4UAC Accounting Service

22/08/2021

🙏🌹🙏 ဝါခေါင် လပြည့် "မေတ္တာအခါတော်နေ့" 🙏🌹🙏

12/04/2021

🙏🙏🙏

13/02/2021

ဖေဖော်ဝါရီလ (၁၃)ရက်နေ့ဟာဆိုရင်
မြန်မာနိုင်ငံရဲ့ လွတ်လပ်ရေးဖခင်ကြီး
ဗိုလ်ချုပ်အောင်ဆန်း၏
(၁၀၆)နှစ်​မြောက် မွေးနေ့ပဲ ဖြစ်ပါသည်။ မြန်မာနိုင်ငံ၏ လေးစားတန်ဖိုးထားရသော
နိုင်ငံ့ခေါင်းဆောင် ဗိုလ်ချုပ်အောင်ဆန်းအား သတိရလွမ်းဆွတ်ခြင်းများစွာဖြင့်
လေးစားစွာ ဂုဏ်ပြုအပ်ပါသည်။

#ဖေဖော်ဝါရီ၁၃
#ဗိုလ်ချုပ်အောင်ဆန်းမွေးနေ့

08/12/2020

အမျိုးသားနေ့အကြောင်း သိကောင်းစရာ
_________________________________________________
တန်ဆောင်မုန်းလဆုတ် ၁၀ ရက်နေ့သည် အမျိုးသားနေ့ဖြစ်ပါသည်။
အမျိုးသားနေ့ဟူသည်ကား
____________________________________
ဗြိတိသျှမင်းကြီး မတ်ဟန်းတား၏ University အက်ဥပဒေအရ ဖွင့်လှစ်မည့် ရန်ကုန်တက္ကသိုလ်ကို မြန်မာကောဇာသက္ကရာဇ် ၁၂၈၂ ခုနှစ် တန်ဆောင်မုန်းလဆုတ် ၁၀ ရက် ခရစ်နှစ် ၁၉၂၀ ဒီဇင်ဘာလ ၅ ရက် တနင်္ဂနွေနေ့တွင် ရန်ကုန်ကောလိပ်နှင့် ဂျပ်ဆန်( ယုဒသန်)ကောလိပ် ကျောင်းသားများသည် ကန့်ကွက် သပိတ်မှောက်ဆန္ဒပြခဲ့သော နေ့ကြီးဖြစ်ပါသည်။
နယ်ချဲ့ဗြိတိသျှ အစိုးရသည် ၎င်းတို့နယ်ကို ချဲ့ရာ၌ အကောင်းဆုံး လက်နက်အဖြစ် ပညာရေးစနစ် တက္ကသိုလ် အက်ဥပဒေကြမ်းကြီးကို ၁၉၂၀ ဇူလိုင်လ ၁၂ ရက် ဘုရင်ခံ၏ ကောင်စီအစည်းအဝေးတွင် တင်သွင်း၍ အဆိုပြုခဲ့ရာ တစ်ပြည်လုံး လှုပ်လှုပ်ရွရွ ဖြစ်ခဲ့ကြသည်။
ထို့နောက် ဇူလိုင်လ ၁၈ရက်နေ့ မြန်မာနိုင်ငံပြုပြင်ရေး အသင်းကြီးသည် အစည်းအဝေးကို ချက်ချင်းခေါ်ယူကာ
ရန်ကုန်တက္ကသိုလ် အက်ဥပဒေကို ကန့်ကွက်ခဲ့ကြလေသည်။မန္တလေးမြို့တွင်လည်း လူထုအစည်းအဝေးကြီးက နယ်ချဲ့အစိုးရ မတ်ဟန်းတား၏ ခေတ်နောက်ပြန်ဆွဲသောလုပ်ဆောင်ချက်များနှင့် ဖိနှိပ်ချုပ်ချယ်မှုများကြောင့် ရာထူးမှ ဖယ်ရှားပေးရန် တောင်းဆို ဆန္ဒပြလာကြသည်။
သြဂုတ်လ ၁ ရက်နေ့တွင် YMBA ခေါ် ဗုဒ္ဓကလျဏယုဝအသင်းကြီးက ကြီးမှူး၍ ဂျူဗလီဟောတွင်
ရန်ကုန်မြို့လုံးကျွတ် အစည်းအဝေးကြီးကို ကျင်းပကာ-
(၁) ရန်ကုန်တက္ကသိုလ် အက်ဥပဒေကို အများပြည်သူများ မကြိုက်ကြသောကြောင့် ၁၉၂၀ သြဂုတ်လတွင် ကျင်းပမည့် ဥပဒေပြုအဖွဲ့က ဒိုင်အာခီအုပ်ချုပ်ရေးစနစ် စတင်မည့် ၁၉၂၃ အထိ ဆိုင်းငံ့ထားရန်။
(၂)နောင်အခါ ပညာတတ်များနည်းပါးစေရန် ရည်စူးပြီး ထိုဥပဒေကို ထုတ်ခဲ့သော ဗြိတိသျှမင်းကြီး မတ်ဟန်းတားအား မြန်မာနိုင်ငံမှာ ပြောင်းရွေ့ပေးရန်
တောင်းဆို ခဲ့ကြပါသည်။
ထိုသို့ အမျိုးမျိုးကန့်ကွက်နေသည့် ကြားကပင် ၁၉၂၀ခုနှစ် စက်တင်ဘာလ ၂၆ ရက်နေ့တွင်
မြန်မာနိုင်ငံ၏ ဗြိတိသျှ ဒုတိယဘုရင်ခံ ဆာရယ်ဂျီနယ်ကရက်ဒေါက်က ရန်ကုန်အက်ဥပဒေကို ထောက်ခံခဲ့သည်။တဖန် ရန်ကုန်တက္ကသိုလ် အက်ဥပဒေကို အိန္ဒိယဘုရင်ခံ ချမ်းစဖို့ဒ်က အတည်ပြုရန် ထုတ်ပြန်ကြေညာခဲ့ပြန်သည်။
အနည်းငယ် စကားပလ္လင်ခံတာများသွားတယ် ရန်ကုန်တက္ကသိုလ် အက်ဥပဒေကား အဘယ်သို့နည်းဟု သိချင်ကြပေလိမ့်မည်။ဤသို့တည်း။
ရန်ကုန်တက္ကသိုလ် အက်ဥပဒေကား-
(၁)မြန်မာနိုင်ငံ၌ ဤတက္ကသိုလ် တစ်ခုတည်းသာ ရှိရမည်။
တက္ကသိုလ်အောက်တွင် ကောလိပ်ကောင်းတစ်ကျောင်းသာရှိရမည်။
(၂)ကောလိပ်ကျောင်း၌ ပညာသင်ကြားလိုသူများသည် ကျောင်းအိပ်ကျောင်းစား နေနိုင်သူများသာ ဖြစ်ရမည်။
(၃)တက္ကသိုလ်ဝင်စာမေးပွဲ မထားရှိတော့ဘဲ အစိုးရကပြုလုပ်သော High School Final ခေါ် ဆယ်တန်းစာမေးပွဲကို အောင်ရမည်။English စာနှင့်အခြားဘာသာရပ်တစ်ခုခုကို ထူးချွန်အောင်မြင်မှ အဆိုပါတက္ကသိုလ်ကို တက်ခွင့်ရမည်။
(၄) ဂုဏ်ထူးနှင့် ဝိဇ္ဇာတန်းတွင် တစ်ခါဖြေဆို၍ မအောင်မြင်ပါက နောက်နောင် ဖြေဆိုခွင့်မပြု။
(၅) High School Final အောင်၍ တက္ကသိုလ်ဝင်ခွင့်ရသော်လည်း တက္ကသိုလ်ပညာရပ် ပြင်ဆင်မှုအတန်းတွင် တစ်နှစ်နေနိုင်ရမည်။
(၆) ပြင်ဆင်မှုအတန်းတွင် တစ်နှစ်နေသော်လည်း နှစ်ကုန်တွင် တက္ကသိုလ်ပညာရပ်များကို လိုက်နာရန်
အရည်အချင်းမရှိသေးဟု သတ်မှတ်လျှင် တက္ကသိုလ်ပညာရပ်များကို ဆက်လက်သင်ကြားခွင့်ရမည်မဟုတ်
စသည်တို့ဖြစ်ကြပါသည်။ ရင်နာစရာပါပေ။
ထို့ကြောင့် ၁၉၂၀ခုနှစ် ဒီဇင်ဘာလ ၃ ရက်နေ့တွင် ရန်ကုန်ကောလိပ်ကျောင်းသားများ ဖြစ်ကြသည့် ကိုဘခင်၊ကိုဘိုးကွန်း၊ကိုဘဦး၊ကိုအောင်ဒင်၊ကိုထွန်းဝင်း၊ကိုဖေသိန်း၊ကိုဘရှင်(သံတွဲ)၊ကေညီပိတ်၊ကိုဘရှင်(ထားဝယ်)၊ကိုလှတင်နှင့် ကိုမောင်အေးတို့သည် ရွှေတိဂုံစေတီတော် အနောက်တောင်ထောင့်တွင် စုဝေးပြီး ရန်ကုန်တက္ကသိုလ်အက်ဥပဒေကို သပိတ်မှောက်ရန် သစ္စာအဓိဋ္ဌာန် ပြုခဲ့ကြသည်။
၁၉၂၀ပြည့်နှစ် ဒီဇင်ဘာ ၅ရက်တွင် တက္ကသိုလ်ကျောင်းသားကြီးများ ဦးဆောင်သော ပထမကျောင်းသားသပိတ်သည် စတင်ခဲ့ရာ မြန်မာနိုင်ငံ အနယ်နယ် အရပ်ရပ်သို့ တစ်ဟုန်ထိုး ပျံ့နှံ့သွားခဲ့လေတော့သည်။
၁၉၂၀ပြည့် ဒီဇင်ဘာလ ၂၆ ရက်နေ့တွင် GCBAဝံသာနုအသင်းချုပ်ကြီးတစ်ရပ် ပြုလုပ်ကာ
အောက်ပါဆုံးဖြတ်ချက်များကို ချမှတ်ခဲ့သည်။
(၁)မြန်မာနိုင်ငံအရပ်ရပ် အမျိုးသားကျောင်းများ တည်ထောင်ဖွင့်လှစ်ရန်။
(၂) ရန်ကုန်မြို့၌ အမျိုးသားတက္ကသိုလ်ကျောင်းကြီးတစ်ကျောင်း တည်ထောင်ဖွင့်လှစ်ရန်။
(၃)အသင်းချုပ်ကြီးနှင့် ဆက်သွယ်ထားသော အသင်းခွဲများက တည်ထောင်ထားခဲ့သော ကျောင်းများကိုလည်း အမျိုးသားကျောင်းများအဖြစ် ပြောင်းလဲရန်။
(၄) အမျိုးသားကျောင်းများကို စုပေါင်းအုပ်ချုပ်ရန်၊လိုအပ်သော စီစဉ်ညွှန်ကြားချက်များကို ပြုလုပ်နိုင်ရေးအတွက် အမျိုးသားပညာရေးတစ်ခု ဖွဲ့စည်းထားရှိရန်။
အထက်ပါဆုံးဖြတ်ချက်များကို ဦးမောင်ကြီး(M.A)ဥက္ကဋ္ဌအဖြစ်ပါဝင်ပြီး အမှုဆောင်အဖွဲ့ဝင် ၃၂ဦးတို့ဖြင့် ဖွဲ့စည်းလိုက်သည်။
ဤသို့ဖြင့် ၁၉၂၁ခုနှစ် သြဂုတ်လ ၂၄ ရက်တွင် ရန်ကုန်မြို့ ဗဟန်းရပ် ရွှေကျင်ကျောင်းတိုက် ဦးအရိယကျောင်း၌ အမျိုးသားကောလိပ်ကို စတင်ဖွင့်လှစ်နိုင်ခဲ့ရာ များမကြာမီ နယ်မြို့ကြီးများတွင် အမျိုးသားကျောင်းများ ဖွင့်လှစ်နိုင်ခဲ့ပါသည်။
အမျိုးသားနေ့ကို သတ်မှတ်ရန် အချို့က သီပေါမင်းပါတော်မူသော တန်ဆောင်မုန်းလဆုတ်
၈ ရက်နေ့ကို အကြံပြု၍ အချို့က ဦးဥတ္တမထောင်ကျခဲ့သော
၁၂၈၃ ခု နယုန်လကွယ်ကို အစွဲပြု၍လည်း အကြံပြုကြရာ
သပိတ်မှောက်ကောင်စီဝင် ဦးမြင့်က နန်းကျသောနေ့နှင့် ထောင်ကျသောနေ့သည် မင်္ဂလာမရှိ၍ နယ်ချဲ့ဗြိတိသျှ ပထမဦးဆုံး ထိထိရောက်ရောက် သပိတ်မှောက်ခဲ့သော တန်ဆောင်မုနါးလဆုတ် ၁၀ရက် နေ့ကိုသာ အမျိုးသားနေ့အဖြစ် သတ်မှတ်သင့်ကြောင်း အဆိုပြုကြရာ အားလုံးက သဘောတူညီထောက်ခံခဲ့ကြ၍ အမျိုးသားနေ့ကို စတင်သတ်မှတ်ခဲ့လေတော့သည်။
ဤသို့ဖြင့် ခေတ်အဆက်ဆက်မှ မျိုးချစ်သူရဲကောင်း၊မျိုးချစ်ကျောင်းသားကြီးများမှ အသက်သွေးချွေး ပေးဆပ်၍ ကျားကုတ်ကျားခဲ ရယူခဲ့သောအမိမြေ၊အမိနန်း၊အမိကြငှန်း၊အမိစာပေ၊အမိယဉ်ကျေးမှု စသည်တို့ကို မပျောက်မပျက်အောင် ထိန်းသိမ်းစောင့်ရှောက်ကြရမည်မှာ လက်ရှိ လူငယ်ခေါင်းဆောင်များပင်ဖြစ်ပါကြောင်း အမျိုးသားနေ့ဖြစ်ပေါ်လာပုံအကြောင်းကိုဖော်ပြပေးလိုက်ပါသည်။
ယဉ်မင်း
Photo crd Khaing Oo
လေးစားစွာဖြင့် # ပါ

08/12/2020

29/11/2020

တန်ဆောင်မုန်းလပြည့်ည၌ ပစ္စည်းခိုးရခြင်းအကြောင်း
(ကျီးမနိုးပွဲ)
••••••••••••••••••••••••••••••••••••••••••••••••••••

တန်ဆောင်မုန်းလပြည့်ညသည် သူခိုးညလုံးဝမဟုတ်ပါ။
တန်ဆောင်မုန်းလပြည့်ညသည် ဗုဒ္ဓဘာသာဝင်တို့၏
နေ့ထူးနေ့မြတ်ဖြစ်ပါသည်။

မြတ်စွာဘုရားသည် အဇာတသတ်ရှင်ဘုရင်အား
သာမညဖလသုတ်တော်ကို ဟောတော်မူ၍
ဘုရင်နှင့်တကွ နောက်ပါပြည်သူ တစ်သိန်းခန့်
ဗုဒ္ဓဘာသာဖြစ်တဲ့ညကြီးပါ။

ဒီလိုကြီးကျယ်ခမ်းနားတဲ့ ဗုဒ္ဓဘာသာနေ့ကြီးကို
မသမာသူများက စုတ်ပြတ်အောင် သူခိုးညဆိုပြီး
နာမည်တပ်လိုက်တော့ အမှန်တရား ပျောက်ကွယ်သလို
ဖြစ်သွားပါတယ်။

လွန်လေပြီးသော ရှေးအခါက ယောက်ကျားသားများ
ရှင်လိင်ပြန်ကြရဝယ် ဆေးမင်ကြောင်ထိုးသည့်ဓလေ့သည်
အထင်အရှားရှိခဲ့၏။ ရှင်ဘုရင်မှအစချီကာ မင်းညီမင်းသား၊
မှူးမတ်သူကြွယ်၊ ကုန်သည်၊ လယ်လုပ် အစချီကာ
သူရင်းငှားများစသော လူယောက်ကျားတို့သည်
ဆေးမင်ထိုးကြလေသည်။

ယခုခေတ်ကဲ့သို့ ကြုံသလိုထိုးခြင်း မဟုတ်ချေ။
ဆေးမင်ထိုးသည့်အခါ နက္ခတ်ကောင်း၊ အခါကောင်းကို
စောင့်ဆိုင်းကာ မှောင်ခန်းခေါ်မှင်ထိုးသည့် အခန်းတွင်
ကန်တော့ပွဲပေး၍ ထိုးရသည်။

ထိုသို့ ထိုးခဲ့ပြီးသော ယောကျာ်းတို့သည်
တန်ဆောင်မုန်းလပြည့်ည နက္ခတ်စုံချိန်တွင် ထိုးထားသည့်
ကြောင်တက်ကြောင်ဆင်းဆေး အစောင့်တို့သည်
တန်ခိုးပြသည်ဟု အယူရှိသောကြောင့် အရှင်မသိသော
ပစ္စည်းကို ခိုးယူကာ ခိုးကွင်း၌ ထားမြဲဖြစ်၏။
ထိုးကွင်းဆိုသည်မှာ ခိုးရာပါပစ္စည်းအား
ဘယ်သူဘယ်ဝါ၏အိမ်မှ ပစ္စည်းဖြစ်ကြောင်း
ခိုးကွင်းတွင် စာကပ်၍ ထားကြသည်။

ထိုသို့ခိုးရာတွင် အသက်ရှိသောအရာကို
ခိုးယူနိုင်စွမ်းသောသူသည် လူစွမ်းကောင်းဖြစ်လေသည်။

ရှေးအခါက နွားများနှင့် လူအိပ်နေသောကုတင်ကို
လူမနိုးအောင် ထမ်း၍ခိုးကွင်း၌ လာထားကြသည်။
မနက်မိုးလင်းသောအခါ ပစ္စည်းရှင်များက သင်္ကန်းအစုံဖြင့်
မိမိတို့ပစ္စည်းကို လာရွေးယူကြပြီး ကထိန်ပွဲကို ဆင်နွဲရသည်။

ပစ္စည်းခိုး၍ လူမိသောအခါတွင် ထိုသူကိုဖမ်း၍
ခိုးကွင်းတွင် ကတုံးတုံးကာ ပြာလူး၍ ထားကြသည်။

ကထိန်ပွဲတွင် ထိုခိုးသားကို ရွာသူကြီးက
တရားသူကြီးလုပ်ကာ တရားဆိုင်ခန်းဖြင့်
ဟာသလုပ်ကြပြီး ရဟန်းဝတ်စေမြဲဖြစ်သည်။

ဒီဘက်ခေတ်ရောက်လာတော့ တန်ဘိုးရှိပစ္စည်းတွေကို
တကယ် ခိုးလာကြတယ်။
လမ်းတွေပေါ်မှာ ကျက်သရေမင်္ဂလာမရှိအောင်
ရုပ်ပျက် ဆင်းပျက် ဆိုင်းဘုတ်တွေ ဖြုတ်ချ၊
အရက် ဘီယာ အစားအသောက်တွေ ပလူပျံအောင်
ပြန့်ကျဲနေတယ်။
အပျော်ကနေ အပျက်ဘက်ကို ဦးတည်လာကြတယ်။
အမှန်တရားကို ဗုဒ္ဓဘာသာ မြန်မာလူမျိုးတွေ သိစေချင်၍
ရည်ရွယ်ရင်း ရေးသားဖော်ပြလိုက်ခြင်း ဖြစ်ပါသည်။
...........

``ကျီးမနိုးပွဲ နဲ့ တန်ဆောင်မုန်းလပြည့်ကျော်(၁)ရက်´´

ကျီးမနိုးပွဲဆိုတာ ညဘက်မှာ ရပ်ကွက်ထဲက ရှိတာတွေပတ်ခိုးတာ၊ ကြက်ခိုးသတ်ပြီး ဘူးသီးနဲ့ချက်စားကြတဲ့ ပွဲများလား?
အဲ့ဒီလို မဟုတ်ပါဘူး။ ရှေးအခါက ကျီးမနိုးပွဲဆိုတာ ကိုယ်စွမ်းကိုယ်စ၊ ဆေးမှင်အစွမ်းကို စမ်းသပ်ကြတဲ့ပွဲဖြစ်ပြီး ချစ်စရာကောင်းတဲ့ ရိုးရာအလေ့အထ တစ်ခု ဖြစ်ပါတယ်။

တန်ဆောင်မုန်း လပြည့်ကျော် (၁)ရက်နေ့ဟာ ကြတ္တိကာနက္ခတ်နဲ့ ယှဉ်တဲ့နေ့ဖြစ်တဲ့အလျောက် ဆေးမှင်ထိုးပြီးသား ကာလသားတွေကို ထပ်ဆင့်ထိုးနှံပြီး သိဒ္ဓိအသစ် ထပ်တင်ပေးကြပါတယ်။ ဒါဟာ မှင်ကြောင်ထိုးတဲ့ ဒုတိယမြောက်တစ်ခေါက်ဖြစ်ပြီး ဂဝံ၊ ကြောင်ရုပ်၊ သူရဿတီ နတ်သမီးရုပ် တို့ကို ဖြည့်သွင်းထိုးနှံကြပါတယ်။ ကြတ္တိကာနက္ခတ်ဟာ အဟန့်၊အမှောင့်စတာတွေအတွက် အကာအကွယ်ဖြစ်တယ် အကျိုးပေးတယ်လို့ ယုံကြည်ကြတာကြောင့် ဒီလို အဟန့်အမှောင့်နဲ့ဆိုင်တဲ့ ဆေးအင်းတွေကို ဒီညမှာထိုးပြီး သိဒ္ဓိတင်ကြတာပါ။

ဒီလို ဆရာတွေက ထိုးပြီးရုံနဲ့ ကာလသားတို့ရဲ့ တာဝန်က မပြီးသေးပါဘူး။ ထိုးခဲ့တဲ့ ဆေးမှင်တွေဟာ ဘယ်လောက်အောင်မြင်ပြီးစီးတယ်ဆိုတဲ့ အကြောင်းကို လက်တွေ့စမ်းသပ်ရပါသေးတယ်။ ဒါကြောင့် ဆေးမှင်ဝိုင်းကနေ ထွက်လာပြီး မှောင်ရိပ်ခိုလို့ သန်းခေါင်ဗိုလ် လုပ်ကြရပါတယ်။ ဆိုလိုတာကတော့ မှောင်ရိပ်ခိုပြီး ရွာထဲက ပစ္စည်းတွေ ပတ်ခိုးရတယ်ပေါ့။ ခိုးတယ်ဆိုသော်ငြား လွယ်ကူလှတာတော့မဟုတ်ပါဘူး။ လရောင် ထိန်ထိန်လင်းနေတဲ့အပြင်ကို လူအားလုံးကလည်း မအိပ်ဘဲစောင့်နေကြတာပါ။ ဒါပေမဲ့ ဆေးမှင်ဝိုင်းက ထလာတဲ့ ကာလသားတို့ အတွက်တော့ ဆေးအောင်ရင် မှောင်ရိပ်ခိုလိုက်တာနဲ့ ကိုယ်ပျောက်တယ်လို့ ယုံကြည်ကြပါတယ်။

ဒီလိုနဲ့ ခိုးလို့ရလာတဲ့ပစ္စည်းတွေကို ရွာလယ်စည်းဝိုင်းထဲ စုပုံပြီး ထည့်ထားရပါတယ်။ ခိုးနေတာကို မိသွားရင်တော့ ရွာလယ်မဏ္ဍပ်မှာတင် တစ်ကိုယ်လုံးရွှဲစိုအောင် ရေလောင်းပြီး ဆံပင်တွေကို ညှပ်လို့ ကတုံးပါ ရိတ်ပေးလိုက်ကြပါတယ်။ ပြီးရင်တော့ မဏ္ဍပ်တိုင်မှာ ကြိုးနဲ့ချည်နှောင်ထားပါတယ်။

ရောင်နီလာရင်တော့ အခိုးခံရတဲ့အိမ်တွေက ကိုယ့်ပစ္စည်းကို အခကြေးငွေနဲ့ ပြန်ပြီးဝယ်ယူရပါတယ်။ ပုံထားတဲ့ အပုံက မြင့်လွန်းလို့ ကိုယ်ကိုယ်တိုင် မဖြုတ်နိုင်ရင်လည်း ဖြုတ်ယူခပေးပြီး ဖြုတ်ခိုင်းရပါသေးတယ်။ ဒီလိုမှမဟုတ်ဘဲ ကိုယ်ကိုယ်တိုင် တက်ဖြုတ်လိုက်လို့ အခြားပစ္စည်းတွေ ပြုတ်ကျပျက်စီးခဲ့သည်ရှိသော် လျော်ရပါသေးတယ်။ ဒီလို ခိုးရာပါပစ္စည်းတွေကို မူလပိုင်ရှင်တွေကို ရောင်းလို့ရတဲ့ငွေနဲ့ သင်္ကန်း ပရိက္ခရာတွေကိုဝယ်ယူပြီး ခေါင်းတုံးပြီးဖြစ်နေတဲ့ ဆေးမှင်သိဒ္ဓိမအောင်တဲ့ ခိုးသားတွေကို ရှင်ပြု၊ ရဟန်းခံခြင်းအမှုကို ပြုပါတယ်။ ကျီးမနိုးခင်အချိန်မှာ ဒါတွေအားလုံးကို အပြီးအစီးလုပ်ဆောင်ကြတဲ့ပွဲမို့ ဒီပွဲကို ကျီးမနိုးပွဲလို့ခေါ်ပါတယ်။

ရှေးအခါက ချစ်စရာဓလေ့တစ်ခုဖြစ်ပေမယ့် ခုချိန်မှာတော့ ကျီးမနိုးပွဲကို အခွင့်ကောင်းယူပြီး ပစ္စည်းတွေခိုးသွားကြကာ ပြန်မပေးတာမျိုးတွေ၊ သူများအိမ်က ကြက်ကိုခိုးလို့ သတ်ပြီး ချက်စားတာမျိုးတွေဟာ အချို့သော နယ်တွေမှာ ရှိနေဆဲပါ။ ရိုးရာဓလေ့ကို ထိန်းသိမ်းတယ်ဆိုသော်လည်း လွဲမှားနေတာမို့ အခိုးခံရတဲ့ ပိုင်ရှင်တွေမှာလည်း ဒုက္ခရောက်ကြတာမျိုးတွေ ရှိပါတယ်။

ဒါ့ကြောင့် ဒီလို ချစ်စရာကောင်းတဲ့ ရိုးရာဓလေ့တွေကို ပျောက်ပျက် အရုပ်ဆိုးအကျည်းတန်အောင် မလုပ်ကြဖို့ တိုက်တွန်းရင်း ရိုးရားဓလေ့ကို အများက ချစ်ခင်နှစ်သက်လာစေခြင်းဖြင့် ထိန်းသိမ်းလိုက်ကြပါစို့လား ခင်ဗျာ။

မူရင်းရေးသားမျှဝေသူအား လေးစာလျက်.......

(မဆင်မခြင်တလွဲယူခြင်းတွေ
ထိုလွဲမှားချက်တို့ကို တစ်ဆင့်မျှဝေပြောကြားခြင်းတွေ
အသိအမှတ်မှားအောင် လက်ဆင့်ကမ်းခြင်းတွေ
ကလေးသူငယ်များအား အမှားအယွင်းတွေ
မှတ်သားခြင်း ကင်းဝေးစေလိုသော
စေတနာဖြင့် မျှဝေပါသည်။)

#ရက္ခိတမဟာနွယ်

27/11/2020

ယူနီကုတ် သုံးလျှင် သင့်အတွက် ရလာမည့် အကျိုးကျေးဇူးများ

၁။ Gboard Keyboard သုံးလို့ ရသွားပါလိမ့်မယ်။ Gboard Keyboard မှာ မြန်မာလို ပါးစပ်က ပြောရုံနဲ့ အလိုအလျောက် စာရိုက်လို့ ရသွားပါလိမ့်မယ်။

၂။ Google Lens သုံးလို့ ရသွားပါလိမ့်မယ်။ Google Lens မှာ စာတွေကို ကင်မရာနဲ့ဓာတ်ပုံ ရိုက်ပြီး မြန်မာစာကနေ ကြိုက်တဲ့ ဘာသာစကားကို ပြောင်းလဲတာတို့၊ အင်္ဂလိပ်စာကို ဓာတ်ပုံရိုက်ပြီး မြန်မာစာပြောင်းတာတို့ ရသွားပါလိမ့်မယ်။ ဒါ့အပြင် မြန်မာလိုရေးထားတဲ့ စာရွက်ထဲက စာသားတွေကို ဓာတ်ပုံ ရိုက်ပြီး စာသားအဖြစ် ပြောင်းလဲသိမ်းဆည်းတာကိုပါ ရသွားပါလိမ့်မယ်။

၃။ ကိုယ် သွားချင်တဲ့နေရာကို မြန်မာလို ရိုက်ထည့်ရှာနိုင်မယ်၊ ကိုယ့်တည်နေရာကိုလည်း မြန်မာလို လမ်းပြပေးနိုင်မယ့် Google Maps သုံးလို့ ရသွားပါလိမ့်မယ်။

၄။ မြန်မာလို ပါးစပ်က ပြောပြီး ကမ္ဘာပေါ်ရှိ တခြားဘာသာစကားတွေကို ဘာသာပြန်ပေးနိုင်မယ့် Google Translate သုံးလို့ ရသွားပါလိမ့်မယ်။

၅။ ဝီကီပီးဒီးယားလို ကမ္ဘာကျော်စွယ်စုံကျမ်းထဲက အချက်အလက်တွေကို မြန်မာလို ဖတ်ရှုနိုင်ပါလိမ့်မယ်။

၆။ Youtube မှာ တင်ထားတဲ့ မည်သည့်ဗီဒီယိုကိုမဆို မြန်မာ စာတန်းထိုးနဲ့ ကြည့်နိုင်သွားပါလိမ့်မယ်။

၇။ Facebook မှာ ကိုယ်နဲ့ ဘာသာစကား မတူသူတွေနဲ့ ဆက်သွယ်တဲ့အခါမှာ ကိုယ့်ဘက်က မြန်မာလို ပြောရင် တဘက်လူ နားလည်မယ့် ဘာသာစကားကို အလိုလို ဘာသာပြန်ပေးပါလိမ့်မယ်။

၈။ စိတ်ခွန်အားပြည့်စရာ၊ ဗဟုသုတ ရစရာ ဗီဒီယိုတွေများစွာရှိတဲ့ TED Talk ကို မြန်မာလိုသုံးလို့ ရသွားပါလိမ့်မယ်။

၉။ အခမဲ့ ပညာသင်ကြားရေး Website ဖြစ်ပြီး လေ့လာသင်ယူစရာ များစွာရှိတဲ့ Khan Academy မှာ မြန်မာလို လေ့လာ သင်ကြားနိုင်သွားပါလိမ့်မယ်။

၁၀။ ကိုယ့်လက်ရေးနဲ့ ရေးထားတဲ့ စာတွေကို ကွန်ပျူတာစာစီတာမျိုးအတွက် Google OCR စနစ်ကို သုံးလို့ ရသွားပါလိမ့်မယ်။ ကွန်ပျူတာ သို့မဟုတ် ဖုန်းနဲ့ စာပြန်စီစရာမလိုတော့ပါဘူး။

အထက်ဖော်ပြပါ အကျိုးကျေးဇူးများဟာ သင့်အနေနဲ့ ဇော်ဂျီ သုံးနေသမျှ မရနိုင်မယ့်အရာတွေမို့ ဒီနေ့ပဲ ယူနီကုတ် ပြောင်းသုံးဖို့ တိုက်တွန်းပါရစေ။
: Zaw Thurein

27/10/2020

Covid-19 ရောဂါရှာဖွေကုသပေးရာတွင်
ရှေ့တန်းမှ မလျော့သော ဇွဲလုံ့လတို့ဖြင့် ဦးစီးဦးဆောင်
ကိုယ်ကျိုးမဖက်ပဲကြိုးပမ်းဆောင်ရွက်နေကြသော
ဆရာဝန်များ၊ သူနာပြုများ၊ ကျန်းမာရေး ဝန်ထမ်းများ၊
စေတနာ့ဝန်ထမ်းများ နှင့်
အဖက်ဖက်မှပါဝင်ကူညီပေးကြသည့်
စေတနာရှင်များအား MBC မိသားစုမှ
အထူးလေးစားဂုဏ်ပြုလျက်...








Covid-19 ရောဂါရှာဖွေကုသပေးရာတွင်
ရှေ့တန်းမှ မလျော့သော ဇွဲလုံ့လတို့ဖြင့် ဦးစီးဦးဆောင်
ကိုယ်ကျိုးမဖက်ပဲကြိုးပမ်းဆောင်ရွက်နေကြသော
ဆရာဝန်များ၊ သူနာပြုများ၊ ကျန်းမာရေး ဝန်ထမ်းများ၊
စေတနာ့ဝန်ထမ်းများ နှင့်
အဖက်ဖက်မှပါဝင်ကူညီပေးကြသည့်
စေတနာရှင်များအား MBC မိသားစုမှ
အထူးလေးစားဂုဏ်ပြုလျက်...







https://m.facebook.com/story.php?story_fbid=4344504505623396&id=691804947560055

25/10/2020

အနံ့မရလျှင် လက္ခဏာပြလာလျှင်
*************************************
💢2019 ကိုဖုံးဆက်ပြီး ဆရာဝန်နဲ့မေးဖို့ သုည'0' ကိုနှိပ်ပါ (bill မကုန်ဘူး၊ အခမဲ့ပါ၊ ၉ နာရီမှ ညနေ ၅နာရီအထိ ပိတ်ရက်မရှိ)

💢သက်ဆိုင်ရာမြို့နယ်ဆရာဝန်နဲ့ ကျန်းမာရေးမှူးဖုံးနံပါတ်ရပြီးရင်ဆက်ပြီးအနံ့မရကြောင်းပြောပြပါ။ သို့မဟုတ် fever clinic ဆရာဝန်ကိုဖုံးဆက်ပါ။

💢 နှာခေါင်းတို့ဖတ်ယူဖို့ မြို့နယ်ဆရာဝန်ကလိုအပ်သလိုစီစဥ်ပေးပါမယ်။ Quarantine ကိုလည်း လိုအပ်သလိုစီစဥ်ပေးပါမယ်။

💢အနံ့မရခြင်းတခုတည်းဆိုလျှင် ဆေးရုံမသွားပါနှင့်။

၂ ပတ်ကြာမျှသွေးတွင်းအောက်စီဂျင် အခြေအနေကိုpulse oximeter နဲ့ နေ့စဥ်မကြာခဏတိုင်းပါ။
၂ ပတ်ကြာမျှ မိမိဖာသာ သီးသန့် တခန်းထဲနေ၊ကျန် အိမ်သားတွေနဲ့ မတွေ့မထိ ၊အပြင် လုံးဝ မထွက်ပဲ၊ self isolation လုပ်ပါရန်။

လတ်တလောဆေးရုံတက်ဖို့အခက်အခဲ့ရှိနေသည့်
အနံပျောက်သူများသို့

၁။ ။ မိမိ နေအိမ် (သို့မဟုတ်) နေအိမ်ခြံဝင်း အတွင်းတွင်သာ နေထိုင်ပါ၊ နေအိမ်ပြင်ပသို့ လုံးဝ သွားရောက်ခြင်း မပြုရပါ၊ဤအချက်သည် အလွန်အရေးကြီးပါ၍ သတိပြု ရှောင်ကြဉ်ရန် အထူးလိုအပ်ပါသည်။

၂။ ။ ခွဲစိတ်ခန်း သုံး ပါးစပ်နှင့်နှာခေါင်းစည်း
(Surgical Mask) ဖြင့် ပါးစပ် နှင့် နှာခေါင်းကို
မဖြစ်မနေ လုံခြုံအောင် ဖုံးအုပ်ပါ။ နှာချေ ၊ ချောင်းဆိုးသည့်အခါတိုင်း တစ်ခါသုံးတစ်ရှူးကို အသုံးပြုပါ။

၃။ ။ အသုံးပြုပြီးသော တစ်ရှူး၊ ပါးစပ်နှင့်နှာခေါင်းစည်း တို့ကို အဖုံးပါသော အမှိုက်ပုံးထဲသို့ စနစ်တကျ စွန့်ပစ်ပါ။ ပြီးလျှင် စနစ်တကျ လက်ပြန်ဆေးပါ။

၄။ ။ အိမ်တွင် လေဝင်/လေထွက် ကောင်းစေရန်
ပြတင်းပေါက် များကိုဖွင့်ထားပါ။

၅။ ။ တစ်ကိုယ်ရေ အသုံးအဆောင်ပစ္စည်းများ
(ပန်းကန်ခွက်ယောက်၊ မျက်နှာသုတ်ပဝါ၊ အိပ်ယာခင်း၊ ခေါင်းအုံးစွပ် … စသည့်) ပစ္စည်းများကို သီးသန့် ထားရှိရပါမည်။

၆။ ။ အိမ်သားများ နှင့်အတူတကွ စားသောက်ခြင်း
လုံးဝ (လုံးဝ) မပြုလုပ်ရပါ။

၇။ ။ မိမိ၏ အိမ်သားများ နှင့်အတူ ရောနှောနေထိုင်ခြင်း(သို့မဟုတ်) အခြားသူများနှင့် အနီးကပ် နေထိုင်ပြောဆိုခြင်း လုံးဝ ရှောင်ကြဉ်ပါ။ မိမိအိမ်သားများ နှင့် မဖြစ်မနေစကားပြောဆိုရမည်ဆိုပါက ခွဲစိတ်ခန်းသုံး ပါးစပ် နှင့်နှာခေါင်းစည်း ( Surgical Mask) ဖြင့် ပါးစပ်နှင့်နှာခေါင်း ကို လုံခြုံအောင် ဖုံးအုပ်ပြီး တစ်ဦး နှင့် တစ်ဦး (၂) မီတာ (၆ပေ) ခန့် အကွာမှ စကားပြောဆိုရပါမည်။

၈။ ။ အိမ်တွင် ဧည့်သည်လက်ခံခြင်း လုံးဝမပြုပါနှင့်။မိတ်ဆွေများနှင့် မိုဘိုင်းဖုန်း (သို့မဟုတ်) Online မှသာ ဆက်သွယ်ပြောဆိုပါ။

၉။ ။ အိမ်ရှိ အများသုံးပစ္စည်း တစ်ခုခုကို မကိုင်တွယ်မီ နှင့် ကိုင်တွယ်ပြီးတိုင်း ဆပ်ပြာ နှင့် ရေကို အသုံးပြု၍အနည်းဆုံး စက္ကန့် (၂၀) ကြာအောင် လက်ကိုစနစ်တကျ ဆေးကြောပါ ၊ အကယ်၍ ဆပ်ပြာ နှင့် ရေ မရနိုင်ပါက အနည်းဆုံး အယ်ကိုဟော ၆၀% ပါဝင်သောရေမလို လက်သန့်စင်ဆေးရည်ကို အသုံးပြု၍ ဆေးကြောပါ။

၁၀။ ။ နေအိမ်ရှိမိသားစုဝင်များအနေဖြင့်လူစုလူဝေးနေရာများသို့သွားရောက်ခြင်း လုံးဝ(လုံးဝ)မပြုလုပ်ရပါ။

အထက်ပါ အချက်များကို တိကျစွာ လိုက်နာခြင်းဖြင့် သင်ကိုယ်တိုင် နှင့် သင့်မိသားစုများအား (COVID-19)ကိုရိုနာဗိုင်းရပ်စ်ရောဂါ အန္တရာယ်မှ ထိရောက်စွာ ကာကွယ်ပါ။

#ဆရာဝန်ညွှန်ကြားပေးသောဆေးများအား
#အချိန်တိကျစွာသောက်သုံးပေးပါ

ဆက်သွယ်ရန်ဖုန်းနံပါတ်များ ….
https://m.facebook.com/story.php?story_fbid=184349553229289&id=111605723837006

Credit- Kyaw Zwar MYINT

24/10/2020

ပရဟိတသမားကြီးဦးကျော်သူ
လေးစားရပါသောဦးကျော်သူ
အမြန်ဆုံးသက်သာ ပျောက်ကင်းကျန်းမာပြီး
ပရဟိတ အလုပ်တွေကို
ပြန်လည်လုပ်ဆောင်လာနိူင်ပါစေ...


ပရဟိတသမားကြီးဦးကျော်သူ
လေးစားရပါသောဦးကျော်သူ
အမြန်ဆုံးသက်သာ ပျောက်ကင်းကျန်းမာပြီး
ပရဟိတ အလုပ်တွေကို
ပြန်လည်လုပ်ဆောင်လာနိူင်ပါစေ...

23/10/2020

Covid-19 ရောဂါရှာဖွေကုသပေးရာတွင်
ရှေ့တန်းမှ မလျော့သော ဇွဲလုံ့လတို့ဖြင့် ဦးစီးဦးဆောင်
ကိုယ်ကျိုးမဖက်ပဲကြိုးပမ်းဆောင်ရွက်နေကြသော
ဆရာဝန်များ၊ သူနာပြုများ၊ ကျန်းမာရေး ဝန်ထမ်းများ၊
စေတနာ့ဝန်ထမ်းများ နှင့်
အဖက်ဖက်မှပါဝင်ကူညီပေးကြသည့်
စေတနာရှင်များအား 4UAC မိသားစုမှ
အထူးလေးစားဂုဏ်ပြုလျက်...








Covid-19 ရောဂါရှာဖွေကုသပေးရာတွင်
ရှေ့တန်းမှ မလျော့သော ဇွဲလုံ့လတို့ဖြင့် ဦးစီးဦးဆောင်
ကိုယ်ကျိုးမဖက်ပဲကြိုးပမ်းဆောင်ရွက်နေကြသော
ဆရာဝန်များ၊ သူနာပြုများ၊ ကျန်းမာရေး ဝန်ထမ်းများ၊
စေတနာ့ဝန်ထမ်းများ နှင့်
အဖက်ဖက်မှပါဝင်ကူညီပေးကြသည့်
စေတနာရှင်များအား 4UAC မိသားစုမှ
အထူးလေးစားဂုဏ်ပြုလျက်...







https://www.facebook.com/691804947560055/posts/4741279265945916/