12/07/2024
ငွေတွေ သုံးမကုန်အောင် ပေါနေရင် အင်ဂျင်ချက်မီးကို ကျော်/ခွ/ဖျက်လိုက်ပါ
===
အင်ဂျင်ချက်မီး လင်းလာလို ဝပ်ရှော့ ပြေးရတာ
စိတ်ဒုက္ခရောက်ရတာမျိုးတွေ ကြုံဖူးလား?
ဘယ်လောက် ဆိုးဆိုးရွားရွား ကြုံဖူးကြလဲ?
ဒီပိုစ်လေးမှာ ချက်မီးလင်းတာနဲ့ ပတ်သက်ပြီး
အတတ်နိုင်ဆုံးလေး ရှင်းပြပေးပါမယ် 🤗
အင်ဂျင်ချက်မီး ဆိုတာ ဘာကြီးလဲ 🤔
🛑 အင်ဂျင်ချက်မီး (Check Engine Light) ဆိုတာ
ကားတွေရဲ့ ကိုယ်တိုင်စစ်ဆေးရေးစနစ် (OBD) ရဲ့
အစိတ်အပိုင်းတစ်ခုပါ။ သူက အင်ဂျင်မှာ ဘာတွေ
ဖြစ်နေပြီ ဆိုတာ စောင့်ကြည့်ပြီး အချက်ပေးတာပါ။
🛑 OBD စနစ်က ပြဿနာတစ်ခုခုတွေ့တဲ့အခါ
အင်ဂျင်ချက်မီးကို ပွင့်စေပြီး ယာဉ်မောင်းကို
သတိပေးတာပါ။
🛑ဒိုင်ခွက်မှာ အင်ဂျင်ပုံစံ အဝါရောင်/လိမ္မော်ရောင်
မီးလေး လင်းလာတာကို ချက်မီးလင်းတယ်
ခေါ်တာပါ။ ဖြစ်တဲ့ ပြဿနာပေါ်မူတည်ပြီး
အမြဲလင်းတာ/ မှိတ်တုပ်မှိတ်တုပ် ခုန်တာ/
လင်းလိုက် မှိတ်လိုက် ဖြစ်တာ စတာတော့
မတူပါဘူး။
ချက်မီး ဘာလို လင်းတာလဲ🤔
✨✨လင်းရတဲ့ အကြောင်းတွေက အများကြီးပါ။
သေးသေးမွှားမွှားလဲ ဖြစ်နိုင်သလို
ကြီးကြီးမားမားလည်း ဖြစ်နိုင်ပါတယ်။
✨အဖြစ်များတာတွေက ...
>ဆီတိုင်ကီဖုံး မလုံတာ
>အောက်ဆီဂျင်ဆင်ဆာ မကောင်းတာ
>အင်ဂျင်ပေါက်ကွဲပုံ မူမမှန်တာ
>အိတ်ဇောစနစ်နဲ့ ကျောက်ဇကာ တခုခုလွဲတာ
>ဝါယာရိန်းပိုင်း ပြဿနာနဲ့
>ကွန်ပျူတာဘောက် (ECU) error
ဒါက ဖြစ်လေ့ရှိတာ လေးတွေပါ။
တခြားဖြစ်နိုင်တာတွေလည်း အများကြီး
ရှိပါသေးတယ်။
ချက်မီးလင်းတဲ့ အကြောင်းတွေက
ဘာလို များနေရတာလဲ 🤔
🧐စောင့်ကြည့်ပေးရတဲ့ အစိတ်အပိုင်းက
များနေလိုလို လွယ်လွယ်ဖြေပါရစေ။
အားလုံးသိတဲ့အတိုင်း ...
ကားစနှိးဖို သော့ဖွင့်ပြီဆိုတာနဲ့
ဒိုင်ခွက်က မီးလေးတွေ လင်းလာမယ်။
Error မရှိရင် ပြန်မှိတ်သွားမယ်။
ဒါ ပုံမှန် ပါပဲ။
ဘက်ထရီမကောင်းရင် ဘက်ထရီပုံလင်းမယ်။
အင်ဂျင်ဝိုင်ပိုင်းဆို အာလာဒင်မီးခွက်က ဆီကျနေတဲ့ပုံ လင်းမယ်။
ကျန်တဲ့ ABS, Air Bag, ခါးပတ် အတူတူပဲ။
ဒါမကောင်းရင် ဒီမီးလင်းမယ်။
ဒီမီးလင်းရင် ဒါကိုစစ်/ပြင် ရှင်းတယ်။
အင်ဂျင်ချက်မီးကျ အဲ့လို မရှင်းတော့ဘူး။
အာရုံခံ စောင့်ကြည့်ရတာတွေများသလို
လင်းရတဲ့ အကြောင်းကလည်း များတယ်။
အလွယ်ဆုံး ဝါးလုံးသိမ်း ရိုက်ရရင်
စောစောကလို သီးသန့်အချက်ပြမီး
မပါတဲ့ ကိစ္စအားလုံး ချက်မီးရဲ့ တာဝန်ဖြစ်သွားတယ်။
(အလွယ်ဆုံး ပြောပြတာပါနော်။ အသေးစိတ်ဆို
စာရှည်မှာ စိုးလို။)
အင်ဂျင်ချက်မီးလင်းလာရင် ဘာလုပ်မလဲ 🤔
နီးစပ်ရာ ဝပ်ရှော့မှာ နားလည်တဲ့သူနဲ့ပြပြီး
စက်ထိုးစစ်ပါ။ မီးလင်းရတဲ့ အချက်တွေကို
ရှာပါ။ စစ်ပါ။ ပြင်ပါ။ လဲပါ။
ကိုယ်တိုင်လုပ်ကြည့်လိုမရဘူးလား 🤔
ရပါတယ်။ လိုင်းပေါ်မှာလည်း စာတွေ
ပွထနေတာမို ရှာဖွေပြီး လိုက်လုပ်ကြည့်မယ်ဆို
မတားပါဘူး။ ဒါပေမဲ့ .....
ကိုယ့်ကိုယ်ကို မလိမ်မိပါစေနဲ့။
တကယ့်ကို ကားအကြောင်းသိပြီး
ပြင်တတ်တာလား?
ပိုက်ဆံနှမြောလို တတ်ယောင်ကားလုပ်ပြီး
စမ်းကြည့်မှာလား?
စာဖတ်သူကို စော်ကားပြီး ပြောတာ မဟုတ်ဘူးနော်။
ကား ဆိုတာ အားလုံးသိတဲ့အတိုင်း သတိတချက်လွတ်တာနဲ့
“ကား” ကနဲ ဖြစ်သွားတတ်တာပါ။ အသက်တွေနဲ့ ဆက်စပ်နေတဲ့
ယာဥ်တစ်ခုမို သတိဆိုတာ ပိုတယ်မရှိပါဘူး။ ဒါကြောင့်မို....
တတ်ကျွမ်းသူနဲ့ လိုအပ်တဲ့စက်တွေနဲ့ စစ်ဆေးပြုပြင်တာ
အကောင်းဆုံးပါလို အကြံပြုချင်ပါတယ်။
ဒီထိတောင် ရောက်လာပြီဆိုတော့ မိတ်ဆွေက စိတ်ဝင်စားမှု
ရှိတယ်လို ယုံကြည်ပါတယ်။ အချိန် နည်းနည်းပေးပြီး
ဆက်ဖတ်ကြည့်ပါ။ အကျိုးမယုတ်စေရပါဘူး။
>>> ခေါင်းစဥ်နဲ့ ဆက်စပ်တာက ခုမှလာမှာပါ။
အင်ဂျင်ချက်မီးလင်းလာခဲ့ရင် ဒီမှာ အများစု
ထမင်းစားရေသောက်လို လွယ်လွယ်လေး
လုပ်နေကြတာက ကျော်/ခွ/ဖျက် ပစ်တာပါ။
သိပ် စိုးရိမ်စရာကောင်းပါတယ်။ ဖြစ်နိုင်ရင်
လုံးဝ မလုပ်ပါနဲ့။
ဥပမာတစ်ခုနဲ့ ရှင်းပြပါရစေ။
ကိုယ့်ကို လူတစ်ယောက်က ခဲနဲ့ ပစ်တယ်ဆိုပါတော့။
ပစ်တဲ့ ခဲကို ရှောင်မယ်။ ပစ်တဲ့သူကို မတားဘူး။
ဒါဆို ဘယ်လောက်ကြာကြာ ရှောင်နိုင်မှာလဲ။
တစ်ချိန်မဟုတ် တစ်ချိန်တော့ ထိတော့မှာပေါ့။
အဲ့လိုပါပဲ။ အင်ဂျင်ချက်မီးဆိုတာ “ခဲ” နဲ့တူပါတယ်။
ပျက်တဲ့ပစ္စည်းက “ပစ်တဲ့လူ”ပါ။
အင်ဂျင်ချက်မီးကို ကျော်/ခွ/ဖျက်တာက ခဲ ကို
ရှောင်တာပါ။ ပျက်တဲ့ဟာက ကောင်းမသွားပါဘူး။
အချိန်မီ မပြင်လို ပိုတောင် ဆိုးသွားနိုင်ပါတယ်။
အင်ဂျင်ချက်မီးလင်းရင် OBD Scan Tools (စက်ထိုး)
စစ်ပါ။ မကောင်းတဲ့ဟာ ပြင်ပါ။ လဲပါ။ ဒါမှ ရေရှည်
အတွက် အကောင်းဆုံး ဖြစ်မှာပါလို အကြံပြုချင်ပါတယ်။
>>> စက်ထိုးပြီး ဖျက်ပစ်လိုက်တာ။
>>> ဘက်ထရီ အကြာကြီး ဖြုတ်ထားလိုက်တာ။
>>> စက် နှိးလိုက် ရပ်လိုက် ပြန်နှိးလိုက် ခနခန လုပ်တာ။
ဒါတွေက ချက်မီး ပျောက်အောင် သုံးတဲ့ အလွယ်နည်းတွေပါ။
မလုပ်ပါနဲ့။ ခဲကို ရှောင်နေယုံနဲ့ မပြီးဘူးဆိုတာ သတိရပါ။
တကယ်လို ကြီးကြီးမားမား ပြဿနာဖြစ်နေတာကိုလွယ်လွယ်ကူကူ ချက်မီးဖျောက်ပြီး လုပ်လိုက်ရင်
အင်ဂျင်အလုံးလိုက်လဲရတာ၊
ကွန်ပျူတာဘောက်လဲရတာ၊
မောင်းနေရင်း ထိုးရပ်လို ဆွဲရတာ၊
အမြန်လမ်းလိုနေရာမျိုးမှာ ထိုးရပ်သွားလို
မတော်တဆဖြစ်တာ ..... မျိုးစုံပါပဲ။
မဖြစ်စေချင်လို လေးလေးနက်နက် အကြံပြု
ပေးနေရတာ ဖြစ်ပါတယ်။ ငွေတွေ သုံးမကုန်အောင် ပေါနေလို ဂရုစိုက်စရာ မလိုဘူးဆိုရင်တော့ အလွယ်လမ်းလိုက်ပြီး ကျော်/ခွ/ဖျက် လုပ်လိုက လုပ်လိုက်ပါ။ငွေကုန်ရုံနဲ့ ပြီးရင်
တော်သေး.... အသက်တွေ.... ဘဝတွေနော်။
စာက ရှည်နေပြီ ဆိုပေမယ့်
ကိုယ်တွေ့ကြုံတာလေး ထည့်ပြီး မျှဝေချင်ပါသေးတယ်။
စာရေးသူ လွန်ခဲ့တဲ့ နှစ်တွေက အညာဖက်ကို
ခရီးတစ်ခု သွားဖို ကြုံလာပါတယ်။
သူများကားကို ကူညီပြီးလိုက်မောင်းပေးရမှာပါ။
တစ်ရက်ကြို ကားသွားယူပြီး အင်ဂျင်ဝိုင်လဲတာ။
တာယာလဲတာ။ အောက်ပိုင်းစစ်တာတွေ လုပ်ပါတယ်။
ကားက AD Van (နွားကြီးပါ)။ ယူလာကတည်းက
ချက်မီးလေး လင်းနေပါတယ်။ တခြားဟာတွေ
လုပ်နေတော့ ချက်မီးကိစ္စ မလုပ်ဖြစ်ဘဲ
ညနေစောင်းမှ ဝပ်ရှော့တစ်ခုမှာ သွားပြခဲ့ပါတယ်။
စက်ထိုးစစ်ကြည့်တော့ CMP (ကင်းမရှပ်ဆင်ဆာ)
Error ပြတာပါ။ အဲ့ ဝပ်ရှော့မှာက ပစ္စည်းအဆင်သင့်
ရှိမနေပါဘူး။ အချိန်ကလည်း နှောင်းနေပါြပီ။
စက်ဆရာနဲ့ တိုင်ပင်တော့ . . .
“ရတယ်၊ ဘာမှ မဖြစ်ဘူး၊ မောင်းသွားလိုက်၊ ချက်မီး
ဖျောက်ပေးလိုက်မယ်”တဲ့။
ဒီလိုနဲ့ မောင်းသွားလိုက်တာ ချောချောမောမော
ရောက်သွားပါတယ်။ နောက်ရက် စျေးဝယ်ထွက်မှ
ပြဿနာက တက်ပါပြီ။ ဆိုင်ရှေ့ကားရပ်ပြီး စျေးဆင်းဝယ်
ပြန်တက်တော့ နှိးမရတော့ပါဘူး။ တတ်သလောက်
မှတ်သလောက် လုပ်ကြည့်ပေမယ့် ဘယ်လိုမှကို မနိုးတာပါ။
ဒါနဲ့ ဆိုင်ကယ်ငှား အနီးဆုံးဝပ်ရှော့ (မိနစ် ၂၀) မောင်း။
စက်ဆရာခေါ်။ သူတို ကားနဲ့ လိုက်လာပြီး စစ်ပေးတော့
CMP ဆင်ဆာက လဲကို လဲမှရမယ် ဖြစ်ပါရော။
ခု ဖြစ်တာက နယ်မြို သေးသေးလေး။ ပစ္စည်းက မရှိ။
အနီးဆုံး မြိုကြီး (မိနစ် ၄၀) ကို ဝပ်ရှော့ဆရာကားနဲ့
သွားပြီး ပစ္စည်းဝယ်။ ပြန်လာလဲနဲ့ အလုပ်လည်း
အတော် ရှုပ်သွားသလို ငွေလည်း တော်တော် ထွက်ပါတယ်။
ဆင်ဆာစျေးကိုက ရန်ကုန်နဲ့ နယ် စျေးက ကွာပါတယ်။
ဒီကြားထဲ ကားဆီဖိုး ဘာညာ လက်ခနဲ့ဆို အတော်ကျွတ်ခဲ့တာပါ။
ဒါ့အပြင် အရေးကြီးချိန်းထားတာပါ နောက်ရက်ရွှေ့ခဲ့ရလို
မျက်နှာ ပျက်စရာ ဖြစ်ခဲ့ရပါတယ်။ ကိုယ်တိုင်ကြုံခဲ့ရတာပါ။
ဒီနေရာမှာ ....
နှိးမရတာက အမြန်လမ်းပေါ် ဖြစ်ခဲ့ရင်
ထိုးရက်တာက ကီလို (၁၀၀)နဲ့ မောင်းနေတုန်း ဖြစ်ခဲ့ရင်
ကိုယ်ကလည်း အဖော်မပါ တစ်ယောက်တည်းဆိုရင်..
တွေးစရာတွေ အများကြီးပါ။
စာဖတ်သူတွေရော ဒီလိုလေးတွေ ကြုံဖူးကြလား?
နောက်လူတွေ ဗဟုသုတရအောင်
ကွန်မန့်မှာ ဝေမျှပေးခဲ့ကြပါဦးနော်။
IF You Copy that , Pls Credit Thank .....🙏
