Mind Willingness by Amy

16/01/2026

ကျွန်မ စာ​လေးတစ်ပုဒ်ဖတ်လိုက်မိတိုင်း ​ကောင်းတဲ့စာ၊ နှလုံးသွင်းရမယ့် စာ၊ ​နေ့စဥ်ဘဝဖြတ်သန်းဖို့ အတွက် အားအင်ဖြစ်ရမယ့် စာ ဆိုရင် ကျွန်မ မိတ်​ဆွေ​တွေ၊ အ​ပေါင်းအသင်း သူငယ်ချင်း​တွေ ပြီး​တော့ လူသားအားလုံးကို သတိရတယ်။ မျှ​ဝေချင်လာတယ်။
ဖတ်မိတဲ့ စာ​တွေထဲ မှာ .. ဥပမာ -
ရင်ဆိုင်ရဲပါ​စေ
အပြုံးကို အပြီးဌားထားပါ
​မေတ္တာဖြင့်ကြိုဆိုပါ
ကိုယ်က စ လက်ကမ်းပါ
လမ်း​မပျောက်ပါ​စေနဲ့
စသဖြင့်​ပေါ့။

ပြန်​တွေးကြည့်​​တော့ ဒါ​တွေကို ကျွန်မတို့အားလုံးက သိပြီးသား​တွေပဲ။ အားလုံးကလဲ ကြိုးစားလုပ်​ဆောင်​နေကြတာပဲ။
ဒါ​တွေကို လုပ်ပါလို့ပဲ ​ရေးကြတာ။ ဘယ်လိုလုပ်ပါလို့ ​ရေးတာ သိပ်မ​တွေ့ဘူး။ ရှိ​တော့ရှိတယ် ရှားတယ်​ပေါ့။

ကျွန်မက​တော့ ဒီရက်ပိုင်း Walk for Peace က (Aloka) အာ​လောက​ခွေး​လေးကို အရမ်းချစ်မိ​နေပါပြီ။

သူဆိုရင် ငြိမ်းချမ်း​ရေးလမ်း​လျှောက်ပွဲမှာ ဘယ်သူမှ မ​ခေါ်ပဲ၊ အစပိုင်းမှာ ဘယ်သူကမှ သတိမထားမိပဲ သူ့ဟာသူ ​ပျော်လို့ လိုက်လာရင်း အဲ့ဒီကမှ လမ်း​ကြောင်း​ပေါ်​ရောက်သွားတာပဲ။

အဲ့တာ​လေးက ကျွန်မကို မီး​မောင်းထိုးပြလိုက်တာ ..
အခုပဲ စ လုပ်လိုက်ပါ။ ဖြည်းဖြည်းနဲ့မှန်မှန်တခုချင်းလုပ်ပါ။ တလှမ်းချင်းသွားပါ။
အဲ တခု​တော့သတိချပ်ဖို့လိုတယ်။ ကိုယ်လုပ်တဲ့အလုပ်ဟာ ​မေတ္တာ ပါ ပါ​စေ။ လုပ်ရပ်​ဖြစ်ပါ​စေ။ ဒါပါပဲ။ ဒီအတိုင်း​လေး တ​နေ့တလှမ်း လှမ်း​တောင် သိပ်မကြာခင် ခရီး​တော်​တော်​ရောက်ပါတယ်။
တ​နေ့မှာ အိပ်ချိန် ရှစ်နာရီ ဖယ်လိုက်ရင် လှုပ်ရှားချိန် ၁၆ နာရီ အတွင်းမှာ .. ကိုယ်လုပ်နိုင်တာ အများကြီးပါ။ အဲ့ထဲကမှ တစ်ခုကစ​ပေါ့။

28/12/2025

အတိတ်လှလှ မလှလှ .. ပစ္စုပ္ပန် လှ ဖို့ အရေးကြီးတာ ..
ပစ္စုပ္ပန် လှ မှ အနာဂါတ် လှ မှာ ပေါ့။

လှတယ်ဆိုတာ ဒီတိုင်းတော့ မလှဘူး။ လွတ်လပ်ခြင်း၊ ရဲရင့်ခြင်း နဲ့ ကြည်ဖြူခြင်းတွေ ရှိရတယ်။

#ပစ္စုပ္ပန်လှ
#အနာဂါတ်လှ
#စိတ်ကြည်လင်
#စိတ်ညစ်

07/09/2025

ဒီ​နေ့ည ​နေရာ​လေးတစ်ခုဆီ​ရောက်သွားတာ ​ပျော်စရာ​​လေး။ ​နေရာ​​လေးက ကျဥ်း​ပေမယ့် လာတဲ့သူ​တွေက ​ပျော်တတ်သူများ​တော့ ​ပျော်ရတယ်။
ခပ်လှမ်းလှမ်းမှာ နှစ်​ယောက်တစ်တွဲ က နည်းနည်းငြိမ်​​နေလို့ ​ပျော်မ​နေဘူး ထင်ရ​ပေမယ့် သူတို့က သူတို့အဆင်​ပြေတယ်။ ​ပျော်တယ်။ Enjoy ဖြစ်တယ် တဲ့။

​ပျော်တယ်ဆိုတာ ​ပျော်တတ်မှ ဖြစ်တာ​လေ ​​နော်။
လူတိုင်းက ကိုယ့်အခက်အခဲ နဲ့ကိုယ်ပဲ​လေ။
အခက်အခဲရှိလို့မ​ပျော်ရ​တော့ဘူး ​တော့ ဘယ်ဟုတ်မလဲ။
တချို့က အခက်အခဲကို ​အောင်မြင်ဘာလို့ အထိမ်းအမှတ် နဲ့ လာ​ပျော်ကြတယ်။
တချို့က အခက်အခဲကိုရင်ဆိုင်နိုင်ဖို့ အားလာ​မွေးရင်း ​ပျော်ကြတယ်။ အကြောင်းမျိုးစုံ​ပေါ့။
​ပျော်လိုက်လို့ အခက်အခဲက ​သေးသွားတာ​တော့ဘယ်ဟုတ်မလဲ။ ရင်ဆိုင်နိုင်မှု အား​​တွေ ပိုရှိသွားတာ​ပေါ့။
ဒါကလဲ ​ပျော်တတ်မှ ဖြစ်တာ​လေ။ စိတ်ညစ်တိုင်း လက်မှိုင်ချ ထိုင်ပွား​နေလို့လဲ အခက်အခဲက ​သေးမသွားဘူး ​လေ ​နော်။

​ပျော်တတ်ဖို့ ​ပြောတာပါ။
#​ပျော်တတ်ဖို့
#အ​ကြောင်း​ကြောင်း

12/05/2025

အိမ်​ထောင်ပြုတယ်ဆိုတာ က​လေးတစ်​ယောက်​မွေးရသလိုပဲ။
ဟုတ်တယ် .. က​လေးတစ်​ယောက်​မွေးဖို့ဆို သ​န္ဓေတည်ချိန်ကစလို့ မိခင်က အသွားအလာ အ​နေအထိုင်အစားအ​သောက် ဆင်ခြင်၊ စိတ်​ကောင်း​လေးထား၊ စိတ်ရှည်​တတ်​အောင်ကျင့်၊ အိပ်ချိန်မှန်​အောင်ကြိုးစား၊ မိခင်​ရောက​လေးပါအားရှိမယ့်အစာကိုစား .. အို စုံလို့ပဲ။
အဲ့လိုပဲ ခင်ပွန်းသည်ကလဲ ကိုယ်ဝန်ကိုလွယ်ထားရတဲ့ မိခင်​ရော က​လေးပါ ကျန်းမာ အားရှိ​စေဖို့ (သူက directly အစားမ​ရှောင်ရ​ပေမယ့်) သူ့မိန်းမ ခံတွင်း​တွေ့မယ့်အစာကို လိုက်စား​ပေး (အဆင်​ပြေတဲ့သူများက​တော့ နှစ်အိုးချက်နိုင်ရင် သူလဲသူခံတွင်း​တွေ့ရာစား၊ ကိုယ်လဲ ကိုယ်နှစ်သက်ရာစား​ပေါ့) ဒါလဲ​ပြောတာပါ .. ချစ်စခင်စ ကြင်နာစမှာ ကိုယ့် ကိုယ်ဝန်​လေးကိုလဲ သူကလွယ်ထားရ​တော့ ကိုကိုစားတာ ချစ် က စားချင်တယ်၊ ချစ်စားတာမှ ကိုကို စားရမယ် ဆိုရင် .. အလိုလိုက်ရတာပဲ။ ၉လ မြန်မြန်လွန်လို့ က​လေးမြန်မြန်​မွေးပါ​စေ လို့ပဲ ဆု​တောင်း​နေမှာ။
ဒါ​တောင် သူငယ်ချင်း​တွေနဲ့သွားတာ၊ နိုက်​အောက်​ရှောင်ရတာ​တွေမပါ​သေးဘူး​နော်။ ကိုယ်ဝန်ကိုမလွယ်ရတဲ့ ​ယောက်ျား​ပေမယ့် ဆင်ခြင်​ပေးရတာ ​ပြောပါတယ်။ ကိုယ်ဝန်ကြီးနဲ့မိန်းမကို နိုက်​အောက်​ခေါ်သွားလို့လဲမသင့်​တော်၊ တစ်​ယောက်ထဲထားခဲ့ဖို့လဲ မသင့်​တော်။ အို .. စုံလို့ပါပဲ။

အဲ့​တော့ ​ပြောချင်တာက ..
အိမ်​ထောင်ပြုရတာက​လေးတစ်​ယောက်​မွေးရသလိုပဲ။ သူ နဲ့ကိုယ်နဲ့ နှစ်ယောက်​တစ်ဘဝထူ​ထောင်မယ်လို့ ခံယူပြီးခါမှ အ​ပေါ်က ကိုယ်ဝန်သည်လင်မယားလိုပဲ သူ့အ​ခြေအ​နေ ကိုယ့်အ​ခြေအ​နေ လိုက်ပြီး​ .. ကိုယ်သွားချင်တာ​​လေးလဲသွား .. သူစားချင်တာ​လေးလဲစား .. ဒါမျိုး​ဆောင်ရန်​ရှောင်ရန်​တွေရှိလာရတာပဲ။ တစ်ခုအားသာတာ​တော့ က​လေး​တွေမရှိတုန်း လွတ်လပ်လို့ သိပ်ညှိစရာမလိုတဲ့ အိမ်​ထောင်သည်​တွေရှိ​ပေမယ့် အင်မတန်မှ ညှိနှိုင်းရတဲ့၊ ​ဖော်​ဆောင်ဖို့ခက်ခဲတဲ့ စုံတွဲ​တွေကိုလဲ အများကြီး​တွေ့ရတယ်။
အိမ်​ထောင်ကျပြီဆိုရင် ကိုယ့်ရဲ့အပြုအမူက တစ်ဦးကိုတစ်ဦး ကိုယ်စားပြုလို့ရ​အောင် ပြုမူ​ဆောင်ရွက်ရတာပဲ​လေ။ သူလဲကိုယ့်လက်ထဲမှာတန်ဖိုးရှိ၊ ကိုယ်လဲသူ့လက်ထဲမှာတန်ဖိုးရှိ​ပေါ့။
ခက်ခဲတဲ့အိမ်​ထောင်​သည်​တွေမှာ ဒီ အ​သေးအဖွဲ​​လေး​​တွေကစလို့ ညှိဖို့​တော်​တော်ခက်ကြတယ်။ သူ့​ကြောင့် ငါ့​ကြောင့် လက်ညှိုးထိုး​နေကြလို့ပဲ။

ဘာ​အ​ကြောင်း​ကြောင့်ပဲ လက်ထပ်ဖြစ်ခဲ့ .. လက်ထပ်ပြီဆိုရင် လင်မယားဖြစ်ပြီ။ လင်မယားရဲ့ ပုံစံကို​ဖော်​ဆောင်ရမှာပဲ။ ဒီ အိမ်​ထောင်ကိုခိုင်မြဲ​အောင်​ဆောင်ရွက်ရမှာပဲ။
အိမ်​ထောင်​ရေးတိုင်းဟာ သာယာ​ဖြောင့်ဖြူးခဲ့တယ် .. ငါ့ကျမှလို့ ထင်​​နေသလား။ မှားတယ်။ အိမ်ထောင်သည်တိုင်း အိမ်​ထောင်ဖက်နဲ့ စကားများဖူးတယ်။ ရန်ဖြစ်ဖူးတယ်။ စိတ်​ကောက်ဖူးတယ်။ အမြင်​တွေမကြည်လင်ဖြစ်ရဖူးတယ်။ မဖြစ်ဖူးတဲ့အိမ်​ထောင်​ရေးမရှိဘူး။ အဲ့တာ​တွေ မရှိဘူးလို့​ပြောလာရင် မယုံနဲ့ .. အဲ့တာ အ​ပေါ်ယံ​ပြောတာ။
အိမ်​ထောင်သည်တိုင်း ဒီလို အခက်အခဲ​တွေကြုံလာရတိုင်း နားလည်​ပေး၊ သည်းခံ​ပေး၊ ခွင့်လွှတ်​ပေးပြီး ​ရှေ့ဆက်ခဲ့ရတာပဲ။ ငါ သည်းခံ​ပေးခဲ့တယ်။ ငါချည်းပဲ သည်းခံရတာပဲလို့ လာမ​ပြောနဲ့။ ငါချည်းပဲ သည်းခံရရင် သူသည်းခံတာ​ရော မြင်​အောင်ကြည့်ဖူးလား။ ငါ အရက်ကြိုက်လို့ငါ​သောက်တယ်။ ဒါဆိုရင် ငါ​သောက်ပြီးမှ သူလိုက်​သောက်ရင် ဒါ ​သေချာတယ် သူကိုယ့်ကို အားကိုးပြီး ကိုယ်နဲ့​ရှေ့သွား​နောက်ညီ လုပ်တာပဲ။ အနည်း​​လေး appreciation လုပ်​ပေးရမှာပဲ။ အဲ့လိုပဲ သူသွားချင်တဲ့​နေရာ​လေး ကိုယ်မလိုက်နိုင်လို့၊ ကိုယ့်ထားခဲ့ရမှာစိုးလို့ သူ မ သွားလိုက်ဘူး။ ကိုယ် appreciation လုပ်​ပေးရမှာပဲ။ ဒီလို ​သေး​သေး​လေး​​တွေကအစ appreciation လုပ်​ပေးဖို့မြင်တတ်လား။ မြင်ခဲ့​ပေးဖူးလား။
အပစ်တင်ဖို့ကျ​တော့၊ ပြီး​တော့ ငါ နင့်​ကြောင့်ဒါမလုပ်ထားဘူး။ နင်လဲမလုပ်ရဘူး .. ဒါမျိုး​ပြောဖို့ကျ​တော့ ​သေး​သေး​လေးကအစမြင်ကြတယ်မဟုတ်ဘူးလား။
​ယောက်ျားဖြစ်ဖြစ် မိန်းမဖြစ်ဖြစ် ကိုယ့်ရဲ့​အိမ်​ထောင်ဖက်က လစာ​ကောင်း၊ ရာထူးကြီးရင် သူ့မှာ အဲ့တာနဲ့တန်တဲ့ ဝန်​ဆောင်မှု​တော့ရှိတာပဲ။ အဲ့အတွက် stress က ရှိတာပဲ။ အဲ့တာ နင့်အလုပ်​လေ အိမ်ယူမလာနဲ့လို့ .. အဲ့လိုမဟုတ်ဘူး​လေ။
ဘယ်သူမဆို မိဘအိမ်မှာ​နေခဲ့တုန်းက​တော့ မင်းသား​လေး၊ မင်းသမီး​လေး​တွေပဲ။ စားစရာဆိုအဆင်သင့်ပဲ။ အိမ်​ထောင်ကျရင်​တော့ ဒီ​နေ့မိနိးမကခူးခပ်​ကျွေးရင် ​နောက်​နေ့ကိုယ်ခူးခပ်​ကျွေးရမှာပဲ။ သူဟင်းချက်ရင် ကိုယ်ပန်းကန်​ဆေး .. ကိုယ်ဟင်းချက်ရင် သူပန်းကန်​ဆေး .. ဒီလို နှစ်ဖက်မျှ​အောင်လုပ်​ပေးရမှာပဲ။ အ​မေအိမ်တုန်းကဟာ အ​မေအိမ်မှာထားခဲ့​တော့။ အဲ့လိုပဲ အိမ်​ထောင်ကျမှ​တော့ ကိုယ့်အိမ်အတွက်အရင်စဥ်းစားပြီးမှ အ​မေအိမ်အတွက်လုပ်​ပေး​ပေါ့။ မိဘအိမ်ကလဲ လုပ်​ပေးရမှာပဲ။ သူ့မှာလဲ မိဘအိမ်ဆိုတာရှိတယ်။ ကိုယ့်မှာလဲ မိဘအိမ်ဆိုတာ ရှိတယ်။ မိဘကို​တော့ပြန်ကြည့်ရမှာပဲ။ သူတို့​မွေးလာလို့ ခု ကိုယ်​တောင် အိမ်​ထောင်ပြု​နေပြီ​လေ။

အဓိက က ငါ ဒီအိမ်​ထောင်ကို ဘယ်လိုတည်​ဆောက်မှာလဲဆိုတဲ့ရည်မှန်းချက်ပဲ။
ဘာလို့ဆို အိမ်​ထောင်တစ်ခုပြိုကွဲရရင် ​ပေးဆပ်ရမှု​တွေ၊ နစ်နာရမှု​တွေက နှစ်ဦးနှစ်ဖက်လုံးမှာ အများကြီးပဲ။ အ​နောက်နိုင်ငံလို အတိတ်ကို အတိတ်မှာ အများအားဖြင့် ထားခဲ့နိုင်ကြသူ​တွေမှာ​တောင် အရင်အိမ်​ထောင်ရဲ့ အကျိုးဆက်​တွေက ဆက်ပါလာတာပဲ။ သူတို့လဲ ဒီလိုပဲ နားလည်မှုနဲ့ ဆက်လက်တည်​​ဆောက်ရတာပဲ။ ဒါလဲ ​နောက်အိမ်​ထောင်ဆိုတာရှိခဲ့ရင် ​ပြောတာပါ။ တချို့လဲ ​နောက်အိမ်​ထောင်မပြု​တော့တဲ့သူ​တွေလဲ ရှိပါတယ်။

အိမ်​ထောင်တစ်ခုပြိုကွဲရရင် က​လေး​တွေများရှိခဲ့ရင် အဲ့က​လေး​တွေက နှစ်ဆပိုနာရတယ်။ ကိုယ်​တွေက ကိုယ့်ဆန္ဒ (တကယ်ကကိုယ့်​ဇော)​တွေနဲ့ ​ရှေ့ဆက်လို့မရဘူး လို့ လမ်းခွဲကြတယ်။ က​လေး​တွေခမျာမှာ သူတို့ဘာမှမလုပ်ပဲ .. မသိလိုက်ရပဲ .. ​ရွေးချယ်နိုင်င်ခွင့်​တောင်မရှိလိုက်ပဲ မိသားစုဆိုတာကို ဆုံးရှုံးလိုက်ရတယ်။

က​လေးမရှိပဲ ပြိုကွဲရတဲ့အခါလဲ နှစ်ဖက်လုံးကနစ်နာတာပဲ။ ​ပြောရရင်​​တော့ ဘာ​ကြောင့်ကွဲကွဲ နစ်နာတာပဲ။ ပျက်ရပြီဆိုရင် ဘာကမှကို မ​ကောင်း​တော့တာ။

အဆင်မ​ပြေလို့ ကွဲကွာရှင်းရတဲ့သူ​တွေလဲရှိပါတယ်။ ဒီ​နေရာမှာ ​ရေးချင်တဲ့ အ​ကြောင်းက ကွဲရပြီဆိုရင်ကို နာရပြီလို့ ​ပြောချင်တာပါ။ မကွဲကွာ​စေချင်ဘူး လို့ ​ပြောချင်တာပါ။

ဒါက နှစ်ဖက်လုံးအတွက် မျှတာစဥ်းစားပြီး ရည်ရွယ်ပြီး​ရေးတာပါ။ တဖက်သတ်ဖြစ်​နေတဲ့အိမိ​ထောင်​ရေး​တွေရှိ​​သေးတယ်။ တချို့ကလဲ တဖက်သတ်ကြီးကို ဆက်ကြိုးစား​နေတုန်းပဲ။ တချို့ကလဲ တဖက်သတ်ပဲ လမ်းခွဲ​တော့မယ်၊ ထားခဲ့​တော့မယ် ဆိုတဲ့ အ​ခြေအ​နေကို ​ရောက်​နေပြီ။ အဲ့တာ​တွေ အတွက် ဆက်​ရေးဦးမယ်။
တကယ်က​တော့ ​ပြောချင်တာ အိမ်​ထောင်​ရေးဟာနှစ်ဦးနှစ်ဖက် ဆိုင်ပါတယ်လို့။ ပြီး​တော့ ဆင်းလုံး​ချောလှတဲ့အိမ်​ထောင်​ရေးဟာ ဘယ်မှာမှမရှိဘူး လို့ ​ပြောချင်တာ။

08/05/2025

စိုးရိမ်စိတ်အားလုံးထဲမှာမှ ကိုယ့်ကို မသိမသာ ဒုက္ခအ​ပေးဆုံးက social phobia ပါပဲ။ Social Phobia ဟာ လူအများကြားမှာ ကိုယ်​ကြောက်တဲ့စိတ်ပဲ။ ဥပမာ ကိုယ် အ​ပြောခံရမှာ​ကြောက်တာမျိုး၊ ကိုယ်အနှိမိခံရမယ်လို့ ​ကြောက်တာမျိုး၊ လူကြားထဲဝင်ရမှာရှက်တာမျိုး၊ လူကြားထဲစကားမ​ပြောဝံ့တာမျိုး၊ စသဖြင့်​ပေါ့။
တချို့ကလူ​တောထဲမဝင်​တော့ပဲ ​ဘေးထွက်​နေရင်း လူတောမတိုး​တော့ဘူး ဖြစ်သွားတတ်တယ်။ ဒါက social pjobia တစ်မျိုးထဲက hypo ​ပေါ့။ သူတို့​တွေကို​တော့ သူတို့ရဲ့​ဘေးနားမှာရှိတဲ့ သူငယ်ချင်း၊ မိတ်​ဆွေ၊ မိဘ စသူတို့က ကူညီအား​ပေးပြီးလူ​တောထဲမှာ ​နေရဲ၊ စားရဲ၊ စကား​ပြောရဲ​အောင် တွဲ​ခေါ်ယူ​ပေးပါ။ အချိန်တခု​ရောက်ရင် သူတို့ကိုသူတို့ ပြန်လည်ယုံကြည်မှုရလာပြီး လူ​တွေကြားထဲပြန်လည်သက်ဝင်လာပြီဆိုရင် ခုနက သူ့ကို ဆွဲ​ခေါ်လာတဲ့သူက သူ့ကို လွှတ်​ပေးလိုက်သင့်ပြီ။

တချို့က​တော့ လူရာဝင်ချင်လွန်းလို့၊ လူ​တွေကသူ့ကို အလိုလို​နေရင်းချီး​မြှောက်တာခံချင်လွန်းလို့ (လိုချင်စိတ်များလွန်းလို့) အဲ့​ကြောက်စိတ်​ပေါ်တာ။ အဲ့လိုလူ​တွေက သူ​တို့ ​ပေါ်ပင်ဖြစ်နိုင်မယ့်အမူအကျင့်​တွေကို ဟန်​ဆောင်လိုက်လုပ်ရင်းကိုယ်ပိုင်စတိုင်ပျာက်သွားကြတယ်။ ပိုစိတ်မ​ကောင်းဖို့ ​ကောင်းတာက ဒီလိုလူမျိုး​တွေက သူတို့ကိုယ်သူတို့ဒီလိုဖြစ်​နေတယ်လို့ မသိကြဘူး။ သိတဲ့သူကလဲ ကိုယ့်ကိုယ်ကိုလက်မခံချင်ကြဘူး။ Hyper ဖြစ်ကြတာ​ပေါ့။ ​ကောင်းတာက သူတို့​​ဘေးနားက သူငယ်ချင်း၊ မိတ်​​ဆွေ​တွေက သူတို့ကို ​ထောက်ပြခြင်းဖြင့်ကူညီသင့်တယ်။

​အေမီ

#ကိုယ်ချင်းစာ
#လူရာဝင်

08/05/2025

https://www.facebook.com/share/15YJhPws7b/

31/12/2022

https://gtrade21.com/event/gtrade21-mission-to-the-philippines

Global Trade Mission to The Philippines
Mission focus on Food & Beverages, Building Materials

GTRADE21, a Global Trade Organization, which is operated by the Gtrade21 Limited of the United Kingdom and Global Business Events Sdn Bhd of Malaysia will be organizing a global trade mission to Manila, Philippines from 27-30 November 2022 (Sunday to Wednesday).

31/12/2022

UgandaUGANDA-EU Business Forum 2022 Reported by: Gtrade21 Commissioner Joseph Pangarasio Onek Read More » November 22, 2022

31/12/2022