Notes of Kyaw Sann Oo

Notes of Kyaw Sann Oo Notes by Kyaw Sann Oo
ဖတ်မိတဲ့အထဲက ကြိုက်တာလေးတေ?

25/02/2018

Written By : Aye Myat Myat Thu
9.5.2017

"မိတ်ဆွေများက ပြောကြသည်" (၁)
--------------------------------
ဒီခေါင်းစဉ်လေးနဲ့ အတွေ့အကြုံ အတွေးအမြင်တွေ မျှဝေဖို့ ကြိုးစားခဲ့တာကြာပါပြီ။ ကိုယ့်အတွေ့အကြုံ မိတ်ဆွေတွေ ရင်ဖွင့်တိုင်ပင်တဲ့ စီးပွါးရေးကိစ္စ အထူးသဖြင့် Marketing နဲ့ဆက်စပ်တာလေးတွေ ရေးချင်တာပါ။ အခုမှ ရေးဖြစ်တယ်။

မနေ့က စာသင်ရင်းနဲ့ သင်တန်းသားတစ်ယောက်က "မလုပ်သင့်တဲ့အမှားလေးတွေ ပြောပြပေးဖို့" တောင်းဆိုလာပါတယ်။
နောက်တစ်ယောက်ကလဲ 7P အကြောင်း မေးလာတာနဲ့
Marketing Mix ရဲ့ P တစ်လုံးဖြစ်တဲ့ Process အကြောင်းနဲ့ နွယ်ပြီးပြောဖြစ်တယ်။

တကယ်တော့ Process ဟာ Marketing အတွက်သာမက Business တစ်ခုလုံးအတွက် အရေးပါတယ်။ ကျန်တဲ့ P တွေ မခိုင်မာရင် အားနည်းရင် တစ်ခြားသော P တွေနဲ့ ထောက်မ ထားလို့ ရနိုင်ပေမယ့် ခိုင်မာစနစ်ကျတဲ့ Process မရှိရင်တော့ လုပ်ငန်းမတိုးတက်နိုင်သလို တစ်ချိန်မှာ ပြိုလဲသွားလိမ့်မယ်။

ဘာလို့ပြိုလဲသွားမလဲ ရှင်းပြချင်ပါတယ်။
လုပ်ငန်းမှာ စနစ်မရှိရင် စနစ်မကျရင် လူကို အားကိုးရတယ်။ လက်ရှိ နေရာတစ်ခုမှာ တာဝန်ယူထားတဲ့လူက လုပ်ငန်းကျွမ်းကျင်တဲ့အတွက် လုပ်ငန်းက လည်ပတ်နေလိမ့်မယ်။ ဒါပေမယ့် လူဆိုတာ မမြဲတဲ့အထဲ ထိပ်ဆုံးကပါတယ်။
သေသွားနိုင်တယ်..
အလုပ်ထွက်သွားနိုင်တယ်..
စိတ်ထားပြောင်းသွား ဖောက်ပြန်သွားနိုင်တယ်..
ဒီတော့ ဒီလူ မရှိတော့ဘူးဆိုတာနဲ့ လုပ်ငန်းက ရမ်းခါသွားနိုင်တယ်။

ထားပါတော့.. ကံကောင်းလို့ မောင်ဖြူနေရာ မောင်နီ ရောက်လာမယ်။ စနစ်မရှိတော့ တစ်က ပြန်စရမယ်။ သူကလဲ သူကောင်းမယ်ထင်သလို လုပ်မယ်။ စမ်းကြည့်မယ်။ လုပ်ငန်းက မတိုးတက်ဘဲ စမှတ်ကို ပြန်ပြုတ်ကျသွားရော။

တစ်ခါ အဲဒီလူက အားကိုးရပြန်တော့ သူမရှိရင်မဖြစ်ဘူးဆိုတဲ့ ဘူတာဆိုက်ပြန်တယ်။ ဒီတော့ သူ ဘာလုပ်လုပ် ပုဆိုးစဆွဲပြီး မဟုတ်တာလုပ်လို့မှ မပြောရဲ မျက်နှာညိုမခံရဲနဲ့။ သူကလဲ မျက်ဖြူဆိုက်လေ ဆရာကြိုက်လေကိန်းဆိုက်အောင် သူမရှိရင် မဖြစ်အောင် လုပ်ထားလို့ရတယ်။ တစ်ချို့ Consultant တွေ မန်နေဂျာတွေရှိတယ်.. သူ တစ်နေရာ ရောက်သွားတာနဲ့ အစိုးရအဖွဲ့ပြောင်းသလို အကုန်လုံးကို မြေလှန်ပစ် ဖြုတ်ထုတ်သတ် လုပ်တာ။ ပြောင်းလဲမှုကို ဆန့်ကျင်မယ် အာခံမယ်ထင်တဲ့ကောင် မထွက်ထွက်အောင် လုပ်ပစ်တာ။ ပြီးမှ ကိုယ်သေဆိုသေ ရှင်ဆိုရှင်တဲ့တပည့်တပန်းတွေကို အရင်အလုပ်က ခေါ်ထုတ် ရာထူးတိုးပေး လစာတိုးပေး။ လုပ်ငန်းလေး အခြေကျမယောင်ရှိတော့မှ ဗွေဖောက်ပြီး ခေါင်းဆောင်ကြီးက အလုပ်ထွက်။ နောက်က သူခေါ်ခန့်ထားတဲ့ လက်ဝေခံတပည့်တွေက လိုက်ထွက်နဲ့။ ကုမ္ပဏီက ဟောင်းလောင်းဖြစ်ကျန်ခဲ့ပြန်ရော။ စနစ်ခိုင်ခိုင်မာမာ ချပေးခဲ့တာမဟုတ်ဘဲ လုပ်တတ်ပြီးသားလူတွေကိုခေါ်ခန့်ပြီး အလုပ်ဖြစ်အောင် လုပ်ခဲ့တာဆိုတော့ အဲဒီလူတွေမရှိတဲ့အခါ ဒုံရင်းဘဝရောက်ရုံတင်မက ငယ်မွေးခြံပေါက်လူဟောင်းတွေကိုလဲ အမြစ်ပြတ်ခြေမှုန်းခဲ့တာဆိုတော့ သုညနီးပါးက ပြန်စကြရတဲ့ လုပ်ငန်းတွေ အများကြီးပါ။ ဒီတော့ ကုမ္ပဏီမှာ တိုးတက်ဖို့ဝေးလို့ အတွင်း ၃၇မင်း အပြင်၃၇မင်းထက် ပိုကြောက်ရတဲ့ အတွင်းလူတွေကြောင့် ကျဆုံးကြရပါတယ်။ ဒီလိုဖြစ်ရတာ စနစ်မရှိလို့ပါ။

အခုလို ဝန်ထမ်းကောင်းရှားတဲ့ခေတ်မှာ People ဆိုတဲ့ လူကို အမှီပြု ပြီး လုပ်ငန်းလည်ပတ်တယ်ဆိုတာ အင်မတန် Risk များတဲ့ အန္တရာယ်များတဲ့လုပ်ရပ်ပါ။ ရာထူးနေရာတိုင်းအတွက် အဆင့်တိုင်းအတွက် စနစ်ချပါ။ စနစ်ဆိုတာ SOP လို့ခေါ်တဲ့ Standard Operating Procedure (တစ်နည်း Process) ကို ဆိုလိုတာပါ။ ဒီလို စနစ်ချဖို့ အချိန်ယူရမှာဖြစ်တဲ့အပြင် (လိုအပ်ရင်) စနစ်ချပေးနိုင်တဲ့တကယ်ကျွမ်းကျင်တဲ့ ပညာရှင်တွေကို ငှားရမှာမို့ ငွေအပိုကုန်တယ်လို့ ထင်စရာရှိပါတယ်။ လိုအပ်ရင် Software တွေ Device တွေပါ ဝယ်ရအုံးမှာမို့ ရင်းနှီးငွေပမာဏလဲ တိုးလာမယ့်အတွက် လုပ်ငန်းရှင်တွေ ခပ်အင်အင်ဖြစ်တဲ့ကိစ္စပါ။ အထူးသဖြင့် တစ်ပိုင်တစ်နိုင်စလုပ်တဲ့ StartUp တွေ SME တွေဆို လုပ်ငန်းရှင်ကိုယ်တိုင်ဦးစီးတာမို့ ငါရှိနေတာပဲ... ဆိုတဲ့စိတ်နဲ့ ခုနစ်ထွေကနေကြတာ များပါတယ်။ ဒါပေမယ့် အဲ့ဒီလုပ်ငန်းရှင်ကိုယ်တိုင်က Operation ထဲ နစ်မြုပ်နေတဲ့အခါ ရွက်တိုင်ထိပ်ဖျားကနေ ကိုယ့်လှေဘယ်ရောက်နေလဲ တက်ကြည့်မယ့်သူ မရှိတာမို့ ငါ့လှေငါထိုး ပဲခူးရောက်ရောက်ဆိုတာမျိုးတွေဖြစ်ပြီး ပန်းတိုင်နဲ့အလှမ်းဝေးကြရပါတယ်။ ဒါ့ကြောင့် အလုပ်ရှင်တွေကို သတိပေးချင်တာက စနစ်ချဖို့ မပျက်ကွက်ပါနဲ့လို့ မှာချင်ပါတယ်။ စနစ်ချဖို့ ကုန်ကျမယ့်ငွေဟာ စနစ်မရှိလို့ ယိုစီးထွက်ကုန်တဲ့ဆုံးရှုံးမှုထက်စာရင် နည်းပါတယ်။

ဝန်ထမ်းတွေဘက်ကရော။
စနစ်ဆိုတာနဲ့နွယ်ပြီး အလုပ်အပေါ်ထားရမယ့် စိတ်လေးကို ပြောချင်ပါတယ်။
အလုပ်တစ်ခုမှာ ရာထူးတာဝန်တစ်ခုကို လက်ခံလိုက်တယ်ဆိုတာနဲ့ ကိုယ်ဟာ အဲဒီအလုပ်တာဝန်ရဲ့ အတိတ် ပစ္စုပ္ပန် အနာဂတ် ၃ပါးလုံးကို တာဝန်ယူရတာဖြစ်တယ်လို့ နားလည်ကြဖို့လိုပါတယ်။

ဥပမာပြောရရင် ကိုယ်အလုပ်ဝင်ချိန်မှာ အရင်တုန်းက မပြီးပြတ်သေးတဲ့ တို့လို့တန်းလန်းကိစ္စတွေ ကိုယ့်ဆီရောက်လာတတ်ပါတယ်။ အများစုပြောတတ်တာက "ဒါ ကျွန်မ မရောက်ခင်အရင်လူလုပ်ခဲ့တာ။ ကျွန်မလဲ ဘာမှမသိဘူး"ဆိုတဲ့စကားနဲ့ တွင်တွင် ငြင်းတတ်ကြပါတယ်။ မှားယွင်းတဲ့အပြုအမူပါ။ ဖြစ်သင့်တာက "ကျွန်မ အခုဖြေရှင်းပေးဖို့ ဒီကိစ္စကိုသိအောင် နားလည်အောင် အရင်လုပ်ပါမယ်။ ကွင်းဆက်ပြန်ရှာပြီး အမြန်ဆုံး ပြေလည်အောင် လုပ်ပေးပါ့မယ်။ အချိန်ပေးပါ" ဆိုတာမျိုး ဖြစ်ရပါမယ်။ တာဝန်ယူတယ်ဆိုတဲ့စကားမှာကိုက အရင်လူရဲ့ ဝန်တာကို ပုခုံးပြောင်းထမ်းလိုက်တာပါ။ ကိုယ်ယူထားတဲ့ လုပ်ခလစာဟာ အတိတ်အတွက်လဲ သက်ဆိုင်ပါတယ်။

ပစ္စုပ္ပန်မှာ ထမ်းဆောင်ဖွယ်ရာလုပ်ငန်းအားလုံးကတော့ ကိုယ်နဲ့ဆိုင်တာ ကိုယ်တာဝန်ယူရမှာ အငြင်းပွါးစရာမလိုတဲ့ကိစ္စပါ။ သတ်မှတ်ထားတဲ့အလုပ်ချိန်အတွင်း မခိုမကပ် အလုပ်ကိုအချိန်ပြည့်စိတ်နှစ်ပြီးလုပ်မှသာ ယူထားတဲ့လစာနဲ့ ထိုက်တန်စွာပေးဆပ်တယ်လို့ သတ်မှတ်နိုင်တာပါ။ အလုပ်ချိန်အတွင်း ရေသာခိုနေခြင်းဟာ ခိုးမှုမြောက်ပါတယ်။ ဥပဒေအရခိုးမှုမမြောက်ပေမယ့် သံသရာကြွေးတင်ရ ပေးဆပ်ရတတ်ပါတယ်။

အနာဂတ်ကရော ဘာဆိုင်လို့လဲ။ အလုပ်ထွက်သွား တဲ့အခါ သေချာ Handover လုပ်သွားရင် တာဝန်ကျေပြီမဟုတ်လားလို့ မေးစရာရှိပါတယ်။ မလုံလောက်ပါဘူး။ အလုပ်ထွက်ချိန်မဆိုထားနဲ့ ပုံမှန်လုပ်နေရင်းက ရှောင်တခင်ခွင့်ယူတဲ့ရက်ကလေးမှာတောင် ကိုယ့်နေရာကို လူစားဝင်ပေးတဲ့ ဉာဏ်ရည်တူသူ မည်သူမဆို ကိုယ့်အလုပ်ကို ချောချောမွေ့မွေ့ဝင်လုပ်နိုင်အောင် အလုပ်ပြီးမြောက်အောင် စနစ်ချထားဖို့နဲ့ ရှင်းလင်းလွယ်ကူစွာသင်ယူတတ်မြောက်နိုင်အောင် Manual ရေးထား Flow Chart ဆွဲထား Memo တို့ Record တို့စနစ်တကျလုပ်ထားပေးဖို့ လိုပါတယ်။ ဒါမှ ကိုယ်မရှိတဲ့အနာဂတ်မှာလဲ လုပ်ငန်းက စဉ်ဆက်မပြတ်လည်ပတ်နိုင်မှာပါ။ အထက်လူကြီးတွေအနေနဲ့ ကိုယ့်ကိုသဘောကျလို့ ရာထူးတိုးပေး တာဝန်ပိုကြီးတာပေးချင်ရင်တောင် ကိုယ့်နေရာကို ဘယ်သူမှ အစားထိုးဝင်လို့မရအောင် တမင်တကာ စနစ်ချမထားတာ information sharing မလုပ်ပဲ ဝှက်ထား ထိန်ချန်ထားတာမျိုးလုပ်ထားခဲ့ရင် တကယ်ပဲ လူစားထိုးမရနိုင်တဲ့အတွက် ကိုယ်လဲ အဆင့်ဆင့်တိုးတက်အောင် ဆက်မတက်နိုင်ဘဲ တစ်နေရာထဲမှာပဲ ရပ်နေရမှာပါ။ တစ်ချို့က ဒီနည်းကို Job Security ရအောင် တမင်သုံးတာဖြစ်နိုင်ပေမယ့် အင်မတန်လွဲမှားတဲ့ စိတ်ကူးပါပဲ။ တကယ် အရည်အချင်းသာ ရှိပါစေ.. ကုမ္ပဏီက ရာထူးတိုး လစာတိုးတွေနဲ့ စည်းရုံးလို့လက်ကုန်သွားရင် ရှယ်ယာထုတ်ပေးပြီး ပါတနာဘဝအထိရောက်အောင် ဆွဲခေါ်သွားကြမှာပါ။

အနည်းဆုံးတော့ အလုပ်တစ်ခုကိုစွန့်ခွါချိန်မှာ လိပ်ပြာသန့်နေဖို့ လိုအပ်ပါတယ်။ အတိတ် ပစ္စုပ္ပန် အနာဂတ် ၃ခုလုံးအတွက် တာဝန်ကျေခဲ့ပြီဆိုမှ သံသရာကြွေးမပါမှာပါ။

လူတွေက ပြဿနာတစ်ခုခုဆို သူတစ်ပါးကိုအရင်ဆုံးအပြစ်တင်ဖို့ ခေါင်းရှာတတ်ကြပါတယ်။ ရှာမရတဲ့အဆုံး အစိုးရအသုံးမကျလို့ဆိုပြီး ကိုယ့်စိတ်ပေါ့အောင် ဖြေသိမ့်တတ်ကြပါတယ်။ မှန်ပါတယ်... အစိုးရအသုံးမကျဘူး။ ပြည်သူတွေအသုံးမကျဘူး။ ရုံးကလူတွေ အသုံးမကျဘူး။ အိမ်ကလူတွေ အသုံးမကျဘူး။ ဒါပေမယ့် ကိုယ်ကရော စင်းလုံးချောကောင်းနေ တာဝန်ကျေနေရဲ့လား။ တိုင်းပြည်ကောင်းအောင် လုပ်ပေးဖို့ဆိုတာ အဝေးကြီးပါ။ ရပ်ရွာကောင်းဖို့ဆိုတာလဲ လက်လှမ်းမမီသေးဘူးထား။ ကိုယ့်ရုံး ကိုယ့်အိမ် ကောင်းအောင်တိုးတက်အောင် လုပ်ဖို့ကတော့ ဖြစ်နိုင်တဲ့ တတ်နိုင်မယ့် ကိစ္စပါ။ ကိုယ်ရှိတဲ့အချိန်မှာ ကိုယ့်ထမင်းရှင်လုပ်ငန်း တိုးတက်အောင် လုပ်ပေးဖို့ လိုသလို.. ကိုယ်မရှိတော့တဲ့အချိန်မှာ ဒီလုပ်ငန်း ရပ်တည်နိုင်ရမယ်.. ဆိုတဲ့ စိတ်ထား မှန်မှန်ကန်ကန် ရှိဖို့လိုပါတယ်။

"သင် သေသွားသော်" ဆိုတဲ့ ဆရာဇော်ဂျီကဗျာလေးကို ဖတ်ဖူးကြမယ်ထင်ပါတယ်။
"သင်သေသွားသော်...
သင်ဖွားသောမြေ သင်တို့မြေသည်
အခြေတိုးမြင့် ကျန်ကောင်းသင့်၏".. တဲ့

ကိုယ့်ကို မွေးဖွားသုတ်သင်ပြီး လူလားမြောက်အောင် ပျိုးထောင်ပေးလိုက်တဲ့ လုပ်ငန်းကိုလဲ ကိုယ်မရှိတော့ချိန်မှာ ကောင်းစွာလည်ပတ်နိုင်ရုံမက အခြေမြင့် တင့်တယ်လာစေဖို့ စနစ်တကျ ပျိုးထောင်ပေးခဲ့ဖို့လိုပါတယ်။ Process ကို ပိုင်နိုင်ကြပါစေ။ ။

16/12/2017

စီးပွားရေးကျင့်ဝတ်

ဟိုတယ်တစ်ခုက အကောင်းဆုံးဟိုတယ်ပြိုင်ပွဲဝင်ထားတဲ့လင့်ကိုပေးပြီး သူတို့ဟိုတယ်ကို မဲပေးခိုင်းတယ်။ ပြီးရင် မဲပေးထားတဲ့ Screenshot ကို ကောမန့်မှာ ခရီးဖော်ကို မန်းရှင်းလုပ်ခိုင်းပြီး တင်ခိုင်းတယ်။ ပြီးတော့ သူတို့ပေခ်ျ့ကို Like & Share လုပ်ခိုင်းတယ်။

Digital Marketing point of view က ကြည့်ရင် အတော်ကောင်းတဲ့ အစီအစဉ်ပါ။

မဲပေးသူများရင် အကောင်းဆုံးဟိုတယ်ဆုရမယ်။

ကောမန့်ပေးသူများရင် Engagement တက်မယ်။

မန်းရှင်းလုပ်ထားတဲ့သူက ကောမန့်ပြန်ပေးဖို့လဲများတယ်။

Like & Share လုပ်တဲ့အတွက် ပေခ်ျ့မှာ Like များလာမယ်။ Reach တက်လာမယ်။

ဟုတ်နေတာပဲ။

⭐️⭐️⭐️ ဒါပေမယ့် စီးပွားရေး ကျင့်ဝတ်အပိုင်းက ကြည့်ရင်ကော ဘယ်လိုနေမလဲ? ⭐️⭐️⭐️

ကိုယ့်ဟိုတယ်မှာ မနေဖူးသူတွေ (အများစုက နေဖူးမှာမဟုတ်။ အခွင့်အရေးမက်လို့ ခိုင်းတဲ့အတိုင်းလုပ်ရတာ) ပေးတဲ့မဲနဲ့ အကောင်းဆုံးဟိုတယ်ဆုရသွားရင် ဂုဏ်ယူမှာလား?

သေသေချာချာ တွေးကြည့်ရင် ရှက်ဖို့တောင် ကောင်းပါတယ်။

စီးပွားရေးလုပ်ငန်းတစ်ခုအနေနဲ့ ပရိသတ်ကို ဆုလက်ဆောင်ပေးဖြားယောင်းပြီး အကောင်းဆုံးဆုကို ညာယူချင်နေသလိုဖြစ်နေတယ်။

Digital Marketer အများစုဟာ Business Ethic ဘာသာရပ်ကို သင်ကြားဖူးသူမဟုတ်ဖို့ ရာခိုင်နှုန်းများပါတယ်။ မိမိလုပ်ငန်းဂုဏ်သိက္ခာကို တန်ဖိုးထားရင် ဒါမျိုးတွေ ရှောင်ကြည်ရမယ်ဆိုတာ အမုန်းခံရေးလိုက်ပါတယ်ခင်ဗျာ။

မှတ်ချက်
ကျွန်တော်ကိုင်တွယ်တဲ့ပေခ်ျ့များတွင် ကျင့်ဝတ်နှင့်မညီဟု ယူဆသောကြောင့် သာမန် Like & Share လုပ်လျှင် ဆုမဲဖောက်ပေးသည့်ပိုစ့်များပင် မတင်ပါ။

ကျော်ဆန်းဦး (ယူနစ်က်)
၁၆-၁၂-၂၀၁၇

07/10/2017

Written By Ko Thet Cho

ဆင်းရဲသားတစ်ဦးပေါ့.... အလုပ်လုပ်လာတာနှစ် ၂၀ ရှိပြီ ခုထိ ဒုံးရင်းကဒုံရင်းပဲ... အဲဒီအတွက်ကြောင့် စိတ်ထဲကမကျေမနပ်ဖြစ်ကာ လောကကြီးကိုအပြစ်တင်ပါတယ်...လောကကြီးကဘာမှပြန်မပြောတော့ မိုးနတ်မင်းကိုအပြစ်တင်ပြန်ကော... မိုးနတ်မင်းမတရားဘူး...လူအချင်းချင်းကို တစ်ချို့လူတွေကိုတော့ ချမ်းသာအောင်လုပ်ပေးတယ်...၊ တစ်ချို့သူတွေကိုတော့ ဆင်းရဲတွင်းကနေကိုမတတ်အောင်လုပ်တယ် အမျိုးမျိုးတိုင်တည်ပြီးပြောလေသည်...။

တစ်နေ့ကြတော့ မိုးနတ်မင်းလည်း နားညီးလာလို့နေမယ် ကိုယ်ထင်ပြကာ... အသင်လူသားအနေနဲ့ ဘယ်လိုလုပ်မှ တရားမျှတမှု၇ှိမယ်ထင်သလဲ...ဘယ်လိုဖြစ်စေချင်တာလဲ လို့မေးလိုက်ပါသည်...။ သူဆင်းရဲက သူ့အိမ်ဘေးက သူဌေးကြီးကိုလည်းသူ့လိုပဲဆင်းရဲအောင်လုပ်လိုက်တယ်...ပြီးတော့ ညီတူညီမျှဖြစ်အောင် ၂ ယောက်လုံးကို ကျောက်မီးသွေးမိုင်းကြီးတစ်ခုဖန်ဆင်းပေးကာ လုပ်ကိုင်စားသောက်စေပါသည်။

ပထမနေ့မှာတော့ ဆင်ရဲသားက အားတက်သရောကျောက်မီးသွေးတွေတူးလိုက်တာ နေ့တစ်ပိုင်းတောင်မရောက်သေးဘူး လှည်းတစ်စီးတိုက်ရသွားပြီ၊ အဲဒါကို မြို့ကိုဆွဲကာရောင်းခဲ့ပြီးရလာတဲ့ ငွေတွေနဲ့ ဗိုက်ကားအောင်စားကာ ခေါက်ဆွဲကြော်ထုပ်လေးကိုလဲ အိမ်သူ့အတွက်ပါဆယ်ဆွဲပြီး လေကလေးတစ်ချွန်ချွန်နဲ့ အိမ်ပြန်အနားယူပါတော့သည်...။

အဲဒီချိန်မှာတော့ သူဌေးကတော့ ပင်ပင်ပန်းပန်းတူးလိုက်တာ ညနေစောင်းမှ လှည်းတစ်စီးတိုက်ရသွားတယ်..။ ရောင်းချပြီးရတဲ့ငွေလေးနဲ့ ထမင်းဆီဆမ်းလေးကိုဗယာကြော်နဲ့စားကာ ပိုတဲ့ငွေလေးနဲ့ နောက်နေ့အတွက် အားကောင်းမောင်းသန်လူတစ်ယောက်ဌားကာ အိမ်ပြန်သွားပါသည်...။

ဒုတိယနေ့မှာတော့ ဆင်းရဲသားကပျော်ပျော်ရွှင်ရွှင်နဲ့ လှည်းတစ်စီးလောက်ကိုနေ့တစ်ပိုင်းနဲ့တူးကာ ဈေးမှာရောင်းချပြီးသကာလ ပိုတဲ့ငွေနဲ့ ရှူမငြီးဖွယ်ချစ်ဇနီးငယ်အတွက် ၀တ်ကောင်းစားလှလေးများကိုဆင်ကာပျော်ပျော်ပါးပါးအိမ်ပြန်နားလေသည်...။ သူဌေးကတော့ သူဌားထားတဲ့သူကိုတူးခိုင်းထားပြီး မြို့တက်ကာ ဈေးကောင်းပေးမယ့်ဖေါက်သည်ကိုရှာပါသည်... တစ်ရက်တည်း လှည်း ၂ စီးစာလောက်ကိုဈေးကောင်းကောင်းနဲ့ရောင်းနိုင်ခဲ့သည်...။ ရောင်းရငွေနဲ့ နောက်နေ့အတွက် လုပ်သား ၄ ယောက်ထပ်ဖြည့်လိုက်ပါသည်....။

ဒီလိုနဲ့ တစ်နှစ်လာက်နေတော့ ကျောက်မီးသွေးမိုင်းကြီးလည်းကုန်ခန်းသွားလေသည်...။ အဲဒီအချိန်မှာတော့ ဆင်းရဲသားက အရင်အတိုင်းဆင်းရဲနေဆဲဖြစ်ပြီ....သူဌေးကတော့ အရင်ထက်ပိုချမ်းသာလာကာ တစ်ခြားလုပ်ငန်းခွဲတွေလည်းအများကြီးလည်ပတ်နိုင်ခဲ့ပါသည်...။ ဆင်းရဲသားလည်းနောက်ထပ်ဘယ်သူ့ကိုမှအပြစ်မတင်ရဲတော့ဘူး ကိုယ်လုပ်ကိုယ်ခံပဲလေ..လောကကြီးက တရားမျှသပါသည်...။

အောင်မြင်ချင်တယ်...သဌေးဖြစ်ချင်တယ်...ဒါတွေကတော့လူတိုင်းရဲ့ဆန္ဒပါပဲ....။ မြန်မြန်အောင်မြင်ချင်ရင်တော့ ကိုယ်တစ်ယောက်တည်းရဲ့အားနဲ့မရပါဘူး...အားပြောင်းအားလွဲယူရတယ်...။ ကိုယ်ဘယ်လောက်လုပ်နိုင်သလဲထက် ကိုယ်လူဘယ်နှစ်ယောက်ရဲ့အားကိုယူပြီး အလုပ်ဘယ်လောက်ပြီးအောင်လုပ်နိုင်ခဲ့သလဲကပိုအရေးကြီးတယ်...။ ဒါကြောင့် သူတစ်ပါးရဲ့အားကိုဌားပါ...နည်းပညာရဲ့အားကိုဌားပါ...၊ လုပ်ငန်းခွင်မှာအသုံးဝင်မယ့် Tools တွေရဲ့အားကိုဌားပါ...၊ အသိုင်းအ၀ိုင်း(မိတ်ဆွေ၊ဆွေမျိုး၊သူငယ်ချင်းတွေ)ရဲ့အားကိုဌားပါ..။ အားပြောင်းအားလွဲလုပ်နုင်ိလေ တိုးတက်မှုမြန်လေပါပဲ...။ ဌားတာနဲ့ အသုံးချတာကွာတယ်နော်...ဌားတယ်ဆိုကတည်းက ပြန်ပေးရမယ်...အသုံးချတာကတော့ လူလည်ကြတာပါ...။

ခုလက်ရှိဝန်ထမ်းလုပ်နေတဲ့သူတွေလည်း ဒီအတိုင်းပါပဲ.... ကိုယ်ကလုပ်ပေးနေတယ်လို့မယူဆပါနဲ့...ကိုယ့်အတွက်ကိုယ်လေ့ကျင့်ပေးနေတာလို့ပဲခံယူလိုက်ပါ...။ စကိတ်စီးကျင့်နေသလိုပေါ့.... စကိတ်စီးဖို့ဆိုရင် စကိတ်လိုတယ်...ကွင်းတစ်ခုလိုတယ်...ပြီးတော့ စစီးပြီးဆိုတာနဲ့ ခဏခဏလဲကွဲပြဲမှာပဲလေ... ကိုယ်တတ်ချင်လို့ကိုယ်စီးတာလား သူများအတွက်စီးပေးတာလာ...စဉ်းစားကြည့် သေချာပါတယ်..သူများအတွက်ဆိုရင် အဲဒီလောက်အသားနာခံပြီးစီးမယ်မထင်ဘူး..၊ ကိုယ့်အတွက်ကိုယ်စီးတာ...စီးတတ်ချင်လို့စီးကျင့်တာ ဒါါကြောင့် ဒူးပြဲလည်း အံကြိတ်ပြီးစီးမှာပဲလေ....။ ခုဏကပြောသလိုပေါ့... စကိတ်ရယ် စကိတ်ကွင်းရယ်ရှိဖို့တော့လိုပါတယ် နည်းပြတစ်ယောက်ရှိရင်တော့ အတိုင်းထက်အလွန်ပေါ့....။ အဲဒါတွေက ကိုယ်အလုပ်လုပ်နေတဲ့နေရာပဲလေ...ဒါတွေကကိုယ့်ကိုလေ့ကျင့်ဖို့ပေးထားတဲ့ကွင်းပဲ.... လဲတယ် ကွဲတယ် ပြဲတယ်...ဘာမှမဖြစ်ဘူး ပြန်ထပြန်လုပ်....ကိုယ့်အတွက်လုပ်တာပဲ စကိတ်ကွင်းအတွက်လုပ်တာမဟုတ်...။ ဒါပေမယ့် လဲကျတိုင်း စကိတ်ကွင်းကြီးကိုထိုင်အပြစ်တင်နေရင်တော့ ပုံပြင်ထဲကဆင်းရဲသားလိုပဲဖြစ်သွားလိမ့်မယ်နော်...။ အားပြောင်းအားလွဲလုပ်လိုက်ပါ....ကိုယ့်ကိုခိုင်းစားနေတယ်လို့မြင်မယ့်အစား...ကိုယ့်ကိုလေ့ကျင်ဖို့ကွင်းလို့ မြင်လိုက်ပါ....mindset လေးကိုပြင်ကြည့်ပါ နေသာထိုင်သာရှိသွားသလို တိုးတက်ရာတိုးတက်ကြောင်းလည်းမြင်သွားမှာပါ....။
အလုပ်ရှင်ဆန်သောဝန်းထမ်းများဖြစ်ကြပါစေ....။

🤟🤟🤟😄😄😄

01/10/2017

Written By Sayar Kaung Nyein Soe

ကျနော်တို့ ဘာတွေလေ့လာသင်ယူဖို့ လိုနေသေးလဲ ❓

တဖက်မှာရှိတဲ့ နိုင်ငံတကာကတော့ Talent Shortage ဆိုပြီးဝေဖန်ကြပါတယ်။
ကိုယ့်ဆီမှာလူမရှိတော့ ဈေးသက်သာတဲ့ India , Philippine
အစရှိတဲ့နိုင်ငံကသူတွေ ခေါ်ငှားနေကြရပါပြီ။
(ဒေါ်လာ ၁၀၀၀~၁၅၀၀ ပေးရင်ကိုယ့်ထက် နှစ်ဆလုပ်နိုင်စွမ်းရှိပါတယ်)

လုပ်ငန်းရှင်ဘဲဖြစ်ဖြစ်၊ဝန်ထမ်းဘဲဖြစ်ဖြစ်
မိမိကိုယ်ကို တိုးတက်ကြီးပွားလိုစိတ်အမှန်တကယ်ရှိတယ်ဆိုရင်
အမြဲတစေလေ့လာသင်ယူနေဖို့ လိုပါတယ်။
ကျနော့် ပါမောက္ခဆရာမကြီးပြောသလို MBA ပြီးတာနဲ့ 
ဘာမှမဖြစ်သေးဘူးဆိုတာ ကလေးတွေသိအောင်ပြောပြပေးပါ
ဆိုသလိုပေါ့။
ကျနော်နိုင်ငံတကာကုမ္ဗဏီဝန်ထမ်းဘဝမှာ သင်တန်းတွေအများကြီး
တက်ခဲ့ ရသလိုအခုချိန်ထိလည်းကိုယ်မသိတာတွေ၊ အသစ် အသစ်
ပေါ်ပေါက်လာတဲ့သီအိုရီတွေအတွက်လေ့လာနေရဆဲပါ။
Trainer and Consultant တစ်ယောက်မို့ လေ့လာရတာ
မျိုးတင်မဟုတ်ဘဲ၊
စီးပွားရေးလုပ်ငန်းရှင်တစ်ယောက်အနေနဲ့ လည်း မိမိဝန်ထမ်းတွေ
တိုးတက်လာစေဖို့ လိုအပ်တဲ့သင်တန်းတွေပေးနိုင်ဖို့ လည်းလုပ်ရပါတယ်။
ညီငယ်ညီမငယ် တွေအနေနဲ့ လည်း ဒီပလိုမာတစ်ခုရတာနဲ့ 
ကိုယ့်ကိုကိုယ် အရာရာသိသွားပြီ၊ လစာတိုးတောင်းမယ်၊
ရာထူးတိုးပေးတဲ့ဆီပြောင်းမယ်ဆိုတဲ့ အယူလွဲတွေရှိမှာစိုးရိမ်ပါတယ်။

Training and Development လို့ ပြောကြရင်ဝန်ထမ်းတွေအတွက်
အဓိက အပိုင်း(၃) ပိုင်းခွဲမြင်ကြည့်လို့ ရပါတယ်။

♦ Core Service Skills
မိမိလုပ်ငန်းတိုးတက်အောင်မြင်ဖို့ ပိုကောင်းလာဖို့ 
မိမိရဲ့စဉ်းစားဆင်ခြင်ဥာဏ်ကိုအသုံးပြုရမည့် အရည်အချင်းတွေပါ။

♦ Complementary Service Skills
လူသားတစ်ယောက်အနေနဲ့ မဖြစ်မနေတက်ကျွမ်းနားလည်နေရမယ့်
အရည်အချင်းတွေပါ။

♦ Industry-Specific Service Skills
ဒါကတော့ မိမိလုပ်ကိုင်တဲ့လုပ်ငန်းအမျိုးအစား
သဘာဝအပေါ်မူတည်ပြီးတတ်ကျွမ်းရမည့်အရည်အချင်းတွေပါဘဲ။

ဒါတွေထဲကမှ စီမံခန့် ခွဲမှုဆိုင်ရာမှာကျွမ်းကျင်လာဖို့ 
လိုအပ်တဲ့အရည်အချင်းတွေကတော့

15/08/2017

တောသားမြို့တက်ကားမောင်းခြင်း

ပြီးခဲ့တဲ့ ၁၂-၀၇-၂၀၁၇ ကနေ ၂၅-၀၇-၂၀၁၇ အထိ အမေရိကကို သွားရောက်လည်ပတ်ခဲ့ပါတယ်။ ပထမပိုင်း ၅ ရက် (ဇူလိုင် ၁၂ ကနေ ၁၆ အထိ) ကတော့ တိုးကုမ္ပဏီရဲ့ အစီအစဉ်ပါ။ ဒုတိယပိုင်း ၇ ရက် (ဇူလိုင် ၁၇ ကနေ ၂၃ အထိ) ကတော့ ကိုယ့်အစီအစဉ်နဲ့ကိုယ် အမေရိက အနောက်ဘက်ကမ်းခြေတလျှောက်က မြို့တွေကို လည်ပတ်ခဲ့တာပါ။ ဒီတခေါက် ထူးခြားတာကတော့ တိုးရ်ကားတွေနဲ့ လည်ပတ်တာမဟုတ်ပဲ ကိုယ်တိုင်ကားမောင်းပြီး လည်ပတ်ခဲ့တာပါ။

#ကားငှားခြင်း
အမေရိကမှာ ကားငှားရတာ အလွန်လွယ်ကူအဆင်ပြေပါတယ်။ အင်တာနေရှင်နယ် ယာဉ်မောင်းလိုင်စင်၊ မူလနိုင်ငံရဲ့ ယာဉ်မောင်းလိုင်စင်နဲ့ ခရက်ဒစ်ကတ်ပဲ လိုတာပါ။ ကိုယ်စငှားတဲ့မြို့နဲ့ ပြန်အပ်တဲ့မြို့ မတူလည်း ရပါတယ်။ ကျွန်တော်တို့ဆို ဆန်ဒီယေဂိုမြို့က စငှားပြီး ဆန်ဖရန်စစ္စကိုမြို့မှာ ပြန်အပ်တာပါ။
မသွားခင် အွန်လိုင်းကနေ ဘွတ်ကင်ကြိုလုပ်ထားပါတယ်။ ဒါပေမယ့် တကယ်ငှားဖြစ်တော့ မူလက ကြိုမှာထားတဲ့ကားက အထုပ်ထည့်ဖို့နေရာသေးမယ်ထင်လို့ ပိုကြီးတဲ့ Chevrolet Suburban ဆိုတဲ့ ၈ ယောက်စီး SUV ကို ငှားဖြစ်ပါတယ်။ ကားက အတော်ကြီးပါတယ်။ Lexus LX 570 ထက်ကို ၂ ပေလောက် ပိုရှည်တာပါ။ ရှည်တော့ မောင်းရခက်မှာစိုးလို့ ဘွတ်ကင်လုပ်စဉ်ကထဲက မရွေးထားတာ။
အရင်ရွေးထားတဲ့ Dodge Grand Caravan ဆိုတဲ့ Minivan က ၇ ယောက်စီးကားဖြစ်တဲ့အတွက် လူကြီး ၅ ဦးနဲ့ ကလေး ၁ ဦးအတွက် ထိုင်ဖို့က ကောင်းကောင်းလုံလောက်ပေမယ့် အထုပ်ကျတော့ နေရာအများကြီးမရှိဘူး။ အိတ်ကြီး ၃ လုံးနဲ့ အိတ်သေး ၂ လုံးလောက်ပဲ ဆံ့တယ်။ ဒါနဲ့ပဲ အထုပ်ပိုဆံ့တဲ့ ကားကိုပဲ မဖြစ်မနေရွေးခဲ့ရတယ်။
ကားငှားခ၊ အာမခံကြေးနဲ့ အထွေထွေစုစုပေါင်း ၇ ရက်စာကို ၁,၃၆၀$ ကျသင့်ပါတယ်။ တရက်ကို ၁၉၅ $ ဝန်းကျင် မြန်မာငွေ ၂၆၅,၀၀၀ လောက် ကျတာပါ။

#မောင်းခဲ့သမျှ
ဟိုင်းဝေးအနေနဲ့ဆိုရင် စုစုပေါင်း မိုင်တစ်ထောင်ကျော် မောင်းခဲ့ပါတယ်။ မြို့တွင်းကလည်း မိုင် ၂၀၀ ဝန်းကျင်လောက် မောင်းခဲ့ပါတယ်။

ဟိုင်းဝေးတွေကတော့ ...
၁၈ ရက်နေ့ညမှာ Mexico နယ်စပ်က Las Americas Premium Outlet ကနေ Dessert Hill Premium Outlet ရှိတဲ့ Banning ဆိုတဲ့ မြို့လေးကို မိုင် ၁၅၀၊ မောင်းချိန် ၂ နာရီ ဝန်းကျင် မောင်းခဲ့ပါတယ်။

၁၉ ရက်နေ့ညမှာတော့ Dessert Hill Premium Outlet ကနေ Las Vegas မြို့ထဲက MGM Grand Hotel အထိ အကွာအဝေး၂၅၄ မိုင်၊ မောင်းနှင်ချိန် ၄ နာရီခန့် မောင်းခဲ့ပါတယ်။

၂၁ ရက်နေ့ နေ့ခင်းမှာတော့ Las Vegas ကနေ Los Angeles အထိ အကွာအဝေး ၂၈၂ မိုင်၊ မောင်းနှင်ချိန် ၄ နာရီကျော် မောင်းခဲ့ပါတယ်။

၂၂ ရက်နေ့ ညမှာတော့ Los Angeles ကနေ San Francisco မရောက်ခင် Los Banos မြို့လေးနား ဟိုင်ဝေးလမ်းဘေးက မိုတယ်လေးအထိ အကွာအဝေး ၂၇၃ မိုင်၊ မောင်းနှင်ချိန် ၄ နာရီကျော် မောင်းခဲ့ပါတယ်။

ပြန်မယ့်ရက်ဖြစ်တဲ့ ၂၃ ရက်နေ့မှာတော့ Los Banos ကနေ San Francisco အထိ အကွာအဝေး ၁၁၄ မိုင်၊ မောင်းနှင်ချိန် ၂ နာရီကျော် မောင်းခဲ့ပါတယ်။

#အဆင်ပြေတဲ့စနစ်
ဆန်ဒီယေဂိုလေဆိပ်ရောက်တော့ လမ်းညွှန်ဆိုင်းဘုတ်တွေကြည့်ပြီး လေဆိပ်နဲ့ ကားအငှားစင်တာကို အခမဲ့ကြိုပို့လုပ်ပေးတဲ့ Shuttle Bus စီးခဲ့ကြပါတယ်။ အဲဒီ့ရောက်မှ ကားရွေးပြီး ဟိုတယ်ကို မောင်းခဲ့ကြတာပါ။
အဲဒီ့လိုပဲ အပြန်ကျတော့ ဆန်ဖရန်စစ္စငိုလေဆိပ်နားက ကားအငှားစင်တာမှာ ကားပြန်အပ်ပြီး လေဆိပ်နဲ့ချိတ်ဆက်ထားတဲ့ Shuttle Train စီးပြီး ကိုယ်သွားမယ့် Terminal မှာ ဆင်းရတာပါ။

#အခက်အခဲတွေ
#ပထမအခက်အခဲက Navigator သုံးတာ အကျွမ်းတဝင်မဖြစ်တာ။
ကားကို စငှားပြီး မောင်းထွက်လာတော့ ကားခဏ(၁၀ မိနစ်)ရပ်ပြီး Navigator ချိန်ဖို့ ပါကင်ရှိပါတယ်။ ဒါပေမယ့် နေရာမရတာရယ်၊ စည်းကမ်းမဲ့ မရပ်ရဲတာရယ်ကြောင့် ဖုန်းကနေပဲ Google Map ရဲ့ Navigation စနစ်အတိုင်း မောင်းပြီး ဟိုတယ်ကို သွားခဲ့ပါတယ်။ Google Navigator ကို သုံးနေကြမဟုတ်တော့ လမ်းခွဲတွေမှာ တိုင်ပါတ်ပြီး လမ်းတွေအရွေးမှားပါတယ်။ ဒါပေမယ့် ဟိုတယ်ကို ချောချောမောမောရောက်သွားပါတယ်။ ဟိုတယ်မှာ အခန်းရဖို့စောင့်၊ ခဏနားပြီး ညနေကျတော့ Colorado beach ကို သွားကြပါတယ်။

ကားရဲ့ Navigator ကို စသုံးကြည့်ပါတယ်။ Google Navigator ကို လည်း တပြိုင်တည်းသုံးနေပါတယ်။ နည်းနည်းမောင်းပြီးတဲ့အချိန်မှာ စပြီးဒုက္ခရောက်တာပါ။ Navigator နှစ်ခုက ပြတဲ့လမ်းကြောင်းက မတူပါဘူး။ ဒါနဲ့ပဲ Google ကိုပဲယုံစားမယ်ဆိုပြီး Google ညွှန်တဲ့အတိုင်းမောင်းတာ ဒုက္ခရောက်တော့တာပါပဲ။ တကယ့်မြေပြင်မှ ဂငယ်ကွေ့ ကွေ့မရတာကို ကွေ့ခိုင်းတယ်။ ဘယ်ကွေ့ပိတ်ထားတဲ့လမ်းကို ဘယ်ဘက်ကွေ့ခိုင်းပါတော့တယ်။ အဲ့ဒါနဲ့ ကြုံရာမောင်းပြီး ကားခဏမှေးရပ်လို့ရတဲ့နေရာ ရှာရပါတော့တယ်။ ရပ်ပြီးတော့မှ Google ကိုပိတ်၊ Car Navigator ကို ပြန်ဖွင့်ပြီး ကိုယ်သွားမယ့် လိပ်စာရှာရိုက်ပါတယ်။ ဒါပေမယ့် အိမ်နံပါတ်က ထည့်မရပါဘူး။ (နောက်ရက်ကျမှ ကိုယ်ဘာမှားလဲ ပြန်သိတယ်) အိမ်နံပါတ်မရလဲ အဲ့ဒီ့လမ်းတော့ ရောက်မှာပဲဆိုပြီး ကားကညွှန်တဲ့အတိုင်း မောင်းခဲ့ပါတယ်။ လမ်းညွှန်လည်းဆုံးရော ကိုယ်သွားချင်တဲ့နေရာ မဟုတ်ပြန်ပါဘူး။ Google Navigator ကိုလည်း မယုံရဲ၊ Car Navigator ကလည်း အဆင်မပြေ ဖြစ်နေပါတယ်။ (အမှန်က ကိုယ်မသုံးတတ်သေးတာ) ဒါနဲ့ပဲ ဟိုစမ်း ဒီစမ်းနဲ့ ကားရဲ့မြေပုံပေါ် ကိုယ်သွားချင်တဲ့နေရာကို ရှာပြီးတော့ လက်နဲ့ထောက် (Google Map နဲ့တိုက်စစ်) ပြီးတော့ ကားကလမ်းညွှန်တဲ့အတိုင်း မောင်းတာ ကမ်းခြေကိုချောချောမောမော ရောက်သွားပါတယ်။ ကမ်းခြေမှာ ဓါတ်ပုံရိုက်ပြီးတော့ ဟိုတယ်ကိုပြန်တော့ ဖြောင့်ဖြောင့်တန်းတန်း တခါတည်းပြန်ရောက်ပါတယ်။

#ဒုတိယအခက်အခဲက ကိုယ်ကလမ်းမသိလို့ မြေပုံကြည့်ပြီး ဖြေးဖြေးလှိမ့်မယ်လို့ စဉ်စားသွားတာ လုံးဝနှေးလို့ မရပါဘူး။ အားလုံးက သတ်မှတ်မိုင်နှုန်းရဲ့အထက်မှာ မောင်းကြပါတယ်။ မြို့ထဲ လမ်းသေးတွေတောင် ၂၅ မိုင် (၄၀ ကီလို) ပေးမောင်းပါတယ်။ နည်းနည်းကျယ်တာနဲ့ ၃၅ မိုင် (၅၆ ကီလို) ပါ။ မြို့ထဲက Free Way အများစုက ၅၅ မိုင် (၈၈ ကီလို) ကနေ ၆၅ မိုင် (၁၀၄ ကီလို) ပေးမောင်းပါတယ်။ ကိုယ်ကနှေးနေရင် သတ်မှတ်တဲ့အတိုင်းမောင်းရင်တောင် နောက်ကကားက ဖင်လာတေ့နေပါပြီ။ သူတို့ရဲ့ ဓလေ့လားတော့ မသိပါဘူး။ အခြားလမ်းက ကျော်မတက်ပဲ နောက်ကတွန်းတော့တာပါပဲ။ မဖယ်မှ အတော်စိတ်မရှည်မှ အခြားလမ်းက ကျော်သွားပါတယ်။ ကိုယ်လည်း မမောင်းချင်လည်း အမြန်မောင်းရပါတယ်။ ဒါကြောင့်လည်း Navigator နဲ့ အသားမကျခင် ခဏခဏလမ်းမှားတာပါ။

#မောင်းချက်ကလန်ထွက်
ဟိုင်းဝေးလမ်းတွေမှာ မိုင် ၇၀ (၁၁၂ ကီလို) အထိ ခွင့်ပြုပါတယ်။ ကိုယ်လည်း ၂ ရက်လောက်နေလို့ တဖြေးဖြေး အသားကျလာတဲ့အချိန် မိုင် ၆၀ ကနေ မိုင် ၇၀ နှုန်းမောင်းပါတယ်။ ဒါပေမယ့် မိုင် ၆၀ ကျော်လောက်နဲ့ မောင်းတာတောင် ပေ ၄၀ ကျော်လောက်ရှိတဲ့ ကွန်တိန်နာကားတွေ၊ ဆီဘောက်ဆာ ကားအရှည်ကြီးတွေက ကိုယ့်ကို ကျော်တက်ကုန်ပါတယ်။ 😩😩😩 ကြောက်ကြောက်နဲ့ပဲ သူတို့ထက်မြန်အောင် မိုင် ၇၀ ဝန်းကျင် မောင်းရပါတော့တယ်။ အဲ့ဒီ့နေ့အထိ ကိုယ်ကျော်တက်နိုင်တဲ့ကားက လက်ချိုးရေလို့ ရပါတယ်။
Las Vegas ကနေ Los Angeles ကို မောင်းတာ့ ကိုယ်လည်း ၃ ရက်မြောက်မောင်းတာ ဖြစ်တာရယ်၊ နေ့ခင်းဘက်လည်းဖြစ်တာရယ်ဆိုတော့ ၇၅ မိုင်အထက်မှာပဲ မောင်းပါတယ်။ အမြင့်ဆုံးမောင်းတာကတော့ မိုင် ၉၀ (၁၄၄ ကီလို) နှုန်းပါ။ ဒါပေမယ့် မိုင် ၈၀ (၁၂၈ ကီလို) လောက် မောင်းနေတဲ့ အချိန်မှာကို ကိုယ့်ကားကို ဝူးခနဲ ဝေါခနဲကျော်သွားတာ ကားတွေတင်မကဘူး။ ဆိုင်ကယ်တွေပါ ပါပါတယ်။ 😳😳😳 မောင်းတဲ့အရှိန်က မိုင် ၁၀၀ (ကီလို ၁၆၀) နှုန်း လောက် ရှိမယ်ထင်ပါတယ်။ ကိုယ်လည်း ငယ်ငယ်က ဆိုင်ကယ်ကြိုက်ခဲ့သူဆိုတော့ သွားရည်တွေယိုတာပေါ့ 😍😍😍

#အတုယူစရာတွေ အများအပြားလည်း မြင်ခဲ့ပါတယ်။
#ပထမအချက်က စည်းကမ်းပါ။ အမြန်မောင်းကြတယ် ဆိုပေမယ့် အားလုံးက ကိုယ့်လမ်းကြောင်းအတွင်းကပဲ မောင်းတာပါ။ လမ်းကြောင်းပြောင်းမယ်ဆိုရင် အချင်ပြမီး ပြကြပါတယ်။
မြို့တွင်း မီးပွိုင့်မရှိတဲ့ လမ်းဆုံတွေမှာ မျဉ်းသေပဲပေးထားရင် အရမ်းဖြတ်မမောင်းပဲ မျဉ်းသေမှာ ရပ်စောင့်ကြည့်ပြီးမှ မောင်းပါတယ်။ လမ်းဆုံမှာ ရပ်ပြီးတော့ ယာဉ်ကြောအသာရတဲ့သူက အရင်ထွက်မဟုတ်ပဲ ကိုယ်ဘာသာကိုယ် မှတ်ထားကြပြီး အရင်ရောက်တဲ့သူက အရင်ထွက်ကြပါတယ်။ အစက ကိုယ်ကမသိလို့ ကိုယ့်ယာဉ်ကြောက ဦးစားပေးမဟုတ်လို့ စောင့်နေတာ သူတို့က လက်ပြပြီးထွက်ခိုင်းပါတယ်။

#ဒုတိယအချက်က လူကို အရမ်းအလေးထားပါတယ်။ လူကူးမီးပွိုင့်စနစ်က စင်္ကာပူလိုပါပဲ။ ဘယ်ကွေ့၊ ညာကွေ့ကားတွေက လူနဲ့အတူတူ မီးစိမ်းတာဖြစ်တဲ့အတွက် လူကူးနေရင် စောင့်ရပါတယ်။ တခါတလေ လူကူးတာများနေရင် ကွေ့ကားတစ်စီးမှ ထွက်မရပါဘူး။ လူကမှားပြီး ကူးရင်တောင် ဟွန်းတီးတာမျိုး မရှိကြပဲ စောင့်ကြပါတယ်။ မျဉ်းကြားမရှိတဲ့နေရာတွေမှာ လူက ဘယ်လိုကူးကူး ကားက ရပ်စောင့်ပါတယ်။
ကားအချင်းချင်း လမ်းတောင်းရင် ပေးတာများပါတယ်။ တခါဆို Exit တစ်ခုမှာ လမ်းကြောအယူမှားသွားလို့ သူများလမ်းကို ကန့်လန့်ဝင်ရမလိုဖြစ်သွားတယ်။ အချက်ပြပြီး လမ်းတောင်းတာ အရှိန်နဲ့လာတဲ့ကားက ရပ်ပေးပါတယ်။ 😍😍😍

#တတိယအချက်က လမ်းရဲ့အင်္ဂါရပ်တွေပါ။
လမ်းဘေးအကာအရံတွေက ဟိုင်းဝေးရော၊ မြို့တွင်းဖရီးဝေးရော ပြည့်စုံပါတယ်။ သတ္တဝါတွေ၊ လူတွေတက်လာတာ၊ ဖြတ်လျှောက်တာ လုံးဝမရှိပါဘူး။ စိတ်ချလက်ချ မောင်းလို့ရပါတယ်။
လမ်းရဲ့အမှတ်အသားတွေကလည်း အတော်ပြည့်စုံပါတယ်။ Los Angeles ရောက်ခါနီး အချို့နေရာမှာ မျဉ်းကြောင်းတွေ ပျက်နေတာတော့ ရှိပါတယ်။ လမ်းညွှန်ဆိုင်းဘုတ်တွေကလည်း လူကြည့်လို့အဆင်ပြေတဲ့နေရာ၊ အဆင်ပြေတဲ့ အရွယ်အစားနဲ့ လုံလောက်တဲ့ အကွာအဝေးမှာ တပ်ဆင်ပေးထားပါတယ်။ အများအားဖြင့် လမ်းညွှန်အမှတ်အသားတစ်ခုကို နှစ်ကြိမ်ထက်မက ကြိုတွေ့ရပါတယ်။
ကြောင်မျက်လုံးလို့ခေါ်တဲ့ ရောင်ပြန်ပြားတွေကို အရောင်တွေပါ ခွဲသုံးပေးထားပါတယ်။ လမ်းအစွန်းနှစ်ဘက်က တစ်ရောင်၊ လိန်းတစ်ခုနဲ့ တစ်ခုအကြားက တစ်ရောင်ပါ။သင့်တင့်မျှတစွာတပ်ဆင်ထားတဲ့အတွက် လမ်းမက လုံလောက်တဲ့အလင်းရောင်ရှိတဲ့အတွက် ညဘက်လည်း မောင်းရတာ အဆင်ပြေပါတယ်။ ကားအတော်များများကလည်း မီးကြီးမထိုးကြပါဘူး။ အနီးမီးပဲ သုံးပါတယ်။ ကိုယ်က မျက်လုံးမကောင်းတော့ စိတ်ပူနေတာ (မြန်မာပြည်မှာဆို မတရားလင်းတဲ့ မီးပြောင်းတပ်ပြီး မီးကြီးထိုးမောင်းရတာ) ဘာမှ အခက်အခဲမရှိခဲ့ပါဘူး။ 👍👍👍
ပြီးတော့ အရေးပေါ်လမ်းတွေက လမ်းအစွန်း နှစ်ဘက်လုံးမှာ ရှိပါတယ်။ ဥပမာ ၈ လမ်းမောင်း (တစ်ဘက် ၄ လမ်း) ဆိုရင် ညာဘက်အတွင်းဆုံးလိန်းဘေးမှာ ၈ ပေလောက် ကျယ်တဲ့ လိန်းတစ်ခုရှိပါတယ်။ ထို့အတူ ဘယ်အစွန်ဆုံးလိန်း (လမ်းလယ်ကျွန်းကပ်လျက်) ဘေးမှာလဲ ၆ ပေ လောက်ကျယ်တဲ့ (အချို့နေရာတွေမှာတော့ ကျဉ်းသွားတယ်) အရေးပေါ်လမ်းတွေ ရှိပါတယ်။ ဒါပေမယ့် အဲ့ဒီ့လမ်းတွေကို အရေးပေါ် ခဏရပ်ဖို့ပဲ သုံးတာပါ။ တက်မမောင်းကြပါဘူး။ မောင်းလို့လည်း မရအောင် စီမံထားပါတယ်။ အဲ့ဒီ့လမ်းပေါ်တက်မောင်းရင် တာယာသံ အကျယ်ကြီးထွက်ပါတယ်။ တစ်ယောက်က အပေါ့သွားချင်လို့ ကပ်ရပ်တော့ သိတာပါ။

#စတုတ္ထအချက်က ပါကင်စနစ်ပါ။ ကျွန်တော်တို့ဆီမှာလည်း လုပ်သင့်နေပါပြီ။ လူအရမ်းစည်တဲ့ မြို့လယ်ခေါင်တွေတင်မက နေရာတိုင်းလိုလို လမ်းဘေးထိုးပြီး ကြုံရာနေရာရပ်လို့မရပါဘူး။ နေရာအတော်များများက ကားမရပ်ရပါဘူး။ ပေးရပ်တဲ့နေရာတွေတောင် အကန့်အသတ်အများကြီးနဲ့ပါ။ ဘယ်နေ့တွေ ဘယ်အချိန်တွေ ပေးမရပ်ပါဘူး။ ဘယ်နှစ်နာရီထက်ပိုပြီး ပေးမရပ်ပါဘူးဆိုတာတွေ ရှိပါတယ်။ Los Angeles ရဲ့ Luxury Shopping Area ဖြစ်တဲ့ Rodeo Drive မှာ လမ်းဘေးကားရပ်လို့ရတဲ့နေရာက တစ်နာရီပဲ ပေးရပ်လို့ အသဲအသန် မြန်မြန်လုပ်ရပါတယ်။ အဲ့ဒီ့နားမှာပဲ ကြာကြာရပ်လို့ရတဲ့ ကားပါကင်နေရာတွေရှိပါတယ်။ ဈေးကြီးပါတယ်။ ကိုယ်သွားမယ့်နေရာနဲ့ ဝေးနိုင်ပါတယ်။

ခြုံပြီးပြောရရင်တော့ အစပိုင်းမှာ အတော်လေး စိတ်ပင်ပန်းခဲ့ရပါတယ်။ ဒါပေမယ့် ခရီးဖော်မိတ်ဆွေတစ်ယောက်က Google Map ကို ဝိုင်းကြည့်ပေးတော့ အတော်ကို အဆင်ပြေသွားတာပါ။ ကျွမ်းကျင်လာတဲ့အချိန်မှာတော့ ပြန်ခဲ့ရပါပြီ။ အမေရိကမှာ ကားမောင်းမယ်ဆိုတဲ့ ဆန္ဒကတော့ ပြည့်မြောက်သွားပါ့ပီ။ 👍👍👍

နောက်တခေါက်တော့ ဖလော်ရီဒါပြည်နယ်က မီယာမီကမ်းခြေဘက် သွားမောင်းမလို့ စဉ်းစားထားပါတယ်။ စိတ်ဒုက္ခခံပြီး လိုက်ချင်ရင် ကြိုပြောထားပါ။ အမေရိကကမိတ်ဆွေကတော့ နောက်အခေါက်ဆို နောက်မှာ အိပ်ခန်း ၃ ခန်းပါတဲ့ တွဲကားမောင်းဖို့ အကြံပေးပါတယ်။ ပေ ၄၀ မကျော်ရင် မောင်းနှင်ခွင့် ရှိပါတယ်တဲ့ 💉💉💉

15/08/2017

စာမတတ်လို့ ဈေးရောင်းရတာလား?

ယနေ့လူအတော်များများလွဲနေကြတဲ့ ကိစ္စလေးတစ်ခုပေါ့။ မြန်မာနိုင်ငံမှာ အသက်မွေးဝမ်းကြောင်း တက္ကသိုလ်တွေ မမှီလို့ ဝိဇ္ဇာ သိပ္ပံလိုင်း ရွေးလိုက်ရလို့၊ ဘွဲ့မရလို့၊ ဘာမှ မလုပ်တတ်လို့ ဈေးရောင်းရတယ်ဆိုပြီး မြင်ကြတယ်။ 😢😢😢

အဲဒီ့မှာမှ Sales က Marketing ထက် နိမ့်တယ်ဆိုပြီး လက်လီအရောင်းဆိုင်တွေထက် လက်ကားဖြန့်ချီတဲ့ ကုမ္ပဏီတွေမှာ ပိုမိုဝင်ရောက် လုပ်ကိုင်လိုကြပါတယ်။ Sales နဲ့ Marketing ကိုလည်း ခွဲခြားမမြင်ကြပဲ အိမ်တကာလိုက်ပြီး Direct Sales လုပ်တာကို Marketing လို့ ပြောကြတယ်။ တဆင့်ပြန်လည်ရောင်းချပေးတဲ့ Resellers တွေ Dealer တွေကို လိုက်လံရောင်းချပေးရတဲ့ Channels Sales ကိုလည်း Marketing လို့ အလွယ် ခေါ်နေကြတယ်။ တကယ်က ဦးဆောင်သူနေရာက လုပ်ငန်းရှင်တွေ၊ မန်နေဂျာတွေကိုယ်တိုင်က နားမလည်တာကနေ အစပြူတာပါ။ 😂😂😂

ကိုယ်ပိုင်နိုင်ကျွမ်းကျင်တဲ့ Retail အကြောင်းပဲ ပြောပါမယ်။
ကျွန်တော့်ကိုယ်ပိုင်လုပ်ငန်းဖြစ်တဲ့ UNiQUE မှာ ဝန်ထမ်းပေါင်း ၃၀၀ နီးပါးရှိပါတယ်။ လက်လီအရောင်းလုပ်ငန်းပါ။ အရောင်းနဲ့ဆက်စပ်ဌာနတွေမှာ လူ ၁၃၀ ကျော်လောက် ရှိပါမယ်။ ဒါပေမယ့် အတော်များများလည်း ဘုမသိ ဘမသိ ဘာမှမလုပ်တတ်လို့ ရောက်လာတဲ့သူက ၉၀% ကျော်ပါလိမ့်မယ်။ 😅😅😅

လုပ်သက်ရင့်ပြီး အတွေ့အကြုံများသွား စာတတ်သွားသူ Senior Management အနည်းငယ်ကလွဲရင် အတော်များများက ကိုယ်လုပ်ရတဲ့အလုပ်ကို မိသားစု ပတ်ဝန်းကျင်အသိုင်းအဝိုင်းက လေးစားနားလည်အောင် ပြန်မရှင်းပြနိုင်ပါဘူး။ 😤😤😤

ဒီလိုအမြင်တွေ ဖြစ်နေရတာလဲ လက်လီလုပ်ငန်းအများစုဟာ အလွန်သေးငယ်တဲ့ မိသားစုလုပ်ငန်းအဖြစ်က မကြီးထွားလာတာ၊ အချို့ လုပ်ငန်းအတော်အသင့်အောင်မြင်လာသူအချို့က ပညာရေးမှာ ထပ်မံရင်းနှီးမြှပ်နှံဖို့ ပျက်ကွက်ခဲ့လို့ လုပ်ငန်းကြီးအဆင့်ကို မတက်လှမ်းနိုင်တာတွေကြောင့် ဖြစ်ပါတယ်။

ဒါတွေကို ပြောင်းလဲပစ်နိုင်ဖို့က စာများများဖတ်၊ သင်တန်းတက်၊ မိမိနဲ့ လျော်ညီတာတွေကို လက်တွေ့ပြန်လည်အသုံးချဖို့ လိုပါလိမ့်မယ်။ ယခင်ခေတ်အခြေအနေမှာဆိုရင် သင်တန်းကျောင်းတွေမှာတောင် Retail Sales Management ကို မသင်ကြားကြပါဘူး။ ယခုကာလမှာတောင် အတော်နည်းတဲ့ အရည်အတွက်ပဲ ရှိပါဦးမယ်။

ခက်တာက လက်လီလုပ်ငန်းစုကြီးတွေမှာ အကြံပေးအဖြစ် ဆောင်ရွက်ဖူးသူတွေ၊ လက်လီအရောင်းလုပ်ငန်းမှာ တာဝန်ထမ်းဆောင်ဖူးသူတွေကလွဲရင် သင်တန်းဆရာတွေကိုယ်တိုင်က လက်လီလုပ်ငန်းတွေနဲ့ နီးစပ်မှု မရှိကြပါဘူး။ တကယ်တန်း လက်တွေ့လောကမှာ လိုအပ်ချက်ရှိနေတာနဲ့ သင်တန်းဆရာရော၊ သင်တန်းသားရော အထင်တကြီးလေ့လာတက်ရောက်နေတာနဲ့က အတော်ကိုကွဲလွဲပါတယ်။ (ဝိုင်းဆဲနိုင်ပါပြီ)။ 😎😎😎

Retail မှာ အရာအားလုံး ဆက်စပ်ပါဝင်နေတာကို အင်တာနက်က ပုံလေးတွေနဲ့ ပြသပေးထားပါတယ်။ အမြည်းသဘောအနေနဲ့ ပြောရမယ်ဆိုရင် -
Retail လုပ်ငန်းမှာ လိုအပ်တာတွေကတော့
- Retail Location (ဘယ်နေရာမှာ ဆိုင်ဖွင့်မှာလဲ)
- Merchandising Management (ဘာတွေ ဝယ်ယူရောင်းချမှာလဲ)
- Store Layout (ဘယ်လို ခင်းကျင်းပြသမှာလဲ)
- Consumer Buying Behavior (ဝယ်ယူသူတွေရဲ့ အလေ့အထ)
- Customer Relationship Management (ဖောက်သည်တွေနဲ့ ထိတွေ့ဆက်ဆံရေး စီမံခန့်ခွဲမှု)
- Customer Service (ဖောက်သည် ဝန်ဆောင်မှု)
- Retail Pricing (လက်လီရောင်းဈေးနှုန်း သတ်မှတ်ခြင်း)
- Information Systems (ကွန်ပြူတာသုံး အချက်အလက်စနစ်)
- Supply Chain Management (ကုန်ပေးသွင်းရာကနေ စင်ပေါ်ရောက်တဲ့အထိ ဘယ်လိုစီမံမလဲ)

အများကြီး ကျန်ပါသေးတယ်။ (သိချင်ဝယ်ဖတ် 😜😜😜) ကိုယ်တိုင်လည်း အကုန်မလုပ်နိုင်သေးပါဘူး။ ဒါပေမယ့် အမြဲလိုလို ထပ်မံဖြည့်ဆည်းပါတယ်။ တိုးတက်အောင် ကြိုးစားပါတယ်။ မကြာခင်ကာလကပဲ Device Management က ဆရာကြီး ဦးတင်ဇံကျော် Tin Zan Kyaw စီစဉ်ပေးမှုနဲ့ ထိုင်းနိုင်ငံက CP Group ပိုင်တဲ့ 7 Eleven ဆိုင်တွေမှာ လက်တွေ့အသုံးချနေတဲ့ နည်းနာတွေကို လေ့လာခွင့်ရခဲ့ပါတယ်။ 🙏🙏🙏

အလားတူ သက်ဆိုင်ရာ စာအုပ်တွေ ဖတ်ပြီး လုပ်သင့်တာတွေထဲက လုပ်နိုင်တာတွေ စလုပ်ပါတယ်။ 💪💪💪
ဖတ်ထားတဲ့ စာတွေကို ဆောင်းပါးရေးမယ်ဆိုတာကတော့ အကောင်အထည် မပေါ်သေးပါဘူး။ ကိုယ်မရေးဖြစ်လို့ စာရေးကောင်းတဲ့ ဆရာကောင်းငြိမ်းစိုး Kaung Nyein Soe ကို ရေးပေးဖို့ တိုက်တွန်းထားပါတယ်။ 😊😊😊

အဓိက ပြောချင်တာက Retail Sales Management ဆိုတာ လွယ်လွယ်ကူကူမဟုတ်ကြောင်း၊ ပညာရပ်တစ်ခုဖြစ်ကြောင်း၊ စာမတတ် ပေမတတ် (ဘွဲ့ရတာနှင့် စာမတတ်ပါ) တွေပြောတာတွေ ခေါင်းထဲမထည့်ပဲ မိမိလုပ်ကိုင်နေသော အလုပ်မှာ လိုအပ်တာတွေ အမြဲတမ်း ထပ်မံဖြည့်ဆည်းရန်လိုကြောင်းပါ။

ကျော်ဆန်းဦး (ယူနစ်က်)
၁၃-သြဂုတ်-၂၀၁၇

ဘယ်တံဆိပ်နဲ့ ပြိုင်မှာလဲ**********************သူဌေးတစ်ယောက်ဆီ လူငယ်တစ်ယောက် ရောက်လာတယ်။ သူဌေးကို သူလုပ်ငန်းမှာ ငွေကြေးရှ...
10/07/2017

ဘယ်တံဆိပ်နဲ့ ပြိုင်မှာလဲ
**********************
သူဌေးတစ်ယောက်ဆီ လူငယ်တစ်ယောက် ရောက်လာတယ်။ သူဌေးကို သူလုပ်ငန်းမှာ ငွေကြေးရှယ်ယာထည့်ဖို့ ပြောပါတယ်။ သူမှာဖော်မြူလာရှိတယ်၊ မက်ဒေါ်နယ် ထက်ကောင်းတဲ့ ဟမ်ဘာဂါလုပ်နည်း၊ ကျိန်းသေရောင်းကောင်း စေရမယ်ဆိုတာ ပြောတယ်။ သူဌေးကမေးတယ်။ သူထက်ကောင်းတဲ့ စနစ်မင်းမှာရှိပြီလား၊ ပေါင်မုန့် တွေ၊ အသားတွေ အရည်အသွေး တစ်ခုတည်းဖြစ်နေတဲ့ သိုလှောင်မှု၊ စားသုံးသူကို နှုတ်ဆက်တဲ့အသံတောင် တစ်ပုံစံတည်း ဖြစ်နေတာ၊ ဆိုင်ခွဲသောင်းကျော်ကို တစ်ပုံစံတည်း ဖြစ်အောင် ထိန်းချုပ်ထားတဲ့စနစ်၊ ဆိုင်ပြင်ဆင်ပုံ ၊ နေရာရွေးပုံတောင် တစ်ပုံစံတည်းဖြစ်နေတာ စသည်ပေါ့။ လူငယ်ကတော့နားမလည်ရှာဘူး။ သူ့ မှာ ကမ္ဘာအကောင်းဆုံး ဟမ်ဘာဂါ ဖော်မြူလာ ရှိတာပဲ၊ ဘာလို့  စိတ်မဝင်စားလဲပဲ စဉ်းစားနေပါတယ်။

၂၀၁၁ က စစ်တွေ၊ မြောက်ဦး အလုပ်ကိစ္စနဲ့ သွားဖြစ်တယ်။ ရခိုင်မုန့် တီ ကြိုက်လို့  ဝင်စားတယ်။ စားရင်းနဲ့ ရန်ကုန်မှာ မင်းလမ်းနာမည်ကြီးတဲ့ အကြောင်းပြောမိတယ်။ ဆိုင်ရှင်ဒေါ်ကြီးက သူထက်ငါ့ မုန့် တီ ပိုကောင်းတာပေါ့၊ မုန့် တီဆိုတာ ငါးရွှေနိုင်နိုင် ထည့်မှကောင်းတာ၊ ရန်ကုန်မှာ ငါးရွှေ ပေါပေါဘယ်ရမလဲ၊ သူက စားပွဲနဲ့ ခုံကောင်းကောင်း ခင်းတာပဲ သာတယ်၊ ကံကောင်းလို့ ရန်ကုန်ရောက်သွားပြီး အောင်မြင်တာ လို့  ပြောရှာတယ်။ တခြားဘာကွာနေလဲ မစဉ်းစားဘူး။ ငါးရွှေထည့်ပြီး ဟင်းရည်ပဲကြိုးစား ချက်နေပါတယ်။ ခုဆိုပိုကွာ သွားလောက်ပြီ။

ကိုကာကိုလာက ပက်စီနဲ့ အရသာ ပိုကောင်းမကောင်း စစ်တမ်းကောက်တယ်။ လူတွေက ပက်စီအရသာ ပိုကြိုက်တယ်ပြောတော့ ဖော်မြူလာသစ် တီထွင်တယ်။ နယူးကိုလာ ဆိုပြီးနာမည်ပေးတယ်။ အရသာ စစ်တမ်းပြန်ကောက်တယ်။ ပက်စီထက် အရသာ ပိုကောင်းတယ်လို့  အဖြေထွက်တယ်။ ဈေးကွက်တင်တယ်။ မအောင်မြင်ဘူး။ နောက်ဆုံးအရင် ဖော်မြူလာအဟောင်း ကိုကာကိုလာပြန်ရောင်းမှ ဈေးကွက်ပြန်ရတယ်။ အရသာပိုကောင်းတိုင်း အောင်မြင်တာမဟုတ်ဘူး၊ နာမည်ဟောင်းကို လူတွေရဲ့  စိတ်အစွဲက ပိုရှိနေတယ်။

KFC မလာခင်၂၀၁၄ က အကိုဝမ်းကွဲ မိတ်ဆက်ပေးလို့ သူတို့ ရဲ့ ဥပဒေအကြံပေး တစ်ယောက်နဲ့ စကားပြောဖူးတယ်။ ကိုယ်က ပြောပြတယ်။ ဝင်မယ်ဆိုရင်မြန်မြန် ဝင်သင့်တယ်။ ဒီမှာ ကြက်ကြော် Franchise ဆိုင်တွေ ရောက်နေပြီ၊ အကုန်အောင်မြင်တယ်။ ဈေးကွက်ဦးနေပြီ ပြောတော့ သူက တစ်ခွန်းပြန်ပြောတယ်။ ငါတို့ လာရင် သူတို့  ဖယ်ပေးရမှာ၊ စိတ်ပူစရာမလိုဘူး၊ အရသာယှဉ်နိုင်လဲ တံဆိပ်ကိုယှဉ်လို့ မရဘူးတဲ့။

စီးပွားရေးတစ်ခုမှာ နည်းပညာ နဲ့ အရည်အသွေး တို့ ကို မိတ္တူကူးယူလို့ ရပေမယ့် စီမံခန့် ခွဲမှုနဲ့  တံဆိပ်ကို ယှဉ်နိုင်ဖို့ ခက်ပါတယ်။ အဓိက လုပ်ငန်းတံဆိပ် အပေါ် ယုံကြည်မှုပေါ့။ ဒီအတွက် ကမ္ဘာအဆင့် ကုမ္ပဏီတွေဟာ ကြောက်ခမန်းလိလိ ကြော်ငြာစရိတ်သုံးနေပါတယ်။

စီးပွားရေး လုပ်မယ်ဆို ထုတ်ကုန်ကောင်းတိုင်း ဈေးသက်သာတိုင်း မအောင်မြင်နိုင်ဘူး လို့  အကြံပေးချင်ပါ တယ်။ လူတွေ ရဲ့ အမြင်က ပိုအရေးကြီးပါတယ်။ ဒီတံဆိပ်ဆို ကောင်းတယ်မြင်အောင် တည်ဆောက်ဖို့ ၊ စနစ်တစ်ခုရှိဖို့ နဲ့ စီမံခန့် ခွဲမှုက ခေတ်သစ်မှာ ပိုအရေးကြီးလာပါပြီ။ မက်ဒေါ်နယ်ကို အပြိုင်ကျဲခဲ့တဲ့ ဖိလစ်ပိုင်က Jollibee ရဲ့ အောင်ပွဲကို အတုယူရပါလိမ့်မယ်။

အာဆီယံ လွတ်လပ်စွာကုန်သွယ်ခွင့် အသက်ဝင်တော့ပါမယ်။ ပြင်ဆင်ဖို့ အချိန်တောင် နည်းနေပါပြီ။ ဝင်လာပြီဆိုရင် ဗမာပြည်က ဘယ်လုပ်ငန်း တံဆိပ်နဲ့ ပြိုင်မှာလဲ။ ငါတို့  ပစ္စည်းကောင်းတယ်၊ အခုဈေးကွက် ရနေတယ် ဆိုတာလောက်နဲ့  လမ်းမဆုံးပဲ မြန်မြန်ပြင်မှ ကျွန်တော်တို့ ရှင်သန်ပါလိမ့်မယ်။.

credit .. Original uploder

Address

No 261, Pansodan Road, Kyauktada Township
Yangon
11182

Website

Alerts

Be the first to know and let us send you an email when Notes of Kyaw Sann Oo posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Notes of Kyaw Sann Oo:

Shortcuts

Share

Category