက်ထိုးထည့်ရင် အေးနေတာကိုတွေ့လာရမယ်။ မအေးသေးရင် နောက်ထပ် စောင့်ပါ။ အေးလာပြီး မှိုအဖြူရောင်တွေ တက်လာတာကိုတွေ့ရမယ်။ အဲ့ဒါဆိုရင်သုံးလို့ရပြီး။ ရက်ကြာကြာထားလေပိုကောင်းလေဖြစ်တယ်။

ရလာတဲ့မြေသြဇာကို အပင်ငယ်ချိန်မှာ အပင်အရင်းကနေ တစ်တောင်လောက်ခွာပြီး အပင်ပတ်ပတ်လည် 3-4 ကျဉ်းတူးပြီးထည့်ပေးတာ ပိုကောင်းတယ်။ ကျဉ်းအကျယ် တစ်ထွာလောက် အနက်က တောင်ဆုပ်လောက်ဆိုရင် ရပါတယ်။ အပင်ကြီးလာလေ မြေသြဇာကျဉ်းကို ခတ်ဝေးတူးပေးရပါတယ်။ မြေသြဇာရှိတဲ့နေရာကို အပင်အမြစ်တွေက ပြေးလာပြီး စုပ်ယူတဲ့အတွက် အမြစ်သန်ပြီး အပင်ကြီးထွားမှုကိုကောင်းစေမယ်။ အသီးအပွင့်အတွက် လိုအပ်တဲ့မြေသြဇာကိုလည်း အပင်က ရရှိပြီး အသီးကောင်းမှာဖြစ်ပါတယ်။ ကျဉ်းပေးတာက မြေသြဇာတွေ ရေနဲ့မျောပါသွားမှုမဖြစ်လို့အပင်အတွက် အကျိုးပိုရှိတယ်။ မြေသြဇာကျဉ်းတွေကို 3 လတစ်ခါ တူးပြီးပေးတာပိုကောင်းတယ်။ မြေသြဇာက နည်းနည်းနဲ့အကြိမ်များများပေးတာက မြေသြဇာပျက်ဆီးမှုနည်းပြီး အပင်အတွက်ပိုကောင်းတယ်။
အပင်ပတ်ပတ်လည် မြေအပေါ်လွှာကို တူးဆွပြီး မြေသြဇာပေးတာက လွယ်ပေးမယ့် နွေရာသီမှာ အပင်အမြစ်တွေ သေကုန်မှာဖြစ်လို့အပင်အတွက် မကောင်းပါ။ အပင်ရဲ့သဘာ၀က မြေသြဇာနဲ့ရေရှိတဲ့နေရာကို အမြစ်က ပြေးတယ်။ မြေသြဇာကို မြေပြင်ပေါ်မှာ ပုံထားတဲ့အတွက် အမြစ်တွေက မြေအပေါ်ပိုင်းအထိ တက်လာပြီး မြေသြဇာကိုစုပ်ယူရတယ်။ နွေရေခြောက်ရင် အမြစ်တွေက သေကုန်ပြီး အပင်အတွက် အကျိုးမရှိပါ။
သစ်သီးပင်တွေ အတွက်ရေကို 2-3 ရက်တခါလောင်းပေးနိုင်တယ်။ တချို့အပင်က 1 ပါတ်တစ်ခါဆိုရင်လုံလောက်တယ်။ မြေသြဇာနဲ့ရေကို ပုံမှန်ပေးနိုင်ရင် အပင်တွေက သန်မာပြီး အသီးကောင်းမှာဖြစ်တယ်။
ဟင်းရွက်ပင်တွေအတွက် ကြက်ချေး လင်းနို့ချေးသုံးစရာ မလိုပါ။

အသီးချိုပြီးအရောင်လှဖို့မြေသြဇာအိုးစိမ်ရည်လုပ်နည်း----
အချိုးအရသာရှိတဲ့အသီးအမှည့်လွန် 3 ပိသာ အချိုက 1 ပိသာ အချိုးနဲ့တစ်လုံးမှာရောစိမ်ပါ။ ဖရဲသီး၊ သင်္ဘောသီး၊ သကြားသီး၊ ငှက်ပျောသီး စ တဲ့အသီးအမှည့်လွန်က 3 ပိသာ အချိုက 1 ပိသာ သကြားအညို၊ ကြံသကာ၊ ထန်းလျက်၊ တင်လဲရည် တမျိုးကိုသုံးနိုင်တယ်။ 3 လစိမ်ထားပြီးရင် သုံးလို့ရပါပြီး။ 6-12 လအထိထားရင်ပိုကောင်းပါတယ်။ မြေမှာလောင်းဖို့ဆိုရင် သစ်သီးအိုးစိမ်ရည် ဟင်းခတ်ဇွန်း 5 ဇွန်းကို ရေလီတာ 20 နဲ့ရောစပ်ပြီးလောင်းနိုင်တယ်။ အရွက်ကိုဖြန်းမယ်ဆိုရင် သစ်သီးအိုးစိမ်ရည် ဟင်းခတ်ဇွန်း 3 ဇွန်းကို ရေလီတာ 20 နဲ့ရောစပ်ပြီးဖြန်းပေးနိုင်ပါတယ်။

ငါးအမိုင်နိုလုပ်နည်း----
ငါး 3 ဆ၊ အချိုက 2 ဆ ၊ နာနတ်သီး အခွံက 1 ဆ ၊ ရေက 9 ဆတို့ကိုရောစိမ်ပါ။ ပုံးရဲ့ 3 ပုံ 1 ပုံ ပဲ ထည့်ရပါမယ်။ 2 ပုံက အလွတ်ထားရမယ်။ 3 လဆိုရင်သုံးလို့ရပြီး ၊ 6 လဆိုပိုကောင်းတယ်။ 1 နှစ်ဆိုရင် မြေသြဇာဓါတ်အားတွေအားလုံးထွက်လာမှာဖြစ်လို့ပိုပြီးကောင်းတယ်။
ငါးအမိုင်နိုက အပင်သန်မာစေတယ်။ အရွက်အခက်ကိုအားပေးတယ်။ အသီးအလုံးကြီးစေတယ်။
အရွက်အတွက် 2 စီစီကို ရေ 1 လီတာရောပြီး အရွက်တွေကိုဖြန်းနိုင်တယ်။ ဟင်းခတ်ဇွန်း 4 ဇွန်း ရေလီတာ 20 ရောဖြန်းနိုင်တယ်။
မြေမှာလောင်းဖို့အတွက် ဟင်းခတ်ဇွန်း 2 ဇွန်း ရေ 1 လီတာရောပြီး သုံးနိုင်ပါတယ်။
တစ်လမှာ 2-3 ကြိမ်အပင်ကိုပေးနိုင်ပါတယ်။

EM အကျိုးပြုဇီ၀ပိုး အရည်ပြုလုပ်နည်...
အီးအမ်း ကမြေသြဇာမဟုတ်ပါ။ မြေသြဇာအမြန်ဖြစ်အောင် ချေဖျက်ပေးတာဖြစ်တယ်။
အကျိုးပြုဇီ၀ပိုးတွေက နွားချေး ကြက်ချေ သစ်ရွက်စို သစ်ရွက်ခြောက်တို့ကို အမြန်ဆွေးမြေ့စေပါတယ်။
- အရည်သောက် အုန်စိမ်း 4 လုံးအရည်
- ဒိန်ချဉ် 1 ဖန်ခွက် (ဒိန်ချဉ်အချိုရည်ဗူးလည်းသုံးနိုင်)
- ယိ(စ်) ဟင်းခတ်ဇွန်း 1 ဇွန်း (ပေါင်မုန့်ဖုတ်ရင်သုံးတဲ့ ပွဆေးဖြစ်တယ်)
- ပဲငံပြာရည် ဟင်းခတ် 3 ဇွန်း (ထမင်းကြော်ရင်သုံးတဲ့ ပဲငံပြာရည်)
အားလုံးကို ဗူးတစ်ဗူးမှာထည့်ပြီး ရောမွေပါ၊ ပြီးရင် အဖုံးလုံရုံလေးအုပ်ထားပါ။ (အဖုံးကြပ်ရင် အတွင်းကဂဲက်စ်ဖြစ်ပြီး အဖုံးပွင့်ထွက်တတ်တယ်) 7 ရက်ထားလိုက်ရင် အီးအမ်ဦးရည်ရပါပြီး။

EM အရည်ပွားနည်း...
- အီးအမ် ဦးရည် 4 လီတာ (တစ်ဂါလံခန့်)
- ရေလီတာ 100 (25 ဂါလံခန့်)
- တင်လဲရည် 50 သား (သကြားညို၊ ကြံသကာ၊ ထန်းလျက်တို့ကိုလည်းသုံးနိုင်ပါတယ်)
- ပဲငံပြာရည် ပုလင်း ၀က်
အားလုံးကို ကော်ပုံးတစ်လုံးမှာ ထည့်ပြီးရောမွေပါ၊ ပြီးရင် အဖုံးချောင်ချောင် ပိတ်ထားပါ။
15 ရက်အကြာမှာ အသုံးပြုနိုင်ပြီးဖြစ်ပါတယ်။
အရိပ်မှာထားရမယ်။ နေရောင်မထိတဲ့နေရာမှာထားရင် လပေါင်းများစွာထားလို့ရပါတယ်။
မြေသြဇာလုပ်တဲ့အခါထည့်ဖြန်းပေးရင် မြေသြဇာ အမြန်ဆွေ့မြေ့တယ်။ များများထည့်ရင်မြန်မြန်ဆွေးမယ်။ နည်းရင်နှေးမယ်။
စိုက်ပြီးအပင် မြေမှာလည်းလောင်းပေးလို့ရပါတယ်။ အပင်မြေမှာ သင့်တော်သလိုဖြန်းနိုင်ပါတယ်။

အုန်းရည်အစားထိုးလုပ်နည်း……
ရေလီတာ 30
သကြားအညို(သို့မဟုတ် ကြံသကာ၊ ထန်းလျက်) 1 ကီလို
ဖွဲနု 1 ကီလို
ရောမွှေပြီး 7 ရက်စိမ်ထားပြီးရင်အသုံးပြုလို့ရပြီး။
ဖွဲနုက အကျိုးပြု အနုဇီ၀ပိုးကို ဖြစ်ပေါ်စေတယ်။
အချိုက အကျိုးပြုအနုဇီ၀ပိုး အစာဖြစ်တယ်။

ပြည့်စွက်မြေသြဇာ---
ဖြည့်စွက်မြေသြဇာတွေရဲ့အသုံး၀င်ပုံကို တဖြေးဖြေးခြင်းလေ့လာယူနိုင်ပါတယ်။

ကာပွန် Carbon (C)၊ ဟိုင်ဒရိုဂျင်Hydrogen နဲ့ အောက်စီဂျင် Oxygen တို့ဖြစ်တယ်။
လေထုနဲ့နေရောင်ခြည်တို့ကနေရရှိတာဖြစ်ပါတယ်။

ကယ်လီစီယမ် Calcium (Ca)
မက်နီစီယမ် Magnesium (Mg)
ကန့် Sulphur (S)
စီလီခေါန်း Silicon (Si)
ဖြည့်စွက်မြေသြဇာ 11 မျိုး (micronutrients elements)
ဘိုရောန်း Boron (B) အသီးအရွက် အရွက်ကြီးစေတယ်။ အရွက်ထူစေတယ်။အသီးအသားထူးစေတယ်။ ကြွတ်စေတယ်။
ဂျစ်ဖ်ဖားရင်း Giffarine အရွက်အသီးကိုရှည်စေတယ်။

ခရိုရင်း Chlorine (Cl)
မဂ္ဂနီစီယမ်အောက်ဆိုဒ် Manganese) (Mn)
သံ Iron (Fe)
သွပ်(ဇင့်) Zinc ( Zn)
ကြေးနီ Copper (Cu)
မိုလီဒီနမ် Molybdenum (Mo)
နိခ်ကယ်လ် Nickel (Ni)
စီလဲန်နီယမ် Selenium (Se)
ဆိုဒီယမ် Sodium (Na)
ခိုင်တိုစန် Chitosan
ဒါ့အပြင် ပရိုတင်းအသားဓါတ်ကလည်း အပင်တွေအတွက်အရေးပါတဲ့မြေသြဇာဖြစ်တယ်။

တဆင့်ကူးယူဖော်ပြခြင်း ဖြစ်ပါတယ် ။

©

23/06/2021

Malaria Chemo prophylaxis for Myanmar
In Burmese version
-------------------------------------------

မြန်မာနိုင်ငံအတွက်ငှက်ဖျားကာကွယ်ဆေးအညွန်း
CDC yellow book မှအညွန်းပါ
ကချင် ကယား ကရင် ရှမ်း တနင်္သာရီဒေသများအတွက်

Atovaquone-Proguinil (Maralone) တလုံး

• ခရီးမသွားခင်၂ရက် ကစပြီးတနေ့ တလုံး စသောက်ပါ ။ငှက်ဖျားဒေသတွင်ရနေထိုင်နေစဉ် တနေ့တလုံးနေ့တိုင်းသောက်ပါ ခရီးပြန်ရောက်ပြီး ရ ရက်အထိတနေ့တလုံး
ဆက်သောက်ပါ။

*** ကိုယ်ဝန်သည် နို့တိုက်မိခင် ကျောက်ကပ်ရောဂါသည်မသောက်ရပါ ***

Doxycycline 100mg

• ခရီးမသွားခင်၂ရက် ကစပြီး တနေ့ တလုံး စသောက်ပါ ။ငှက်ဖျားဒေသတွင်ရနေထိုင်နေစဉ် တနေ့တလုံးနေ့တိုင်းသောက်ပါ ။ ခရီးပြန်ရောက်ပြီး ၄ ပါတ်အထိတနေ့တလုံးဆက် သောက်ပါ

*** ကိုယ်ဝန်သည် နို့တိုက်မိခင် ခလေး ၈နှစ်အောက်မသောက်ရပါ ***

Tafenoquine 200mg

• ခရီးမသွားခင် ၃ ရက် ကစပြီး တနေ့ ၂လုံး (100 mg) စသောက်ပါ ။ငှက်ဖျားဒေသတွင်ရနေထိုင်နေစဉ်
တပါတ်၂ုလုံးအပါတ်စဉ်တိုင်းသောက်ပါ ။

• ခရီးပြန်ရောက်ပြီး ၁ပါတ် တွင် နောက်ဆုံး ၂ လုံးသောက်ပါ။

*** ကိုယ်ဝန်သည် G6PD deficiency မှာမသောက်ရပါ
အစာနှင့်သောက်ပါ***

ခြင်ကိုက်မခံရအောင်
အင်္ကျီလက်ရှည် ဘောင်းဘီရှည်ဝတ်ပါ။
ခြင်ထောင်နှင့်အိပ်ပါ။
အခြားကူးစက်ရောဂါများကာကွယ်ရန် ရေကိုကျိူချက်သောက်ပါ။

အားလုံးဘေးရန်ကင်းဝေးကြပါစေ။

Crd

Win Business - Myittha

03/12/2021

26/11/2021

05/09/2021

17/08/2021

01/08/2021

29/07/2021

09/07/2021

30/06/2021

29/06/2021

23/06/2021

Address

Opening Hours

Telephone

Website

Alerts

Contact The Business

Shortcuts

Share

Category

Monday	08:00 - 20:00
Tuesday	08:00 - 20:00
Wednesday	08:00 - 20:00
Thursday	08:00 - 20:00
Friday	08:00 - 20:00
Saturday	08:00 - 20:00
Sunday	08:00 - 20:00