Htun Htun Naing

12/08/2026

ဒီနေ့ Facebook Reel တွေကြည့်ရင်းနဲ့ တကယ့်ကို ပါးစပ်အဟောင်းသား ဖြစ်သွားရတဲ့ ကြော်ငြာတစ်ခု တွေ့လိုက်ရပါတယ်။

Los Angeles က လူစည်ကားတဲ့ Sunset Boulevard နဲ့ Selma Avenue ထောင့်က ပေ ၃၀ မြင့်တဲ့ ဆိုင်းဘုတ်ကြီးပေါ်မှာ လူတစ်ယောက် ပိတ်မိနေတယ်ထင်ပြီး သွားလာနေတဲ့သူတွေက အရေးပေါ် ကူညီဖို့ ကြိုးစားကြတာပါ။

​နောက်မှ သိလိုက်ရတာက... ဒါ Netflix က သူတို့ရဲ့ ရုပ်ရှင်သစ် "The Last House" အတွက် လုပ်လိုက်တဲ့ သောက်သောက် လဲ မားကတ်တင်း နည်းဗျူဟာကြီး ဖြစ်နေတာပါ။

ဒါဟာ ပြီးခဲ့တဲ့ ဩဂုတ်လ (၆) ရက်နေ့ကနေ (၈) ရက်နေ့အထိ (၃) ရက်တိုင်တိုင် ဆိုင်းဘုတ်ပေါ်က အခန်းထဲမှာ လူတစ်ယောက်ကို အတည်တကျ နေထိုင်ခိုင်းပြီး Netflix က သူတို့ရဲ့ ရုပ်ရှင်သစ် "The Last House" ကို စိတ်ဝင်စားအောင် လုပ်လိုက်တဲ့ မားကတ်တင်း နည်းဗျူဟာကြီး ဖြစ်နေတာပါ။

ဒါကို မြင်လိုက်ရတာနဲ့တင် ရုပ်ရှင်ကို ဘယ်လိုမှ မကြည့်ဘဲ မနေနိုင်တော့ဘျို့ Netflix တန်းဖွင့်ပြီး ကြည့်ဖြစ်သွားတော့တာပါပဲ။

​ဒီလို ကြော်ငြာမျိုးက ဘာလို့ ဒီလောက်ထိ ထိရောက်ပြီး Viral ဖြစ်သွားရတာလဲ?
​ဆန်းသစ်လွန်းတဲ့ Strategy အချက် ၃ ချက် ရှိပါတယ်

​၁။ ရိုးရှင်းတဲ့ ဗီဒီယို ကြော်ငြာတွေထက် ၁၀ ဆမက အာရုံစိုက်ခံရခြင်း (Eye-Catching)
ပုံမှန် ရုပ်ရှင်နမူနာ (Trailer) တွေဆို ဖုန်းစခရင်ပေါ်မှာ ကျော်ကြည့် (Skip) လေ့ရှိကြပေမဲ့ ပေ ၃၀ မြင့်တဲ့ လေပေါ်က ဆိုင်းဘုတ်မှာ လူတစ်ယောက် အိမ်မှာလိုမျိုး အိပ်၊ စား၊ သွားလာနေတာကို မြင်လိုက်ရတဲ့အခါ ဘယ်သူမှ မရပ်ဘဲ မနေနိုင်ကြတော့ပါဘူး။

​၂။ အခမဲ့ ကူညီကြော်ငြာပေးစေခြင်း (Word of Mouth / Viral)
ဒီလို ထူးထူးခြားခြား မြင်ကွင်းကိုတွေ့တော့ လမ်းသွားလမ်းလာတွေက ဖုန်းနဲ့ ရိုက်ပြီး Facebook, TikTok, Instagram ပေါ် "လေပေါ်က ဆိုင်းဘုတ်မှာ လူတစ်ယောက် တကယ်နေနေတယ်" ဆိုပြီး တင်ကြပါတယ်။ Netflix က ကြော်ငြာခ အပိုမကုန်ဘဲ ကြည့်ရှုသူတွေရဲ့ လက်နဲ့တင် တစ်ကမ္ဘာလုံး ပြန့်သွားတာပါ။

​၃။ ရုပ်ရှင်ရဲ့ အငွေ့အသက်ကို အပြင်မှာတင် ခံစားစေရခြင်း (Immersive Experience)
"The Last House" ဆိုတဲ့ နာမည်အတိုင်း လေပေါ်က အခန်းလေးရဲ့ ပုံစံနဲ့ တိုက်ရိုက် ချိတ်ဆက်ပြလိုက်တာကြောင့် ရုပ်ရှင် မကြည့်ရသေးခင်မှာတင် စိတ်ဝင်စားမှုကို အဆုံးစွန်ထိ ဆွဲတင်ပေးလိုက်နိုင်ပါတယ်။

​မားကတ်တင်းရဲ့ အဓိက သဘောတရားဆိုတာ "ပိုက်ဆံအများကြီး သုံးတာထက် လူတွေရဲ့ စိတ်ဝင်စားမှုကို ဘယ်လို အမိဖမ်းမလဲ" ဆိုတာပါပဲ။

Netflix ကတော့ ဒီဆိုင်းဘုတ်တစ်ခုတည်းနဲ့တင် တစ်ကမ္ဘာလုံးကို ဖမ်းစားသွားခဲ့ပါပြီ။

​ရုပ်ရှင်အကြောင်း အသေးစိတ် သိချင်ရင်တော့ ကိုယ်တိုင်သာ သွားကြည့်လိုက်ကြတော့နော်... တကယ်ကို အိုင်ဒီယာ လန်းလွန်းလို့ မျှဝေပေးလိုက်ပါတယ်။

စကားမစပ် ကျွန်တော် လည်း professional marketer တယောက်ပါ။

Idea လန်းတာတွေလိုချင်ရင်ပြောပါ။

အလကားတော့မရပါ 😂😂


​

10/08/2026

မြန်မာပြည်မှ အနာဂတ် ဥက္ကဋ္ဌလောင်းများ ရှာဖွေနေပါသည်-

“ဥက္ကဋ္ဌ” လို့ ခေါ်လိုက်တာနဲ့ မြန်မာပြည်မှာ (၁၀) ယောက်မှာ (၆) ယောက်က လှည့်ကြည့်ကြပါတယ်။ အဲဒီလို လှည့်မကြည့်တဲ့ ကျန်တဲ့လူတွေကတော့ အတွင်း ရေးမှူးနဲ့ အဖွဲ့ဝင်တွေပါပဲ။

ဒါကြောင့်မို့လို့၊ ဒီနိုင်ငံက “ဥက္ကဋ္ဌ” ရာထူးကို အင်မတန် မက်မောကြတဲ့သူတွေအတွက် အောက်ဖော်ပြပါ အသင်းကြီးတွေအတွက် “ဥက္ကဋ္ဌ” ရာထူးကို စတင်ခေါ်ယူနေပါပြီ။

ခေါ်ယူမည့် ဥက္ကဋ္ဌ ရာထူးများ-
1. 🍺 အရက်သမားများအသင်း ဥက္ကဋ္ဌ
◦ (အရည်အချင်း: တရက်ကို တပုလင်း အနည်းဆုံး ကုန်အောင်သောက်နိုင်သူ၊ အရက်ဆိုင်က ပြန်ရင် အိမ်ရောက်ကြောင်း အာမခံနိုင်သူ။)

2. ♠️ ဖဲရိုက်အသင်း ဥက္ကဋ္ဌ
◦ (အရည်အချင်း: ဖဲရိုက်ရင် ဘယ်သူ့ကိုမှ မနိုင်နိုင်ပေမယ့်၊ ဆက်တိုက် ကစားနိုင်စွမ်း ရှိသူ။)

3. 🎤 KTV သွားသူများ အသင်း ဥက္ကဋ္ဌ
◦ (အရည်အချင်း: တပတ်ကို အနည်းဆုံး ၃ ရက် KTV သွားနိုင်သူ၊ သီချင်းဆိုရင်း “အာ” ပါအောင် ဆိုနိုင်သူ။)

4. 🌿 ဆေးခြောက်ချသူများ အသင်း ဥက္ကဋ္ဌ
◦ (အရည်အချင်း: အေးအေးဆေးဆေးနဲ့ တနေကုန် “ငေါင်” နေနိုင်သူ၊ “ဆေးခြောက်” ဆိုတာကို သစ်ပင်လို ချစ်မြတ်နိုးသူ။)

5. 🙈 မိန်းမကြောက်ယောင်ဆောင်သူများ အသင်း ဥက္ကဋ္ဌ
◦ (အရည်အချင်း: မိန်းမရှေ့ရောက်ရင် “ရှော” ပြီး၊ သူငယ်ချင်းတွေရှေ့မှာတော့ “ဆရာကြီး” လုပ်နိုင်သူ။)

6. 🙀 ယောက်ျား ကြောက်ယောင်ဆောင်သူများ အသင်း ဥက္ကဋ္ဌ
◦ (အရည်အချင်း: ယောက်ျားရှေ့ရောက်ရင် “နွဲ့” ပြပြီး၊ သူငယ်ချင်းတွေရှေ့မှာတော့ “ခြင်္သေ့” လို ဟိန်းဟောင်းနိုင်သူ။)

7. 🤳 Social Media Celebrity အသင်း ဥက္ကဋ္ဌ
◦ (အရည်အချင်း: Follower (၁၀) ယောက်ရှိပြီး၊ Facebook ပေါ်မှာ တနေကုန် ပို့စ်တင်နိုင်သူ။)

8. 🗣️ အတင်းအဖျင်း ဖြန့်ဝေသူ အသင်း ဥက္ကဋ္ဌ
◦ (အရည်အချင်း: ဘေးအိမ်က အကြောင်းကို မိနစ် (၂၀) အတွင်းမှာ တရွာလုံးသိအောင် လုပ်နိုင်စွမ်း ရှိသူ။)

ဒါတင်ပဲလား? မဟုတ်ပါဘူး။

မြန်မာပြည်ရဲ့ ထူးခြားလှတဲ့ အသင်းအဖွဲ့စုံကို ထည့်သွင်းစဉ်းစားပြီး၊ နောက်ထပ် “ဥက္ကဋ္ဌ” နေရာတွေကိုလည်း တိုးချဲ့ခေါ်ယူနေပါသေးတယ်။ သင်တို့ရဲ့ စိတ်ကူးထဲက အသင်းတွေနှင့် ဥက္ကဋ္ဌ လုပ်ချင်တဲ့ သူတွေ ကို comment မှာရေးသွားပါ။

အားလုံး ဥက္ကဋ္ဌတွေဖြစ်နိုင်ကြပါစေ။

01/08/2026

ကမ္ဘာမပျက်သရွေ့ ကိုယ့်မှာပြန်ကြိုးစားခွင့်ရှိပါတယ်။

Follow your dream to make reality

23/07/2026

“Knowledge Sharing Session of BHM”

Topic: Unlocking the Opportunities

"Your opportunity to gain insights from our CEO and explore your future career possibilities."

Blue Horizon Management မှ ကျွန်တော်တို့ရဲ့ Chairman & Group CEO ဆရာဦးထွန်းထွန်းနိုင် မှ လူငယ်များအတွက် ရည်ရွယ်ပြုလုပ်ထားတဲ့ “Unlocking the Opportunities” Online Knowledge Sharing Session လေးကို ကျင်းပပြုလုပ်သွားမှာ ဖြစ်ပါတယ်။

ယခု Session မှာ လူငယ်များအတွက် အကျိုးရှိစေမည့်
အနာဂတ် Career အခွင့်အလမ်းများ လုပ်ငန်းခွင် အတွေ့အကြုံများနှင့် အတွေးအမြင်များ၊
Personal Growth အတွက် လိုအပ်တဲ့ Mindset များ၊ လက်တွေ့လုပ်ငန်းခွင်တွင် အသုံးချနိုင်မည့် Knowledge & Insights များကို မျှဝေဆွေးနွေးပေးသွားမှာ ဖြစ်ပါတယ်။

ထို့အပြင် Blue Horizon Management (Laos) တွင် ဖွင့်လှစ်ထားသော အလုပ်အကိုင်အခွင့်အလမ်းများနှင့် ပတ်သက်၍ HR Team နှင့် တိုက်ရိုက်မေးမြန်းနိုင်မည့် Q&A Session လည်း ပါဝင်သွားမှာ ဖြစ်ပါတယ်။

လူငယ်တွေရဲ့ Career Growth နှင့် Personal Development အတွက် အကျိုးရှိစေမည့် ဒီ Knowledge Sharing Session လေးကို ပါဝင်တက်ရောက်ဖို့ Blue Horizon Team မှ နွေးထွေးစွာ ဖိတ်ခေါ်လိုက်ပါတယ်။
________________________________________
About Our CEO

ဦးထွန်းထွန်းနိုင်သည် Blue Ocean Investment Company limited ၏ Chairman and Group CEO တစ်ယောက်ဖြစ်သည့်အပြင်၂၀၀၁ ခုနှစ်မှစတင်၍ ကိုယ်ပိုင်စီးပွားရေး စတင်လုပ်ကိုင်ခဲ့ပြီး ၂၀၁၁ ခုနှစ်တွင် မြန်မာနိုင်ငံ၏ ပထမဦးဆုံး Call Center အား စတင် တည်ထောင်ခဲ့သော စွန့်ဦးတီထွင် လုပ်ငန်းရှင်တစ်‌ယောက် ဖြစ်ကာ ဝန်ထမ်းဘဝမှ လုပ်ငန်းရှင်ဖြစ်လာကာ လက်ရှိတွင် ပြည်တွင်းပြည်ပ ကုမ္ပဏီ (၁၄) ခု ၌ ရင်းနှီးမြှုပ်နှံ မှုပြုလုပ်လျက် ရှိပြီး BOIL သည်ဝန်ထမ်းပေါင်း ၅၀၀ ကျော်ဖြင့် လည်ပတ်လျက်ရှိသည်။

စီးပွားရေးလုပ်ငန်းများအပြင် လူငယ်စွန့်ဦးတီထွင် လုပ်ငန်းရှင်များအသင်း ဖြစ်သော Myanmar Young Entrepreneur Association ကို ၂၀၀၁ ခုနှစ်စတင် တည်ထောင် သည့်အချိန်မှစ၍ ပါဝင်ဆောင်ရွက်ခဲ့ပြီ ဥက္ကဋ္ဌ တာဝန်ကို ၂၀၁၇ -၂၀၁၉ ထိတာဝန် ယူဆောင်ရွက်ခဲ့သည်။

Young President Organization Yangon Integrated Chapter Executive Committee တွင် ၅ နှစ် ကျော်တာဝန်ယူဆောင်ရွက်ပြီး ၂၀၁၈ -၂၀၁၉ တွင် Chapter Chair တစ်ယောက်အဖြစ် တာဝန်ထမ်းဆောင်ခဲ့သည်။

လက်ရှိတွင် Micro, Small and Medium Enterprise Development Association of Myanmar ၏ ဒုတိယဥက္ကဌ အဖြစ်လည်းကောင်း ၊ Myanmar-Israel Chamber of Commerce Industry and Innovation (MICCI) ၏ ဒုတိယဥက္ကဌ အဖြစ် လည်းကောင်း၊ Myanmar Digital Economy Association (MDEA) ၏ ဒုတိယဥက္ကဌ အဖြစ်လည်းကောင်း ၊ UMFCCI ၏ Central Executive Committee Member (CEC) အဖြစ်လည်းကောင်း စီးပွားရေး နှင့် လူမှုရေးဆိုင်ရာ အသင်းအဖွဲ့များတွင်လည်း အဓိက လုပ်ငန်းတာဝန်များ ကို ထမ်းဆောင်ရင်း စီးပွားရေးနှင့် လူမှုရေးအဖွဲ့အစည်း အသီးသီးတွင် စိတ်အားထက် သန် စွာ လုပ်ကိုင်နေသော လူငယ် စွန့်ဦးတီထွင်သူများကို အားပေးမြှင့်တင်ပေးခဲ့သည်။

ထို့ပြင် ဦးထွန်းထွန်းနိုင်သည် ၂၀၁၄ ခုနှစ်တွင် Gold Award for Corporate Social Responsibility Sector in ASEAN ICT Awards 2014 ဆုနှင့် The most Admired ASEAN Young Entrepreneur in ASEAN Business Awards 2014 ဆုများကို ရရှိခဲ့ပြီး ၂၀၁၅ ခုနှစ်တွင်လည်း နိုင်ငံတော်သမ္မတ၏ နိုင်ငံ့စွမ်းဆောင်ရည်ဆု (အလတ်စားဝန်ဆောင်မှု လုပ်ငန်း)နှင့် ASEAN China Young Entrepreneur 2015 ဆုများကိုလည်းရရှိ ထားသူ ဖြစ်ပါသည်။

ဦးထွန်းထွန်းနိုင်သည် ကိုယ်တိုင်လည်း စွန့်ဦးတီထွင် လုပ်ငန်းရှင်တစ်ယောက် ဖြစ်သည့် အလျောက် စီးပွားရေးနှင့် လူမှုရေးအဖွဲ့အစည်း အသီးသီးတွင် စိတ်အား ထက်သန် စွာ လုပ်ကိုင်နေသော လူငယ် စွန့်ဦးတီထွင်သူများကို အားပေးမြှင့်တင်ပေးနေသည့်အပြင် စွန့်ဦးတီထွင်လုပ်ငန်းများနှင့် ပတ်သက်သည့် TV show, Public talks and radio programs များတွင်လည်း ဦးဆောင်လမ်းပြနေသူတစ်ဦးဖြစ်ပါသည်။

________________________________________
Session Details

Date: Sunday, 26 July 2026
Time: 11:00 AM – 12:30 PM
Platform: Google Meet (Online)
________________________________________
How to Register

ပါဝင်လိုသူများအနေဖြင့် အောက်ပါ Registration Form ကို ဖြည့်ပြီး စာရင်းပေးသွင်းနိုင်ပါတယ်။

🔗 https://forms.gle/5fWm3vfGo5yd6W9N7

Registration ပြုလုပ်ပြီးပါက Google Meet Link နှင့် Session အသေးစိတ်အချက်အလက်များကို Blue Horizon Team မှ ပြန်လည်ပေးပို့ပေးသွားမှာ ဖြစ်ပါတယ်။

Learn. Share. Grow Together. Beyond the Horizon.

Email: [email protected]
Viber (Myanmar): +95 995 722 6613
WhatsApp (Laos): +856 20 5419 0633

www.bluehorizonasia.com
🏢 Blue Horizon Management Sole Co., Ltd.
📍 https://maps.app.goo.gl/s79sndMiLa

19/07/2026

Congratulations 🇪🇸. ရသင့်ပါတယ်။ တော်တော်ကြိုးစားရတာ

17/07/2026

Nice content from my team

ကမ္ဘာ့ဖလားကို ဆွတ်ခူးဖို့ Teamwork လိုသလို၊ BPO လုပ်ငန်းခွင် အောင်မြင်ဖို့လည်း အသင်းအဖွဲ့စိတ်ဓာတ်က အဓိကပါ!
World Cup ပြိုင်ပွဲကြီးမှာ နိုင်ငံအသင်းတစ်သင်း ချန်ပီယံဖြစ်ဖို့ဆိုတာ ထူးချွန်တဲ့ ကစားသမားတစ်ယောက်တည်း ရှိနေရုံနဲ့ မဖြစ်နိုင်ပါဘူး။ တစ်သင်းလုံးရဲ့ စည်းလုံးမှုနဲ့ အချိတ်အဆက်မိမိ ကစားနိုင်တဲ့ Teamwork ကသာ ဖလားကို ဆွတ်ခူးနိုင်မှာပါ။
ဒီသဘောတရားဟာ BPO လုပ်ငန်းခွင်နဲ့ အတိအကျ တူညီနေပါတယ်။ BPO မှာရော Teamwork က ဘာကြောင့် အဲဒီလောက် အရေးကြီးရတာလဲ?
‌Striker တစ်ယောက်တည်း ဂိုးသွင်းလို့မရပါဘူး (Every Role is Connected)
BPO မှာ Customer တွေနဲ့ တိုက်ရိုက်စကားပြောပြီး ပြဿနာဖြေရှင်းပေးရတဲ့ Customer Agents တွေဟာ အသင်းရဲ့ ရှေ့တန်းတိုက်စစ်မှူးတွေပါ။ ဒါပေမယ့် သူတို့ အတွက် Customer ဆီကနေ Satisfaction အပြည့်ရဖို့ ဆိုရင် တသင်းလုံးမှာ ရှိတဲ့ Teammate တွေ Leaders တွေရဲ့ ပံပိုးမှုတွေ ကူညီမှုတွေ အများကြီး လိုအပ်ပါတယ်။ အသင်းသားတွေ Company ရဲ့ Infrastructure တွေက System တွေ၊ Network တွေ မကျအောင် နောက်တန်းကနေ ကာကွယ်ပေးထားရပါတယ်။Trainer & QA တွေက Product Knowledge တွေ သေချာသင်ပေးပြီး၊ SOP တွေနဲ့အညီ ပြောဆိုနိုင်အောင် ကွင်းလယ်ကနေ ပံ့ပိုးပေးရပါတယ်။
Agent တစ်ယောက် ဘယ်လောက်တော်တော်၊ System Error ဖြစ်နေရင်၊ ဒါမှမဟုတ် သေချာ Training မရထားရင် အဲဒီ Call က အောင်မြင်မှာ မဟုတ်ပါဘူး။ ဒါကြောင့် Teamwork က အရေးကြီးတာပါ။
ပြီးတော့ Team Leaders ဆိုတာ အသင်းသားတွေရဲ့ အခက်အခဲတွေကို အရင်ဆုံး ဝင်ကူပေးရတဲ့ သူတွေပါ ။ Agents တွေKPI ပြည့်အောင် နောက်ကနေ Motivations တွေ ဖန်တီးပေးတဲ့ အကောင်းဆုံး Playmaker တစ်ယောက်ပါပဲ။
Managers တွေဆိုတာ Client နှင့် ကုမ္ပဏီရဲ့ Operation Team ကြားက Point of Contact ဖြစ်ပါတယ်။ Client ရဲ့ လိုအပ်ချက်တွေကို နားလည်သဘောပေါက်အောင် ခွဲခြမ်းစိတ်ဖြာပြီး လက်တွေ့လုပ်ငန်းခွင်မှာ အကောင်အထည်ဖော်ဖို့ စီမံကွပ်ကဲပေးရတဲ့ company ရဲ့ အကြီးဆုံး တာဝန်ယူရသူတွေ ဖြစ်ပါတယ် ပြီးတော့ လုပ်ငန်းတစ်ခုလုံးရဲ့ Overall Operations ကို တိုက်ရိုက် Management လုပ်ရသူ ဖြစ်ပါတယ်။ Daily operation အချက်အလက်တွေကို သုံးသပ်ခြင်း၊ Resource Management နှင့် Client တောင်းဆိုထားတဲ့ KPI ကို အပြည့်အဝရရှိစေအောင် အစရှိတဲ့မဟာဗျူဟာတွေ ချမှတ် အကောင်အထည်ဖော်ရသူတွေ ဖြစ်ပါတယ် ။
ပြီးတော့ BPO တွေမှာ ကုမ္ပဏီရဲ့ မဟာဗျူဟာမြောက် Strategic Vision တွေကို ချမှတ်သူကတော့ CEO ပါ ။သူဟာ လုပ်ငန်းလည်ပတ်ဖို့ လိုအပ်တဲ့ နည်းပညာ၊ လုပ်ငန်းခွင်နှင့် ရင်းနှီးမြှုပ်နှံမှုတွေ ကို စီမံပံ့ပိုးပေးတဲ့ အမြင့်ဆုံး Decision Maker ဖြစ်ပါတယ်။

ဒါကြောင့် BPO လုပ်ငန်းခွင်မှာ အားလုံးရဲ့ Teamwork နဲ့ ချိတ်ဆက်လုပ်ဆောင်ကြမှသာ customers တွေဆီကို အကောင်းဆုံးသော ဝန်ဆောင်မှုတွေကို ပေးစွမ်းနိုင်မှာ ဖြစ်ပါတယ်။

Email: [email protected]
Viber (Myanmar): +95 995 722 6613
WhatsApp (Laos): +856 20 5419 0633

www.bluehorizonasia.com
🏢 Blue Horizon Management Sole Co., Ltd.
📍 https://maps.app.goo.gl/s79sndMiLaPQZX9MA

14/07/2026

ဒီနေ့မနက် နိုးနိုးချင်းမှာပဲ တပည့်တွေဆီက ဖုန်းတွေ ဆက်တိုက်ဝင်လာပြီး Report လုပ်ကြပါတယ်။ ကျွန်တော့်ရဲ့ page က ဓာတ်ပုံနဲ့ နာမည်ကို အသုံးပြုပြီး Viber Fake Account တစ်ခုကနေ တပည့်တွေရဲ့ ဖုန်းဆီကို K Pay နဲ့ ပိုက်ဆံလွှဲခိုင်းနေလို့ပါတဲ့။

ကံကောင်းတာက တပည့်တွေက ကျွန်တော့်ရဲ့ Viber နံပါတ် အစစ်ကိုလည်း သိကြသလို၊ ကျွန်တော့်ဘက်က ဘယ်တော့မှ သူတို့ဆီက ပိုက်ဆံအလကား မတောင်းဘူးဆိုတာကို ရိပ်မိကြလို့ အလိမ်မခံလိုက်ရပါဘူး။ တကယ်လို့ သတိမထားမိတဲ့ တခြားမိတ်ဆွေတွေပါ အလိမ်ခံရမှာစိုးလို့ ချက်ချင်းပဲ အသိပေးတဲ့အနေနှင့် Post Alert လုပ်ခဲ့ပါတယ်။ ချက်ခြင်းဘဲ Profile ပုံပါချိန်းလိုက်ရတယ်။

ဒီနေရာမှာ တကယ့်ကို အံ့ဩချီးကျူးဖို့ကောင်းတာက ကျွန်တော် Social Media ပေါ်မှာ Post တင်ပြီး မကြာခင်မှာပဲ KBZ Bank / KBZ Pay က တာဝန်ရှိလူကြီးဖြစ်တဲ့ ညီလေးက ချက်ချင်း ဖုန်းဆက်လာပါတယ်။

ပြီးတော့ သူတို့ရဲ့ Fraud Team (လိမ်လည်မှုနှိမ်နင်းရေးအဖွဲ့) ကို ချက်ချင်း Action ယူခိုင်းပြီး အဲဒီလိမ်လည်နေတဲ့
အကောင့်တွေကို ပိတ်ပစ်ဖို့ စီစဉ်ပေးခဲ့ပါတယ်။ ပြဿနာတစ်ခုကို မြင်မြင်ချင်း စက္ကန့်ပိုင်းအတွင်း တုံ့ပြန်ဖြေရှင်းပေးတဲ့ KBZ Bank နှင့် KBZ Pay က တာဝန်ရှိသူပုဂ္ဂိုလ်များ၊ ကူညီပေးတဲ့ ညီလေးနဲ့ Fraud Team တစ်ခုလုံးကို ရင်ထဲကနေ အထူးကျေးဇူးတင်ရှိပါတယ်။ Customer Security ကို ဒီလောက်အလေးထားတာ တကယ့်ကို လေးစားမိပါတယ်ဗျာ။

အခုလို online လိမ်လည်မှုတွေက ဘယ်သူ့ဆီမဆို ရောက်လာနိုင်ပါတယ်။ ဒါကြောင့် အလားတူကြုံတွေ့ရရင် အောက်ပါအဆင့်တွေအတိုင်း လုပ်ဆောင်ဖို့ တိုက်တွန်းချင်ပါတယ် -

• KBZ Pay Team ထံ ချက်ချင်းအကြောင်းကြားပါ: သံသယဖြစ်ဖွယ် အကောင့်တွေ၊ လွှဲခိုင်းတဲ့ ဖုန်းနံပါတ်တွေကို KBZ Pay Team ဆီ ချက်ချင်း Report လုပ်ပါ။ သူတို့ဘက်က Fast Action နဲ့ ပိတ်သိမ်းပေးပါလိမ့်မယ်။
• Viber မှာ Report လုပ်ပါ: Viber မှာလည်း အဲဒီအကောင့်ကို "Fraud Account" သို့မဟုတ် "Spam" အဖြစ် Report ထုပြီး Block လုပ်လို့ ရပါတယ်။
• အမြဲ Check လုပ်ပါ: နီးစပ်သူပဲဖြစ်ဖြစ်၊ လုပ်ငန်းခွင်ကလူပဲဖြစ်ဖြစ် ဖုန်းနံပါတ် အစစ် ဟုတ်မဟုတ်နဲ့ တကယ်ပဲ လိုအပ်နေတာ ဟုတ်မဟုတ်ကို ဖုန်းဆက်ပြီး double-check သေချာလုပ်ပါ။

(📸 ပုံကတော့ ပြီးခဲ့တဲ့ 2026 KBZ Leadership Summit တုန်းက Guest Speaker အနေနဲ့ တက်ရောက်စကားပြောခွင့်ရခဲ့စဉ်က အမှတ်တရပုံရိပ်လေးပါ။ KBZ Management teamရဲ့ယုံကြည်မှုနဲ့ ဖိတ်ကြားမှုအတွက်လည်း ထပ်မံဂုဏ်ယူမိပါတယ် ခင်ဗျာ။)