02/12/2022
ရောင်းတဲ့ ထုတ်ကုန် တူပေမယ့် ဖီလော်ဆော်ဖီ တော့မတူစေနဲ့။
သူလဲ ဒီထုတ်ကုန် ကိုရောင်းတာပဲ၊ ကိုယ်လဲဒီထုတ်ကုန် ကို ရောင်းတာပဲ။
ဒါပေမယ့် ဖီလော်ဆော်ဖီ မတူဘူး၊ ဒဿန မတူဘူး။
ကိုယ့် ထုတ်ကုန်ကို ကိုယ့်ရဲ့ခံယူချက် ဒဿန တစ်ခု ပေါင်းထဲ့ပေးထား။
စားသုံးသူတွေ ဝယ်တာ ထုတ်ကုန်မဟုတ်ဘူး၊ ထုတ်ကုန်ရဲ့နောက်ကွယ်က ဒဿန ကို ယုံကြည်တာ။
Zappo ကုမ္မဏီဆိုတာ ဖိနပ်ရောင်းတာပဲ.. ဒါပေမယ့် Delivering Happiness ဆိုတဲ့ ဒဿန ပေါင်းထဲ့ထားတယ်။
Harley Davidson ဆိုတာ ဆိုင်ကယ်ရောင်းတာပဲ.. ဒါပေမယ့် Freedom promise ဆိုတဲ့ ဒဿန ပေါင်းထဲ့ထားတယ်။
ကိုယ်က ဘာပဲ လုပ်လုပ် .. ဘာပဲ ထုတ်ထုတ် ..
ကိုယ်ယုံကြည်တဲ့ ကိုယ့်လုပ်ငန်းရဲ့ ခံယူချက် ဒဿန တစ်ခု ပေါင်းထဲ့ပါ။
ကိုယ့်တစ်ယောက်တည်းရောင်းတဲ့ ထုတ်ကုန် ဆိုတာ မရှိဘူး။
သူ့ဆီမှာလဲ ဝယ်လို့ရတယ်၊ ကိုယ့်ဆီမှာလဲ ဝယ်လို့ရတယ်။
မတူတာ တစ်ခု က သူ့ယုံကြည်ခံယူချက် နဲ့ ကိုယ့် ယုံကြည်ခံယူချက်.. ပဲ။
ကိုယ့်ယုံကြည်ခံယူချက်က ဘာလဲ ဆိုတာ .. ရှင်းအောင်ပြော၊ မြင်အောင်ပြ၊ မှတ်အောင်လုပ်။
ရှင်းသွားပြီ၊ မြင်သွားပြီ၊ မှတ်သွားပြီ ဆိုရင် .. ကိုယ်ယုံကြည်သလို ယုံကြည်သူတွေ ပေါ်လာလိမ့်မယ်။
ကိုယ်ယုံကြည်သလို ယုံကြည်ကြသူ တွေ ဆိုတာ အမာခံဖောက်သည် တွေပဲ။
#မာသင်
