31/12/2025
🇰🇷🏫 တောင်ကိုရီးယားမှာ ကလေးမွေးဖွားနှုန်း ဆယ်စုနှစ်များစွာ ဆက်တက်ကျဆင်းခဲ့ပြီး မျိုးဆက်သစ် လူဦးရေပြတ်လတ်တဲ့ထိ ဖြစ်တာကြောင့် စာသင်ကျောင်းပေါင်း ၄၀၀၀ ကျော်ပိတ်သိမ်းရ"
နိုင်ငံတဝှမ်းမှာ တဖြေးဖြေး ကလေးသံတွေ တိတ်ဆိတ်သွားတဲ့ တောင်ကိုရီးယား - ကျောင်းပေါင်း ၄,၀၀၀ ကျော်တောင် တံခါးတွေကို အပြီးတိုင် ပိတ်လိုက်ရခြင်းရဲ့ ထိတ်လန့်ဖွယ် အကြောင်းတရား !"
ကိုရီးယားမှာ ဒရာမာထဲကလို မဟုတ်တဲ့ တောင်ကိုရီးယားရဲ့ တချို့သော လက်တွေ့ဘဝ ပြဿနာတွေထဲက တခုကတော့ - အသက်ကြီးရင့်သူတွေ များလာပေမယ့် ကလေးမွေးဖွားတာက ပိုပြီးနဲနဲလာလို့ လူဦးရေကျဆင်းတဲ့ အရှိန်က မြင့်တက်နေပြီး ကြောက်စရာကောင်းတဲ့ စီးပွားရေး၊ ပညာရေး၊ အလုပ်အကိုင်တွေမှာ တဖြေးဖြေးထိခိုက်လာတဲ့ လူပြတ်လပ်တဲ့ လူဦးရေအကျပ်အတည်းဒဏ်ကို ရင်ဆိုင်နေရတာပါ။
ကိုရီးယားနိုင်ငံမှာ ကလေးမွေးဖွားနှုန်းတွေ စံချိန်တင်အောင် လျော့နည်းလာတာနဲ့အမျှ အခုဆိုရင် တစ်နိုင်ငံလုံးအတိုင်းအတာနဲ့ ပိတ်သိမ်းလိုက်ရတဲ့ ကျောင်းပေါင်း ၄,၀၀၀ ကျော်သွားပြီလို့ သိရပါတယ်။ ဒါဟာ ကျောင်းတက်မယ့်ကလေး မရှိတော့တဲ့အတွက် ဖြစ်ပေါ်လာတဲ့ ဆိုးကျိုးတစ်ခုပါပဲ။ 📉
📌 ထိတ်လန့်စရာကောင်းတဲ့ အခြေခံ အချက်အလက်တချို့ကို ကြည့်ရရင် -
ကျောင်းပေါင်း ၄,၀၀၈ ကျောင်း - လွန်ခဲ့တဲ့ နှစ်ပေါင်း ၅၀ အတွင်း မူလတန်း၊ အလယ်တန်းနဲ့ အထက်တန်းကျောင်း အများအပြား တံခါးပိတ်ခဲ့ရပါတယ်။
ကျောင်းအဆင့်အလိုက် ကြည့်မည်ဆိုပါက ပိတ်သိမ်းခဲ့သည့် မူလတန်းကျောင်း စုစုပေါင်း ၃,၆၇၄ ကျောင်း၊ အလယ်တန်းကျောင်း ၂၆၄ ကျောင်းနှင့် အထက်တန်းကျောင်း ၇၀ ကျောင်း ဖြစ်ပါတယ်။
ပြီးခဲ့သည့် ၅ နှစ်အတွင်းမှာတင် စုစုပေါင်း ၁၅၈ ကျောင်း ပိတ်သိမ်းခဲ့သည်။ ထို့ပြင် လာမည့် ၅ နှစ်အတွင်း၌လည်း နောက်ထပ် ၁၀၇ ကျောင်း ထပ်မံတံခါးပိတ်ရဖွယ် ရှိနေပါတယ်။
မူလတန်းကျောင်းတွေ အထိခိုက်ဆုံးပါ။ ပိတ်သိမ်းရတဲ့အထဲမှာ မူလတန်းကျောင်းပေါင်း (၃,၆၇၄) ကျောင်းအထိ ပါဝင်နေတာကြောင့် နောက်ပိုင်းမျိုးဆက်သစ်တွေ တဖြည်းဖြည်း နည်းပါးလာတာကို မီးမှောင်းထိုးပြနေပြီး လူဦးရေပြဿနာကို ထင်ထင်ရှားရှား မြင်နေရပါတယ်။
ကျောင်းတံခါးတွေကိုပိတ်ပြီး ပစ်ထားတဲ့ ကျောင်းဟောင်းတွေကလည်း မနည်းလှပါဘူး။ ပိတ်ထားတဲ့ကျောင်းတွေထဲက ၃၇၆ ကျောင်းဟာ ဘာမှအသုံးမပြုဘဲ ဒီအတိုင်း ရှိနေပြီး၊ တချို့ဆိုရင် ၃၀ နှစ်ကျော်ကြာအောင် ပစ်ထားရတဲ့ ကျောင်းအို / ကျောင်းပျက်ကြီးတွေ အဖြစ်ကို ရောက်နေကြပါပြီ။ 🏚️
တဖြေးဖြေး ပညာရေးနယ်ပယ်က အလုပ်အကိုင်အပေါ် သက်ရောက်မှုတွေ ရှိလာပါပြီ။ ကျောင်းသားမရှိတော့တဲ့အတွက် ၂၀၂၅ ခုနှစ်ရောက်ရင် ဆရာ၊ ဆရာမ အလုပ်အကိုင်ပေါင်း ၂,၂၀၀ ကျော် ထပ်မံလျှော့ချခံရဖို့ ရှိနေပါတယ်။
တက္ကသိုလ်တွေမှာဆိုရင်လည်း တချို့သောကျောင်းတွေဟာ ဆက်လက်လည်ပတ်နိုင်ဖို့ နိုင်ငံတကာက ကျောင်းသူ /ကျောင်းသားတွေကိုပဲ ပိုပြီးမှီခိုလာနေရပြီး ကျားကန်ထားရပါတယ်။ ဒါကြောင့်ပဲ နိုင်ငံတကာက ကျောင်းသူ/ကျောင်းသားတွေကို အပြိုင်အဆိုင် လက်ခံပြီး ကျောင်းလာတက်ကြဖို့ ဆွဲဆောင်နေကြရပါတယ်။
စက်ရုံအလုပ်ရုံနဲ့ စိုက်ပျိုးရေး ၊ ဆောက်လုပ်ရေး လုပ်ငန်းခွင်တွေမှာလည်း နိုင်ငံခြားသား အလုပ်သမားတွေကို ပိုပြီး မှီခိုလာနေရပါတယ်။
📍 အထူးသဖြင့် မြို့ပြမဟုတ်တဲ့ ဒေသတွေမှာ ကျောင်းသားဦးရေ လျော့နည်းမှုက ပိုဆိုးနေပြီး၊ လာမည့် ၅ နှစ်အတွင်းမှာလည်း နောက်ထပ်ကျောင်းပေါင်း ၁၀၇ ကျောင်းလောက် ထပ်ပြီး ပိတ်ရဦးမယ်လို့ ခန့်မှန်းထားကြပါတယ်။
အခုဆိုရင် အစိုးရအနေနဲ့ ဒီကျောင်းဟောင်းတွေကို အများပြည်သူအကျိုးရှိမယ့် နေရာတွေအဖြစ် ပြန်လည်အသုံးပြုဖို့ (ဥပမာ- လူမှုကူညီရေးစင်တာ / ဒေသတွင်း ပိုင်ဆိုင်မှုတွေအဖြစ်) ရေရှည်စီမံကိန်းတွေ ချမှတ်ဖို့ ကြိုးစားနေကြရပြီ ဖြစ်ပါတယ်။
ကလေးမွေးဖွားနှုန်း လျော့နည်းလာတာဟာ နိုင်ငံတစ်ခုရဲ့ ပညာရေးတင်မကဘဲ အနာဂတ်အတွက်ပါ ကြီးမားတဲ့ ဘက်ပေါင်းစုံက စိန်ခေါ်မှုတစ်ခု ဖြစ်လာနေတာကတော့ အမှန်ပဲ ဖြစ်ပါတယ်။ 💭
ကိုရီးယားအစိုးရအနေနဲ့ အိမ်ထောင်ပြုဖို့နဲ့ ကလေးမွေးဖွားနှုန်းတိုးတက်ဖို့အတွက် ငွေကြေးထောက်ပံ့မှုမျိုးစုံနဲ့ တွန်းအားပေးဆောင်ရွက်နေပေမယ့် လူနေမှုစရိတ်ကြီးမားခြင်းနဲ့ လူမှုရေးဆိုင်ရာအခက်အခဲတွေကြောင့် သိသာထင်ရှားတဲ့ တိုးတက်မှုမျိုး မတွေ့ရသေးပါဘူး။
ဒါ့အပြင် အစိုးရရဲ့ မက်လုံးပေးစီမံချက်တွေဟာ ငယ်ရွယ်သူတွေရဲ့ လက်တွေ့ဘဝစိန်ခေါ်မှုတွေကို ထိရောက်စွာ မဖြေရှင်းနိုင်သေးတာကြောင့် မျိုးဆက်သစ်လူဦးရေပြတ်လတ်မှုပြဿနာက ဆက်လက်စိုးရိမ်စရာ ဖြစ်နေဆဲဖြစ်ပါတယ်။
အိမ်ထောင်ဖက်အနေနဲ့လည်း ကိုရီးယားအမျိုးသားတွေဟာ နိုင်ငံခြားအမျိုးသမီးတွေကို ရွေးချယ်လာတာ ပိုများလာပါတယ်။ လက်ရှိ ကိုရီးယားအမျိုးသမီး အတော်များများဟာ အိမ်ထောင်ပြုခြင်းထက် မိမိရဲ့ Career (အလုပ်အကိုင်) ကို ပိုဦးစားပေးလာကြပြီး "No Marriage" (ဘီဟွန်း - 비혼) လှုပ်ရှားမှုတွေကလည်း အားကောင်းလာပါတယ်။
စိုက်ပျိုးရေးနဲ့ မွေးမြူရေးလုပ်ငန်းများရှိရာ ကျေးလက်ဒေသတွေမှာ နေထိုင်တဲ့ ကိုရီးယားအမျိုးသမီးတွေဟာ မြို့ပြကို ပြောင်းရွှေ့သွားကြတာကြောင့် ကျေးလက်က အမျိုးသားတွေအတွက် အိမ်ထောင်ဖက်ရှာဖို့ နိုင်ငံခြားသူတွေကို အားကိုးလာရပါတယ်။ အထူးသဖြင့် ဗီယက်နမ်၊ ဖိလစ်ပိုင်နဲ့ ထိုင်းနိုင်ငံတို့က အမျိုးသမီးတွေနဲ့ အိမ်ထောင်ပြုတာ များပြားပါတယ်။
ကိုရီးယား ယဉ်ကျေးမှုအရ အိမ်ထောင်ပြုပြီးရင် အမျိုးသမီးတွေဟာ ယောက္ခမတွေကို ပြုစုရတာ၊ အိမ်မှုကိစ္စ အကုန်လုပ်ရတာ စတဲ့ ဖိအားတွေ ရှိပါတယ်။ ခေတ်သစ် ကိုရီးယားအမျိုးသမီးတွေက ဒီလိုဖိအားတွေကို လက်မခံချင်ကြတော့တဲ့အတွက် အမျိုးသားတွေက အိမ်ထောင်မှုတာဝန်ကို ပိုမိုတန်ဖိုးထားနိုင်မယ့် ပိုပြီးသီးခံနားလည်ပေးနိုင်မယ့် နိုင်ငံခြားသူတွေကို ရွေးချယ်လာကြကလည်း တခုပါ။
လူဦးရေ လျော့နည်းလာမှုကို ဖြေရှင်းဖို့အတွက် အစိုးရက နိုင်ငံတကာ အိမ်ထောင်ရေး (International Marriage) ပြုလုပ်သူတွေကို ငွေကြေးထောက်ပံ့တာ၊ ဗီဇာ လွယ်ကူအောင် လုပ်ပေးတာနဲ့ ဘာသာစကားသင်တန်းတွေ ပေးတာမျိုးတွေ လုပ်ဆောင်ပေးနေပါတယ်။K-Pop နဲ့ K-Drama ကြောင့် နိုင်ငံခြားသူတွေက ကိုရီးယားအမျိုးသားတွေကို အရင်ကထက် ပိုမိုစိတ်ဝင်စားလာတာလည်း ပါဝင်ပါတယ်။
ဒီအချက်တွေကြောင့်ပဲ ကိုရီးယားမှာ 'Multicultural Families' (ဒါမွန်ဟွာ - 다문화) လို့ ခေါ်တဲ့ လူမျိုးပေါင်းစုံ မိသားစုတွေဟာ လူ့အဖွဲ့အစည်းရဲ့ အရေးပါတဲ့ အစိတ်အပိုင်းတစ်ခု အနေနဲ့ ဖြစ်လာနေပါတယ်။
ကိုရီးယားအစိုးရကတော့ နိုင်ငံခြားသားတွေကို တောင်ကိုရီးယားမှာ ရေရှည်နေထိုင် လုပ်ကိုင်နိုင်ဖို့ကို ပိုမို တွန်းအားပေးဆောင်ရွက်နေပါတယ်။ တောင်ကိုရီးယားတရားရေးဝန်ကြီးဌာနကလည်း နှစ်သစ် ၂၀၂၆ ခုနှစ် ဇန်နဝါရီလကနေ စတင်ပြီး နိုင်ငံခြားသားတွေ ဒေသတွင်း၌ အခြေချနေထိုင်မှုကို ပံ့ပိုးကူညီဖို့ အစီအစဥ်တွေကို အကောင်အထည်ဖော်ဆောင်ရွက်နေပါတယ်။
နိုင်ငံခြားသားတွေအတွက် ‘ဒေသတွင်း နေထိုင်မှု ထောက်ပံ့ရေးဌာန’ ကို တိုးချဲ့ဖွဲ့စည်းမယ်လို့ ကြေငြာထားပါတယ်။
ကိုရီးယားနွယ်ဖွား (သွေးနှော ကပြား) တွေရဲ့ အခွင့်အရေးကို ကာကွယ်ဖို့ ‘ကိုရီးယားနွယ်ဖွားများ နေထိုင်မှု ပေါင်းစည်းရေးဌာန’ ကိုပါ အသစ်ဖွင့်လှစ်မှာဖြစ်ပါတယ်။
ဒေသအလိုက် အထူးပြုဗီဇာစနစ်တွေကို တိုးချဲ့တာတွေ ၊ နေထိုင်ခွင့်အဆင့်အတန်း(F-4, E-7 ,... ) စတဲ့ဗီဇာစနစ်တွေကို ပိုမိုကောင်းမွန်အောင် ပြုပြင်တာတွေနဲ့ ဝမ် ၂ ဘီလီယံ ဘတ်ဂျက်သုံးစွဲပြီး နေထိုင်မှုထောက်ပံ့ရေးစင်တာတွေကမှ တစ်ဆင့် ဗီဇာ၊ အလုပ်အကိုင်နှင့် လူမှုဘဝဝန်ဆောင်မှုတွေ ကို စနစ်တကျ ထောက်ပံ့ပေးပြီး နိုင်ငံခြားသားတွေနဲ့ ကိုရီးယားနွယ်ဖွားတွေ ကိုရီးယားလူ့အဖွဲ့အစည်းအတွင်း တည်ငြိမ်စွာ အခြေချနေထိုင်နိုင်ကြဖို့ ရည်ရွယ်ဆောင်ရွက်သွားမယ်လို့ ကြေငြာခဲ့ပါတယ်။
💻 Dear Facebook Team,
This content is a direct translation of a news report from [ Korea News ] for educational and informational purposes only. It is not intended to promote violence or cause harm.
Information For Public :📑
●☆ Reference —
- "엄마, 우리 학교 없어진대요"···초등학교부터 줄줄이 문 닫아, 전국 폐교 4000곳 돌파
- 문 닫은 학교 4000곳 넘었다.. 30년 넘게 방치된 폐교도 82곳
- 전국 학교 4000여곳 문 닫았다
- 저출생에 전국 학교 4000곳 문 닫았다…앞으로 가장 많이 폐교될 곳은 ‘전북’
-
법무부에 '지역체류지원과'·'동포체류통합과' 신설
#대한민국 #인구절벽 #폐교현황 #저출산문제 #학령인구감소 #တောင်ကိုရီးယား #လူဦးရေပြဿနာ #ပညာရေး #ကျောင်းများပိတ်သိမ်းခြင်း #ကလေးမွေးဖွားနှုန်းနိမ့်ကျမှု
