TAIN HLYAM Flower

11/03/2023

31/08/2022

29/08/2022

#လူတစ်ယောက်ရဲ့_စိတ်ထားဟာ_ကံတရားပါ 🙏🙏
——————— ——————————-

တစ်ခါက သူဌေးတစ်ဦးဟာ ခြံတစ်ခြံဝယ်လိုက်တယ် ။
ခြံထဲက အိမ်ကို ပြင်လိုက်တယ် ။

ခြံနောက်မှာတော့ နှစ်ချို့သစ်သီးပင်တွေ ရှိတယ်။
ဒီအိမ်ကို ဝယ်ရတဲ့ အကြောင်းရင်းက အဲဒီ
သစ်သီးပင်တွေကြောင့်ပါပဲ ။ အဲဒီအသီးတွေကို
သူဌေးကတော် ကြိုက်နှစ်သက်လို့ပါ ။

အိမ်ပြင်နေချိန်အတွင်းမှာ မိတ်ဆွေတစ်ချို့က
ဗေဒင်ဆရာခေါ်ပြီး ကံကြမ္မာကိုကြည့်ဖို့
သူဌေးကို အကြံပေးကြတယ်။ သူဌေးက
ဒါတွေကို အယုံကြည်ရှိသူ မဟုတ်ပေမဲ့လည်း
မိတ်ဆွေတွေ အကြံပေးတော့ ဗေဒင်ဆရာ
ခေါ်ဖို့ စဉ်းစားလိုက်တယ် ။

ဗေဒင်ဆရာက နာမည်ကြီးတစ်ဦးပါ ။
ဆရာ့ကို အဝေးကြီးကနေ ပင့်ဖိတ်ပြီး
ဘူတာမှာ သူဌေးကိုယ်တိုင် သွားကြိုခဲ့ပါတယ်။
ဆရာ့ကိုခေါ်ပြီး အိမ်ကိုပြန်ရာလမ်းမှာ သူဌေးဟာ
သူ့ကားကို ကျော်ဖို့ကြိုးစားတဲ့ ကားတိုင်းကို
လမ်းဖယ်ပေးနေခဲ့တယ် ။

ဒါကို ဗေဒင်ဆရာက တွေ့တော့ "ခင်ဗျား
ကားမောင်းတာ တော်တော်တည်ငြိမ်တာပဲ”
လို့ဆိုတယ် ။

သူဌေးက "ကားကျော်ဖို့ ကြိုးစားသူတိုင်းဟာ
အရေးကြီးတဲ့ ကိစ္စတစ်ခုခု ရှိလို့နေမှာပါ ။ သူတို့
သွားလိုရာလမ်းမှာ အချိန်နှောင့်နှေးလို့မဖြစ်ဘူး”
လို့ ရယ်ပြီးပြောပါတယ် ။

အိမ်နားရောက်ခါနီး လမ်းကျဉ်းတစ်ခုမှာ သူဌေးက
ကားအရှိန်ကို လျော့လိုက်တယ် ။ ကလေးငယ် တစ်ယောက်
လမ်းကြားကနေ ပြုံးပြုံးရွှင်ရွှင်
ထွက်ပြေးလာတယ်။ သူဌေးက ကားဘရိတ်အုပ်
ပြီး လမ်းဘေးချထားလိုက်တယ် ။ ကလေးငယ်
ဖြတ်ကျော်သွားပေမဲ့ သူဟာ ကားဆက်မမောင်းဘဲ ဘရိတ်ကိုနင်းပြီး
လမ်းကြားဘက် ကြည့်နေတုန်းပါ ။တစ်ခုခုကို စောင့်နေသလိုပါပဲ
ခဏနေတော့ ကလေးငယ်နောက်တစ်ယောက်
ပျော်ပျော်ရွှင်ရွှင် ထွက်ပြေးလာပြန်ပါတယ် ။
ရှေ့ကပြေးသွားတဲ့ ကလေးငယ်နောက်
လိုက်ပြေးသွားပါတယ် ။

ဒါကို ဗေဒင်ဆရာက
"နောက်မှာ ကလေးတစ်ယောက်ရှိနေသေးတယ်
ဆိုတာ ခင်ဗျားဘယ်လိုသိလဲ” လို့မေးပါတယ်။

သူဌေးက "ကလေးဆိုတာ တစ်ယောက်ကို
တစ်ယောက်ပြေးလိုက် ၊ ပြေးလိုက် ဆော့ကစား
ကြတယ်။ သူတစ်ယောက်ထဲနဲ့တော့ အဲ့လောက်
ပြုံးပြုံးရွှင်ရွှင် ပြေးလွှားနေမှာ မဟုတ်လို့ပါ”
လို့ ဆိုတယ် ။

အိမ်ကိုပြန်ရောက်တော့ သူဌေးက ကားပေါ်က
ဆင်းပြီး ခြံတံခါးဖွင့်ဖို့ သော့ထုတ်တော့
အိမ်နောက် ခြံထဲမှာ ငှက်တချို့ ရုတ်တရက်
ထပျံသွားတာကို တွေ့လိုက်တယ် ။ သူဌေးက ခြံတံခါး
မဖွင့်သေးပဲ အားနာတဲ့ပုံစံနဲ့ "ဆရာ ခဏလောက်
စောင့်ပါနော်” လို့ ဆိုတယ် ။

ဘာကြောင့်လဲလို့ ဆရာကမေးတော့ သူဌေးက
"အိမ်နောက်ခြံထဲမှာ ကလေးတွေ သစ်သီးဝင်ခိုး
နေတယ် ထင်တယ်။ကျွန်တော်တို့ ခုချိန်ဝင်သွား
ရင် ကလေးတွေလန့်ပြီး သစ်ပင်ပေါ်က ပြုတ်ကျ
ရင် ခြေလက်တွေ ကျိုးမှာစိုးတယ် ။ သူတို့ကို
ပေးခူးလိုက်မယ်... ကျွန်တော်တို့ ခြံပြင်ဘက်ကို
အရင်ပတ်ကြည့်ကြတာပေါ့” လို့ဆိုတယ် ။

သူဌေးရဲ့ပြောစကားကိုကြားတော့ ဆရာကတစ်ချက် စဉ်းစားလိုက်ပြီး
"ကျွန်တော့်ကို ဘူတာပဲ
ပြန်ပို့လိုက်ပါ ။ဒီအိမ်သားတွေရဲ့ ကံကြမ္မာကို
ကျွန်တော် မကြည့်တော့ပါဘူး” လို့ပြောတယ်။

သူဌေးက တအံ့တသြနဲ့ ဘာဖြစ်လို့လဲ
မေးတော့ ဆရာက
"ဟုတ်ပါတယ် ..ခင်ဗျားသာရှိရင် ခင်ဗျားရှိတဲ့
အရပ်က တကယ်ကောင်းတဲ့နေရာမို့ပါ”
လို့ ရှင်းပြတယ်။


"လူရဲ့အပြုအမူဟာ ကံတရားဖြစ်ပါတယ်။
အပြုအမူ လုပ်ရပ်ကောင်းတယ် , ကြင်နာတတ်
တယ်, ကိုယ်ချင်းစာတရား လက်ကိုင်ထားရင်
သူဘယ်ရောက်ရောက် သူရောက်တဲ့အရပ်ဟာ
ကံကောင်းတဲ့ အရပ်ဖြစ်တယ်"

ဆန့်ကျင်ဘက်အနေနဲ့ အကျင့်စရိုက်
မကောင်းသူ ကိုယ်ချင်းစာတရား ကင်းမဲ့သူ
တွေဟာ ဘယ်လိုပဲ ကြိုးစားရုန်းကန်လည်း
အကျိုးမဖြစ်ထွန်းကြပါဘူး ။

ကိုယ်ကိုယ်တိုင်ဟာ
အရာအားလုံးရဲ့ ရင်းမြစ်ဖြစ်ပါတယ်။


#မူရင်းရေးသားသူအား လေးစားစွာ
Credit ပေးရင်း ပြန်လည်မျှဝေပါတယ်

ဗဟုသုတများ/စိတ်ခွန်အားဖြစ်စေမယ့်
စာပေများဖတ်ချင်ရင်
(Page)
ထဲကိုလာလည်ဖို့ဖိတ်ခေါ်ပါတယ်
👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻

https://www.facebook.com/Mar-Lar-Win-Forex-Advisor-101754412270751/

29/08/2022

29/08/2022

30/07/2022

ရောင်းအားကျနေလား?

ပြုံးပြီးအလုပ်တွေလုပ်ရင်း
လူတွေကို ကူညီလိုက်ပါ။

ရောင်းအားတက်လာပါလိမ့်မယ်။

Sales ❌ Selling
Sales ✅ Serving

လုပ်ငန်းရှင် မိတ်ဆွေများ ရောင်းအားတိုးကြပါစေခင်ဗျာ။

ပျော်ရွှင်အောင်မြင်တဲ့ နေ့ရက်တွေများစွာပိုင်ဆိုင်နိုင်ကြပါစေ။

ဘာတွေပဲဖြစ်ဖြစ် အမြဲပြုံးထားလိုက်ပါ 😊

ချစ်ခြင်းအားဖြင့်
ပြေခိုင်

22/07/2022

စီးပွားပျက်ကပ် ရဲ့ အခွင့်အလမ်းများ
လက်ရှိဖြစ်ပေါ်နေတဲ့ ကပ်ရောဂါ အခြေအနေ ၊ နိုင်ငံရေး မတည်ငြိမ်မှုအခြေအနေ တွေကြောင့် စီးပွားရေး လုပ်ငန်းများ လဲ ဝင်ငွေ ကျဆင်းတာ၊ အလုပ်လက်မဲ့နှုန်းတွေ တိုးတက်လာတာ စတဲ့ စီးပွားရေး ကျဆင်းမှု လက္ခဏာ တွေကို မြင်တွေ့လာရပြီး ကမ္ဘာဘဏ် တို့လို ငွေကြေး အဖွဲ့အစည်းတွေ ကလဲ မြန်မာနိုင်ငံ ရဲ့ စီးပွားရေး ဟာ ၁၈% လောက် ကျုံ့သွားနိုင်ပြီး စီးပွားရေး ကျဆင်းမှု recession ထဲကို ရောက်ရှိနေပြီဆိုတဲ့ ခန့်မှန်းချက်တွေထွက်ပေါ် လာနေတာ မြင်တွေ့ကြရမှာဖြစ်ပါတယ်။
ဒီလိုအချိန်မှာ ကျွန်တော့် ကိုမေးလာကြတဲ့ မေးခွန်းတွေကတော့ လက်ရှိမှာ စီးပွားရေး လုပ်ငန်းလေး တစ်ခု စချင်နေတယ် ဒီလို အချိန်ကာလမှ စသင့်ရဲ့လား၊ စီးပွားရေးပျက်ကပ်မှာ အလုပ်ဖြစ်နိုင်တဲ့ လုပ်ငန်းတွေ ရှိနိုင်လား၊ လုပ်ငန်းတွေ အနေနဲ့ ဘာတွေ ပြင်ဆင်သင့်လဲ စတာ တွေပဲဖြစ်ပါတယ်။ ဒီနေ့ တော့ ဒီမေးခွန်းလေးတွေ အတွက် စီးပွားပျက်ကပ် Recession တစ်ခု အတွင်းမှာ ဘယ်လို စီးပွားရေး အခွင့်အလမ်းတွေ ရှိလာနိုင်တယ်ဆိုတာကို မျှဝေပေးလိုပါတယ်။
ကျွန်တော့် အနေနဲ့ စီးပွားရေး လုပ်ငန်း လုပ်ကိုင်သူတွေကို အားပေးလိုတာကတော ဘယ်လိုစီးပွားရေး အမျိုးအစား မှ မကောင်းတဲ့ အချိန် ဆိုတာတော့ မရှိ ဘူးဆိုတာပါပဲ။ ဒီလိုပြောလို အခုလို ကပ်ရောဂါ အချိန်မှာ အသက်နဲ့ ဆိုင်တဲ့ ဆေးပစ္စည်းတွေကို လည်ပင်းညစ် ဓားပြတိုက်သလို စျေးတင် ပြီး ကျင့်ဝတ်နဲ့ မညီတဲ့ ခေတ်ပျက် စီးပွားရှာနည်းတွေကို ဆိုလိုတာမဟုတ်ပါဘူး။ စီးပွားရေး ပျက်ကပ် ဆိုတာဟာ နိုင်ငံ တစ်ခု လုံးရဲ့ စီးပွားရေး တိုးတက်မှု ကျဆင်းနေပေမယ့် နိုင်ငံအတွင်းက Business Industry အမျိုးအစား အနက်က အချို့ကတော့ ပိုကောင်းလာတာ မျိုးရှိလေ့ရှိပါတယ်။ဥပမာ Great Recession လို့ဆိုကြတဲ့ 2008 စီးပွားပျက်ကပ်ကြီးမှာ Sweets Industry ဆိုတဲ့ သကြားလုံး ချောကလက် စတဲ့ သရေစာ မု့န့်အချို လုပ်ငန်းတွေဟာ အမြတ်တွေ များစွာ တိုးခဲ့ပါတယ်တဲ့။ Cadbury ချောကလက် လုပ်ငန်းဟာ ရောင်းအား ၃၀% တိုးတက်ခဲ့ပြီး Nestle. ဆိုရင်လည်း ၁၁% တိုးတက်လာပါတယ်တဲ့။ ဒါ့အပြင် နာမည်ကြီး လော်လီပေါ့ ဖြစ်တဲ့ Tootsie Pop, ချောကလက်မုန့် Snickers စတဲ့လုပ်ငန်းတွေဟာ ၂၀၀၈ စီးပွားပျက်ကပ် အတွင်းမှာ product တွေ အသစ် စတင်နိုငိခဲ့ပါတယ်တဲ့။ ဒီလိုပြောင်း လဲ မှုတွေဟာ Customer တွေရဲ့ Behavior ပြောင်းလဲ မှုတွေပေါ်မူတည် နေတာဖြစ်ပါတယ်။
ဒီတော့ စီးပွားပျက်ကပ် အတွင်းမှာ မိမိလုပ်ငန်း survive ဖြစ်လိုတယ် ဝင်ငွေထိမ်းသိမ်း ထားချင်တယ် ဆိုရင် မိမိလုပ်ငန်းရဲ့ Customer segment ဟာ ဘယ်လို လူအမျိုးအစားတွေဖြစ်တယ် စီးပွားရေး ကျဆင်းတဲ့ အခါ သူတို့ ရဲ့ စိတ်ခံစားချက်တွေကဘယ်လိုဖြစ်သွားတယ် ဝယ်ယူမှု အပြုအမူ နဲ့ဆုံးဖြတ်ချက် Buying Decision and customer behavior တွေက ဘယ်လိုပြောင်းလဲ သွားတယ် ဆိုတာကို သိ ရှိ ဖို့လိုအပ်ပါတယ်။
ယေဘုယျအားဖြင့်တော့ စီးပွားရေး ကျဆင်းမှု စီးပွားပျက်ကပ်တွေ ကြုံလာရတဲ့အခါ အောက်ပါ လုပ်ငန်း နဲ့ စျေးကွက်အမျိုးအစားတွေဟာအားကောင်းလာလေ့ရှိတတ်ပါတယ်။
(၁) Quality အတူတူ စျေးပိုနည်းတဲ့ Product တွေ..
စီးပွားရေး ကျဆင်းမှုတွေဖြစ်တဲ့အခါ အကျိုးဆက်အနေနဲ့ လူအများစု ဝင်ငွေပမာဏ ကျဆင်းတာ၊ အလုပ်လက်မဲ့ဦးရေပေါများတာ စတာတွေ ဖြစ်လာလေ့ရှိပါတယ်။ အဓိကက တော့ အခြေခံ လူတန်းစားနဲ့ လူလတ်တန်းစားတွေဟာ ဝင်ငွေ ကျဆင်းတတ်လေ့ရှိပါတယ်။ လူလတ်တန်းစား အမြင့်ပိုင်း အလွှာနဲ့ ဝင်ငွေမြင့်လူတန်းစားတွေကတော့ ဝင်ငွေကျဆင်းမှု အနည်းငယ်သာ ရှိတတ် လေ့ရှိပါတယ်။ ဒါပေမယ့် စီးပွားရေး မကောင်းတော့ဘူး ဝင်ငွေတွေ ကျဆင်းလာပြီးဆိုတဲ့ လူအများစု ရဲ့ အသံတွေကျယ်လောင်လာတဲ့အခါမှာ အားလုံးမှာ ဆိုက်ကို အနေနဲ့ ဝင်သွားပြီး အသုံးအစွဲတွေ လျော့ချ လာကြတာကတော့ အတူတူပဲဖြစ်ပါတယ်။ ဒီအခါမှာ ဝင်ငွေမြင့် သူတွေ အနေနဲ့ကလဲ ယခင်က စျေးကြီး တဲ့ Branded ပစ္စည်းတွေကိုသာ သုံးစွဲ တတ်ကြပေမယ့် စီးပွားရေး ကျဆင်းချိန်မှာတော့ အရည်အသွေး Quality အတူတူ ၊ကိုမှ စျေးပို သက်သာ တာကို ပြောင်းသုံးလာကြလေ့ရှိပါတယ်။ ဒီအတွက် စီးပွားပျက်ကပ် အတွင်းမှာ Branded Product တွေနဲ့ အရည်အသွေးတူအောင် ထုတ်ပြီး စျေးသက်သာစွာ ရောင်းချ နိုင်တဲ့ လုပ်ငန်းငယ်တွေဟာ ပိုပြီး ဝင်ငွေတိုးလာလေ့ရှိပါတယ်တဲ့။ ဥပမာ ပုံမှန် အချိန်မှာ နာမည်ကြီးဆိုင်က ဘာဂါ ကို စားလေ့ရှိကြပေမယ့် ဝင်ငွေ ကျဆင်းလာတဲ့ အခါဖြစ်ဖြစ် လက်ရှိ မကျသေးပေမယ့် ရှေ့လျောက် ငွေရှာရခက်မယ်လို့ တွေးမိရင်ဖြစ်ဖြစ် စျေးကြီးတဲ့ ဘာဂါကို ဝယ်ယူ တော့မှာ မဟုတ်ပါဘူး။ ဒါပေမယ့် ဘာဂါ ကိုစားလေ့ရှိ ပြီး အရသာ တွေ့နေတဲ့အခါ စားသုံး မှု အကြိမ်ရေကိုတော့ မလျော့ချနိုင်ပဲ စျေးသက်သာတဲ့ ဆိုင်အသစ်ကို ပြောင်းအားပေးကြတဲ့ သဘော ပါပဲ။
(၂) Second Hand တစ်ပတ်ရစ်စျေးကွက်…
ဝင်ငွေ ကျဆင်းလာတာကြောင့် ကျဆင်းမယ်လို့စိုးရိမ်တာကြောင့် ပြောင်းလဲသွားတဲ့ Customer behavior တစ်ခုကတော့ Second Hand တွေကို ပိုမို အသုံးပြုလာကြခြင်းဖြစ်ပါတယ်။ ပုံမှန်အခြေအနေ မှာ အိမ်အတွက် ၁၀ သိန်း ဝန်းကျင် ရေခဲသတ္တော ကို ဝယ်ယူဖို့ လွယ်ကူပေမယ့် စီးပွားပျက်ကပ်မှာတော့ တစ်ပတ်ရစ် သုံးသိန်း တန်လောက်ကိုဝယ်ဖို့ ပိုပြီး စိတ်ကူးလာကြလေ့ရှိပါတယ်။
စီးပွားရေး ပျက်ကျပ်ကြုံရတဲ့အခါ လူသုံးပစ္စည်း မျိုးစုံ ဟာ တစ်ပတ်ရစ် စျေးကွက်အနေနဲ့ အကြီးအကျယ် ပေါ်ပေါက်လာတတ်လေ့ရှိပါတယ်။ မော်တော်ကား၊ တီဗီ ရေခဲသေတ္တာ အဲကွန်း လျှပ်စစ်ပစ္စည်းတွေ၊ အကျင်္ီ ကအစ Second စျေးကွက်ဟာ ကြီးထွားလာတတ် ပါတယ်။
(၃) Maintenance and Servicing စျေးကွက်…
Recession အတွင်း customer အများစု မှာ ဖြစ်ပေါ်လာတဲ့ Behavior တစ်ခုကတော့ ပျက်စီး သွားတဲ့ ပစ္စည်းတွေကို လွင့်မပစ်ပဲ မရရအောင် ပြန်လည်ပြင်ဆင် အသုံးပြုလာကြတဲ့ အပြုအမူဖြစ်ပါတယ်။ စီးပွားရေး ကောင်းတုန်းကလို တစ်ခုခုဆို စိတ်ညစ်မခံပဲ အသစ်ဝယ်လိုက်တာမျိုး မဟုတ်တော့ပဲ ပျက်သွားရင် ပြင်ဆိုင်ပို့တာ ပိုလုပ်လာကြပါတယ်။ ဒါ့အပြင် အထက်က second စျေးကွက် ကြီးထွား လာတာနဲ့ အတူ အပျက်အစီးတွေကလဲ ပိုဖြစ်လာ တဲ့အတွက် လူသုံးပစ္စည်း အမျိုးမျိုးကို ပြုပြင်ပေး ရတဲ့ စျေးကွက်ဟာ ကြီးထွားလာလေ့ရှိပါတယ်။ ဥပမာ စီးပွားရေး ကောင်းချိန်မှာ မိုးတွင်းအတွက် ထီး အသစ်တစ်လက် အလွယ်လေးဝယ်ယူနိုင်ကြပါတယ်။ ဂျပန်မှာဆိုရင် တစ်ခါသုံး ထီးတွေတောင် သုံးကြပါသေးတယ်။ ဒါပေမယ့် ကျွန်တော်တို့ ငယ်ငယ် တုန်း က စီးပွားရေး မတိုးတက်သေး ချိန်မှာတော့ ထီး ပြင် တဲ့ဆိုင်တွေ ထီးပြင်ပေးတဲ့ လမ်းလျှောက် ပြင်ဆင်သူတွေကို အများအပြား တွေ့ခဲ့ ရဖူးတာ အမှတ်ရကြပါလိမ့်မယ်။
(၄) စျေးသက်သာတဲ့ အသင့်စား စားသောက်ကုန်စျေးကွက်..
အမေရိကရဲ့ စီးပွားရေး ကျဆင်းတဲ့ အချိန်တိုင်းမှာ ရောင်းအားတက်လာတာကတော့ အသင့်စား စျေးပေါတဲ့ စားသောက်ကုန် တွေဖြစ်ပါတယ်။ ဟမ်ဘာဂါ၊ ဆန်းဒဝစ် ၊ ခေါက်ဆွဲခြောက် စတာတွေဟာ ချက်ပြုတ်စရာလဲမလို၊ စျေးကလဲသက်သာ၊ အရသာကလဲ ရှိ တဲ့အတွက် ဝင်ငွေ ကျလို့စိတ်ညစ်ပြီး မချက်ပြုတ်ချင်တာဖြစ်ဖြစ် ချွေတာချင်တာဖြစ်ဖြစ် အံကိုက်ဖြစ်နေပါလေရော။
(၅) Cheap Entertainment
စီးပွားရေး ကျဆင်း တာကို ပျော်တဲ့ လူရယ်လို့တော့ ရှိလောက်မယ် မထင်ပါဘူး အားလုံး ကျပ်တည်း ကုန်ကြတာကိုးဗျာ။ ဒီတော့ အကျိုးဆက်ကတော့ လူတိုင်းစိတ်ညစ် လာတာပါပဲ။ ဒီအတွက် စိတ် ညစ်တာကိုဖြေဖျောက်ဖို့အတွက် စျေးသက်သာတဲ့ entertainment ဖျော်ဖြေရေး နည်းလမ်း တွေကို ရှာဖွေလာကြလေ့ရှိပါတယ်။ စျေးသက်သာတဲ့ တီဗီဇာတ်လမ်းတွေ၊ ပြဇာတ်တွေ၊ ပန်းခြံတွေ၊ စာအုပ်တွေ စတဲ့ Cheap ဖြစ်တဲ့ ဖျော်ဖြေရေးလုပ်ငန်းတွေဟာ တိုးတက်လာတတ်ပါတယ်။
(၆) အဖျော်ယမကာ စျေးကွက်…
အထက် နံပါတ် ၅ ကြောင့် ဆက်တိုက်ဖြစ်ပေါ်လာတဲ့ ကြီးမားတဲ့စျေးကွက်ကတော့ ယမကာ စျေးကွက် ဖြစ်ပါတယ်။ စိတ်ညစ်တာတွေကို ဖြေဖျောက်ဖို့ နည်းလမ်းတစ်ခုအနေနဲ့ ပါ စျေးသက်သာတဲ့ အရက် တွေကို သောက်လာကြတဲ့ အတွက် အရက်ရောင်းအားတွေ ဟာ စီးပွားပျက်ကပ်မှာ တက် လာကြလေ့ရှိ တတ်ပါတယ်။ ဒါပေမယ့် စျေးကြီးတဲ့ နိုင်ငံခြား အရက် တွေ ထက် ကိုယ်တိုင်ချက်လုပ် တဲ့ စျေးသက်သာတဲ့ အရက် အမျိုးအစားတွေက ပိုပြီး ရောင်းလာရလေ့ရှိပါတယ်တဲ့။
(၇) စားဝတ်နေရေး..
ဝင်ငွေ ဘယ်လောက် ကျကျ စားဖို့ နေဖို့ ဝတ်ဖို့ ကတော့ ဝယ်ယူသုံးစွဲနေရဆဲဖြစ်ပါတယ်။ ဒီအတွက် အခြေခံစားသောက်ကုန်တွေ၊ ကုန်ခြောက် ဆိုင်တွေ ၊ ဟာလည်း အလုပ်ဖြစ်လာလေ့ရှိပါတယ်။ ဒါပေမယ့် Customer Behavior က စျေးသက်သာ တာကို ပိုရွေးချယ်ဝယ်ယူလာကြတာ ကို သတိပြုဖို့လိုအပ်ပါတယ်။
(၈) မှောင်ခို စျေးကွက်…
ဒါကတော့ အတော်များများ ကြားဖူး သိဖူးကြမှာဖြစ်ပါတယ်။ စီးပွားရေး ကျဆင်းတဲ့အခါ နိုင်ငံခြားကနေ တင်သွင်းတဲ့ ပစ္စည်းတွေဟာ စျေးနှုန်းကြီးမြင့် သွားလေ့ရှိပါတယ်။ ဒါ့အပြင် သတ်မှတ်ထားတဲ့ အခွန်အခ တွေကြောင့် ပြည်တွင်းကိုတရား ဝင်လမ်းကြောင်းက ဝင်ရောက်တဲ့ ကုန် တွေဟာ စျေးနှုန်း အတော်လေးမြင့်သွားတတ် ပါသေးတယ်။ ဒီလိုအခြေအနေ မှာ စျေးနှုန်း သက်သာတာကို လိုချင်ကြ တဲ့ ပြည်တွင်းက ဝယ်လိုအားအတွက် အခွန်အခ တွေကို ရှောင် ပြီး တရားမဝင်လမ်းအောက်လမ်း ကနေ ကုန်တွေ သွင်းကြတဲ့ စျေးကွက်ဟာ လဲ ကြီးထွားလာတတ် ပြန်ပါတယ်။
(၉) စိုက်ပျိုး မွေးမြူ ထုတ်လုပ်ရေး..
စီးပွားရေး ကျဆင်းချိန်မှာ လူတွေရဲ့. Spending Power သုံးစွဲနိုင်မှု ကပါ လျော့ကျသွားတဲ့ အတွက် နိုင်ငံ ခြားက တင်သွင်းတဲ့ ပစ္စည်း တွေကို လူအနည်းစုကသာ ဝယ်ယူ သုံးစွဲနိုင်ပါတော့တယ်။ ဒါ့အပြင် နိုင်ငံခြားငွေ စီးထွက်မှုကို တားဆီး ပြီး ပြည်တွင်းစီးပွားရေး ပြန်ကောင်းလာဖို့အတွက် အစိုးရတွေက ပြည်တွင်း ကုန်ထုတ်လုပ်ရေး တွေကို အားပေး လာရလေ့ရှိပါတယ်။
ဒီအတွက် နိုင်ငံခြား ကုန် အစားထိုး ပြည်တွင်းက စိုက်ပျိုးရေး မွေးမြူရေး ကုန်ထုတ်လုပ်ရေး လုပ်ငန်းတွေဟာ ပုံမှန် အချိန်ထက် စျေးကွက်ပိုမိုရရှိလာနိုင် တဲ့ အခွင့်အရေး ရှိလာတတ်ပါတယ်။
(၁၀) စျေးနှုန်းတွေ ကျဆင်းတတ်..
Recession အတွင်းမှာ ငွေသုံးစွဲနိုင်မှုတွေ ကျဆင်းလာတာကြောင့် Demand ဆိုတဲ့ ဝယ်လိုအား တွေဟာ နေရာတိုင်းမှာ လျော့နည်းသွားလေ့ရှိပါတယ်။ ဒီအတွက် ပိုင်ဆိုင်မှု Asset တွေရဲ့ စျေးဟာ လဲ ဝယ်လိုအားနည်းရင် နည်းတဲ့ အမျိုးအစားအလိုက် ကျဆင်းတတ်ပြန်ပါတယ်။ ဥပမာ တိုက်ခန်းတွေ အိမ်တွေ မြေကွက် တွေ စသည်ဖြင့်ပါပဲ။ ဒီအတွက် ကိုယ့်အတွက် ပထမဆုံး အိမ် ကိုဝယ်မယ်ဆိုရင် စီးပွားပျက်ကပ်အတွင်းမှာ ဝယ်ယူ တာက အတော်လေး တန်ပြီး အရှုံး နည်းပါးတတ်လေ့ရှိပါတယ်။
ဒါပေမယ့် ရှိသမျှအိမ် တိုက် မြေ အားလုံး စျေးကျတာတော့ ဖြစ်ကောင်းပါဖြစ်နိုင်ပါလိမ့်မယ်။ အမျိုးအစား နေရာ စတာတွေပေါ်မူတည်နိုင်ပါသေးတယ်။
(၁၁) ရှင်ကျန်နိုင်တဲ့ လုပ်ငန်း..
စီးပွားပျက်ကပ် ကြုံရတဲ့အခါ လုပ်ငန်းကြီးငယ်လတ် အားလုံး ထိခိုက်ရပြီး ပိတ်သိမ်းရတာတွေ ကြုံရလေ့ရှိပါတယ်။ စီးပွားပျက်ကပ်ဟာ လုပ်ငန်းတွေကို စာမေးပွဲ စစ်ဆေးလိုက်သလိုဖြစ်ပါတယ်။ အတော်လေးတင်းကျပ်တဲ့ စာမေးပွဲပါပဲ။ ဒီစာမေးပွဲကို အောင်မြင်နို်င်ဖို့အတွက် လုပ်ငန်းတွေဟာ Efficiency ဖြစ်ဖြစ် နဲ့ Performance ကောင်းအောင် အသည်းအသန် ကြိုးစားကာ အသက်ရှင်သန် ကျန်ရစ်ဖို့ကြိုးစားရလေ့ရှိပါတယ်။ ဒီလို ရှင်ကျန် ခဲ့တဲ့ လုပ်ငန်းတွေဟာ စီးပွားပျက်ကပ်အတွင်းမှာ အလေ့အကျင့်ကောင်းတွေ အတွေ့အကြုံကောင်းတွေ ရရှိသွားတဲ့အတွက် စီးပွားရေး ပြန်ကောင်းချိန်မှာ တိုးတက်မှု ကြီးကြီးမားမား ရရှိလေ့ရှိတာကလဲ အခွင့်အလမ်းတစ်ခုအနေနဲ့ ယူနိုင်ရမှာပါပဲ။
ဒီလောက်ဆိုရင်တော့ စီးပွားပျက်ကပ် အတွင်းမှာ ဘယ်လိုစျေးကွက်တွေ ထွန်းပေါက်လာနိုင်တယ် ဘယ်လိုကောင်းကျိုးတွေ ရရှိ လာနိုင်တယ်ဆိုတာကို နားလည် လောက်ပြီ လို့ ယူဆပါတယ်ဗျား
လုံလောက်တဲ့ အသိပညာ ဟာ ပြင်းထန်တဲ့အခက်အခဲတွေကို လွယ်ကူစွာကျော်ဖြတ် စေနိုင်ပါလိမ့်မယ်။
Kaung Hein Soe - Strategic
Business Consultant

13/05/2022

အလှူဒါယကာ ဦးဟန်သိန်း ဇနီး အလှူဒါယိကာမ ဒေါ်ဖြူဖြူဝင်း တို့၏
ကျောင်းဆောင်သစ်ရေစက်ချ အလှူတော်မင်္ဂလာပွဲ ( ၁၅ ၊ ၁၆ . ၃ . ၂၀၂၂ )

12/03/2022

Tain Hlyan Flower Co.;Ltd. ၏ အလှူ့ဒါယကာ ဦးဟန်သိန်း ဇနီးဒေါ်ဖြူဖြူဝင်းတို့မှ ကျောင်းသစ်ရေစက်ချပွဲနှင့် ရှင်ပြုရဟန်းခံ အလှူတော်မဂ်လာပွဲ (အမြင့်ကျွန်းကျေးရွာ ရွာဦးဘုန်ကြီးကျောင်း)