07/10/2024
Statement of Cash Flow
Statement of Cash Flow ဆိုသည်မှာ သတ်မှတ်ထားရှိသော အချိန်ကာလတစ်ခု အတွင်း လုပ်ငန်းအတွက်ငွေကြေးရရှိနိုင်သောအရင်းအမြစ်များနှင့် ၄င်းအရင်းအမြစ်များကို မည်ကဲ့သို့ ပြန်လည်သုံးစွဲထားသလဲဆိုသော အချက်ကိုဖေါ်ပြပေးမည့် financial report တစ်ခုဖြစ်သည်။ ၄င်းတွင် ငွေကြေးမဟုတ်သော အကြောင်းအရာများပါဝင်ခြင်း မရှိပေ။ Statement of Cash Flow သည်ငွေကြေးကိုအခြေခံ၍တင်ပြထားသော တင်ပြချက်တစ်ခုဖြစ်ပြီး ၄င်းတွင်ငွေကြေးလုပ် ဆောင်ချက် financial activities (၃)ခုပါဝင်သည်။ ၄င်းတို့မှာ operating activities, investing activities နှင့် financing activities တို့ဖြစ်သည်။ Statement of Cash Flow သည် Statement of Profit or Loss ကဲ့သို့ ပင်သတ်မှတ်ထားသောအချိန်ကာလတစ်ခုအတွင်းရှိ ကုမ္ပဏီ ၏စွမ်းဆောင်ရည် performance ကို မှတ်တမ်းတင်ပေးသည်။ သို့သော် Statement of Cash Flow တွင် ငွေကြေးမဟုတ်သည် စာရင်းအမျိုးအစားအားလုံးပါဝင်ပတ်သတ်ခြင်းမရှိပဲ အမှန်တကယ်လက်တွေ့ ရရှိလာသည့် ငွေကြေးတန်ဖိုးများကိုသာဖေါ်ပြပါရှိသည်။ Statement of Cash Flow သည် အရေးပါသော အောက်ဖေါ် ပြပါ မေးခွန်းများကို အဖြေထုတ်ပေးနိုင်ပါသည်။
(1)ဒီကာလအတွင်း ဒီငွေဘယ်နေရာက ရရှိလာခဲ့သလဲ။
(2) ဒီကာလအတွင်း ဒီငွေကြေးကို ဘာအတွက် အသုံးပြုခဲ့သလဲ။
(3) ဒီကာလအတွင်း အဘယ်အတွက်ကြောင့် ငွေလက်ကျန်အပြောင်းအလဲဖြစ်ရသလဲ။
Financial Statementsများကို ခွဲခြမ်းစိတ်ဖြာလေ့လာရာတွင် အမြတ်အစွန်းနှင့်ပတ်သတ်သော အချက်အလက်များနှင့်နှိုင်းယှဉ်လျင် cash flow information မှရရှိသော အချက်အလက်များသည် စာရင်းကစားရန် ခက်ခဲပါသည်။ အဘယ်ကြောင့်ဆိုသော် ၄င်းသည် accrual နှင့် other accounting principles များအပေါ်တွင်အခြေခံထားခြင်းမျိုးမဟုတ်ပဲ အမှန်တကယ်ရရှိသောငွေကြေး အဝင်/အထွက်အပေါ်တွင်သာအခြေခံထားသောကြောင့်ဖြစ်သည်။
ရင်းနှီးမြှပ်နှံသူများ၊ အကြွေးရှင်များ၊ မန်နေဂျာများသည် ကုမ္ပဏီ၏ပေးရန်တာဝန်များကို ပေးဆပ်နိုင်စွမ်းအားနှင့်စီးပွါးရေးအခွင့်အလမ်းများကိုရယူနိုင်ရန်အတွက် လိုအပ်သောဆုံးဖြတ် ချက်များချမှတ်နိုင်ရန်အတွက် Cash flow information ကိုအသုံးပြုပါသည်။ Cash flow information သည် လုပ်ငန်း၏ငွေဖြစ်လွယ်မှု(liquidity)၊ အကြွေးဆပ်နိုင်စွမ်းအား(solvency)နှင့် ဘဏ္ဍာရေး လည်ပတ်မှုအခြေအနေပြောင်းလွယ်ပြင်လွယ်လုပ်နိုင်စွမ်းရှိခြင်း(financial flexibility)တွေကို လေ့လာသုံးသပ်နိုင်ရန်အတွက် အသုံးဝင်ပါသည်။ statement of cash flow သည် သုံးစွဲသူများအတွက် အောက်ဖေါ်ပြပါမေးခွန်းများကို အဖြေထုတ်ပေးနိုင်စွမ်းရှိပါသည်။
စာရင်းကာလအစနှင့်အဆုံးတွင် ရှိသော cash and cash equivalents ခြားနားချက်သည် ဘာကြောင့်လဲ။
ငွေချေးစာချုပ်သို့မဟုတ်အစုရှယ်ယာများ ထုတ်ရောင်းခြင်းကြောင့် ရရှိလာသော ငွေကြေးများကို ဘာလုပ်ထားသလဲ။
လုပ်ငန်းသည် ၄င်း၏စက်ပစ္စည်းကိရိယာနှင့်အခြားလိုအပ်သော capital assets များကို မည်သို့ငွေရှာ၍ဝယ်ယူထားသလဲ။
လုပ်ငန်း၏အရှုံးအမြတ်စာရင်းတွင် အသားတင်အရှုံးပေါ်နေသော်လည်း အဘယ် အတွက်ကြောင့် အမြတ်ဝေစုခွဲဝေပေးနိုင်သလဲ။
လုပ်ငန်း၏ရုံးအဆောက်အဦးများအပေါင်ထားပြီးချေးယူထားသောငွေကြေးများကို ပြန်လည်ပေးဆပ်နိုင်စွမ်းရှိသလား/မရှိဘူးလား။
(ဆက်လက်ဖော်ပြသွားမည်ဖြစ်သောကြောင့် page ကို like and see first ပြုလုပ်ထားပေးကြပါရှင်)
