My Marketing Universe

My Marketing Universe Contact information, map and directions, contact form, opening hours, services, ratings, photos, videos and announcements from My Marketing Universe, Business Center, Yangon.

Applied Marketing for Business Owners (Batch 1) ဖောက်သည်များများရအောင်၊ ဈေးများများ ရောင်းရအောင် ဘာလုပ်မလဲ လို့မေးရင် အမ...
15/08/2024

Applied Marketing for Business Owners
(Batch 1)

ဖောက်သည်များများရအောင်၊ ဈေးများများ ရောင်းရအောင် ဘာလုပ်မလဲ လို့မေးရင် အများစုက
ကြော်ငြာများများလုပ်မယ်၊ boost များများသုံးမယ်လို့ပဲ ဖြေကြမှာပါ။ ဒါက မှန်လားဆို တချို့တဝက်ပဲ မှန်ပါတယ်။

ဥပမာ - တစ်ဒေါ်လာကို ၂၀၀၀ ဖြစ်တဲ့အချိန်တုန်း​က
အဆင်ပြေနေပေမယ့် တစ်ဒေါ်လာကို ၆၀၀၀ ဖြစ်လာတဲ့ အချိန်မှာ ကိုယ်ရောင်းလို့ရလာမယ့်အမြတ်ကတောင် အဲ့လောက် မရှိနေဘူးဆိုရင် ရေရှည်မှာ
အဆင်မပြေပါဘူး။

ဘုစ်ကိုပဲ အားမကိုးပဲ၊ ကြော်ငြာကိုပဲ အားမကိုးပဲ
Organic ဝယ်သူတွေ များလာအောင်ရယ်၊
နောက်ပြီး ကြော်ငြာတွေလုပ်ရတယ်ဆိုရင်တောင်
ဝယ်သူတွေရဲ့ ရင်ဘတ်ထဲငြိပြီး တကယ် ဝယ်သူ များများခေါ်ပေးမယ့် ကြော်ငြာကောင်းတွေဖြစ်ဖို့အတွက်ရယ် ဘယ်လိုတွေးခေါ်ပြီး ဘယ်လိုလုပ်ရမယ်ဆိုတာကို ဒီ သင်တန်းထဲမှာ Train ပေးမှာဖြစ်ပါတယ်။

သင်တန်းကြေးမရှိပါဘူး။ Private Group ထဲမှာ လေ့ကျင့် သင်ကြားပေးမှာဖြစ်တဲ့အတွက် Member fees ပဲရှိပါမယ်။ တစ်ယောက်ကို 35,000 ပါ။
ဒါပေမယ့် 35 သိန်းမက ထိုက်တန်တဲ့ knowledge တွေ ရဖို့ကိုတော့ အာမခံပါတယ်။

လုပ်ငန်းရှင်တွေဖြစ်တဲ့အတွက်ကြောင့် ကလေးတွေလို စာသင်ချိန်မထားတော့ပါဘူး။ အားတဲ့အချိန်မှာ
Private group ထဲမှာ ဝင်လေ့လာနိုင်မှာဖြစ်ပါတယ်။
ဒီလကုန်စပါမယ်။

ဒီကာလကို အသိပညာနဲ့ ဖြတ်ကျော်မယ်ဆိုတဲ့ သူတွေအတွက် ဦးနှောက်တွေလာသွေးဖို့
Applied Marketing for Business Owners (Batch 1) မှ စောင့်ကြိုနေပါတယ်။

Join ဖို့အတွက် Viber 09448028275 မှာ
စာရင်းပေးသွင်းနိုင်ပါပြီ။

10/07/2024

ကိုယ်ပိုင်လုပ်ငန်းလုပ်မယ်ဆို ဒါလေးသိဖို့လို ✨

Local Brand ပိုင်ရှင်များအတွက် အကြံဉာဏ် အတိုအစPart 1
23/06/2024

Local Brand ပိုင်ရှင်များအတွက် အကြံဉာဏ် အတိုအစ

Part 1

13/08/2023

ကျွန်မတို့တွေ ပစ္စည်းတစ်ခုခုကို ရောင်းတဲ့အခါ
ရောင်းအားတက်အောင်လို့
ဒီ "၃" ချက်ကို အဓိက အခြေခံပြီးတော့ ရောင်းရပါမယ်။

✔️ပထမ အချက်
-----------------
ယုံကြည်မှုကိုတည်ဆောက်ပါ။

ဈေးရောင်းတဲ့သူသည် "အမရေ ဒီပစ္စည်းလေး အရမ်းတန်တယ်၊ ဝယ်သွားပါအုံးနော်" လို့ ပြောရောင်းနေရုံနဲ့
မရတော့ပါဘူး။

ပရိုကျကျ ရောင်းအားမြှင့်ဖို့အတွက်ဆိုရင်
နံပါတ် ၁။ ယုံကြည်မှုကိုအရင်တည်ဆောက်ရပါမယ်
အဲ့ကနေတဆင့် သူတို့ရဲ့အခက်အခဲကို ဖြေရှင်းပေးနိုင်ရပါမယ်။

ယုံကြည်မှုကို ရအောင်လုပ်တယ်ဆိုတာမှာလဲ
အပြောထက် အလုပ်က ခက်ပါတယ်။
စိတ်ပညာအရ Know ဆိုတဲ့ သိတယ်ဆိုတဲ့အဆင့်နဲ့
Like ဆိုတဲ့ သဘောကျတယ်ဆိုတဲ့အဆင့်ကို
ဖြတ်ပြီးမှ Trust ဆိုတဲ့ ယုံကြည်မှုရှိတယ်ဆိုတဲ့
အဆင့်ကိုရောက်ပါတယ်။

ဒီလိုမျိုး အဆင့်ဆင့်ကိုဖြတ်သန်းပြီး ယုံကြည်မှုရှိတယ်ဆိုတဲ့ အဆင့်ကို ရောက်လာအောင် ကျွန်မတို့တွေက
သူတို့တွေဆီကို ထိရောက်တဲ့ ဆက်သွယ်ရေးဗျူဟာတွေကို အသုံးချပြီးတော့ စနစ်တကျ ချဉ်းကပ်ရပါမယ်။

သူတို့ရဲ့ ပြဿနာကို ဖြေရှင်းပေးနိုင်တဲ့သူ အဖြစ်
ကျွန်မတို့ကို သိလာ၊ ယုံကြည်လာအောင် လုပ်ရပါမယ်။

✔️ ဒုတိယအချက်
------------------
ဝယ်သူရဲ့ တကယ့်တွန်းအားကို ရှာပါ။
တွန်းအားဆိုတာ ကျွန်မတို့ရဲ့ ပစ္စည်းကို ဝယ်ဖို့အတွက်
ဘာကြောင့်သူဆုံးဖြတ်လဲ ဆိုတာဖြစ်တယ်။

ဒီလို ရှာဖို့အတွက် ကျွန်မတို့တွေသည် ကိုယ့်ကိုကိုယ်
ဝယ်သူ နေရာကို ပို့ရပါတယ်။ ငါသာ ဝယ်သူဆိုရင်
ဒီပစ္စည်းကို ငါ ဘာကြောင့်ဝယ်ရမလဲဆိုတာမျိုး
စဉ်းစားဖို့လိုပါတယ်။

ဥပမာ - ကျွန်မက Content Mastering အတန်းဖွင့်ဖို့ ကြော်ငြာထားတယ်။ ကျွန်မသင်တန်းကို ဘာကြောင့် တက်သင့်သလဲ?
ကျွန်မသာ သင်တန်းသူဆိုရင် ဒီသင်တန်းကို
ဘာကြောင့်ရွေးချယ်မလဲ? ဆိုတဲ့အချက်သည်
တွန်းအားဖြစ်ပါတယ်။
ဒီနည်းအားဖြင့် တွန်းအားကိုရှာဖွေတတ်ရပါမယ်။

✔️ တတိယအချက်
--------------------
ခံစားချက်ကိုရောင်းပါ။
ဥပမာ - ကျွန်မတို့ ရေမွှေးရောင်းတယ်ဆိုပါစို့။
ရေမွှေးဝယ်တဲ့သူက ရေမွှေးကိုဝယ်တာမဟုတ်ပါဘူး။
ဒီရေမွှေးသုံးထားရင် ဘယ်သွားသွား လူကြားထဲ
ကိုယ့်ကိုကိုယ်ယုံကြည်မှုရှိနေမယ် ဆိုတဲ့
ခံစားချက်ကို ဝယ်တာ ဖြစ်ပါတယ်။

ဒါကြောင့်ကျွန်မတို့က သူတို့ကိုရောင်းတဲ့အခါ
ရနံ့က ဘယ်လောက်မွှေးတယ်၊ အင်္ကျီလျှော်ပြီးတာတောင်အနံ့က စွဲနေတုန်းပဲ ဆိုတာထက်
လူကြားထဲသွားတဲ့အခါ ကိုယ်သင်းနံ့မွှေးမွှေးလေးနဲ့မို့
ချွေးထွက်များလဲ ကိုယ့်ကိုကိုယ် ယုံကြည်မှုရှိနေမယ်၊
ကောင်မလေးတွေဆို -> ကောင်လေးတွေသမင်လည်ပြန် ငေးကြည့်ရမယ်
ကောင်လေးတွေဆို -> ကောင်မလေးတွေရဲ့ စိတ်ဝင်စားမှု ရမှာသေချာတယ်
စသဖြင့် အဲ့အချက်တွေအပေါ် အလေးပေးပြီး
ရောင်းရမှာဖြစ်ပါတယ်။

ဒါကြောင့် အကျဉ်းချုပ် ပြောရမယ်ဆိုရင်
ရောင်းအားမြှင့်ဖို့အတွက်
1. ယုံကြည်မှုကိုတည်ဆောက်ပါ။
2. ဝယ်သူရဲ့တွန်းအားကိုရှာပါ။
3. ခံစားချက်ကိုရောင်းပါ။

ဒီပို့စ်လေးက ကျွန်မရဲ့ စာဖတ်သူ တွေအတွက် အကျိုးရှိစေမယ်လို့ မျှော်လင့်ပါတယ်။
-----------------------------------------

"လက်မလည်အောင် ရောင်းကောင်းချင်၊ ဒီတစ်ချက်ကိုဆောင်"စီးပွားရေးလုပ်နေတဲ့သူတိုင်း ဒီအချက်ကို မသိကြပါဘူး။ ဒီအချက်ကို သိပြီး ပ...
01/08/2023

"လက်မလည်အောင် ရောင်းကောင်းချင်၊ ဒီတစ်ချက်ကိုဆောင်"

စီးပွားရေးလုပ်နေတဲ့သူတိုင်း ဒီအချက်ကို မသိကြပါဘူး။ ဒီအချက်ကို သိပြီး ပိုင်ပိုင်နိုင်နိုင် လုပ်နိုင်တဲ့သူက
သူ့ဈေးကွက်မှာ Market Share လို့ခေါ်တဲ့ ဈေးကွက် ဝေစုကို အများဆုံးရသွားကြပါတယ်။ အရပ်စကားနဲ့
နားလည်အောင် ပြောပြရရင် Market Share ဆိုတာ
ဥပမာ ကိုယ်က စနိုးတံဆိပ် ရေခဲမုန့်ရောင်းတယ်
ဈေးကွက်ထဲမှာ ထူးတံဆိပ် ရွှေပုစွန်စသဖြင့် အခြား ရေခဲမုန့်တံဆိပ်တွေလဲရှိမယ်။ အဲ့ တံဆိပ်တွေထဲမှာ
ကိုယ့် တံဆိပ်ကို ကာစတန်မာ ဘယ်နှယောက်ရွေးချယ်လဲ အဲ့တာသည် ကိုယ့်ရဲ့ Market Share ဈေးကွက်ဝေစုဖြစ်တယ်

ကျွန်မတို့ စီးပွားရေးလုပ်နေတာသည် Market Share များများရအောင် လုပ်နေရတာဖြစ်တယ်။
ကိုယ့်တံဆိပ်ကို ရွေးချယ်တဲ့သူများလေ
ကိုယ့်လုပ်ငန်းက အောင်မြင်လေပါပဲ။

ဒီလို Market Share များများရအောင် လုပ်နိုင်တဲ့
Weapon လက်နက်တွေထဲက အထိရောက်ဆုံး Weapon ကတော့ USP လို့ခေါ်တဲ့ Unique Selling Point ထားရှိခြင်းပါပဲ။

USP ဆိုတာ ဘာပါလိမ့်
ဟုတ်ကဲ့ ကိုယ်နဲ့လုပ်ငန်းတူ တခြားပြိုင်ဘက်တွေမှာ မရှိတဲ့ အားသာချက်ကို USP လို့ခေါ်ပါတယ်။

ကျွန်မရဲ့ ညီအမတွေ လေ့လာသူတွေ အလွယ်တကူ မြင်နိုင်အောင် ဥပမာလေးနဲ့ပြောပြပါမယ်။ ကျွန်မတို့ တချို့အစားအစာတွေကို တစ်နေရာတည်းမှာပဲ သွားစားလေ့ရှိကြတယ်။ ပြောရရင် အဲ့ဒီ အစားအစာအတွက် အဲ့တစ်ဆိုင်တည်းမှာပဲ သွားစားတာမျိုး၊
ဘာဖြစ်လို့လဲဆိုတော့ ဥပမာ မာလာရှမ်းကောချင်းတူရင်တောင် ဒီအရသာက သူ့ဆိုင်မှာပဲ ရမယ့် အရသာမျိုး။

ဒီတော့ ကျွန်မတို့ ကိုယ့်ကိုကိုယ် မေးရမှာက
ကိုယ့်ရဲ့လုပ်ငန်းထဲမှာရော USP ရှိထားပြီလားဆိုတာပါပဲ။

ဥပမာ ကျွန်မ အပ်ချည်လုပ်ငန်းလုပ်တယ်။ စစ လုပ်ချင်းတုန်းက ကျွန်မမှာ လက်လုပ် အပ်ချည်လုံးရစ်စက်
သေးသေးလေး တစ်လုံးပဲရှိခဲ့တယ်။ အမျိုးအစားကလဲ တစ်ဆိုဒ်တည်းကို အပ်ချည် အဖြူနဲ့အနက် အဲ့ ၂ မျိုးပဲထုတ်နိုင်ခဲ့တယ်။

အဲ့ကနေ ၁နှစ်ခွဲ အတွင်းမှာ တဖြည်းဖြည်းနဲ့
လက်လုပ်အပ်ချည်ရစ်စက် တစ်လုံးကနေ ၂ လုံးဖြစ်လာတယ်။ ၂ လုံးကနေ ၄ လုံး၊ ၄ လုံးကနေ ၁၆ လုံး
စသဖြင့် တိုးပွားလာခဲ့တယ်။ ကိုယ်ကိုယ်တိုင် ချည်ရစ်စက်ရှေ့မှာ တနေကုန် ကိုယ်တိုင်ပဲချည်ရစ်၊ ကိုယ်တိုင်ပဲ ပါကင်လုပ်၊ ကိုယ်တိုင်ပဲ ရောင်း အဆင့်ကနေ ကိုယ်ပိုင်အလုပ်ရုံလေးတစ်ရုံနဲ့ ဝန်ထမ်းတွေ သီးသန့်ထားနိုင်လာခဲ့တယ်။ သာမန်လက်လုပ် တဂျုံးဂျုံးနဲ့ မြည်နေတဲ့ အပ်ချည်ရစ်စက်ကနေ ထိုင်ဝမ်ဘက်က တင်သွင်းရတဲ့ ခေတ်မီ Digital စက်တွေကို အစားထိုးပြီး ထုတ်လုပ်တဲ့နှုန်းကို ၁၀ ဆမက မြှင့်တင်နိုင်ခဲ့တယ်။

ဒီလိုမျိုး လုပ်ငန်းရဲ့ အရှိန်အဟုန်ကို တိုးမြှင့်နိုင်ရခြင်းက ကျွန်မသည် ပြိုင်ဘက်တွေမှာ မရှိတဲ့ USP point တွေကို တည်ဆောက်နိုင်ခဲ့လို့ပါပဲ။

ပြီးတော့ ဆိုင်အများစုမှာ မရသေးတဲ့ နယ်မြို့တွေအထိ အိမ်အရောက်ငွေချေစနစ်ကိုပါ ကျွန်မရဲ့ဆိုင်က
ပထမဆုံး လုပ်ပေးနိုင်ခဲ့ပါတယ်။

ဒါတွေသည် ကျွန်မရဲ့ လုပ်ငန်းတူပြိုင်ဖက်တွေမှာ မရှိတဲ့ ကျွန်မဆီမှာသာလျှင် ရနိုင်မယ့် USP point တွေပါပဲ။

ကျွန်မအနေနဲ့ ကျွန်မအပ်ချည်ရဲ့ USP ကဘာလဲဆိုရင် ချည်သားကောင်းပါတယ်၊ ဈေးသက်သာပါတယ်
ဒါတွေပဲ ပြောနေလို့မရပါဘူး
ဘာလို့ဆို ချည်ရောင်းပြီး ချည်သားမှမကောင်းရင်
ဒီအလုပ်လဲ လုပ်လို့မရဘူးလေ
ဈေးမသက်သာရင် ဘာလို့ရော ဝယ်နေအုံးမလဲ
ကျွန်မ ချည်ရောင်းဖို့အတွက် ချည်သားကောင်းရမှာရယ် ဈေးသက်သာရမှာရယ် စတဲ့အချက်တွေက
အခြေခံအကျဆုံး အချက်တွေပဲရှိပါသေးတယ်။
USP point တွေ မဟုတ်ပါဘူး။

ရေခဲမုန့်ရောင်းနေတဲ့သူက ကျွန်မရဲ့ရေခဲမုန့် အရသာ ကောင်းတာပဲ ဘာလို့မရောင်းရတာလဲ ဆိုပြီး
ကွန်ပလိန်းတက်လို့မရပါဘူး။
အမရဲ့ ရေခဲမုန့် အရသာမကောင်းရင် အစကတည်းက
အမ ဈေးကွက်ထဲ ဝင်လာလို့မရပါဘူး။

👉 ရေခဲမုန့်အရသာကောင်းတယ် ဆိုတာ ဈေးကွက်ထဲ ဝင်လာနိုင်ဖို့ပဲ အထောက်အကူဖြစ်ပါတယ်။
အဲ့ဈေးကွက်မှာ Lead လုပ်နိုင်ဖို့ နာမည်ပေါက်သွားဖို့
ဆိုရင် USP point ရှိရပါမယ် 👈

ဒါကြောင့် ကျွန်မတို့သည် ကျွန်မတို့ လုပ်ငန်းရဲ့ USP point က ဘာတွေလဲဆိုတာကို ဆန်းစစ်ဖို့လိုပါမယ်။
USP point မရှိသေးရင် ဘယ်လိုနည်းနဲ့ USP point ရအောင် ယူနိုင်မလဲဆိုတာ စဉ်းစားရပါမယ်။
ကုန်ပစ္စည်းအပိုင်းမှာ USP point မယူနိုင်သေးရင်တောင် ဝန်ဆောင်မှုအပိုင်းမှာ USP point ရအောင်
လုပ်ယူထားရပါမယ်။

USP ရှာပုံရှာနည်းက ကိုယ့်ဈေးကွက်ထဲမှာ ဝယ်သူတွေ ဘာအခက်အခဲတွေ ကြုံနေရလဲ ?
ကျွန်မရဲ့ ဝယ်သူတွေမှာဆို အရောင်ရှာမရတဲ့ပြဿနာတွေ၊ အရောင်ကုဒ်ရှိတဲ့ နိုင်ငံခြားကချည်လုံးတွေကိုလဲ
ဝယ်မသုံးနိုင်တဲ့ ပြဿနာတွေ ကြုံနေရတယ်။
အဲ့အခက်အခဲကို ကျွန်မ ဖြေရှင်းပေးလိုက်တယ်
အဲ့တာသည် ကျွန်မရဲ့ USP point ဖြစ်လာတာပါပဲ။

နောက်တစ်နည်း ကိုယ့်ပြိုင်ဘက်တွေမှာ မလုပ်နိုင်သေးတဲ့ ကိုယ်လုပ်နိုင်မယ့်အရာတွေက ဘာရှိမလဲ ရှာပါ။ အဲ့ကနေလဲ USP point တွေ တွေ့လာရပါမယ်။

ဒီလိုပုံစံမျိုးနဲ့ USP တွေကို သေချာတည်ဆောက်နိုင်ပြီ ဆိုရင် ဒါကို ပစ်မှတ်ထားပြီး 🎯 ကျွန်မတို့ရဲ့
ကာစတန်မာတွေကို ဆွဲဆောင်နိုင်ပါပြီ။

ဒီလောက်ဆိုရင် USP အကြောင်းကို သေချာရှင်းရှင်း လင်းလင်း သိသွားပြီလို့ ထင်ပါတယ်။

အောင်မြင်တဲ့လုပ်ငန်းတွေပိုင်ဆိုင်နိုင်ဖို့အတွက်
ဆုမွန်ကောင်းတောင်းလျက်။

လုပ်ငန်းအမြတ်ငွေ တိုးတက်ရေး ဖော်မြူလာ "Profit Growth = C + RC + TTF" C ဆိုတာက Customers ဖောက်သည်တွေကိုပြောတာဖြစ်တယ်။ RC ...
31/07/2023

လုပ်ငန်းအမြတ်ငွေ တိုးတက်ရေး ဖော်မြူလာ

"Profit Growth = C + RC + TTF"

C ဆိုတာက Customers ဖောက်သည်တွေကိုပြောတာဖြစ်တယ်။
RC ဆိုတာက Repeat Customers တွေကို ပြောတာ
ဖြစ်ပြီးတော့ TTF ဆိုတာက Tell their friends
သူတို့ရဲ့အသိမိတ်ဆွေတွေကို တဆင့်ညွှန်ကြားပြောဆိုတာကို ဆိုလိုတာ ဖြစ်ပါတယ်။

ဒီ Formula ရဲ့ ဆိုလိုရင်းက လုပ်ငန်းအမြတ်ငွေ တိုးတက်ဖို့အတွက်ဆိုရင်

နံပါတ် 1. ကိုယ့်ဆီမှာ Customer အားပေးသူအုပ်စု တစ်ခု ရှိရမယ်။

နံပါတ် 2. ကိုယ့်ဆီကနေပဲ အမြဲ ဝယ်ယူအားပေးနေမယ့် အမာခံ Customer အုပ်စုရှိရမယ်။

နံပါတ် 3. သူတို့တွေသည် ကိုယ့်ပစ္စည်းတွေကို တခြားသူတွေကိုလဲ ပြန်ညွှန်းပေးရမယ်။

လုပ်ငန်းတစ်ခုအောင်မြင်ဖို့အတွက်ဆိုရင် အခြေခံအနေနဲ့ ဒီအချက်တွေရှိရမယ်ဆိုတာကို အဓိကဆိုလိုချင်တာပေါ့နော်။

ကဲ .. ဒါဆို ကျွန်မတို့စဉ်းစားကြည့်ရအောင် 💭

နံပါတ် 1 "C" for Customers အတွက် ရှင်းလင်းချက်

ကိုယ့်ဆီမှာ Customers ဆိုတဲ့ အားပေးသူတွေကို
ကျွန်မတို့ လွယ်လွယ်နဲ့ ရကြလား ?
No.. မရကြဘူးနော်

ကာစတန်မာတွေ ဆိုတာ ကာစတန်မာ ဆိုတဲ့ အဆင့်ကိုမရောက်ခင် Strangers ဆိုတဲ့ သူစိမ်းတွေပဲဖြစ်တယ်။
ကိုယ်ကလဲ သူတို့ကိုမသိ၊ သူတို့ကလဲ ကိုယ့်ကို မသိတဲ့ သူစိမ်းတွေဖြစ်တယ်။

အဲ့ဒီ သူစိမ်းတွေကို ကျွန်မတို့က ကျွန်မတို့ဆီမှာ ဒီပစ္စည်း၊ ဒီပစ္စည်းတွေရပါတယ်ဆိုတာကို သူတို့သတိထားမိအောင် သိလာအောင် ပြောပြရတယ်။
ပြီးတော့ သူတို့တွေက ကျွန်မတို့ဆီကနေ ဝယ်ယူလာအောင် ကာစတန်မာဆိုတဲ့ အဆင့်ကိုရောက်လာအောင်
တဆင့်ပြီး တဆင့် ကျွန်မတို့ ဆွဲခေါ်ရတယ်။

နံပါတ် 2. "RC" for Repeat Customers အတွက် ရှင်းလင်းချက်

အဲ့လိုဆွဲခေါ်ပြီးလို့ ကာစတန်မာဖြစ်သွားပြီးတဲ့အခါ
အမြဲတမ်း ကျွန်မတို့ဆီကပဲ အားပေးချင်အောင်
Maintain လုပ် ထိန်းသိမ်းရတယ်

နံပါတ် 3. "TTF" ခေါ် Tell Their Friends အတွက်
ရှင်းလင်းချက်

သူတို့ရဲ့ သူငယ်ချင်းမိတ်ဆွေတွေကို ကျွန်မတို့ဆီမှာဝယ်ပါ ဆိုတာမျိုး ညွှန်ပေးချင်စိတ် ဖြစ်အောင်လုပ်ရတယ်။

ဒီနည်းအားဖြင့် ကျွန်မတို့ရဲ့လုပ်ငန်းအမြတ်တွေက
တိုးပွားလာမှာဖြစ်ပါတယ်။

ဒီ လုပ်ငန်းစဉ်အဆင့်ဆင့်ကို မောင်းနှင်ဖို့အတွက်
အထိရောက်ဆုံးနည်းကတော့ Content Marketing ပါပဲ။ အဲ့ဒီ Content Marketing ဆိုတဲ့ ကြော်ငြာစာရေးသားနည်းတွေကို စနစ်တကျ နားလည်တတ်မြောက်ထားဖို့လိုပါမယ်။ ကျွမ်းကျွမ်းကျင်ကျင် အသုံးပြုနိုင်ဖို့ လိုပါမယ်။ Content Marketing နည်းပညာနဲ့
ကျွန်မတို့ကို သူစိမ်းတွေက သတိထားမိလာဖို့၊ customers ဆိုတဲ့ ဝယ်သူတွေဖြစ်လာဖို့ လုပ်ရပါမယ်။

နောက်ရက်တွေမှာ Content Marketing ရေးသားနည်း အပိုင်းဆက်တွေကို ဆက်လက်ဝေမျှပေးပါမယ်။

Hnin Yu Lwin
BBA (Hons) International Business, Malaysia.
Founder @စနိုးအပ်ချည်လုံးလက်ကားဒိုင်

🌟---- Reset ချကြမယ် ---- 🌟▪️ ကျွန်မအနေနဲ့ ချစ်ရပါတဲ့ ညီအမတို့ကို လေ့လာသင်ယူမှုတွေ မစတင်ခင်မှာ အရင်ဆုံး ကိုယ့်ကိုကိုယ် Re...
31/07/2023

🌟---- Reset ချကြမယ် ---- 🌟

▪️ ကျွန်မအနေနဲ့ ချစ်ရပါတဲ့ ညီအမတို့ကို လေ့လာသင်ယူမှုတွေ မစတင်ခင်မှာ
အရင်ဆုံး ကိုယ့်ကိုကိုယ် Reset ချစေချင်ပါတယ်။

▪️ဒီ Group ထဲမှာ အလုပ်ကိစ္စတွေတဖက်၊ အိမ်မှုရေးရာ
တစ်ဖက်နဲ့ သင်ကြားလေ့လာရေးအပိုင်းကို အချိန်မပေးနိုင်တဲ့ ညီအမတွေ ပါပါလိမ့်မယ်။

♦️ဒါပေမယ့် ကျွန်မတို့အနေနဲ့ ဘာမှ မသင်ယူ၊ မလေ့လာပဲ
တစ်နေ့တာကို ကုန်ဆုံးခွင့်ပေးလို့မဖြစ်ပါဘူး ♦️

တစ်နေ့တာ ကုန်သွားပြီဆိုရင် ကျွန်မတို့အနေနဲ့
အသိပညာတစ်ခုခုကိုတော့ 1% လောက်ပဲဖြစ်ဖြစ်
ဒီနေ့အတွက် ရထားသင့်ပါတယ်။

အသက် ၂၀ အရွယ်ပဲဖြစ်ဖြစ်၊ ၃၀ အရွယ်ပဲဖြစ်ဖြစ်၊
၄၀ အရွယ်ပဲဖြစ်ဖြစ်ပါ။ တစ်နေ့တာမှာ အနိမ့်ဆုံး 1% နှုန်းလောက်တော့ ကျွန်မတို့တွေဟာ Update ဖြစ်နေရပါမယ်။
တိုးတက်နေရပါမယ်။

ဈေးရောင်းကောင်းဖို့အတွက်၊ ဝင်ငွေကောင်းဖို့အတွက်
တစ်ခုတည်းကြောင့် မဟုတ်ပါဘူး။
ကျွန်မတို့ လေ့လာထားတဲ့ ဒီအသိပညာတွေ၊ အလုပ်အတွေ့အကြုံတွေနဲ့ ဝင်ငွေကို အကန့်အသတ်မရှိ
ဝင်အောင် ကြိုးစားကြပါမယ်။

ကျွန်မတို့ရဲ့ လူနေမှုအဆင့်အတန်းကို မြှင့်သွားနိုင်ရပါမယ်။
ဒါမှ ကိုယ့်မျိုးဆက်ရဲ့ အနာဂတ်ကို ကိုယ်​က
အကောင်းဆုံး ပုံဖော်ပေးနိုင်မှာပါ။

💥အဲ့တာကို လူတိုင်းသိပါတယ်။ လူတိုင်းလဲ ဖြစ်ချင်ပါတယ်။ ဒါပေမယ့် လူတိုင်းတော့ မလုပ်နိုင်ပါဘူး 💥

လုပ်နိုင်ခဲ့တဲ့ လူတွေကသာ သာမန်လူတွေအုပ်စုထဲက
ထိုးဖောက်နိုင်ခဲ့တာပါ။

ဘဝက Miracle မဟုတ်ပါဘူး။ ကျွန်မတို့ရဲ့လက်နဲ့ပဲ
ကိုယ်တိုင် ထုဆစ်ရမှာပါ။

ဒါကြောင့်မို့ ဒီနေ့အတွက်ဆွေးနွေးချင်တဲ့ ခေါင်းစဉ်လေးကတော့ Resetting yourself ပါပဲ။

ဘယ်လို Reset လုပ်မလဲ?
▪️အရိုးရှင်းဆုံး နည်းလေး ပြောပြပါမယ် ▪️

Step 1 💥 အနည်းဆုံး တစ်ရက်ကို 1% လောက်တော့
ငါ update ဖြစ်ကို ဖြစ်နေရမယ်လို့ သံဓိဌာန်အရင်ချပါ။

Step 2 💥 တစ်နေ့တာမှာ အနှောင့်အယှက်ကင်းကင်းနဲ့
ကိုယ် Focus ထားနိုင်မယ့် အချိန်ကို စဉ်းစားပြီး
တစ်ရက်ကို တစ်နာရီ ဖယ်ပါ။

Step 3 💥 ည ၇နာရီကနေ ၈နာရီအထိလို့ ကိုယ်ဖယ်ထားရင် ဒီအချိန်မှာ တခြားဘာအလုပ်မှ မလုပ်ဖို့
ကိုယ့်ကိုကိုယ်ကတိပေးပါ။

Step 4 💥 နေ့စဉ် ဒီအချိန်ရောက်တိုင်း သတိပေးနေဖို့အတွက် ဖုန်းမှာ Alarm သို့ Reminder ပေးထားပါ။

Step 5 💥 ကျွန်မတို့ရဲ့ 1% a day တိုးတက်မှု Project
စတဲ့နေ့ကို မှတ်တမ်းတင်ပြီး ၁ နှစ်အကြာ၊ ၂ နှစ်အကြာမှာ
ပြောင်းလဲလာမှုကို မျက်ဝါးထင်ထင် မြင်ရပါလိမ့်မယ်။

ကဲ .. ကိုယ့်ညီအမတို့၊
2023 ရဲ့ နှစ်တဝက်ကျိုးသွားပြီမို့ နောက် ၆လမှာ
တစ်ခုခု ကျန်အောင် ကျွန်မတို့ ကြိုးစားကြမယ်

Ready ပဲလား 🧗‍♀️💪🌟

ပါဝင်မယ်လို့ဆုံးဖြတ်ထားရင် I'm in လို့ကောမန့်ပေးခဲ့ပါနော် 💪💪

Marketing ကို တစ်ခွန်းတည်းနဲ့ နားလည်အောင် ရှင်းပြရရင် 💥 "Marketing ဆိုတာ ကိုယ့်ကို ရွေးချယ်အောင် လုပ်တာပါပဲ" 💥 ကျန်တာတွေ...
31/07/2023

Marketing ကို တစ်ခွန်းတည်းနဲ့
နားလည်အောင် ရှင်းပြရရင်
💥 "Marketing ဆိုတာ ကိုယ့်ကို ရွေးချယ်အောင် လုပ်တာပါပဲ" 💥

ကျန်တာတွေကို ကျွန်မတို့ ဒီအချက်အပေါ် မူတည်ပြီးပဲ စဉ်းစားပါမယ်။ ကိုယ့်ကို ရွေးချယ်အောင်
ဘာတွေလုပ်ဖို့လိုမလဲ? အဲ့တာသည် Marketing ရဲ့ လုပ်ငန်းစဉ်တွေဖြစ်ပါမယ်။

ဒီနေရာမှာ ကျွန်မအနေနဲ့ တစ်ခု ပြောချင်တာသည်
Marketing က ငါးမျှားနည်း တစ်မျိုးပါပဲ။
ဘယ်မြစ်/ဘယ်ပင်လယ်မှာ မျှားမယ်၊ ဘယ်လိုငါးတွေမျှားမယ်၊ ဘယ်လှေနဲ့သွားမယ်၊ ဘယ်နှရက်ကြာမျှားမယ် ဆိုတာတွေကတော့ ကိုယ်တိုင်ရဲ့ လုပ်သက်၊
အတွေ့အကြုံနဲ့ ကိုယ်ကျင်လည်မယ့် industry ပေါ်
မူတည်ပြီး ကွဲပြားပါမယ်။

ဒါကြောင့်မို့ ပြောချင်တာသည် Marketing ဆိုတာ
ပုံသေကားချပ် မရှိပါဘူး။ သီအိုရီတွေ နည်းဗျူဟာတွေ အများကြီးထဲကမှ ကိုယ့်လုပ်ငန်းနဲ့ အဆင်ပြေနိုင်မယ့် နည်းဗျူဟာတွေကို ကိုယ်တိုင် စိစစ် အသုံးပြုတတ်ရပါမယ်။ Marketing သမားသည်လဲ အမြဲ မျက်စိပွင့် နားစွင့် ရှိနေရပါမယ်။ ဆိုင်တစ်ဆိုင်ဝင်စားရင်တောင် ဒီဆိုင်ကို ဘယ်လိုပြင်ဆင်ထားတယ်၊ သူ့ရဲ့ အားသာချက်က ဘာဖြစ်မယ်၊ အားနည်းချက်က ဘာဖြစ်မယ်၊ ဘယ်လိုအချက်လေးတွေလုပ်ရင် ဒီဆိုင်က ပိုကောင်းသွားနိုင်တယ် စသဖြင့် အမြဲ Brainstorming လုပ်နေရပါမယ်။

🌟Five Important Aspects in Marketing 🌟
မားကတ်တင်း၏ အရေးကြီးသော ရှုထောင့် ၅ချက်

1. Understand the functions and process of marketing.
(မားကတ်တင်းရဲ့ လုပ်ဆောင်ချက်တွေနဲ့ process အဆင့်ဆင့်ကို နားလည်ရပါမယ်)

2. The Role of Creativity and Innovation is becoming important.
(ကျွန်မအပေါ်မှာပြောခဲ့သလိုပဲ ကိုယ့်လုပ်ငန်းနဲ့ ကိုက်ညီမယ့် နည်းဗျူဟာတွေကို ကိုယ်တိုင်စဉ်းစားပြီး
တီထွင်ဆန်းသစ်နိုင်ခြင်းကလဲ အရေးကြီးလှပါတယ်)

3. Flexibility and adaptation to change is critical.
(စီးပွားရေးဆိုတာ အချိန်နဲ့တပြေးညီ ပြောင်းလဲနေပါတယ်။ ဒီလို အပြောင်းအလဲတွေနဲ့ကြုံရတဲ့အခါ အဲ့တာတွေကို ကိုယ်က အမှီလိုက်နိုင်ပြီး ကိုယ့်ရဲ့ စီးပွားရေးကို အမြဲ update လုပ်နိုင်ရပါမယ်။ ဥပမာ - ဒီနေ့ခေတ်မှာဆို အပြင်ဆိုင်ရှိရုံနဲ့မရတော့ပါဘူး။ online မှာလဲ နေရာတစ်နေရာတည်ဆောက်ဖို့လိုလာပါတယ်။ ဒီလိုမျိုး အပြောင်းအလဲတွေကို ကိုယ်က လိုက်နိုင်ရပါမယ်)

4. Asking the questions to your customers for effective result.
(ဒါအရမ်းအရေးကြီးပါတယ်။ ကျွန်မတို့ရဲ့ ဝယ်သူတွေကို အမြဲ မေးခွန်းတွေမေးနေရပါမယ်။ ဒါမှ သူတို့ကို နားလည်နိုင်မှာဖြစ်ပြီး သူတို့လိုချင်တဲ့အရာကို ကျွန်မတို့က ကွက်တိ provide ပေးနိုင်မှာဖြစ်ပါတယ်။
ဒါ့အပြင် customer တွေနဲ့ ရင်းနှီးခင်မင်မှု relationship တည်ဆောက်ဖို့လဲ လိုအပ်တာမို့ ခုလို မေးခွန်းတွေမေးခြင်းအားဖြင့် သူနဲ့ ခင်မင်မှုလဲ ရမယ်၊ရောင်းနေတဲ့ကိုယ့်ပစ္စည်းအတွက်လဲ ဘာလေးတွေ
လိုအပ်နေတယ် ဆိုတာ ကာစတန်မာရှုထောင့်ကနေ
သိမြင်ခွင့်ရပါမယ်)

5. Focus on "service quality" for improving marketing results.
(မားကတ်တင်း ဘယ်လောက်ကောင်းကောင်း
customer service မကောင်းရင် ပလိုင်းအပေါက်နဲ့
ဖားကောက်နေရသလို ဖြစ်မှာပါ။ ဒါကြောင့်မို့
customer service အပိုင်းကိုလဲ ဂရုစိုက်ရပါမယ်)

ဒါကတော့ Marketing နဲ့ ပတ်သက်ရင် အရေးကြီးတဲ့
Aspects ၅ခု ဖြစ်ပါတယ်။

🌟 ဒါဆိုရင်တော့ ကျွန်မတို့ Marketing ဆိုတဲ့ မြို့လေးထဲကို ခြေစချလာပြီပေါ့နော်။ 🌟

ဒီပို့စ်လေးကို ဖတ်ပြီးသွားပြီဆိုရင်တော့ နားမလည်တာလေးတွေရှိရင် ကောမန့်မှာ မေးနိုင်ပါတယ်။

🔺Marketing ဆိုတာ ဘာလဲ 🔺Google ခေါက်ကြည့်လိုက်ရင်တော့ Definations တွေ အများကြီး ထွက်လာမှာ ဖြစ်တယ်။ Marketing အတွက် တိကျတဲ...
31/07/2023

🔺Marketing ဆိုတာ ဘာလဲ 🔺

Google ခေါက်ကြည့်လိုက်ရင်တော့ Definations တွေ
အများကြီး ထွက်လာမှာ ဖြစ်တယ်။

Marketing အတွက် တိကျတဲ့ အဓိပ္ပာယ်ဖွင့်ဆိုချက်လို့တော့ မရှိပါဘူး။

ဘာလို့လဲဆိုတော့ Marketing ဆိုတာ လုပ်ငန်းစဉ် Process
ကြီး တစ်ခု ဖြစ်နေလို့ပါပဲ။

▪️ တချို့ဆရာတွေက Marketing ဆိုတာ လူတွေရဲ့ Wants ဆိုတဲ့ လိုချင်ဆန္ဒတွေကို Needs ဆိုတဲ့ လိုအပ်ချက်ဖြစ်အောင်
ပြောင်းရတဲ့ လုပ်ငန်းစဉ် ဆိုပြီး အဓိပ္ပာယ်ဖွင့်ဆိုတယ်။

▪️တချို့ဆရာတွေကတော့ Marketing ဆိုတာ လူတွေကို
လက်ရှိနေရာကနေ ပိုကောင်းတဲ့နေရာကို ဆွဲခေါ်တာ
တနည်းအားဖြင့် လူတွေရဲ့ ပြဿနာကို အဖြေရှာပေးတာကို
Marketing လို့ ခေါ်တယ်လို့ အဓိပ္ပာယ်ဖွင့်ဆိုတယ်။

အကယ်၍ ကျွန်မအနေနဲ့ လိုရင်းတိုရှင်း အဓိပ္ပာယ်ဖွင့်ရမယ်ဆိုရင် Marketing ဆိုတာ

"Market ဆိုတဲ့ ဈေးကွက်ထဲမှာ ရှင်သန်ဖို့ ကြိုးစားရခြင်း" ကို Marketing လုပ်တယ်လို့ပြောရမှာပါပဲ။

Market ဆိုတာ ဝယ်သူနဲ့ ရောင်းသူ ဆုံတဲ့နေရာကို Market လို့ ခေါ်ပါတယ်။

အဝတ်အစားတွေ ရောင်းကြတယ်။
ဝယ်ကြတယ်။ ဒါက အဝတ်အထည်မားကတ်ပေါ့။
တံဆိပ်မျိုးစုံ၊ လုပ်ငန်းမျိုးစုံရှိမယ်။ ​

ကျွန်မက အဝတ်အစားရောင်းမယ်ဆိုရင် ဝယ်တဲ့သူတွေက
ဒီအမှတ်တံဆိပ် မျိုးစုံ၊ ဆိုင်မျိုးစုံကြားထဲကနေ ကျွန်မကို သတိထားမိပြီး ဝယ်ယူလာအောင် ဘက်ပေါင်းစုံကနေ ကျွန်မကြိုးစားရမှာ ဖြစ်တယ်။ အဲ့လို choose me choose me လုပ်တာကို Marketing လို့ခေါ်ပါတယ်။

🔺ဘာလို့ Marketing က အရေးကြီးလဲ 🔺

ရိုးရိုးလေးပဲ စဉ်းစားကြည့်ရအောင်။ လုပ်ငန်းတစ်ခု
ရပ်တည်ဖို့အတွက် အရေးအကြီးဆုံးက ဘာဖြစ်မယ်လို့
ထင်ပါသလဲ။......
"ဟုတ်ကဲ့ .. အမြတ်ရရှိရေးပါပဲ"။ .. ..
အမြတ်က ဘယ်လိုရမလဲ။ ..
"ရောင်းနေရမှ အမြတ်ရမှာပါ"..
ရောင်းရဖို့အတွက်ဆိုရင်ရော ဘာက အရေးအကြီးဆုံးဖြစ်မလဲ ...
"Marketing ကောင်းမှရပါမယ်" .
🔺Marketing လုပ်မှ Sales တွေရမယ်။ Sales တွေရမှ
Profit တွေ ထွက်လာမယ်။ Profit တွေထွက်မှ
လုပ်ငန်းကို ဆက်လက်လည်ပတ်နိုင်မယ် 🔺

ဒါကြောင့်မို့ ဘာလုပ်ငန်းမှ မလုပ်ခင် ကိုယ့်ကိုကိုယ်
အရင်ဆန်းစစ်ရမှာသည်
"ငါ marketing အကြောင်း ဘယ်လောက်နားလည်ပြီလဲ"
ဆိုတာပါပဲ

✍️
*H*
22.6.2023

စကားချပ်။ ။ဒီစာစုလေးရဲ့အဓိကဆိုလိုရင်းက
လုပ်ငန်းရှင်တိုင်း၊ ကိုယ်ပိုင်အလုပ်လုပ်ဖို့ စိတ်ကူးထားတဲ့သူတိုင်း မားကတ်တင်းကို လေ့လာစေချင်တဲ့ ရည်ရွယ်ချက်နဲ့
ရေးထားတာလေးဖြစ်ပါတယ်။ ကျောင်းပညာတွေ၊ နောက်ခံ background တွေနဲ့မဆိုင်ပါဘူး၊ ခုခေတ်မှာ
အလွယ်တကူလေ့လာလို့ရနေပါပြီ။ ဒါပေမယ့် အမြဲတမ်း Update ဖြစ်နေတဲ့အတွက် လေ့လာလို့ဆုံးတယ်ဆိုတာတော့ ရှိမှာမဟုတ်ပါဘူး။ ကျွန်မကိုယ်တိုင်
နိုင်ငံတကာ စီးပွားစီမံခန့်ခွဲမှု BBA (International Business) နဲ့ ပတ်သက်ပြီး ဘွဲ့ယူထားပေမယ့် ခုထိ လေ့လာနေရဆဲပါ။

Address

Yangon

Website

Alerts

Be the first to know and let us send you an email when My Marketing Universe posts news and promotions. Your email address will not be used for any other purpose, and you can unsubscribe at any time.

Shortcuts

Share

Category