26/09/2026
KMS ရဲ့ Sharing
🪞 သူတစ်ပါးအတွက်ဆိုပြီး သိပ်တွေးလွန်းတဲ့သူတွေ… “မှန်တစ်ချပ်” ဆောင်ထားပါ။
ကျွန်မတို့ပတ်ဝန်းကျင်မှာ ကိုယ့်ထက် သူတစ်ပါးကို ဦးစားပေးတတ်တဲ့ စေတနာရှင်လေးတွေ အများကြီးရှိပါတယ်။
တစ်ဖက်လူ အဆင်ပြေဖို့၊ တစ်ဖက်လူ စိတ်ချမ်းသာဖို့အတွက် ကိုယ့်ရဲ့ အချိန်တွေ၊ စွမ်းအင်တွေကို ပေးဆပ်ပြီး အမြဲတွေးပေးနေတတ်ကြပါတယ်။
အထူးသဖြင့် အိမ်ထောင်ရှင်အမျိုးသမီးတချို့ဆိုရင် ကိုယ့်ရဲ့ ပျော်ရွှင်မှုကို နောက်တန်းပို့ထားပြီး မိသားစုအတွက်၊ သားသမီးတွေအတွက်ပဲ ရှေ့တန်းတင်တွေးပေးနေတတ်ကြပါတယ်။
“မိသားစု စိတ်ချမ်းသာရင် ငါလည်း ပျော်ပါတယ်” ဆိုတဲ့စိတ်နဲ့ ကိုယ့်ရဲ့ ဆန္ဒတွေ၊ လိုအပ်ချက်တွေကိုတောင် မသိမသာ နောက်ကျောမှာထားခဲ့တတ်ကြတာပါ။
ဒါပေမယ့်…
သူတစ်ပါးအတွက် တွေးပေးလွန်းတဲ့အခါ ကိုယ့်ရဲ့ စိတ်စွမ်းအင်တွေ တဖြည်းဖြည်း လျော့နည်းလာတာကို မသိလိုက်ဘဲ ဖြစ်နေတတ်ပါတယ်။
ခန္ဓာကိုယ်က ပင်ပန်းလာရုံမက စိတ်ထဲမှာလည်း တစ်စုံတစ်ခု လိုအပ်နေသလို၊ ဘာမှမဖြစ်ပေမယ့် အတွင်းထဲက Empty ဖြစ်နေသလို ခံစားလာရတတ်ပါတယ်။
ဒါကြောင့်…
သိပ်တွေးပေးလွန်းနေပြီဆိုရင် “မှန်တစ်ချပ်” ဆောင်ထားပါ။ 🪞
မှန်ထဲက ကိုယ့်ရဲ့ မျက်ဝန်းတွေကို ပြန်ကြည့်ပြီး ကိုယ့်ကိုယ်ကိုယ် ဒီမေးခွန်းလေး မေးကြည့်ပါ။
“ငါကော… တကယ်ပျော်ရဲ့လား?”
တစ်ခါတလေမှာ သူတစ်ပါးကို ပျော်ရွှင်အောင် ထားပေးရင်း ကိုယ့်ကိုယ်ကိုယ် ပျော်ရွှင်ဖို့ မေ့နေတတ်ပါတယ်။
ကိုယ့်ကိုယ်ကိုယ် ဂရုစိုက်တာဟာ တစ်ကိုယ်ကောင်းဆန်တာ မဟုတ်ပါဘူး။ ကိုယ့်စိတ်နဲ့ ကိုယ့်စွမ်းအင်ကို ပြန်လည်ဖြည့်တင်းပေးခြင်းပါ။
စွမ်းအင်ကုထုံး (Energy Healing) ရဲ့ အနှစ်သာရတစ်ခုကလည်း Self-Love ကိုယ့်ကိုယ်ကိုယ် ပြန်လည်ချစ်ခင်တန်ဖိုးထားခြင်း ကနေ စတင်တာပါ။
ကိုယ့်အတွင်းစိတ်က အေးချမ်းပြီး စွမ်းအင်ပြည့်ဝလာတဲ့အခါ ကိုယ်ချစ်ရသူတွေအတွက်လည်း ပိုပြီး နွေးထွေးတဲ့ မေတ္တာနဲ့ စောင့်ရှောက်မှုတွေ ပေးနိုင်လာပါတယ်။
မိခင်တစ်ယောက်၊ ဇနီးတစ်ယောက်အနေနဲ့ မိသားစုကို ဂရုစိုက်ပေးသလို ကိုယ့်ကိုယ်ကိုယ်လည်း မမေ့ပါနဲ့။
✨ ဒီနေ့ သူတစ်ပါးအတွက် တွေးပေးနေတာတွေကို ခဏလေးနားပြီး ကိုယ့်စိတ်လေးကို ပြန်ဂရုစိုက်ပေးပါ။
ကိုယ့်ကိုယ်ကိုယ် ပြန်ချစ်ဖို့၊ ပြန်ဂရုစိုက်ဖို့၊ ကိုယ့်အတွက်လည်း အချိန်ပေးဖို့ မမေ့ပါနဲ့။ 🤍
Life Coach | Spiritual Mentor
Certified Advanced Reiki & Pranic Healer | Magical & Ritualist
