Multi Scope - Business Service Group

Multi Scope - Business Service Group Mastering Operations, Empowering Growth..

Loyal Customer ဖြစ်အောင် ဒီနည်းတွေ သုံးကြည့်ပါCustomer တစ်ယောက် ဝယ်သွားပြီဆိုတာနဲ့ ဆက်ဆံရေး ပြတ်သွားတာမျိုး ဖြစ်နေလား။ ဒ...
03/06/2026

Loyal Customer ဖြစ်အောင် ဒီနည်းတွေ သုံးကြည့်ပါ

Customer တစ်ယောက် ဝယ်သွားပြီဆိုတာနဲ့ ဆက်ဆံရေး ပြတ်သွားတာမျိုး ဖြစ်နေလား။ ဒါဆိုရင် Customer အသစ်ကို အမြဲရှာနေရမှာပဲ။ Loyal Customer ဖြစ်ဖို့ ရောင်းပြီးနောက် ဘာလုပ်ရမလဲ ဆိုတာ မသိသေးရင် ဒီနည်းလေးတွေ ချက်ချင်း သုံးကြည့်ပါ။

ဝယ်ပြီးနောက် Follow Up လုပ်ပါ။
ကုန်ပစ္စည်း ရောက်ပြီဆိုတာနဲ့ ကုန်ပစ္စည်း ရောက်ပြီလား၊ အဆင်ပြေလားဆိုပြီး တစ်ခါမေးလိုက်ပါ။ Customer ခံစားချက်က ချက်ချင်း ပြောင်းလဲသွားမယ်။

Feedback ယူပါ။
ဘာကောင်းလဲ၊ ဘာပိုကောင်းစေချင်လဲ မေးကြည့်ပါ။ Customer ကိုယ်တိုင်က တန်ဖိုးထားခံရတယ်လို့ ခံစားရမယ်။

ဒုတိယအကြိမ် Special Offer ပေးပါ။
ပထမဝယ်တဲ့ Customer ကို နောက်တစ်ကြိမ် ဝယ်ရင် ဈေးလျှော့ပေးတာ၊ ဒါမှမဟုတ် အပိုဆုလေး ပေးပါ။ ပြန်ဝယ်ချင်တဲ့ အကြောင်းရင်း ဖြစ်လာမယ်။

မှတ်မိနေအောင် ဆက်ဆံရေးနဲ့ ထိန်းသိမ်းပါ။
တစ်ပတ် နှစ်ပတ်တစ်ခါ အသုံးဝင်တဲ့ Content ဒါမှမဟုတ် သတင်းအချက်အလက်လေးတွေ ပို့ပေးပါ။ Customer က မိမိလုပ်ငန်းကို အလွယ်တကူ မှတ်မိနေမယ်။

Customer အသစ်ရှာတာထက် ရှိပြီးသား Customer ကို ထိန်းသိမ်းတာ ပိုလွယ်ပြီး ပိုသက်သာတယ်ဆိုတာ သတိထားပါ။

သင့် Customer တွေကော ပြန်လာကြလား Comment မှာ ရေးခဲ့ပါ။

Multi Scope | Business Service Group

ကြော်ငြာရုံနဲ့ ရောင်းမရဘူးဆိုတာ သိပါသလား?လုပ်ငန်းရှင်အများစုက Marketing ဆိုတာ Boost တာ၊ ကြော်ငြာတာလို့ပဲ ထင်တတ်ကြပါတယ်။ ...
02/06/2026

ကြော်ငြာရုံနဲ့ ရောင်းမရဘူးဆိုတာ သိပါသလား?

လုပ်ငန်းရှင်အများစုက Marketing ဆိုတာ Boost တာ၊ ကြော်ငြာတာလို့ပဲ ထင်တတ်ကြပါတယ်။ တကယ်တော့ ကြော်ငြာဆိုတာ Marketing ရဲ့ အစိတ်အပိုင်း သေးသေးလေးပါ။

နားလည်လွယ်အောင် အထည်ဆိုင်တစ်ဆိုင်ရဲ့ ဥပမာနဲ့ ရှင်းပြပေးပါမယ်။

Marketing ဆိုတာ မြန်မာနိုင်ငံမှာ ရာသီဥတုက ပူလာပြီ။ ဒါကြောင့် Customer တွေအတွက် အေးမြပြီး စတိုင်ကျမယ့် ချည်သားဝတ်စုံကို ရွေးချယ်၊ စျေးနှုန်းသတ်မှတ်၊ အွန်လိုင်းကနေ အလွယ်တကူ မှာလို့ရအောင် ပြင်ဆင်တာဟာ Marketing ပါ။

Marketing က နောက်ကွယ်က ဗျူဟာဆိုရင်၊ ကြော်ငြာက ရှေ့တန်းက လူသိအောင် အော်ပေးတဲ့ အသံပါ။ မဟာဗျူဟာမပါဘဲ ကြော်ငြာ Boost နေတာဟာ ဘယ်သူ့ရောင်းရမှန်းမသိဘဲ လမ်းလယ်ခေါင်မှာ ပိုက်ဆံကုန်ခံပြီး အော်နေသလိုပါပဲ။

သင့်လုပ်ငန်းမှာကော Marketing အပိုင်းကို သေချာပြင်ဆင်ထားပြီးပြီလား comment မှာ မန့်ခဲ့ပါ။

Multi Scope | Business Service Group

ဒီနှစ်ခု ကွာခြားချက် မသိရင် လုပ်ငန်း ထိခိုက်မယ်Marketing လုပ်နေတယ် ဒါပေမဲ့ ရောင်းအားမတက်ဘူး။ Sales လုပ်နေတယ် ဒါပေမဲ့ Cus...
01/06/2026

ဒီနှစ်ခု ကွာခြားချက် မသိရင် လုပ်ငန်း ထိခိုက်မယ်

Marketing လုပ်နေတယ် ဒါပေမဲ့ ရောင်းအားမတက်ဘူး။ Sales လုပ်နေတယ် ဒါပေမဲ့ Customer မရှိဘူး။ ဒါဟာ နှစ်ခုကို ရောနှောနားလည်ပြီး တစ်ခုချင်းစီကို သီးခြား မကိုင်တွယ်တတ်သေးလို့ပဲ ဖြစ်ပါတယ်။
နှစ်ခုရဲ့ ကွာခြားချက်ကတော့ ဒီလိုပါ

Marketing ဆိုတာ Customer တွေ မိမိလုပ်ငန်းကို သိစေဖို့၊ စိတ်ဝင်စားစေဖို့ လုပ်ဆောင်တာ ဖြစ်ပါတယ်။ ဥပမာ Facebook Post တင်တာ၊ ကြော်ငြာထည့်တာ၊ Content ရေးတာ စသဖြင့်တွေပါ။

Sales ဆိုတာ စိတ်ဝင်စားနေတဲ့ Customer ကို တွေ့ဆုံ၊ တင်ပြပြီး ဝယ်ယူဖို့ ဆုံးဖြတ်လာအောင် လုပ်ဆောင်တာ ဖြစ်ပါတယ်။ ဥပမာ Customer ကို ဖုန်းဆက်တာ၊ Product ရှင်းပြတာ၊ Close လုပ်တာ စသဖြင့်တွေပါ။

အကျဉ်းချုပ်ကတော့
Marketing က Customer ဆွဲလာပေးတယ် | Sales က ဝယ်အောင်လုပ်တယ်။

Marketing မရှိရင် Customer မရောက်လာဘူး။ Sales မရှိရင် Customer ဝယ်မသွားဘူး။ နှစ်ခုလုံး ရှိမှ လုပ်ငန်း တကယ် ပြည့်စုံနေမယ်။

သင့်လုပ်ငန်းမှာကော နှစ်ခုလုံး ရှိပြီးပြီလား Comment မှာ ပြောခဲ့ပါ။

Multi Scope | Business Service Group

ကုန်ပစ္စည်း မှတ်တမ်းတင်နည်း ဒီနေ့ကတည်းက စလုပ်နိုင်တယ်။ကုန်ပစ္စည်း ဘယ်နှစ်ခုကျန်လဲ မသိဘဲ ကုန်မှသိ၊ ငွေဘယ်လောက်ကုန်သွားလဲ ...
31/05/2026

ကုန်ပစ္စည်း မှတ်တမ်းတင်နည်း ဒီနေ့ကတည်းက စလုပ်နိုင်တယ်။

ကုန်ပစ္စည်း ဘယ်နှစ်ခုကျန်လဲ မသိဘဲ ကုန်မှသိ၊ ငွေဘယ်လောက်ကုန်သွားလဲ မသိဘဲ လအကုန်မှ တွက်ကြည့်ရတယ်။ ဒီလိုမျိုးတွေ ဖြစ်နေတာဟာ မှတ်တမ်းမတင်ထားလို့ပဲ ဖြစ်ပါတယ်။ ကုန်ဝင် ကုန်ထွက် မှတ်တမ်းတင်တာမရှိရင် လုပ်ငန်းထဲမှာ ဘာတွေ ဆုံးရှုံးနေလဲ ဘယ်တော့မှ မသိနိုင်ပါဘူး။
ကုန်ပစ္စည်း မှတ်တမ်းတွေတင်ဖို့ ဒီနည်းလမ်းလေး ချက်ချင်း စသုံးကြည့်နိုင်ပါတယ်

ကုန်ဝင်တိုင်း မှတ်တမ်းတင်
ကုန်ပစ္စည်း ဝင်လာတိုင်း ရက်စွဲ၊ ကုန်အမည်၊ ပမာဏ၊ ဈေးနှုန်း ချရေးပါ။ ဒါမှ ဘယ်နေ့မှာ ဘာဝင်လာလဲ ဆိုတာ အမြဲသိနေမယ်။

ကုန်ထွက်တိုင်း မှတ်တမ်းတင်
ကုန်ပစ္စည်း ထွက်သွားတိုင်း ဘယ်သူယူသွားလဲ၊ ဘယ်နှစ်ခုလဲ၊ ဘယ်ရက်မှာလဲ မှတ်တမ်းတင်ပါ။ ကုန်ပျောက်ရင် ချက်ချင်းသိနိုင်မယ်။

တစ်ပတ်တစ်ခါ ကျန်ကုန်စစ်
တစ်ပတ်တစ်ခါ မှတ်တမ်းထဲက ကိန်းဂဏန်းနဲ့ တကယ်ကျန်တဲ့ ကုန်ကို နှိုင်းယှဉ်စစ်ဆေးပါ။ ကွာဟချက်ရှိရင် ချက်ချင်းသိနိုင်မယ်။

ဒီနည်းတွေ သင့်လုပ်ငန်းထဲမှာသုံးပြီး သင့်ဆီမှာ ကုန်ပစ္စည်း ဘယ်နှစ်ခုကျန်လဲ သိရှိနိုင်မှာပါ။

သင့်မှာကော ကုန်ပစ္စည်း ကိစ္စနဲ့ပတ်သက်ပြီး ဘယ်လိုအခက်အခဲရှိလဲ Comment မှာ ရေးခဲ့ပါ။

Multi Scope | Business Service Group

Customer ဝယ်ဖို့ နီးလာပြီဆိုရင် ဒီနည်းသုံးကြည့်ပါCustomer စိတ်ဝင်စားနေတယ်၊ မေးနေတယ်၊ ဒါပေမဲ့ နောက်ဆုံး "စဉ်းစားဦးမယ်" ဆိ...
30/05/2026

Customer ဝယ်ဖို့ နီးလာပြီဆိုရင် ဒီနည်းသုံးကြည့်ပါ

Customer စိတ်ဝင်စားနေတယ်၊ မေးနေတယ်၊ ဒါပေမဲ့ နောက်ဆုံး "စဉ်းစားဦးမယ်" ဆိုပြီး ပြောသွားတယ်။ ဒါဟာ Customer မဝယ်ချင်လို့မဟုတ်ဘဲ ဝယ်ဖို့ ဆုံးဖြတ်ချက်ချဖို့ တွန်းအားတစ်ခု လိုနေတာပါ။ Closing Technique မသိဘဲ ဝန်ထမ်းတွေ အဲ့လိုအချိန်မှာ ဘာဆက်လုပ်ရမလဲ မသိဘဲ Customer ဆုံးရှုံးတတ်ကြပါတယ်။

အခုလို ထပ်မဖြစ်အောင် Closing Technique ၃ မျိုး ချက်ချင်းသုံးလို့ရပါတယ်။

နည်း ၁: Direct Close
Customer ဝယ်ဖို့ အဆင်သင့်ဖြစ်နေတာ သိရင် တိုက်ရိုက်မေးပါ။
ဥပမာ "ဒီနေ့ပဲ Order တင်မလားခင်ဗျာ"
ပတ်လည်မပတ်ဘဲ တန်းမေးတာကြောင့် Customer ဆုံးဖြတ်ချက် မြန်မြန်ချနိုင်ပါတယ်။

နည်း ၂: Either / Or Close
Customer ကို ရွေးစရာ ၂ ခုပေးပါ။ ဝယ်မဝယ် မဟုတ်ဘဲ ဘာကို ဝယ်မလဲ ဆိုတဲ့ ပုံစံမျိုး‌မေးပါ။
ဥပမာ "Package A ကို ယူမလား၊ Package B ကို ယူမလား"
ဝယ်မဝယ် မဆုံးဖြတ်ဘဲ ဘာဝယ်မလဲပဲ ဆုံးဖြတ်စေပါတယ်။

နည်း ၃: Urgency Close
အချိန်ကန့်သတ်ချက် သို့မဟုတ် အရေအတွက် ကန့်သတ်ချက် ပေးပါ။
ဥပမာ "ဒီနေ့အထိပဲ Special Price ရှိတယ်" သို့မဟုတ် "နောက်ဆုံး ၃ ခုပဲ ကျန်တော့တယ်"
Customer ဆုံးဖြတ်ချက် နှောင့်နှေးတာကို လျော့နည်းစေနိုင်တယ်။

သင့်လုပ်ငန်းထဲမှာကော Sales Team က ဘယ် Closing Technique သုံးလဲ Comment မှာ ရေးခဲ့ပါ။

Multi Scope | Business Service Group

ဒီနှစ်ခု ကွာခြားချက် မသိရင် လုပ်ငန်းထဲမှာ ရှုပ်နေမယ်Workflow နဲ့ SOP နှစ်ခုလုံးကို ကြားဖူးတယ်၊ ဒါပေမဲ့ အဲ့နှစ်ခုရဲ့ ကွာခ...
28/05/2026

ဒီနှစ်ခု ကွာခြားချက် မသိရင် လုပ်ငန်းထဲမှာ ရှုပ်နေမယ်

Workflow နဲ့ SOP နှစ်ခုလုံးကို ကြားဖူးတယ်၊ ဒါပေမဲ့ အဲ့နှစ်ခုရဲ့ ကွာခြားချက်ကို မသိဘူး။ ကိုယ်က အဲ့နှစ်ခု ကွာခြားချက်ကို မသိဘဲ လုပ်ငန်းထဲမှာ Workflow နဲ့ SOP နှစ်ခုလုံး ရောသုံးပြီး အမှားတွေ ခဏခဏ ဖြစ်နေပြီလား?

အခုလိုမျိုးတွေ ထပ်မဖြစ်အောင် ကျွန်တော် အဲ့နှစ်ခုရဲ့ ကွာခြားချက်တွေကို ရှင်းပြပေးပါမယ်။

Workflow ဆိုတာ

လုပ်ငန်းထဲမှာ အလုပ်တွေ ဘယ်လုပ်ဆောင်ချက်ကနေ ဘယ်လုပ်ဆောင်ချက်ကို ဘယ်လို အစဉ်အတိုင်း လုပ်ဆောင်ရမလဲဆိုတာကို လမ်းပြပေးတဲ့ လမ်းကြောင်း ဖြစ်ပါတယ်။
ဥပမာ - Customer Order ဝင်လာ | ငွေကောက် | ထုပ်ပိုး | ပို့ဆောင် | အပြီးသတ်

SOP ဆိုတာ

အဲ့လမ်းကြောင်းထဲက အဆင့် တစ်ဆင့်ချင်းစီကို ဘယ်လို အသေးစိတ် လုပ်ရမလဲဆိုတာကို ရေးထားတဲ့ လုပ်ထုံးလုပ်နည်း ဖြစ်ပါတယ်။
ဥပမာ - ထုပ်ပိုးတဲ့အဆင့်မှာ ဘယ်လိုထုပ်ရမလဲ၊ ဘာတွေ ထည့်ရမလဲ။

အတိုချုပ်ပြောရရင်
Workflow = ဘယ်လုပ်ဆောင်ချက်ကနေ ဘယ်လုပ်ဆောင်ချက်ကို သွားရမလဲ
SOP = တစ်ဆင့်ချင်းစီကို ဘယ်လို လုပ်ရမလဲ
ကို ဆိုလိုချင်တာပါ။

သင့်အနေနဲ့ Workflow နဲ့ SOP ရဲ့ ကွာခြားချက်ကို မသိဘဲ ရောသုံးနေမိလားဆိုတာကို Comment မှာ ရေးခဲ့ပါ။

Multi Scope | Business Service Group

ဝန်ထမ်းတွေ Handbook လိုက်နာစေဖို့ ဒီ ၅ နည်း သုံးကြည့်ပါHandbook ရေးဆွဲဖို့ အချိန်ပေးပြီး ရေးထားတယ်။ ဒါပေမဲ့ ဝန်ထမ်းတွေ ဖ...
27/05/2026

ဝန်ထမ်းတွေ Handbook လိုက်နာစေဖို့ ဒီ ၅ နည်း သုံးကြည့်ပါ

Handbook ရေးဆွဲဖို့ အချိန်ပေးပြီး ရေးထားတယ်။ ဒါပေမဲ့ ဝန်ထမ်းတွေ ဖတ်တာ မတွေ့ရဘူး၊ လိုက်နာတာလည်း မမြင်မိဘူး။ နောက်ဆုံး သင့်ကိုပဲ ဆက်မေးနေကြတယ်။ Handbook ရှိပေမဲ့ ဝန်ထမ်းတွေ မသုံးဘဲ ဖြစ်နေတာဟာ Handbook ညံ့လို့မဟုတ်ဘဲ ဝန်ထမ်းတွေ လိုက်နာရမယ့် စနစ်မရှိသေးလို့ပဲ ဖြစ်ပါတယ်။

ဝန်ထမ်းတွေ Handbook တကယ်လိုက်နာစေဖို့ ဒီ ၅ နည်း သုံးကြည့်ပါ

နည်း ၁: Onboarding မှာ ထည့်သွင်းပါ
ဝန်ထမ်းသစ် ဝင်လာတဲ့ ပထမဆုံးနေ့မှာပဲ Handbook ပေးပြီး ဖတ်ခိုင်းပါ။ အစကတည်းက အလေ့အကျင့်ဖြစ်သွားမယ်။

နည်း ၂: ဖတ်ပြီးရင် Test လေးလုပ်ပါ
Handbook ဖတ်ပြီးတာနဲ့ အခြေခံမေးခွန်းလေး မေးပါ။ ဒါဆိုရင် ဝန်ထမ်းတွေ တာဝန်ယူစိတ်နဲ့ ဖတ်လာပါလိမ့်မယ်။

နည်း ၃: ဘာကြောင့်လဲ ရှင်းပြပါ
Handbook ကို ဘာကြောင့် လိုက်နာရတာလဲ ဆိုတဲ့ အကြောင်းရင်းကို ဝန်ထမ်းတွေ နားလည်သွားရင် သူတို့ကိုယ်တိုင် လိုက်နာချင်မှာပဲ။

နည်း ၄: လိုက်နာမှုကို အကဲဖြတ်
Handbook အတိုင်း မလုပ်တဲ့ ဝန်ထမ်းကို သတိပေးပါ။ ဒါမှ Handbook ဟာ တကယ် အသက်ဝင်တဲ့ စနစ်တစ်ခု ဖြစ်လာမှာပါ။

နည်း ၅: Handbook ကို အမြဲ Update လုပ်ပါ
လုပ်ငန်း ပြောင်းလဲတိုင်း Handbook ကို Update လုပ်ထားပါ။ ဟောင်းနေတဲ့ Handbook ကို ဘယ်သူမှ ယုံကြည်ပြီး မဖတ်ကြဘူး။

သင့်လုပ်ငန်းမှာကော Handbook ထဲကအတိုင်း ဝန်ထမ်းတွေ လိုက်နာနေလား ဆိုတာ comment မှာ ပြောခဲ့ပါဦး။

Multi Scope | Business Service Group

ဝန်ထမ်းသစ် ဝင်တိုင်း အချိန် ၂ ပတ်ပေးပြီး သင်ပေးနေရသေးလား?ဝန်ထမ်းသစ်တစ်ယောက် ဝင်လာတိုင်း သင်က ဘေးကပ်ပြီး တစ်ခုချင်း သင်ပေ...
26/05/2026

ဝန်ထမ်းသစ် ဝင်တိုင်း အချိန် ၂ ပတ်ပေးပြီး သင်ပေးနေရသေးလား?

ဝန်ထမ်းသစ်တစ်ယောက် ဝင်လာတိုင်း သင်က ဘေးကပ်ပြီး တစ်ခုချင်း သင်ပေးနေရတယ်။ သင်ပေးနေရတဲ့ ၂ ပတ်တာအချိန်မှာ ကိုယ့်အလုပ်တွေ ရပ်ထားရတယ်၊ လုပ်ငန်းလည်ပတ်တာ နှေးသွားမယ်။ အဲ့ဒီထက် ပိုဆိုးတာက ဝန်ထမ်းသစ် ၃ လမပြည့်ခင် ထွက်သွားရင် ကိုယ့်ဘက်က အချိန်ပေးခဲ့တာတွေ ဆုံးရှုံးမယ်။ ဝန်ထမ်းသစ် အသစ်ပြန်လာရင် အစကနေ အဆုံးထိ ပြန်သင်ပေးနေရမယ်၊ အကုန်လုံး ပြန်ပြန်လုပ်ရတယ်။

ဒါတွေ ထပ်မဖြစ်အောင် သင့်လုပ်ငန်းထဲ SOP ထည့်သွင်းလိုက်ပါ။ SOP ရှိလာရင်

ဝန်ထမ်းသစ် SOP ဖတ်ရုံနဲ့ ဘာလုပ်ရမှန်း သိနိုင်မယ်

သင် မပါဘဲ ကိုယ်တိုင် လေ့လာနိုင်မယ်

Training အချိန် ၂ ပတ်ကနေ ရက်အနည်းငယ်သို့ လျော့နည်းစေမယ်

ဝန်ထမ်းသစ် ထွက်လည်း SOP ရှိနေဆဲ၊ ပြန်သင်စရာ မလိုတော့ဘူး

SOP တွေနဲ့ ပတ်သက်ပြီး ထပ်သိချင်တာရှိရင် Page ကို Follow လုပ်ခဲ့ပါ။

Multi Scope | Business Service Group

System မရှိသေးဘူးဆိုရင် ဒီ ၅ ဆင့်နဲ့ စလိုက်ပါသင့်ရဲ့ လုပ်ငန်းထဲမှာ System လိုအပ်တယ်ဆိုတာ သိနေပေမဲ့ ဘယ်က စရမှန်းမသိဘူး ဖြ...
25/05/2026

System မရှိသေးဘူးဆိုရင် ဒီ ၅ ဆင့်နဲ့ စလိုက်ပါ

သင့်ရဲ့ လုပ်ငန်းထဲမှာ System လိုအပ်တယ်ဆိုတာ သိနေပေမဲ့ ဘယ်က စရမှန်းမသိဘူး ဖြစ်နေတယ်။ စလိုက်တယ်ဆိုရင်တောင်မှ အမှားတွေ အများကြီးဖြစ်တယ်။ ဒီလိုဆက်မဖြစ်အောင် ဒီအချက် ၅ ချက်နဲ့ System တည်ဆောက်လို့ ရပါတယ်။ ဒီအချက်တွေနဲ့ System တည်ဆောက်မယ်ဆိုရင် အမှားလည်းနည်းမယ်၊ စနစ်တကျလည်း လည်ပတ်နေလိမ့်ပါမယ်။

System ကောင်းတစ်ခုဖြစ်ဖို့ ဒီအချက် ၅ ချက်နဲ့ တည်ဆောက်ပါ

အဆင့် ၁: လုပ်ဆောင်ချက်တွေ စာရင်းချ
လုပ်ငန်းထဲမှာ နေ့တိုင်း ဖြစ်နေတဲ့ အလုပ်တွေအကုန် စာရင်းချလိုက်ပါ။ ဥပမာ - Customer ကိုင်တွယ်တာ၊ Order လက်ခံတာ၊ ဝန်ထမ်းစီမံတာ၊ ငွေကြေးထိန်းတာ အကုန်ချရေးပါ။

အဆင့် ၂: ပြဿနာအများဆုံး နေရာ ရှာ
စာရင်းချပြီးတဲ့ အလုပ်တွေထဲက အမှားအများဆုံးဖြစ်တဲ့ အခက်အခဲကို ရှာပါ။ အချိန်အများဆုံး ကုန်တဲ့ နေရာကို ရှာပါ။ အဲ့ဒါကို အရင်ဆုံး ပြင်ရမယ်။

အဆင့် ၃: အဲ့ဒီ နေရာကို System အရင်ချ
ပြဿနာအများဆုံး နေရာကို အရင်ဆုံး System ချပါ။ တစ်ချိန်တည်း အကုန် မချပါနဲ့။

အဆင့် ၄: တစ်ခုပြီးမှ တစ်ခု ဆောက်
ပထမ System တစ်ခု ကောင်းကောင်း အလုပ်ဖြစ်မှ နောက်တစ်ခုကို ဆောက်ပါ။ တဖြည်းဖြည်း လုပ်ငန်းတစ်ခုလုံး System လည်ပတ်လာမယ်။

အဆင့် ၅: ဝန်ထမ်းတွေကို သင်ပေးပြီး လိုက်နာစေ
System ဆောက်ပြီးရင် ဝန်ထမ်းတွေ နားလည်အောင် သေချာရှင်းပြပါ။ သူတို့ လိုက်နာမှသာ System က တကယ် အလုပ်ဖြစ်မယ်။

System တွေနဲ့ ပတ်သက်ပြီး ဗဟုသုတများစွာ sharing လုပ်ပေးနေတာကြောင့် page ကို Follow လုပ်ခဲ့ပါ။

Multi Scope | Business Service Group

ဝန်ထမ်းညံ့လို့မဟုတ်ဘူး SOP မရှိလို့ဝန်ထမ်းက အမှားလုပ်မိလို့ ဆူလိုက်တယ်၊ ပြောပြလိုက်တယ်။ ဒါပေမဲ့ နောက်တစ်ခါလည်း အဲ့ဒီအမှာ...
24/05/2026

ဝန်ထမ်းညံ့လို့မဟုတ်ဘူး SOP မရှိလို့

ဝန်ထမ်းက အမှားလုပ်မိလို့ ဆူလိုက်တယ်၊ ပြောပြလိုက်တယ်။ ဒါပေမဲ့ နောက်တစ်ခါလည်း အဲ့ဒီအမှားကို ထပ်လုပ်တယ်။ ဒါဟာ ဝန်ထမ်းညံ့လို့မဟုတ်ဘဲ လိုက်နာရမယ့် SOP မရှိသေးလို့ပါ။ SOP မရှိသေးရင် ဝန်ထမ်းတွေက တတ်သလို၊ သိသလိုပဲ လုပ်ကြမယ်။ သေသေချာချာ လုပ်တယ်ဆိုတာမျိုး မရှိတော့ပါဘူး။ ဒီလိုမျိုးတွေ ဆက်မဖြစ်အောင် သင့်လုပ်ငန်းထဲမှာ SOP ရေးထားသင့်ပါတယ်။

SOP ဆိုတာဘာလဲ?
SOP ဆိုတာ လုပ်ငန်းစဉ်တစ်ခုကို ဘယ်လိုလုပ်ရမလဲဆိုတာ အဆင့်ဆင့် ရေးမှတ်ထားတဲ့ စံလုပ်ထုံးလုပ်နည်းပဲ ဖြစ်ပါတယ်။ ဝန်ထမ်းတိုင်း တူညီတဲ့ပုံစံနဲ့ လုပ်နိုင်အောင် သတ်မှတ်ပေးတဲ့ လမ်းညွှန်တစ်ခု ဖြစ်ပါတယ်။

ဥပမာ Customer Complaint ကိုင်တွယ်နည်း SOP ဆိုရင်

နားထောင် | ဝန်ခံ | ဖြေရှင်းနည်းပေး | Follow Up လုပ်
SOP ရှိလာတာနဲ့ သင်မပါဘဲလည်း ဝန်ထမ်းတွေ ကိုးကားပြီး မှန်မှန်ကန်ကန် လုပ်နိုင်မယ်။ အမှားတွေလည်း ထပ်ပြီး ဖြစ်တော့မှာ မဟုတ်ပါဘူး။

သင့်လုပ်ငန်းထဲမှာကော SOP ရှိပြီးပြီလား? comment မှာ မန့်ခဲ့ပါ။

Multi Scope | Business Service Group

Address

Yangon

Website

Alerts

Be the first to know and let us send you an email when Multi Scope - Business Service Group posts news and promotions. Your email address will not be used for any other purpose, and you can unsubscribe at any time.

Shortcuts

Share

Category