29/07/2023
တနေ့ညက ဝယ်နေကျ စားသောက်ဆိုင်တစ်ဆိုင်ကို ည 9 နာရီလောက်မှာ ရောက်သွားတယ်။ .."ဆိုင်ပိတ်ပြီလား ခေါက်ဆွဲကြော်လေး ဝယ်ချင်လို့ပါ.." ဆိုပြီးမေးတော့ "ရပါသေးတယ်.." ဆိုတာနဲ့ စောင့်ဝယ်ခဲ့တယ်။
၁၅ မိနစ်လောက်အကြာ ရပြီဆိုပြီး လာပေးတော့ ပိုက်ဆံရှင်းရင်း ခေါက်ဆွဲကြော်ထုပ်ကို ကိုင်ကြည့်တော့ ".. အချဉ်နဲ့ ဟင်းချိုလေး မပါဘူးလား" လို့ မေးလိုက်တယ်
အဲဒီမှာ ဆိုင်ရှင်က ဘာပြန်ပြောလဲဆိုတော့ ...
"..မရတော့ဘူး အချဉ်တွေ ဟင်းချိုတွေ မလုပ်နိုင်တော့ဘူး .. အခုတောင် ဆိုင်ပိတ်ခါနီး လာဝယ်လို့ အားနာလို့ လုပ်ပေးလိုက်တာ..."တဲ့
ဪ...ဟုတ်ကဲ့ပါ ဆိုပြီး ကိုယ့်မှာ အံ့ဩတကြီး ဆိုင်ရှင်ကိုတောင် ကျေးဇူးတင်ရမလို ဖြစ်သွားရတယ်။
ဒီနေရာမှာ ပြောချင်တာက ဝယ်သူက ကိုယ့်ဆိုင်ကို လာပြီး ပိုက်ဆံလာပေးတာပါ ကိုယ့်ရဲ့ ရောင်းကုန်ကို လာအားပေးတာပါ။
တကယ်လို့ ကိုယ်က မရောင်းပေးနိုင်တော့ဘူး မလုပ်နိုင်တော့ဘူးဆိုရင် ဆိုင်ပိတ်ပြီဆိုပြီး ပြောလိုက်ရင်ရပါတယ်။
အားနာလို့ လုပ်ပေးလိုက်ရတယ်ဆိုတာကြီးက အဆင်မပြေတာပါ။ ရောင်းနိုင်ရင် ရောင်းမယ် မရောင်းနိုင်ရင် မရောင်းဘူး။ ဈေးရောင်းတယ်ဆိုတာ ဝယ်သူလိုချင်တဲ့ ကိုယ့်ရဲ့ ရောင်းကုန်နဲ့ ညီမျှတဲ့ ငွေကြေးကို လဲလှယ်ပေးလိုက်ရတာပါပဲ။ အဲ့အတွက် ဒီရောင်းကုန်တခုမှာ ပါဝင်တဲ့ ပစ္စည်းအမျိုးအစားကို နေရာဒေသ အချိန်အခါ လူအမျိုးအစားပေါ် မူတည်ပြီး ပြောင်းလဲပေးလို့ မရပါဘူး။
📌 "Deliver Consistently & Reliability" 📌
"ဘယ်အချိန်ပဲ လာလာ ဒီပုံစံအတိုင်းမပြောင်းလဲနဲ့ ..." ဆိုတဲ့ အချက်ဟာ စီးပွားရေးလုပ်ငန်း ကြီးကြီးသေးသေး လေ့လာသိရှိပြီး လိုက်နာကျင့်သုံးရမှာပါ။
ဒါမှ ကိုယ့်ဖောက်သည်နဲ့ ဆက်ဆံရေးကို ရေရှည်ဆက်ထိန်းထားနိုင်မှာပဲ ဖြစ်ပါတယ်။
ကိုယ်တွေ့အဖြစ်အပျက်လေး တခုကနေ သင်ခန်းစာယူရင်း အားလုံးအတွက် အကျိုးရှိအောင် မျှဝေပေးလိုက်ပါတယ်နော်..
မိတ်ဆွေတို့အနေနဲ့ဆိုရင်ရော ဘယ်လိုထင်မြင်ချက်လေး ပေးသွားချင်လဲ ... ?
အောက်က Comment ထဲမှာ ဝင်ရောက်ဆွေးနွေးနိုင်ပါတယ်။
လုပ်ငန်းရှင်တွေအတွက် အကောင်းဆုံးမိတ်ဆွေအဖြစ် ရှိနေမယ့်
