https://www.facebook.com/100227935969524/

PrimeReg Consulting, Yangon (2026)

28/08/2026

လုပ်ငန်းရှင်တွေသတိမထားမိတဲ့ Company Suspended
ဖြစ်ရခြင်းရဲ့အဓိကအကြောင်းအရင်း

Company Suspended ဖြစ်သွားရတဲ့ အဓိက အကြောင်းအရင်းကတော့ Annual Return (AR) တင်ဖို့ ပျက်ကွက်ခဲ့တာကြောင့်ဖြစ်ပါတယ်။

DICA ရဲ့ စည်းမျဉ်းအရ ကုမ္ပဏီတစ်ခုဟာ နှစ်စဉ် သတ်မှတ်ထားတဲ့ နှစ်ပတ်လည် ကာလအတွင်း AR ပုံမှန် တင်သွင်းပေးရပါတယ်။

သတ်မှတ်ရက်ထက် ကျော်လွန်သွားတာနဲ့ MyCO စနစ်က Status ကို "Overdue" အဖြစ် စတင်ပြောင်းလဲလိုက်ပြီး ဒဏ်ကြေး (Late Fee) စတင် စည်းကြပ်ပါတယ်။

Suspended ဖြစ်သွားခြင်း

Overdue ဖြစ်ပြီးနောက် DICA ရဲ့ သတိပေးချက်အတိုင်း သတ်မှတ်ထားတဲ့ ကာလအတွင်း ဒဏ်ကြေးနဲ့ AR ကို အပြီးသတ် မတင်သွင်းပါက Status က "Suspended" (ဆိုင်းငံ့) အဖြစ်သို့ အလိုအလျောက် ပြောင်းလဲသွားတာ ဖြစ်ပါတယ်။

---

"Company Suspended ဖြစ်သွားရင် ဘာတွေ ကြုံရမလဲ?"

လုပ်ငန်းလိုင်စင်များ သက်တမ်းတိုး၍ မရခြင်း

UMFCCI၊ Trade Net 2.0 (ပို့ကုန်သွင်းကုန်လိုင်စင်)များအပြင် ဌာနဆိုင်ရာ လိုင်စင်များ လျှောက်ထားခြင်းနှင့် သက်တမ်းတိုးခြင်းများ ပြုလုပ်၍ မရတော့ပါ။

လုပ်ငန်း ယုံကြည်မှု ထိခိုက်ခြင်း

Partner များနှင့် စီးပွားရေး မိတ်ဖက်များက DICA တွင် စိစစ်သည့်အခါ Active(Registered) မဟုတ်ဘဲ Suspended ပြနေပါက လုပ်ငန်း၏ ခိုင်မာမှုကို သံသယဝင်လာနိုင်ပါတယ်။

---

ဒါဆို"Suspended ဖြစ်သွားရင် ပြန်လည် ကုစားလို့ ရလား?"

ရပါတယ်။ Suspended ဖြစ်သွားတာနဲ့ ကုမ္ပဏီ လုံးဝ ပယ်ဖျက်ခံလိုက်ရတာ (Struck Off) မဟုတ်သေးပါ။

DICA မှ သတ်မှတ်ထားသော ကာလ (၆ လ) အတွင်း ပျက်ကွက်ခဲ့သည့် AR များ၊ ဒဏ်ကြေးများနှင့် Restoration လျှောက်လွှာကို စနစ်တကျ ပြန်လည်တင်သွင်းခြင်းဖြင့် ကုမ္ပဏီ Status ကို Active ပြန်ဖြစ်အောင် ပြုလုပ်နိုင်ပါတယ်။

မှတ်ချက် - သတ်မှတ်ထားသည့် ကာလကျော်လွန်သည်အထိ အရေးမယူဘဲ ထားရှိပါက ကုမ္ပဏီကို စာရင်းမှ လုံးဝ ပယ်ဖျက်ခြင်း Struck Off အဆင့်သို့ ရောက်ရှိသွားပါမည်။

💡 Primereg Consulting ရဲ့ အကြံပြုချက်ကတော့

မလိုအပ်ဘဲ ဒဏ်ကြေးများ ပေးဆောင်ရခြင်းနှင့် လုပ်ငန်းစဉ်များ ကြန့်ကြာမှုကို ရှောင်ရှားနိုင်ဖို့ ကိုယ့်ကုမ္ပဏီ၏ AR တင်ရမည့် ကာလများကို သတိပြု မှတ်သားထားဖို့ အကြံပြုလိုပါတယ်။

လုပ်ငန်းကိစ္စများအတွက်ဆက်သွယ်ရန်- 09795594525 (Phone/Viber)

‌လိပ်စာ- အမှတ်-၁၀(အေ/ဘီ)၊ဥက္ကလာသီရိကွန်ဒို၊ဥက္ကလာသီရိ(၂)လမ်း၊မြောက်ဥက္ကလာပမြို့နယ်၊ရန်ကုန်မြို့။

26/08/2026

📢 လုပ်ငန်းရှင်များ သိရှိထားသင့်သည့် ကုမ္ပဏီအမည်ပြောင်းလဲခြင်းဆိုင်ရာ အရေးကြီး Update!

ယခင်က ကုမ္ပဏီအမည် ပြောင်းလဲလျှင် လုပ်ငန်းစဉ် အဆင့်အချို့ကို လွယ်လွယ်ကူကူ ဆောင်ရွက်နိုင်ခဲ့ပေမဲ့ ယခုအခါမှာတော့ DICA၏ တောင်းဆိုချက်အရ အခွန်ကင်းရှင်းကြောင်း ထောက်ခံချက် (SAS Certificate) လိုအပ်လာပြီ ဖြစ်ပါတယ်။

ဒါကြောင့် ကုမ္ပဏီအမည် ပြောင်းလဲဖို့ စီစဉ်နေတဲ့ လုပ်ငန်းရှင်ကြီးများအနေနဲ့ DICA မဟုတ်ဘဲ အခွန်ဌာနနှင့်ဆိုင်သော လုပ်ငန်းစဉ်များကိုပါ စနစ်တကျ ပြင်ဆင်ဆောင်ရွက်ထားဖို့ လိုအပ်ပါတယ်။

💡ဘာကြောင့် SAS (Self-Assessment System) အခွန်ရှင်းလင်းကြောင်း ထောက်ခံချက် လိုအပ်တာလဲ?

(၁) လုပ်ငန်းခွင် ပွင့်လင်းမြင်သာမှုရှိစေရန်

ကုမ္ပဏီအမည် မပြောင်းမီ ယခင်အမည်နှင့် ဆောင်ရွက်ခဲ့သည့် အခွန်ဆိုင်ရာ တာဝန်ကျေပွန်မှုများကို စိစစ်ရန် ဖြစ်ပါသည်။

(၂)တရားဝင် အထောက်အထား ခိုင်မာစေရန်

DICA သို့ အမည်ပြောင်းလဲလျှောက်ထားရာတွင် သက်ဆိုင်ရာ အခွန်ရုံး၏ ကင်းရှင်းကြောင်း ထောက်ခံချက်ပါရှိမှသာ လုပ်ငန်းစဉ် ပြီးမြောက်နိုင်မည် ဖြစ်ပါသည်။

⚠️ ဒါဆို အမည်မပြောင်းမီ ဘာတွေ ကြိုတင်ပြင်ဆင်ထားသင့်လဲ?

(၁) ယခင် အခွန်ဆိုင်ရာ စာရင်းဇယားများ ရှင်းလင်းထားခြင်း

အခွန်ကြွေးကျန်များမရှိစေရန်နှင့် နှစ်ချုပ် အခွန်ကြေညာလွှာများ ပုံမှန်တင်သွင်းထားရန် လိုအပ်ပါသည်။

(၂) SAS ထောက်ခံချက် လျှောက်ထားခြင်း

မိမိတို့ သက်ဆိုင်ရာ အခွန်ရုံးမှ SAS အခွန်ရှင်းလင်းကြောင်း ထောက်ခံချက် ရရှိအောင် ကြိုတင် လုပ်ဆောင်ထားရပါမည်။

(၃) DICA သို့ စာရွက်စာတမ်း တင်သွင်းခြင်း

SAS ထောက်ခံချက် ရရှိပြီးမှသာ DICA ၏ အမည်ပြောင်းလဲခြင်း လုပ်ငန်းစဉ်များကို ဆက်လက် ဆောင်ရွက်နိုင်မည် ဖြစ်ပါသည်။

---

လုပ်ငန်းရှင်ကြီးများအနေနဲ့ အမည်ပြောင်းလဲခြင်း လုပ်ငန်းစဉ်မှာ ကြန့်ကြာမှု မရှိစေဖို့အတွက် အခွန်ကိစ္စများကို စနစ်တကျ ကြိုတင် ပြင်ဆင်ထားကြဖို့ တိုက်တွန်းပါရစေ။

အမည်ပြောင်းလဲခြင်းဆိုင်ရာ စာရွက်စာတမ်း အကူအညီများနှင့် အခွန်ရှင်းလင်းခြင်းဆိုင်ရာ အကြံဉာဏ်များ လိုအပ်ပါက PRC Consulting သို့ လွတ်လပ်စွာ ဆက်သွယ် မေးမြန်းနိုင်ပါသည်။

📞 Contact us: 09-795594525 (Phone/Viber)
🏢 No.10(A/B) Okkalarthiri Condo, Okkalarthiri(2)St,
North Okkalapa Township, Yangon.

24/08/2026

Annual Return တင်ရန်ပျက်ကွက်ခဲ့သော ကုမ္ပဏီ(၂၀၀)ကို DICAမှ (Struck off)အဖြစ် မှတ်ပုံတင်းစာရင်းမှပယ်ဖျက်။

ပယ်ဖျက်လိုက်သောကုမ္ပဏီစာရင်းများကိုအောက်တွင်ဖော်ပြထားပေးပါတယ်။

10.8.2026 Updateစာရင်းပါ။

19/08/2026

ကုမ္ပဏီမှာ ရင်းနှီးမြှုပ်နှံသူ (Investor) တွေ ဖိတ်ခေါ်ချင်ပေမဲ့ အုပ်ချုပ်ခွင့် (Control) မဆုံးရှုံးချင်ဘူးလား?

စီးပွားရေးလုပ်ငန်းရှင်တော်တော်များများ ကုမ္ပဏီကို တိုးချဲ့ဖို့ ရင်းနှီးမြှုပ်နှံသူတွေ ရှာတဲ့အခါ အကြောက်ဆုံးအရာတစ်ခုက "ငါ့ကုမ္ပဏီကို သူတို့များ ထိန်းချုပ်သွားမလား" ဆိုတဲ့ စိုးရိမ်စိတ်ပါပဲ။ ရင်းနှီးမြှုပ်နှံသူတွေဘက်က ကြည့်ပြန်ရင်လည်း သူတို့ထည့်ဝင်ထားတဲ့ ငွေအတွက် သေချာပေါက် အကျိုးအမြတ် (Return) ပုံမှန်ရချင်ကြပါတယ်။

ဒီလို နှစ်ဦးနှစ်ဖက်ရဲ့ လိုအပ်ချက်တွေကို အကောင်းဆုံး ဖြေရှင်းပေးနိုင်တာကတော့ Preference Shares (ဦးစားပေး ရှယ်ယာ) တွေပဲ ဖြစ်ပါတယ်။

Preference Share ဆိုတာ သာမန်ရှယ်ယာ (Ordinary Shares) တွေနဲ့မတူဘဲ အမြတ်ဝေစု (Dividend) ခွဲဝေတဲ့အခါဖြစ်ဖြစ်၊ ကုမ္ပဏီဖျက်သိမ်းလို့ ပိုင်ဆိုင်မှုတွေ ခွဲဝေတဲ့အခါဖြစ်ဖြစ် "ဦးစားပေး" ရရှိမယ့် ရှယ်ယာအမျိုးအစားပါ။ အရေးအကြီးဆုံးအချက်ကတော့ သူတို့ဟာ ကုမ္ပဏီရဲ့ မူဝါဒဆုံးဖြတ်ချက်တွေမှာ ဝင်ရောက်မဲပေးခွင့် (Voting Rights) အများအားဖြင့် မရှိပါဘူး။ ဒါကြောင့် လုပ်ငန်းရှင်တွေအနေနဲ့ ကုမ္ပဏီရဲ့ Control ကို မိမိလက်ထဲမှာပဲ ဆက်လက်ထိန်းချုပ်ထားနိုင်ပါတယ်။

Preference Shares မှာ ဘယ်လိုအမျိုးအစားတွေ ရှိလဲ?

လူကြီးမင်းတို့ လေ့လာရလွယ်ကူစေဖို့ Preference Share အမျိုးအစား (၈) မျိုးကို အလွယ်ကူဆုံး ရှင်းပြပေးလိုက်ပါတယ်။

၁။ Cumulative Preference Shares✅

ဒီနှစ်မှာ ကုမ္ပဏီက အမြတ်မရလို့ အမြတ်ဝေစု မပေးနိုင်ခဲ့ရင်တောင် နောက်နှစ်တွေမှာ အမြတ်ရတဲ့အခါ အရင်နှစ်က မရခဲ့တဲ့ အမြတ်ဝေစုတွေကိုပါ စုဆောင်းပြီး ပေါင်းထုတ်ပေးရမယ့် ရှယ်ယာဖြစ်ပါတယ်။

၂။ Non-Cumulative Preference Shares✅

ဒီနှစ် အမြတ်မရလို့ မခွဲပေးနိုင်ရင် အဲ့ဒီနှစ်အတွက် အမြတ်ဝေစု ဆုံးရှုံးပါတယ်။ နောက်နှစ်တွေမှာ သွားပေါင်းတောင်းလို့ မရပါဘူး။

၃။ Participating Preference Shares✅

သတ်မှတ်ထားတဲ့ အမြတ်ဝေစုအပြင် ကုမ္ပဏီက အမြတ်တွေအရမ်းများလို့ သာမန်ရှယ်ယာရှင်တွေကို ခွဲပေးပြီး ပိုနေတဲ့ အပိုအမြတ် (Surplus Profit) တွေမှာပါ ထပ်မံခွဲဝေခံစားခွင့် ရှိပါတယ်။

၄။ Non-Participating Preference Shares✅

ကိုယ့်အတွက် သတ်မှတ်ထားတဲ့ အမြတ်ဝေစု (Fixed Dividend) ကိုပဲ ရရှိမှာဖြစ်ပြီး ကျန်တဲ့ အပိုအမြတ်တွေမှာ ပါဝင်ခွင့်မရှိပါဘူး။

၅။ Redeemable Preference Shares✅

သတ်မှတ်ထားတဲ့ အချိန်ကာလတစ်ခုရောက်ရင် ကုမ္ပဏီကနေ ရှယ်ယာရှင်ဆီကနေ ရှယ်ယာတန်ဖိုးအတိုင်း ပြန်လည်ရွေးယူ (ဝယ်ယူ) ခွင့်ရှိတဲ့ ရှယ်ယာဖြစ်ပါတယ်။

၆။ Irredeemable Preference Shares✅

ကုမ္ပဏီဖျက်သိမ်းတဲ့ အချိန်မှသာ ငွေပြန်အမ်းပေးမယ့် ရှယ်ယာအမျိုးအစားပါ။ (မြန်မာနိုင်ငံ အပါအဝင် နိုင်ငံတော်တော်များများမှာတော့ ကုမ္ပဏီများဥပဒေအရ ဒီလိုရှယ်ယာမျိုး ထုတ်ဝေခွင့်ကို ကန့်သတ်ထားလေ့ရှိပါတယ်)။

၇။ Convertible Preference Shares✅

သတ်မှတ်ထားတဲ့ အချိန်တစ်ခုရောက်ရင် ကိုယ့်ရဲ့ Preference Share ကို သာမန်ရှယ်ယာ (Ordinary Share) အဖြစ် ပြောင်းလဲခွင့်ရှိပါတယ်။

၈။ Non-Convertible Preference Shares✅

သာမန်ရှယ်ယာအဖြစ် ပြောင်းလဲခွင့်မရှိဘဲ Preference Share အနေနဲ့ပဲ အဆုံးထိ သွားရမယ့် ရှယ်ယာဖြစ်ပါတယ်။

မိမိကုမ္ပဏီရဲ့ အခြေအနေ၊ ရင်းနှီးမြှုပ်နှံသူရဲ့ လိုလားချက်တွေပေါ်မူတည်ပြီး အသင့်တော်ဆုံး ရှယ်ယာအမျိုးအစားကို ရွေးချယ်ထုတ်ဝေနိုင်ပါတယ်။

ဒီလို ရှုပ်ထွေးတဲ့ Company Registration, Share Transfer, UMFCCI Application နဲ့ MyCO စနစ်ပိုင်းဆိုင်ရာ ကိစ္စရပ်တွေအတွက် ခေါင်းခဲမခံပါနဲ့။ PRC Consulting က လူကြီးမင်းတို့ ကုမ္ပဏီအတွက် အစစအရာရာ တိကျမှန်ကန်အောင် အကောင်းဆုံး ဝန်ဆောင်မှုပေးနေပါပြီ။

လုပ်ငန်းလိုအပ်ချက်တွေအတွက် အသေးစိတ် ဆွေးနွေးတိုင်ပင်လိုပါက အောက်ပါ လိပ်စာနဲ့ ဖုန်းနံပါတ်ကို ယခုပဲ ဆက်သွယ်လိုက်ပါ။

📍 လိပ်စာ - အမှတ် 10(A/B)၊ ဥက္ကလာသီရိကွန်ဒို ၊ ဥက္ကလာသီရိ(၂)လမ်း၊ မြောက်ဥက္ကလာပမြိုနယ်၊ ရန်ကုန်မြို့။

☎️ ဖုန်းနံပါတ် - 09795594525 (Phone/Viber)

17/08/2026

💡 ကုမ္ပဏီနာမည် လျှောက်တိုင်း ပယ်ဖျက် (Reject) မခံရရအောင် DICA ရဲ့ Name Guideline တွေကို သေချာသိထားပြီးပြီလား။

မြန်မာနိုင်ငံကုမ္ပဏီများဥပဒေ (၂၀၁၇) အရ ကုမ္ပဏီတစ်ခုကို MyCO စနစ်မှာ မှတ်ပုံတင်တော့မယ်ဆိုရင် အရေးကြီးဆုံးနဲ့ ပထမဆုံး လျှောက်ထားရတဲ့အဆင့်ကတော့ "Company Name Registration" ဖြစ်ပါတယ်။

ဒါပေမဲ့ လက်တွေ့မှာ လုပ်ငန်းရှင်တော်တော်များများဟာ မိမိစိတ်ကြိုက် ရွေးချယ်ထားတဲ့ ကုမ္ပဏီနာမည်တွေဟာ MyCO ရောက်မှ ဥပဒေနဲ့ မညီညွတ်တာ၊ သတ်မှတ်ချက်နဲ့ လွဲချော်နေတာတွေကြောင့် ခွင့်မပြုဘဲ ပယ်ဖျက်ခံရတာ (Reject ထိတာ)၊ အချိန်ကြန့်ကြာတာနဲ့ မလိုအပ်ဘဲ စိတ်ညစ်ရတာတွေကို ကြုံတွေ့နေရပါတယ်။

DICA အနေနဲ့ လုပ်ငန်းရှင်တွေ အချိန်ကုန်သက်သာစေဖို့နဲ့ ပွင့်လင်းမြင်သာမှု ရှိစေဖို့အတွက် ကုမ္ပဏီနာမည်တွေကို စနစ်တကျ စိစစ်ပေးလျက်ရှိပါတယ်။ ဒါကြောင့် နာမည်မလျှောက်ခင်မှာ DICA ရဲ့ အဓိက စိစစ်ချက်တွေကို ကြိုတင်သိရှိထားဖို့ လိုအပ်ပါတယ်။

၁။ အမည်တူညီမှု သို့မဟုတ် ဆင်တူယိုးမှားဖြစ်မှု ကန့်သတ်ချက်များ
အများပြည်သူကို အထင်အမြင်မှားစေနိုင်တဲ့ တည်ရှိပြီးသား ကုမ္ပဏီနာမည်တွေနဲ့ ဆင်တူယိုးမှား လျှောက်ထားခြင်းကို ခွင့်မပြုပါ -

လုံးဝတူညီခြင်း သို့မဟုတ် အလွန်အမင်း ဆင်တူခြင်း:
(ဥပမာ - K.M.L Co., Ltd နဲ့ KML Co., Ltd / Global 1 Co., Ltd နဲ့ Global One Co., Ltd / Su Latt Co., Ltd နဲ့ Hsu Lat Co., Ltd)

စကားလုံးများ နောက်မှကပ်၍ ထပ်မံအသုံးပြုခြင်း:
တည်ရှိပြီး နာမည်အနောက်မှာ "Group", "Holding", "International", "Myanmar", "Family" စတဲ့ စကားလုံးတွေ ထပ်ပေါင်းလျှောက်ထားခြင်း။
အသံထွက် ဆင်တူခြင်း:

စာလုံးပေါင်း နည်းနည်းကွဲသော်လည်း အသံထွက်ဆင်တူနေခြင်း။ (ဥပမာ - Ayeyarwady Trading Co., Ltd နဲ့ Irrawaddy Trading Co., Ltd / Khaing နဲ့ Khine)

ရှေ့နောက်လွဲပြောင်း လျှောက်ထားခြင်း:
(ဥပမာ - Mandalay City Trading Co., Ltd နဲ့ City Mandalay Trading Co., Ltd)

အစိုးရ သို့မဟုတ် နိုင်ငံတကာ အဖွဲ့အစည်းဟု ထင်ယောင်ထင်မှား ဖြစ်စေခြင်း:
နိုင်ငံချင်း ဆက်သွယ်မှု သို့မဟုတ် စီးပွားရေးအသင်းအဖွဲ့များ၊ နှစ်နိုင်ငံ သဘောတူစာချုပ်များဟု ထင်ယောင်ထင်မှားဖြစ်စေသော နာမည်များ။ (ဥပမာ - Myanmar Thai သို့မဟုတ် Myanmar China)

Brand Name အတိုကောက်များ ယှဉ်တွဲသုံးစွဲခြင်း:
မူလ Brand Name တည်ရှိပြီးသားကို အတိုကောက် သို့မဟုတ် လုပ်ငန်းအမျိုးအစား ယှဉ်တွဲသုံးစွဲခြင်း။ (ဥပမာ - Zay Ya Co., Ltd ရှိပြီးသားကို Zay Ya (ZY) Co., Ltd သို့မဟုတ် Zay Ya Technology Co., Ltd ဟု လျှောက်ထားခြင်း)

၂။ တားမြစ်ထားသော သို့မဟုတ် ကန့်သတ်ထားသော စကားလုံးများ
အစိုးရနှင့် ဆက်စပ်မှုဆိုင်ရာ စကားလုံးများ:
"နိုင်ငံတော်"၊ "ဗဟိုဘဏ်"၊ "ပြည်ထောင်စုအစိုးရ"၊ "သမ္မတ"၊ "ဝန်ကြီးဌာန"၊ "မြန်မာနိုင်ငံတော်အစိုးရ"၊ "ဦးစီးဌာန"၊ "ရုံးဌာန" စသည့် အသုံးအနှုန်းများကို ခွင့်ပြုချက်မရှိဘဲ သုံးစွဲခွင့်မရှိပါ။

နိုင်ငံတကာ အဖွဲ့အစည်းများ:
UN, WHO, ASEAN စသည့် နိုင်ငံတကာအဖွဲ့အစည်းများနှင့် ပတ်သက်နေသည့် အမည်များ။

ယဉ်ကျေးမှုနှင့် ဘာသာရေးဆိုင်ရာ စကားလုံးများ:
ရိုင်းစိုင်းသော၊ မသေချာသော၊ ဘာသာရေး သို့မဟုတ် လူမျိုးရေးအရ ပဋိပက္ခဖြစ်စေနိုင်သော အမည်များ။

နိုင်ငံရေးဆိုင်ရာ သို့မဟုတ် အခြေအနေနှင့် အချိန်အခါလိုက် အသုံးပြုရန် မသင့်တော်သော အမည်များ။

💡 သတိပြုရန် အချက်
အကယ်၍ ကုမ္ပဏီနာမည်တစ်ခုကို မှတ်ပုံတင်ခွင့်ပြုခဲ့ပြီး ဖြစ်သော်လည်း အဆိုပါနာမည်သည် ဥပဒေနှင့် မညီညွတ်ကြောင်း သို့မဟုတ် သင့်လျော်မှုမရှိကြောင်း တွေ့ရှိပါက မှတ်ပုံတင်အရာရှိ (Registrar) အနေဖြင့် ဥပဒေ ပုဒ်မ ၂၆ အရ အဆိုပါအမည်ကို ပြောင်းလဲရန် ညွှန်ကြားနိုင်ပါသည်။

Primereg Consulting ရဲ့ အကြံပြုချက်

ဒါကြောင့် သင့်ရဲ့ ကုမ္ပဏီနာမည်ကို MyCO မှာ မလျှောက်ထားမီ အမည်တူ/ဆင်တူ ရှိမရှိ သေချာ စိစစ်ခြင်း၊ DICA ရဲ့ စည်းမျဉ်းများနဲ့ ကိုက်ညီမှု ရှိမရှိ စစ်ဆေးခြင်းတို့ကို ကြိုတင်ပြင်ဆင်ထားပါက မလိုအပ်ဘဲ အချိန်ကြန့်ကြာမှုများမှ ကင်းဝေးစေမှာ ဖြစ်ပါတယ်။

ဒါ့အပြင် DICA MyCO စနစ်တွင် ကုမ္ပဏီမှတ်ပုံတင်ခြင်း၊ နာမည်စိစစ်ခြင်း နှင့် အခြားသော Corporate ဝန်ဆောင်မှုများကို စိစစ်မှန်ကန်စွာဖြင့် အချိန်တိုအတွင်း ဆောင်ရွက်လိုပါက Primereg Consulting သို့ သက်တောင့်သက်သာ ဆက်သွယ်တိုင်ပင်နိုင်ပါတယ်ခင်ဗျာ။

ဆက်သွယ်ရန်။ 09-795594525(Phone/Viber)

လိပ်စာ။ အမှတ် 10(A/B)၊ ဥက္ကလာသီရိကွန်ဒို ၊
ဥက္ကလာသီရိ(၂)လမ်း၊ မြောက်ဥက္ကလာပမြို့နယ်၊
ရန်ကုန်မြို့။

15/08/2026

ဒီနေ့ အမျိုးသားကဇာတ်ရုံမှာကျင်းပတဲ့
Youth Talk 2026ဆိုတဲ့ပွဲလေးကို
စိတ်ဝင်စားတာနဲ့ သွားရောက်နားထောင်ဖြစ်တယ်။

လူငယ်တွေလဲအများကြီးတက်ရောက်ကြတဲ့အတွက်လဲဝမ်းသာမိပါတယ်။

ကိုယ်လဲ Entrepreneurs တစ်ယောက်ဖြစ်တဲ့အတွက်အများကြီးကြိုးစားရဦးမယ်ဆိုတာလဲနားလည်သွားခဲ့ပါတယ် 🦾

Fav quote of the day🙌
" Entrepreneurship is not a part time job, it is not even a full time job, It is a lifestyle."❤️

15.8.2026

14/08/2026

မြန်မာနိုင်ငံမှာ ကုမ္ပဏီထောင်ရင် ဒါရိုက်တာ အနည်းဆုံး ဘယ်နှယောက် လိုသလဲ။

"ငါ့မှာ အရင်းအနှီးရော၊ စိတ်ကူးရော ရှိတယ်။ ဒါပေမဲ့ ကုမ္ပဏီထောင်ဖို့ လူလိုသေးလား၊တစ်ယောက်တည်း ထောင်လို့ရလား?"ဆိုတာမျိုးတွေ တွေးမိတတ်ကြမှာပါ။

ဒါကလည်းလုပ်ငန်းစတင်တော့မယ့် စီးပွားရေးလုပ်ငန်းရှင် အများစု စဉ်းစားရခက်နေရတဲ့ မေးခွန်းတစ်ခုပါ။

အချို့ကလည်း "ကုမ္ပဏီဆိုတာ အနည်းဆုံး ၂ ယောက်၊ ၃ ယောက်မှ ထောင်လို့ရတာ"* လို့ ရှေးယခင် အယူအဆတွေနဲ့ ပြောတတ်ကြသလို၊ အချို့ကလည်း "တစ်ယောက်တည်းလည်း ရတယ်" လို့ ကြားဖူးပေမဲ့ တကယ်တမ်း MyCO စနစ်မှာ မှတ်ပုံတင်တဲ့အခါ ဥပဒေနဲ့ ညီမညီ စိုးရိမ်နေကြပါတယ်။

ဒီနေ့မှာတော့ Primereg Consulting ကနေ မြန်မာနိုင်ငံ ကုမ္ပဏီများဥပဒေ (Myanmar Companies Law 2017) အရ Minimum Director (အနည်းဆုံး ဒါရိုက်တာ အရေအတွက်)ကန့်သတ်ချက်ဆိုင်ရာ အချက်အလက်မှန်တွေကို အသေးစိတ် ရှင်းလင်းပြပေးသွားပါမယ်။

---

၁။ အများပိုင်မဟုတ်သော ကုမ္ပဏီများ (Private Company Limited)

မိသားစုလုပ်ငန်း၊ SME များ သို့မဟုတ် ကုန်သွယ်ရေး လုပ်ငန်းအများစု ထူထောင်ကြတဲ့ Private Company Limited တွေအတွက်ဆိုရင် ဒါရိုက်တာ အနည်းဆုံး (၁) ယောက် (Minimum 1 Director)သာ လိုအပ်ပါတယ်။

ဒါဆိုရင် တစ်ယောက်တည်းနဲ့ ကုမ္ပဏီထောင်လို့ကော ရလား?

100% တည်ထောင်လို့ရပါတယ်ခင်ဗျာ။
မတည်ရင်းနှီးမြှုပ်နှံသူ (Shareholder) ရော၊ ကုမ္ပဏီကို စီမံခန့်ခွဲမယ့် ဒါရိုက်တာ (Director) ပါ မိမိတစ်ယောက်တည်း လုပ်ဆောင်ပြီး
Single Shareholder & Single Directorအဖြစ် DICA ရဲ့ MyCO စနစ်မှာ တရားဝင် မှတ်ပုံတင်နိုင်ပါတယ်။

ဒါပေမဲ့ မဖြစ်မနေ လိုက်နာရမည့် နေထိုင်ခွင့် စည်းမျဉ်း
(Resident Director Requirement)လေးတစ်ချက်‌တော့ရှိပါတယ်။

ကုမ္ပဏီမှာ ဒါရိုက်တာ ဘယ်နှယောက်ပဲရှိရှိ၊ အနည်းဆုံး ဒါရိုက်တာ (၁) ယောက် ဟာ မြန်မာနိုင်ငံအတွင်း တစ်နှစ်လျှင် အနည်းဆုံး ရက်ပေါင်း ၁၈၃ ရက် နေထိုင်သူ (Resident) ဖြစ်ရပါမယ်။

(မှတ်ချက် - နိုင်ငံခြားသား ဒါရိုက်တာတစ်ဦးတည်းဖြင့် ထောင်လိုပါကလည်း ထိုနိုင်ငံခြားသားသည် မြန်မာနိုင်ငံတွင် ၁၈၃ ရက် နေထိုင်သူဖြစ်ရန် သို့မဟုတ် Local Resident Director တစ်ဦး ထည့်သွင်းရန် လိုအပ်ပါသည်။)

---

၂။ အများပိုင်ကုမ္ပဏီများ (Public Company Limited)

အများပြည်သူထံမှ အစုရှယ်ယာ ခေါ်ယူရောင်းချမည့် "Public Company"များအတွက်ဆိုရင်တော့ အနည်းဆုံး ဒါရိုက်တာ (၃) ယောက် (Minimum 3 Directors) လိုအပ်ပါတယ်။

ထို ဒါရိုက်တာ (၃) ယောက်အနက် အနည်းဆုံး (၁) ယောက်သည်
မြန်မာနိုင်ငံတွင် ရက်ပေါင်း ၁၈၃ ရက်ထက်မနည်း တရားဝင်နေထိုင်သူ (Resident) ဖြစ်ရပါမယ်။

---

လုပ်ငန်းစတင်ဖို့ ပြင်ဆင်နေပြီဆိုရင်...

ကုမ္ပဏီ မှတ်ပုံတင်ရုံတင် မကဘဲ မိမိလုပ်ငန်းအမျိုးအစားအလိုက် လိုအပ်မည့် အခွန်ဆိုင်ရာ ကိစ္စရပ်များ၊ Import/Export လိုင်စင် (Trade Net 2.0)၊ UMFCCI အသင်းဝင်လျှောက်ထားခြင်းနှင့် Online Shop မှတ်ပုံတင်ခြင်း စသည့် လုပ်ငန်းစဉ်များကို စနစ်တကျ ပြင်ဆင်ထားဖို့ လိုအပ်ပါတယ်။

လုပ်ငန်းစတင်စဉ်မှာ ဥပဒေကြောင်းအရ အမှားအယွင်းမရှိစေရန်နှင့် အချိန်ကုန် သက်သာစေရန်အတွက် Primereg Consulting မှ လူကြီးမင်းတို့၏ လုပ်ငန်းများကို အစအဆုံး တာဝန်ယူ ကူညီဆောင်ရွက်ပေးလျက် ရှိပါတယ်။ အသေးစိတ်ဆက်သွယ်စုံစမ်းမေးမြန်းချင်တယ်ဆိုရင် Phone(သို့) Chat Box မှဆက်သွယ်နိုင်ပါတယ်ခင်ဗျာ။
---

📞 တိုင်ပင်ဆွေးနွေးရန် ဆက်သွယ်ရန်

ဖုန်းနံပါတ်: 09795594525 (Phone/Viber)
အီးမေးလ်: [email protected]
ရုံးလိပ်စာ: အမှတ် ၁၀ (A/B)၊ ဥက္ကလာသီရိကွန်ဒို၊ ဥက္ကလာသီရိ (၂) လမ်း၊ မြောက်ဥက္ကလာပမြို့နယ်၊ ရန်ကုန်မြို့။

11/08/2026

UMFCCI ကနေထုတ်ပေးတဲ့ Country of Origin (CO Letter) အကြောင်း

မြန်မာနိုင်ငံမှာ သွင်းကုန်/ပို့ကုန် (Import/Export) လုပ်ငန်း လုပ်ကိုင်နေတဲ့ လုပ်ငန်းရှင်တွေ၊ အထူးသဖြင့် ကုန်သွယ်မှုလောကထဲကို ခုမှ စတင်ဝင်ရောက်လာသူတွေ အနေနဲ့

နိုင်ငံတကာနဲ့ ကုန်သွယ်တဲ့အခါ "ဒီကုန်ပစ္စည်းတွေက တကယ်ပဲ မြန်မာနိုင်ငံက ထွက်တာ ဟုတ်ရဲ့လား" ဒါမှမဟုတ် "ကိုယ်သွင်းမယ့်ကုန်စည်က ဘယ်နိုင်ငံက ထုတ်လုပ်တာလဲ" ဆိုတာကို သက်သေပြဖို့ အရေးကြီးဆုံး စာရွက်စာတမ်းတစ်ခု ရှိပါတယ်။ အဲဒါကတော့ Country of Origin (CO) ခေါ် ပင်ရင်းနိုင်ငံသက်သေခံလက်မှတ် ပဲ ဖြစ်ပါတယ်။

ဒီနေ့မှာတော့ Primereg Consulting ကနေ လုပ်ငန်းရှင်တွေအတွက် CO လက်မှတ်နဲ့ ပတ်သက်ပြီး သိထားသင့်တဲ့ အချက်အလက်တွေကို အသေးစိတ် ရှင်းပြပေးသွားပါမယ်။

Country of Origin (CO) ဆိုတာ ဘာလဲ။

Country of Origin (CO) ဆိုတာ ပို့ကုန်ပစ္စည်းတွေဟာ ဘယ်နိုင်ငံမှာ စိုက်ပျိုးထုတ်လုပ်ထားတယ်၊ ဒါမှမဟုတ် ဘယ်နိုင်ငံမှာ အဓိက အသွင်ပြောင်း ထုတ်လုပ်ထားတယ်ဆိုတာကို သက်ဆိုင်ရာ အစိုးရဌာန (သို့မဟုတ်) တရားဝင် ခွင့်ပြုချက်ရထားတဲ့ အဖွဲ့အစည်းကနေ စိစစ်ထုတ်ပေးတဲ့ "နိုင်ငံတကာသုံး သက်သေခံ စာရွက်စာတမ်း" တစ်ခု ဖြစ်ပါတယ်။

📌 မှတ်ချက် - CO လိုအပ်ချက်နှင့် ပတ်သက်၍ သိထားရန်

CO ဆိုသည်မှာ မူရင်းနိုင်ငံကို သီးသန့် ထောက်ခံပေးသည့် လက်မှတ်ဖြစ်သောကြောင့် ကုန်ပစ္စည်းပေါ်တွင်ဖြစ်စေ၊ ထုတ်ပိုးမှု (Packing) ပေါ်တွင်ဖြစ်စေ ထုတ်လုပ်သည့် မူရင်းနိုင်ငံကို ရိုက်နှိပ်ထားပြီးပါက CO သီးသန့် ပါရှိရန် မလိုအပ်ပါ။ ထို့ပြင် CO မပါရှိပါကလည်း B/L ပေါ်ရှိ POL (Port of Loading) သို့မဟုတ် အခြားသော ကုန်သွယ်မှု Reference များကို ကိုးကား၍ မူရင်းနိုင်ငံကို ဆုံးဖြတ်နိုင်ပါသည်။

CO လက်မှတ်နဲ့ ပတ်သက်၍ အဓိက သိထားရမည့်အချက်များ

ကုန်သည်အများစု စဥ်းစားတတ် ကတော့ "ပစ္စည်းပို့ရင် Invoice နဲ့ Packing List ပါရင် ရပြီပဲ၊ ဘာလို့ CO ကို တကူးတက လျှောက်နေရဦးမှာလဲ" ဆိုတဲ့ အတွေးမျိုးပါ။ ဒါပေမဲ့ CO နဲ့ CEPT ဆိုင်ရာ အချက်အလက်တွေကို မှန်ကန်စွာ ခွဲခြားနားလည်ထားဖို့ အလွန်အရေးကြီးပါတယ်။

အခွန်သက်သာခွင့် (Duty Preference) နှင့် CEPT ချိတ်ဆက်မှု

CO ပါရှိရုံဖြင့် အကောက်ခွန် ကင်းလွတ်ခွင့် ရရှိသည် မဟုတ်ပါ။ အကောက်ခွန် ကင်းလွတ်ခံစားခွင့် (Customs Duty Exemption) ရရှိလိုပါက
CEPT (Common Effective Preferential Tariff)
ပါရှိမှသာ ရရှိနိုင်မည်ဖြစ်ပြီး Trade Finance နှင့်
ချိတ်ဆက်မှုရှိသည်မှာလည်း CEPT ဖြစ်ပါသည်။
CEPT Agreement အပေါ်မူတည်၍ Duty Exemption Rate များလည်း ကွဲပြားခြားနားနိုင်ပါသည်။

CO နှင့် CEPT Form အသုံးပြုမှု

CEPT Form ကို CO အဖြစ် ပြောင်းလဲ အသုံးပြုနိုင်သော်လည်း CO ကို CEPT အဖြစ် ပြသ၍ အကောက်ခွန် ကင်းလွတ်ခွင့် ခံစားခွင့် လုံးဝ မရရှိနိုင်ပါ။ CO Form ကို အခွန်ကင်းလွတ်ခွင့် ရရှိသည်ဟု အမှတ်မှား၍ တင်သွင်းလာပါက ဆိပ်ကမ်းတွင် အခွန်ကင်းလွတ်ခွင့် မရရှိဘဲ ကုန်သည်များအနေဖြင့် မလိုလားအပ်ဘဲ များစွာ နစ်နာဆုံးရှုံးနိုင်ပါသည်။

သွင်းကုန်မူဝါဒနှင့် ကန့်သတ်ချက်များကို ကျော်ဖြတ်နိုင်ဖို့

အချို့နိုင်ငံတွေမှာ ဘယ်နိုင်ငံကလာတဲ့ ပစ္စည်းကိုတော့ ကန့်သတ်ထားတယ်၊ ကုန်သွယ်မှု ပိတ်ဆို့ထားတယ် (Sanctions) ဆိုတဲ့ စည်းမျဉ်းတွေ ရှိပါတယ်။ ကိုယ့်ပစ္စည်းဟာ ပိတ်ဆို့ခံထားရတဲ့ နိုင်ငံက မဟုတ်ကြောင်း သက်သေပြဖို့ CO က အရေးပါပါတယ်။

ဝယ်သူ (Buyer) ရဲ့ ယုံကြည်မှု ရရှိစေဖို့

နိုင်ငံတကာ ဝယ်သူတွေအနေနဲ့ ၎င်းတို့နိုင်ငံရဲ့ ဆိပ်ကမ်းမှာ ကုန်ပစ္စည်း အဆင်ပြေပြေ ကလောင် (Clearance) ထုတ်နိုင်ဖို့အတွက် ပို့ကုန်သမားဆီကနေ CO လက်မှတ်ကို မဖြစ်မနေ တောင်းဆိုလေ့ ရှိကြပါတယ်။

CO လက်မှတ် အမျိုးအစားများ

CO မှာ အဓိကအားဖြင့် နှစ်မျိုး ခွဲခြားနိုင်ပါတယ် -

1. Preferential CO (အခွန်သက်သာခွင့်ရ CO / CEPT Form များ)

FTAs အရ အခွန်ကင်းလွတ်ခွင့် သို့မဟုတ် လျှော့ပေါ့ခွင့် ရမယ့် လက်မှတ်တွေ ဖြစ်ပါတယ်။ (ဥပမာ - Form D၊ Form E (တရုတ်-အာဆီယံ)၊ Form AK (ကိုရီးယား-အာဆီယံ) စသည်ဖြင့်)

2. Non-Preferential CO (ရိုးရိုး CO): အခွန်သက်သာခွင့် မရသော်လည်း ကုန်ပစ္စည်းရဲ့ ပင်ရင်းနိုင်ငံကို သက်သေပြရန် သက်သက်သာ သုံးစွဲသည့် လက်မှတ် ဖြစ်ပါတယ်။

မြန်မာနိုင်ငံမှာ CO လက်မှတ်ကို ဘယ်လိုလျှောက်ရလဲ။

မြန်မာနိုင်ငံမှာ CO လက်မှတ်တွေကို အဓိကအားဖြင့် စီးပွားရေးနှင့် ကူးသန်းရောင်းဝယ်ရေး ဝန်ကြီးဌာန (DOCA) နဲ့ မြန်မာနိုင်ငံ ကုန်သည်များနှင့် စက်မှုလက်မှု လုပ်ငန်းရှင်များ အသင်းချုပ် (UMFCCI) တို့မှာ လျှောက်ထားနိုင်ပါတယ်။
လက်ရှိမှာ လုပ်ငန်းစဉ်တွေကို အွန်လိုင်းစနစ်နဲ့ ပိုမိုမြန်ဆန်အောင် ဆောင်ရွက်နေပြီ ဖြစ်ပါတယ်။

💡 လုပ်ငန်းရှင်များအတွက် အကြံပြုချက်

CO လျှောက်ထားတဲ့အခါ ကုန်ပစ္စည်းရဲ့ HS Code (Customs Tariff Code) မှန်ကန်ဖို့ အလွန်အရေးကြီးပါတယ်။ HS Code လွဲမှားသွားပါက အခွန်သက်သာခွင့် မရရှိနိုင်တဲ့အပြင် ဆိပ်ကမ်းမှာ ကုန်ပစ္စည်း ကြန့်ကြာမှုတွေ ဖြစ်ပေါ်စေနိုင်လို့ စနစ်တကျ သေချာ စိစစ်ဖို့ လိုအပ်ပါတယ်။

ကုန်သွယ်မှု လုပ်ငန်းတွေဟာ စာရွက်စာတမ်း အသေးစိတ်ကအစ တိကျဖို့ လိုအပ်တဲ့အတွက် အမှားအယွင်းမရှိစေရန်နှင့် အချိန်ကုန် သက်သာစေရန် ကျွမ်းကျင်သူများနှင့် တိုင်ပင်ဆောင်ရွက်ဖို့ တိုက်တွန်းလိုပါတယ်။

Primereg Consulting သည် ကုမ္ပဏီမှတ်ပုံတင်ခြင်း (DICA MyCO)၊
Online Shop မှတ်ပုံတင်ခြင်း၊ UMFCCI အသင်းဝင်ခြင်း အပြင် ကုန်သွယ်မှုနှင့် သက်ဆိုင်သော Trade Net 2.0 လုပ်ငန်းစဉ်များကို စနစ်တကျ အမြန်ဆုံး ဝန်ဆောင်မှုပေးနေပါသည်။ မိမိတို့ လုပ်ငန်းအတွက် စာရွက်စာတမ်း အခက်အခဲများ ရှိပါက Primereg Consulting သို့ အချိန်မရွေး ဆက်သွယ် စုံစမ်းမေးမြန်းနိုင်ပါသည်။

ဆက်သွယ်ရန်- 09795594525(Phone/Viber)
လိပ်စာ- အမှတ်(၁၀ အေ/ဘီ) ၊ ဥက္ကလာသီရိကွန်ဒို ၊ ဥက္ကလာသီရိ(၂)လမ်း ၊ မြောက်ဥက္ကလာပမြို့နယ် ၊ ရန်ကုန်မြို့။

04/08/2026

❝ DICA မှာ မိမိကုမ္ပဏီ နာမည်ကို ပြောင်းလဲလို့ ရပါသလား? ❞ 🏢💡

လုပ်ငန်းနာမည်တစ်ခု ပြောင်းဖို့ စဉ်းစားပြီဆိုရင် ကုမ္ပဏီပိုင်ရှင်အများစု

"နာမည်ပြောင်းလိုက်ရင် ကုမ္ပဏီအဟောင်း ပျက်သွားမလား?"
"စာချုပ်တွေ၊ ဘဏ်အကောင့်တွေကရောဘယ်လိုဖြစ်မှာလဲ ?" ဆိုပြီးစိုးရိမ်တတ်တာရှိပါတယ်။

လိုတိုရှင်းဖြေရရင် တော့ — "လုံးဝ ပြောင်းလဲလို့ရပါတယ်!"

ဒါပေမဲ့တစ်ခုသိထားမှာက ကုမ္ပဏီနာမည်ပြောင်းတယ်ဆိုတာ
"ကုမ္ပဏီအသစ် ပြန်ထူထောင်တာ မဟုတ်ပါဘူး"။

---

⚠️ နာမည်မပြောင်းမီ သိထားရမယ့် အချက် (၃) ချက်တော့ရှိပါတယ်။

၁။ ကုမ္ပဏီရဲ့ Identity မပျောက်ပါဘူး

နာမည်ပြောင်းသွားပေမဲ့ သင့်ကုမ္ပဏီရဲ့ Registration Number (မှတ်ပုံတင်အမှတ်)၊ ကုမ္ပဏီသက်တမ်းနဲ့ ယခင်ပြုလုပ်ခဲ့ဖူးတဲ့ တရားဝင်စာချုပ်/တာဝန်ဝတ္တရားတွေဟာ အတည်ဖြစ်မြဲ ဖြစ်နေမှာပါ။ Identity အသစ် ပြန်တည်ဆောက်စရာ မလိုပါဘူး။

၂။ အမည်သစ်တိုင်း ရချင်မှရမယ်

မပြောင်းခင်မှာ မိမိယူချင်တဲ့ နာမည်သစ်ဟာ တခြားသူ မယူရသေးတဲ့ နာမည်လွတ် ဟုတ်/မဟုတ် MyCO မှာ သေချာ စစ်ဆေးဖို့ လိုပါတယ်။

၃။ DICA မှာ ပြောင်းရုံနဲ့ မပြီးသေးပါဘူး

နာမည်ပြောင်းတာ အောင်မြင်သွားရင် Certificate သစ် ရလာပါလိမ့်မယ်။ ဒါပေမဲ့ အဓိကအလုပ်က အဲဒီနောက်ပိုင်းမှ စတာပါ။ ဘဏ်အကောင့်၊ အခွန်ရုံးစာရင်း၊ Trade Net 2.0 နဲ့ UMFCCI စတဲ့ ဌာနဆိုင်ရာအားလုံးမှာ နာမည်သစ် လိုက်ပြောင်းပေးဖို့ လိုအပ်ပါတယ်။

---

💡 ခေါင်းရှုပ်မခံဘဲ အေးဆေးထားချင်တယ်ဆိုရင်…

နာမည်ပြောင်းတဲ့အခါ ဘယ်ကစရမှန်းမသိတာကြောင့် စမ်းတဝါးဝါးလုပ်ရင်း မှားယွင်းသွားရင် အချိန်ကုန်ပြီး ငွေပိုကုန်ကျနိုင်ပါတယ်။

Primereg Consulting က မိပြောင်းချင်တဲ့ နာမည်သစ် ရ/မရ အရင်ဆုံး စစ်ဆေးပေးတာမှစလို့ Certificate သစ် ရသည်အထိ အခက်အခဲမရှိ ချောမောစွာ ဆောင်ရွက်ပေးနေပါတယ်။

နာမည်ပြောင်းဖို့ စဉ်းစားနေရင် အသေးစိတ်ကို Primereg Page Messenger မှာ အခမဲ့ လာရောက်တိုင်ပင်နိုင်ပါတယ်ခင်ဗျာ။ 📥✨

Contact us: 09-795594525(Phone/Viber)
Address: No.10(A/B) Okkalarthiri Condo, Okkalarthiri(2)St, North Okkalapa Township, Yangon.

31/07/2026

2026 မှာ လူတိုင်းလျှောက်လာကြတဲ့ Online Shop Registration အကြောင်း သင်သိပြီးပြီလား။

အခုနောက်ပိုင်း Facebook, TikTok နဲ့ Telegram ပေါ်မှာ ပစ္စည်းရောင်းနေတဲ့ Online Shop ပိုင်ရှင်တွေကြားထဲမှာ အကျယ်လောင်ဆုံး ဖြစ်နေတဲ့အကြောင်းအရာကတော့ “Online Shop Registration မှတ်ပုံတင်ထားပြီးပြီလား” ဆိုတဲ့ မေးခွန်းပဲ ဖြစ်ပါတယ်။

၂၀၂၆ ခုနှစ်ထဲမှာ လူတိုင်းနီးပါး ဘာလို့ အပြိုင်အဆိုင် သွားလျှောက်နေကြတာလဲ၊ မလျှောက်ရင် ဘာတွေဖြစ်လာနိုင်လဲဆိုတာကို Online Shop စီးပွားရေးလုပ်ငန်းရှင်တိုင်း သိထားသင့်တဲ့ အရေးကြီးအချက်တွေကို မျှဝေပေးလိုက်ပါတယ်။

---

Online Shop Registration ဆိုတာဘာလဲ။

Online Shop Registration ဆိုတာကတော့ မိမိတို့ရဲ့ လူမှုကွန်ရက် (Social Media) သို့မဟုတ် (Websites) များပေါ်မှတစ်ဆင့် ကုန်ပစ္စည်းနှင့် ဝန်ဆောင်မှုများကို ရောင်းချနေသည့် အီလက်ထရောနစ် စီးပွားရေးလုပ်ငန်း (e-Commerce) များကို စီးပွားရေးနှင့် ကူးသန်းရောင်းဝယ်ရေး ဝန်ကြီးဌာန (MOC) ၏ eComReg System မှတစ်ဆင့် တရားဝင် မှတ်ပုံတင်ခွင့်ပြုပေးသည့် စနစ်ဖြစ်ပါတယ်။

ဘယ်ခုနှစ်ကတည်းက စပြီးလျှောက်ရမယ်လို့ ဥပဒေထုတ်ပြန်ခဲ့တာလဲ။

အချို့က ခုမှ ပူပူနွေးနွေး ထွက်လာတဲ့ ဥပဒေလို့ ထင်မှတ်တတ်ကြပေမဲ့ တကယ်တော့ စီးပွားရေးနှင့် ကူးသန်းရောင်းဝယ်ရေး ဝန်ကြီးဌာန က ၂၀၂၃ ခုနှစ်၊ ဇူလိုင်လ (၂၁) ရက်နေ့မှာ အမိန့်ကြော်ငြာစာအမှတ် (၅၀/၂၀၂၃) နဲ့(၅၁/၂၀၂၃)အရ "အရေးကြီး ကုန်စည်နှင့် ဝန်ဆောင်မှု အမိန့်" အဖြစ် စတင်ထုတ်ပြန်ခဲ့တာ ဖြစ်ပါတယ်။

၂၀၂၆ မှာ ဘာလို့ လူတိုင်း အလုအယှက် လျှောက်လာကြတာလဲ?

"ငါ့ page လေးက နာမည်မကြီးသေးပါဘူး၊ ခဏလောက် ဒီအတိုင်းလေး ရောင်းထားဦးမယ်..."
ဆိုပြီး အေးအေးဆေးဆေး နေနေသူများအတွက် အခုအချိန်က သတိထားရမယ့် အချိန် ရောက်လာပါပြီ။

အခု ၂၀၂၆ မှာ Online Shop ပိုင်ရှင်တွေ စိုးရိမ်တကြား လျှောက်လာကြတဲ့ ပူပူနွေးနွေး အကြောင်းအရင်းတွေကတော့ -

စစ်ဆေးမှုများ ပိုမိုတင်းကြပ်လာခြင်း:။
သက်ဆိုင်ရာဌာနများမှ တရားမဝင် Online Shop များကို စစ်ဆေးဖော်ထုတ်မှုများ ပိုမိုလုပ်ဆောင်လာခြင်း။

တိုင်ကြားခံရပါက ဒဏ်ငွေနှင့် ထောင်ဒဏ်အန္တရာယ်။
အရေးကြီး ကုန်စည်နှင့် ဝန်ဆောင်မှု ဥပဒေ ပုဒ်မ ၁၃ အရ မှတ်ပုံတင်မရှိဘဲ ရောင်းချပါက ထောင်ဒဏ် (၆) လ မှ (၃) နှစ်အထိ ဖြစ်စေ၊ ဒဏ်ငွေ ကျပ် (၅) သိန်းအထိ ဖြစ်စေ၊ ပြစ်ဒဏ်နှစ်ရပ်လုံး ဖြစ်စေ ကျခံရနိုင်ခြင်း။

Page / Account ပိတ်သိမ်းခံရနိုင်ခြေရှိခြင်း။
မှတ်ပုံတင်မဲ့ Online Shop များကို တိုင်ကြားခံရပါက လူမှုကွန်ရက် Page များ ပိတ်သိမ်းခံရသည့်အထိ အရေးယူခံရနိုင်ခြင်း။

အွန်လိုင်းငွေချေစနစ်များ သုံးမရတော့ခြင်း။
Payment Provider များ၊ ဘဏ်များနှင့် ချိတ်ဆက်ရာတွင် eComReg မှတ်ပုံတင်လက်မှတ် မဖြစ်မနေ လိုအပ်လာခြင်း။

ဝယ်ယူသူများ၏ ယုံကြည်မှုမရှိတော့ခြင်း။
Customer များသည် မှတ်ပုံတင်ထားသည့် တရားဝင် Shop များကိုသာ စိတ်ချလက်ချ ရွေးချယ်ဝယ်ယူသည့် ခေတ်ဖြစ်လာခြင်း။

မိမိပင်ပန်းစွာ ထူထောင်ထားရတဲ့ Online Shop လေး၊ followerပေါင်းများစွာရှိတဲ့ Page လေးတစ်ခုဟာ မှတ်ပုံတင်မရှိရုံနဲ့ အချိန်တိုအတွင်း မလိုလားအပ်တဲ့ Risk တွေနဲ့ ၊ ဥပဒေအရပါ အရေးယူခံရနိုင်ခြေ ရှိနေတာကြောင့် အခု ၂၀၂၆ မှာ လုပ်ငန်းရှင်တိုင်း မဖြစ်မနေ လျှောက်ထားလာကြတာ ဖြစ်ပါတယ်။

စိတ်အေးချမ်းစွာနဲ့ စီးပွားရေးကို တိုးချဲ့ဖို့ Primereg Consulting နဲ့ တိုင်ပင်လိုက်ပါ။

Online Registration လျှောက်ထားရာမှာ လိုအပ်တဲ့ စာရွက်စာတမ်း အထောက်အထားတွေ၊ အဆင့်ဆင့် လုပ်ဆောင်ရမယ့် Process တွေကို ရှုပ်ထွေးမခံဘဲ "တိကျမှန်ကန် မြန်ဆန်စွာနဲ့ တရားဝင် စနစ်တကျ" လျှောက်ထားချင်ပါသလား။

Primereg Consultingမှ -

✅DICA MYCO စနစ်ဖြင့် ကုမ္ပဏီမှတ်ပုံတင်ခြင်း
✅ Online Registration (eComReg) မှတ်ပုံတင်ခြင်း
✅Share Transfer (အစုရှယ်ယာ လွှဲပြောင်းခြင်း)
✅UMFCCI အသင်းဝင် လျှောက်ထားခြင်း
✅Trade Net 2.0 သွင်းကုန်ထုတ်ကုန် လိုင်စင်ဆိုင်ရာ ဝန်ဆောင်မှုများကို ကျွမ်းကျင်သူများက စနစ်တကျ ဝန်ဆောင်မှုပေးနေပါပြီ။

မိမိရဲ့ Online စီးပွားရေးလုပ်ငန်းကို ဥပဒေနဲ့အညီ ခိုင်မာစွာ ရပ်တည်ပြီး စိတ်အေးချမ်းစွာ ရောင်းချနိုင်ဖို့ အခုပဲ Primereg Consulting ကို ဆက်သွယ်ဆွေးနွေးလိုက်ပါ။

Contact Us:

Phone / Viber: 09-795594525
Address : No.10(A/B), Okkalarthiri Condo,
Okkalarthiri(2)St, North Okkalapa Township, Yangon
Page Messenger မှလဲစုံစမ်းမေးမြန်းနိုင်ပါတယ်ခင်ဗျာ။

PrimeReg Consulting

28/08/2026

26/08/2026

24/08/2026

19/08/2026

17/08/2026

15/08/2026

14/08/2026

11/08/2026

04/08/2026

31/07/2026

Address

Website

Alerts

Shortcuts

Share

Category

Listing takedown request