24/06/2022
#အင်္ဂလန်ကျားပိုက်ရေလုပ်ငန်းမှ...
#ပုဇွန်ခြောက်ဖြစ်ပေါ်လာပုံ
ပုဇွန်ခြောက်ပြုလုပ်ပုံViedoတတ်လာတဲ့အခါမှာကျွန်တော်တို့လုပ်တဲ့ပုံစံတွေနဲ့မတူတာသွားတွေ့ရပါတယ်။
ကျွန်တော်တို့ ဧရာဝတီတိုင်းဒေသကြီး ဖျာပုံမြို့ အမာမြို့နယ်ခွဲ နောက်မီးကျေးရွာမှ ပုဇွန်ခြောက်ထုပ်လုပ်ပုံအဆင့်ဆင့်ကို မှတ်တမ်းတင်ဖူးသလောက်ပြန်တင်ပေးတာပဲဖြစ်ပါတယ်။
အရင်ဆုံးအင်္ဂလန်ကျားဖောင်များကို ကြီးမားလှတဲ့ ကျားပိုက်ကြီးများအသုံးပြုကာ မျှင်ပုဇွန်အဓိကထားဖမ်းကြပြီးအဓိက အများဆုံးထုတ်ကုန်ဟာ
မျှင်ငပိနဲ့ ပုဇွန်ခြောက်ဖြစ်ပါတယ်။
ပုဇွန်ခြောက်ဆိုရာမှာလဲ စိမ်းပြား (အငံအစိမ်းပြုလုပ်)ခြောက်နဲ့ အချိုခြောက်ဆိုပြီးနှစ်မျိုးနှစ်စားရှိပါတယ်။
Viedoတတ်လာတာကတော့ အချိုခြောက်လုပ်နည်းဖြစ်ပါတယ်။
အချိုခြောက်လုပ်ရာမှာလဲ ကျတ်တိုက်ခြောက်နဲ့ ပြုတ်ခြောက်ဆိုပြီးနှစ်မျိုးထပ်ကွဲပါတယ်။
ကျတ်တိုက်ခြောက်ကပိုချိုပြီးပိုလက်ဝင်ကာအရသာမှာလဲပိုလေပင်၍စျေးအားဖြင့်လဲအရမ်းမြောက်ပါတယ်။
အခုViedoကတင်ပေးတဲ့လုပ်နည်းကတော့ ပြုတ်ခြောက်လုပ်နည်းပါ။
ပုံနှင့်တကွစာတမ်းထိုးရှင်းပြထားပါတယ်။
1 ,ပင်လယ်မှရရှိသောမျှင်ပုဇွန်ပုံထဲမှပုဇွန်အကြီးများကိုရွေးကာသန့်စင်၍ မိုးပြဲဒယ်များဖြင့်ဆူပွက်အောင်ပြုတ်ကာ တဲအမိုးပေါ်ကလှမ်းစင်မှာ ဖြန့်လှန်းပြီးခြောက်သွေ့တဲ့အခါ ပီနံအိတ်ကြီးများဖြင့်ထည့်၍ ကမ်းပြန်ဝင်သော ငါးပေါင်း(သဘ်ော/စက်လှေ)နဲ့ကုန်းပေါ်ပြန်ထည့်ပေးပါတယ်။
2 ,ပင်လယ်မှပါလာသောပုဇွန်ပြုတ်ခြောက်များကိုခြောက်မခြောက်စစ်ဆေးကာပြန်လှမ်းခြင်းပြန်ခွဲခြင်းပြုလုပ်ရပါတယ်။
3 ,စိတ်ချရသည်အထိ ကျွတ်ရွဖြူဖွေးခြောက်သွေ့သောပုဇွန်ခြောက်ကုန်ကြမ်းများကို စက်များဖြင့်အခွံချွတ်ရပါတယ်။
4 ,အခွံချွတ်ပြီးသောပုဇွန်ခြောက်များကိုလူအင်အားသုံးကာစကောဖြင့်ဖွဲခပ်ထုတ်ခြင်း လိုအပ်ပါက လူအင်အားဖြင့်ပင်ပုဇွန်ခြောက်ပြန်ရိုက်ကာထပ်မံ၍ဖွဲခပ်ထုတ်ကာ အကြိမ်ကြိမ်ပြုပြင်ယူရပါတယ်။
5 ,ဖွဲခပ်ပြီးသောပုဇွန်ခြောက်များကိုလူအင်းအားသုံးကာ ကင်မွန်ပေါက် များ ပုဇွန်ဦးနှောက်များ ပုဇွန်မျက်စိများ တစ်ခုခင်း လက်ကောက် ရွေးထုတ်ရပြန်ပါတယ်။
6 ,အကောင်အကြီးအသေး အသားကျိုး အကောင်ဆိုဒ်ခွဲရပါတယ်။
ကွာလတီအဓိကထားတဲ့အခါ ပုဇွန်ခြောက်အထီးအမ ပြန်ရွေးတာ ပုဇွန်ကောင် အနီအဝါခွဲတာကို လူအင်အားသုံး၍ဖြစ်စေစက်နဲ့ဖြစ်စေထပ်မံခွဲထုတ်ရပါတယ်။
7 ,အများအစာခွဲပြီးပြီဆိုရင်တော့ ပွဲရုံသို့ဖြစ်စေ၊လက်လှမ်းမှီရာကုန်သည်ကိုဖြစ်စေလက်ကားပေးပြစ်ကြရပါတယ်။
ဘာလို့လဲဆိုတော့တစ်အိမ်ကို 15ရက်တစ်ရေအတွင်းအနိမ့်ဆုံးသန့်စင်ပြီးကုန်ချိန် 200ဝန်းကျင်အထိတတ်လို့ပါ။
8 ,အဆင့်ဆင့်လက်ဆင့်ကမ်းကာထုပ်ပိုးမှူပုံစံအမျိုးဖြင့်စားသုံးသူများဆီရောက်ရှိလာမှာပဲဖြစ်ပါတယ်။
ဒါကတော့ ကျွန်တော်တို့ဒေသရဲ့ မိရိုးဖလာ ပုဇွန်ပြုတ်ခြောက် အား အသင့်စားပုဇွန်ခြောက်အဆင့်ထိရောက်အောင်ပြုလုပ်ကြတဲ့ အခြေခံ ပြုလုပ်ပုံအဆင့်ဆင့်ပဲဖြစ်ပါတယ်။
လိုအပ်သည်များနှင့်အမှားပါခဲ့သည်ရှိသော် ဝါရင့်သဘာရင့်လက်တွေ့လုပ်ကိုင်နေကြသောစီနီယာများကနားလည်ပေးဖို့မေတ္တာရပ်ခံပါတယ်။
ယခုပုံများသည်လဲ နဒီအောင်အလုပ်ရုံ အင်္ဂလန်ကျားပိုက်ရေလုပ်ငန်းမှကိုယ်တိုင်ပုဇွန်ခြောက်ထုတ်လုပ်ကြသည့်ပုံများကိုကိုယ်တိုင်မှတ်တမ်းတင်ရယူထားသည့်ပုံများပဲဖြစ်ပါတယ်။
#နဒီအောင်
#အင်္ဂလန်ကျားပိုက်ရေလုပ်ငန်း
