Win Moh Moh Ko

Win Moh Moh Ko Insights | Stories | Growth I love to share the insights, experiences and stories that I've been experiences.

Passion on People and Organizational Development, Interested in Psychology and Organizational behaviors, culture and transformational change.

18/05/2026

I got over 50 reactions on my posts last week! Thanks everyone for your support! 🎉

P.S *** ၂၀၂၃ တုန်းက Shared by Moh page မှာ ရေးခဲ့ဖူးတာလေး…..အခုတလော လူတွေ တံဆိပ်ကပ်နေကြတာ တွေ့လို့ ပြန်လည် မျှဝေလိုက်ပါ...
17/05/2026

P.S *** ၂၀၂၃ တုန်းက Shared by Moh page မှာ ရေးခဲ့ဖူးတာလေး…..
အခုတလော လူတွေ တံဆိပ်ကပ်နေကြတာ တွေ့လို့ ပြန်လည် မျှဝေလိုက်ပါတယ်….’’

Labeling (တံဆိပ်တပ်ခြင်း)နဲ့ ကျမတို့ နေ့စဉ်ဘဝ

ကျမတို့တွေ ငယ်စဉ်ကတည်းက မိဘပေးတဲ့ နာမည်အပြင် ကျမတို့ရဲ့ ဝိသေသ လက္ခဏာတွေ အကျင့်စရိုက်တွေ ပေါ် မူတည်ပြီး တံဆိပ်တွေ ကပ်လေ့ ရှိတယ် ဝဝ ကစ်ကစ် တုတ်တုတ်လေး ဆို ဝတုတ်လေးတို့ သွက်သွက်လက်လက် ကလေးလေးဆို အသွက်တို့ အစွာတို့ အမျိုးမျိုးပေါ့လေ
ကျမငယ်ငယ်ကဆိုလည်း အဲ့လိုဘဲ ကျမ ငယ်ငယ်တုန်းက သိုင်းကားတွေ တရုတ် သိုင်းကွက်တွေကို သဘောကျပြီး မှန်ကြည့်ပြီး လျောက်လုပ်တာပေါ့ Cousin တွေထဲမှ ကျမက အသားအညိုဆုံး၊ကြိုက်တာက လိုက်လုပ်တာက တရုတ်သိုင်းကွက်ဆိုတော့ အဒေါ်တယောက်က ကျမကို ခေါ်တယ် တရုတ်ငချိတ်ပေါ့ (တရုတ်သိုင်းရူး အမဲကောင်မလေး) ပေါ့လေ
ကျောင်းမှာဆို မျက်နှာကလည်း အမြဲ ရုပ်တည်နဲ့ ဆိုတော့ ဝင်းမို့မို့ကို ဆိုတာနဲ့ “မာနကြီးတယ်” တခါထဲပါပြီးသားဘဲ အဲ့လိုတွေ ပြောခံရလည်း စိတ်မဆိုးကြဘူး
ဘာလို့လဲဆို ဒါတွေက လူနေမှုဘဝရဲ့ တစိတိတပိုင်း ပြောဆို ခေါ်ဆိုနေကြတာလေ
ကျမ အသက်ကြီးလာတဲ့ အခါ အထူးသဖြင့် ကျမ အသက်မွေးဝမ်းကျောင်းကို လုပ်လာတဲ့ အခါမှာ လူတွေဟာ တစ်ဦးအပေါ်တစ်ဦး အမြင်နဲ့ အထင်နဲ့ (တံဆိပ်ကပ်)labeling တွေ ပိုများလာတာ တွေ့ရတယ်။
ဒါပေမယ့် လူ့သဘောသဘာဝ အရ ကိုယ့်ကို အမြင်တစ်ခုနဲ့ တံဆိပ်ကပ်ခံရရင် မကြိုက်ကြပေမဲ့ သူများကိုဆို label တံဆိပ်တွေ ကပ်နေကြတုန်းဘဲ။ အထူးသဖြင့် ကောင်းတဲ့ တံဆိပ်ကပ်ရင် ဘာမှ မဖြစ်ပေမဲ့ မကောင်းတဲ့ တံဆိပ်ဆို မခံနိုင်ကြတော့ဘူး
တခါ မှတ်မိသေးတယ် ကျမ consulting လုပ်တဲ့ ကုမ္ပဏီတခုက HR က သူ့ရုံးကဝန်ထမ်းကို “စုန်းပြူး” တဲ့ ။
OMG ကျမတို့ HR ကိုယ်တိုင်က အဲ့လို မြင်နေမှတော့ သူများတွေ အဲ့တယောက် ကို ဘယ်လို မြင်မလဲ နော်…
တော်တော် ပြောပြလိုက်ရတယ် အဲ့လို တံဆိပ်တွေ မကပ်ဖို့… လူတွဟာ behavior တွေ characteristics တွေပေါ်မှာ လိုက်ကြည့်ပြီး တံဆိပ်ကပ်တယ် ဆိုပေမဲ့ တကယ်တမ်းမှာ တချို့လူတွေက အဲ့တံဆိပ်တွေကြောင့် ဘဝ သေသွားတာတွေ ရှိတယ်။
ကျမကတော့ အဲ့လိုတံဆိပ်ကပ်ခံထားရတဲ့ သူတွေ အများကြီးနဲ့ ပေါင်းဖူးတယ်။ သေချာလည်း အဲ့လို ရွေးပေါင်းတယ် ။
အခုရုံးမှာလည်း ဘယ်သူနဲ့မှ မတည့်တဲ့ ပွကြီး ဆရာကြီး ဆိုပြီး တံဆိပ်ကပ်ခံရတဲ့ ကျမတို့လို level တူ ဥရောပက နိုင်ငံခြားသား တယောက်ရှိတယ်။
ကျမနဲ့တော့ အဆင်ပြေတယ် မိတ်ဆွေတွေလိုဘဲ ကိုယ့်အပေါ်မှာလည်း လေးစားတယ် …
ဆိုလိုချင်တာက ကျမက အဲ့လို တံဆိပ်တွေကို တတ်နိုင်သလောက် ခွါကြည့်တယ် တကယ်တော့ လူသားချင်းတူတူပါဘဲ
အာ့ကြောင့် open-minded လေးနဲ့ စိတ်လေး ဖွင့်ပြီး ကြည့်တတ်ဖို့ဘဲ လိုတာပါ နော်…
ဒီအပတ်တော့ စာတွေဆို ပျင်းနေမှာဆိုးလို့ လူသဘော လူမနောလေး တင်ပေးချင်လို့ ရေးလိုက်မိပါတယ်။
ပေါ့ပေါ့ပါးပါး တစ်နေ့တာစာစုလေးပါပဲ။




Photo credit....

Last week was truly special. I facilitated a workshop titled "Beyond Teamwork" for PS Medical Hub and Travels at the Asi...
07/05/2026

Last week was truly special. I facilitated a workshop titled "Beyond Teamwork" for PS Medical Hub and Travels at the Asia Hotel Bangkok. It wasn't just about the theory of working together, but about how we can actually live those values in our daily work lives.

This was my first project back after my maternity break, and I couldn't have asked for a better experience. The room was filled with so much positive energy and engagement!

Thank you, Dr Yeemon Thant , for trusting me for this project. And a huge thanks to Ma Mandy for being an amazing guest speaker and supporting me through the session.
Grateful for this journey! ❤️

ပြီးခဲ့တဲ့ အပတ်က Client ဖြစ်တဲ့ PS Medical Hub and Travel အဖွဲ့အစည်းအတွက် Beyond Teamwork Mini Workshop သင်တန်းလေးပေးဖြစ်တယ်။
Teamwork ဆိုတာ နေ့တဓူဝ အလုပ်အတူ လုပ်တာထက် ပိုပါတယ်။
Maternity break ပြီး first project လေးလည်း ဖြစ်ပြီး ကျမကို ယုံကြည်စိတ်ချစွာ အပ်နှံတဲ့ ဒေါက်တာ ရည်မွန်သန့်နဲ့ guest speaker အဖြစ် ပါဝင်အားဖြည့်ပေးတဲ့ မသန့်သန့်ဇင် @ မMandy ကိုလည်း ကျေးဇူးတင်ပါတယ်။

🍀🍀🍀 အရည်အသွေးနှင့် အရေအတွက်🍀🍀🍀 Quality Vs Quantity 🍀🍀🍀 ကျမတို့ ဘဝမှာ ဒီ စကားလုံး ၂ ခု လုံးက ရင်းနှီးပြီးသား ဖြစ်မှာပါ။ န...
17/02/2026

🍀🍀🍀 အရည်အသွေးနှင့် အရေအတွက်
🍀🍀🍀 Quality Vs Quantity

🍀🍀🍀 ကျမတို့ ဘဝမှာ ဒီ စကားလုံး ၂ ခု လုံးက ရင်းနှီးပြီးသား ဖြစ်မှာပါ။ နေ့စဥ်မှာလည်း အမြဲလိုလို အသုံးပြုလေ့ ရှိကြတယ်။

🍀🍀🍀 အရည်အသွေးဆိုတာတော့ တစုံတခု၊ တစုံတယောက်၊ တစုံတရာမှာ ရှိနေတဲ့ ဂုဏ်သတ္တိကို ပြောတာ ဖြစ်ပြီး အရေအတွက်ကတော့ ရေတွက်လို့ ရတဲ့ ပမာဏကို ပြောခြင်း ဖြစ်ပါတယ်။ ၂ခုစလုံးက အရေးပါပါတယ်။

👁️👁️👁️ကျမအမြင်မှာ အရည်အသွေးနှင့် အရေအတွက် အဲ့ ၂ ခုဟာ ပြောင်းပြန် အချိုးကျတယ်လို့ ထင်ပါတယ်။

🧐🧐🧐 ဥပမာ အလုပ်တခု လုပ်တယ်ဆိုပါဆို့။
အရည်အသွေးရှိတဲ့ လူ ၃ ယောက် လုပ်တဲ့ အလုပ်ကို အရေအတွက်သာ များတဲ့ လူ ၁၀ ယောက်လောက် လုပ်နေရတာနှင့် ညီမျှတယ် ထင်လို့ ပါ။

💸💸💸 ဒါဆိုရင် ပိုက်ဆံ ဆိုရင်‌ရော..... အရေအတွက်များလေ ကောင်းလေပေါ့။ ဒါပေမဲ့ သင့်မှာ ရှိတဲ့ ၁၀၀၀ တန် အုပ် ပေါင်း ၁၀၀ ရာ ဟာ ၁၀၀၀၀ တန်အုပ် အုပ် ၁၀ အုပ် ရှိတဲ့ သူနှင့် ပမာဏချင်း အတူတူပါဘဲ။

🤎🤎🤎 ဒါကြောင့် ကိုယ်ကိုယ့်ကို အရေအတွက် များများရှိတယ် ထင်ရင်တောင် အဲ့အရေအတွက်က တကယ့် အရည်အသွေး ပြည့်မှီတဲ့ အရာတွေလား ဆိုတာ မေးစရာ ဖြစ်လာပါတယ်။

❤️❤️❤️အလားတူဘဲ...သင်ရဲ့ Facebook Account မှာ Friend မှာ ၁ဝ၀၀ ကျော် ရှိရင် ရှိမယ်။

❤️❤️❤️ အဲ့ထဲမှာက ကိုယ့်အတွက် အရေးအကြောင်းဆို၊ကိုယ်တကယ်လိုအပ်ပြီဆို၊ ကိုယ်နှင့် ရင်ဘတ်ချင်းနီးတဲ့သူ ဘယ်နှယောက် ရှိသလဲ။
အဲ့ဒါက အရေအတွက်နှင့် အရည်အသွေး ကွာဟမှု ဖြစ်ပါတယ်။

📊📊📊ကျမတို့ မြန်မာစကားမှာလည်း‌ ပြောလေ့ ရှိပါတယ်။ “လူများပြီး ပွဲမစည်ဘူး” ဆိုတာလေ... ကျမနားလည်သလောက်ဆို အရေအတွက်များတိုင်းလည်း ကောင်းတာ မဟုတ်ဘူးလို့ ရှေးလူကြီးတွေက ပြောခဲ့ပုံ ပေါ်ပါတယ်။

🥰🥰🥰 ကျမအတွက်တော့ အရည်အသွေးက အရေးပိုကြီးပါတယ်။
အရည်အသွေးပြည့်ဝတဲ့ အရာ အရေအတွက် များများစားစား ပိုဆိုင်ရင်တော့ အတိုင်းထက် အလွန်ပေါ့။

🍀🍀🍀 ဒီနေ့ခေတ်လိုများ အရာရာ ပေါပေါများများ (အရေအတွက်)တွေ များတဲ့ ခေတ်ကြီးမှာ သင်ရော ဘယ်အရာကို ပို တန်ဖိုးထားဖြစ်လဲ။ အရေအတွက် Quantity လား ??? အရည်အသွေး Quality လား???

Happy Valentine’s Day to all my supporters, followers and friends. ဒီ Post လေး တက်လာတဲ့ အချိန် မင်မင်ကတော့ ဆေးရုံမှာ လူ့...
14/02/2026

Happy Valentine’s Day to all my supporters, followers and friends.

ဒီ Post လေး တက်လာတဲ့ အချိန် မင်မင်ကတော့ ဆေးရုံမှာ လူ့လောကကြီးထဲ ဝင်ရောက်လာခါစ ကလေးလေး ၂ ယောက် နဲ့ ရှိနေလောက်မယ် ထင်
တယ်။

ဘယ် relationships မှာမဆို မေတ္တာတရား အပြည့်ပေးနိုင်တဲ့ ချစ်ချင်းဘာသာစကားတွေနဲ့ ဖော်ပြနိုင်တဲ့ ချစ်ရသူတွေနဲ့ အတူ ရှိနေမဲ့ Happy Valentine’s Day 2026 ဖြစ်ပါစေ နော်……


’s

ဒီ Post က အရင် Shared by Moh5066:2048:Shared by Moh] page မှာ ၂၀၂၄ တုန်းက တင်ဖူးပါတယ်။ ဟိုနေ့က ဘာလို့ နားရွက် ၂ ခု ရှိလာ...
08/02/2026

ဒီ Post က အရင် Shared by Moh5066:2048:Shared by Moh] page မှာ ၂၀၂၄ တုန်းက တင်ဖူးပါတယ်။

ဟိုနေ့က ဘာလို့ နားရွက် ၂ ခု ရှိလား ဆိုတာရဲ့ Post အဆက်လေး အနေနဲ့ ပြန်ဝလည် မျှဝေပေးလိုပ်ပါတယ်။

—————

သင် နားထောင်တတ်ပါသလား?

အဲ့လိုမေးရင် နားရွက်က ထောင်နေတာဘဲလေ လို့ ဟာသနှောပြီး ပြောကြမလား?

ဒါမှ မဟုတ် အင်းပါ နားထောင်နေတယ် လို့ လွယ်လွယ် ပြောကြမလား?

ကျမ soft skill လေး တွေလည်း သင်ပေးတဲ့ facilitator (trainer) တယောက် ဖြစ်နေတော့ တချို့ training/workshop တွေမှာ သင်တန်းသားတွေကို အမြဲ မေးဖြစ်တာက listening (နားထောင်တတ်ခြင်း) နဲ့ hearing (အသံကြားခြင်း) တူပါသလား ပေါ့?

Hearing ဆိုတာ ကျမ နားမှ တချို့ မည်သည့် အသံလိုင်းကို မဆို ကြားနေရခြင်း၊ ဥပမာ ကိုယ် အိမ်ထဲမှာ နေနေပေမဲ့ လမ်းပေါ်က ကားသံတွေ ကြားနေရတာမျိုးပေါ့။

Listening နားထောင်ခြင်းကတော့ hearing နဲ့ မတူဘူး။ အသံလိုင်းကနေတဆင့် တဖက်က ကြားတဲ့ အသံကို သေချာ လိုက်ခံစား ပုံဖော်ကြည့်တာ မျိုး၊ ဥပမာ သီချင်းနားထောင်တယ် ဆိုတာ သီချင်းကို ကြားနေရတာနဲ့ မတူဘူး။ လိုက်ခံစားပြီး နားလည်တတ်ဖို့ လိုပါတယ်။

နားထောင်ခြင်းက အရေးကြီးတယ်။
လုပ်ငန်းခွင်မှာသာမက ဘယ်နေရာမှာ မဆို၊ မိဘနဲ့ သားသမီးကြား၊ ဆရာနဲ့ တပည့်ကြား၊ ဇနီးမောင်နှံကြား၊ မောင်နှမကြား၊ သမီးရည်းစားကြား၊ သူငယ်ချင်း အချင်းချင်းကြားမှာပေါ့။

လုပ်ငန်းခွင်မှာလည်း communication ပြတ်လပ်တာ၊ အထင်လွဲတာ စတဲ့ ပြဿနာတွေ ဖြစ်ရတာ သေချာနားမထောင်တဲ့ အတွက် ဖြစ်ရတာပါ။

“The biggest communication problem is we do not listen to understand. We listen to reply,” လို့ Stephen Covey က ပြောခဲ့ပါတယ်။

နားထောင်တတ်ခြင်း listening skill ဆိုတာ ကိုယ်ရဲ့ အရေးကြီးတဲ့ soft skill ဖြစ်လာအောင် please listen to understand, not to respond ပါ။

နားထောင်တတ်ကြပါစေ…

🎉 Facebook recognized me as a consistent reels creator this week!
04/02/2026

🎉 Facebook recognized me as a consistent reels creator this week!

! 🍀🍀🍀ဒီနေ့ Thai Immigration ကို Visa သက်တမ်းတိုးဖို့ သွားခဲ့တယ်။ကိုယ်ရောက်သွားတဲ့အချိန်မှာ ကိုယ့်ရတဲ့ တိုကင်နံပါတ်က ၃...
29/01/2026



!

🍀🍀🍀ဒီနေ့ Thai Immigration ကို Visa သက်တမ်းတိုးဖို့ သွားခဲ့တယ်။
ကိုယ်ရောက်သွားတဲ့အချိန်မှာ ကိုယ့်ရတဲ့ တိုကင်နံပါတ်က ၃၀၈၀ ဖြစ်ပြီး Counter မှာ ခေါ်နေတာကတော့ ၃၀၂၀ ပဲရှိသေးတော့ လူ ၆၀ လောက် စောင့်ရမဲ့ အခြေအနေပါ။

🍀🍀🍀အဲ့ဒီအချိန် ကိုယ့်ရှေ့မှာ ထိုင်နေတဲ့ ထိုင်းလူမျိုး အန်ကယ်တစ်ယောက်က ကိုယ့်တိုကင်နံပါတ်ကို မေးလာတယ်။ ကိုယ်က ၃၀၈၀ လို့ ပြောလိုက်တော့ သူ့မှာရှိတဲ့ ၃၀၅၅ နဲ့ လဲပေးချင်တယ်လို့ ပြောလာပြီး တကယ်လည်း တိုကင်ကို လဲပေးခဲ့ပါတယ်။

🍀🍀🍀နောက်မှ သိရတာက သူ့ client က မရောက်သေးလို့ သူ့တိုကင်ကို စောင့်ထားရတာဖြစ်ပြီး အချင်းချင်း အကျိုးရှိအောင် လဲပေးလိုက်တာပါ။ တကယ့် Win-Win situation ပေါ့။

🍀🍀🍀ကိုယ့်လို ကိုယ်ဝန်ရင့်မာနဲ့ လူ ၆၀ လောက်ကို ၃ နာရီနီးပါး စောင့်ရမဲ့အစား လူ ၃၅ လောက်ပဲ စောင့်ရတော့တာကြောင့် အရမ်း ကျေးဇူးတင်ပြီး Appreciate ဖြစ်မိတယ်။

🍀🍀🍀တစ်ခါတလေ ကိုယ်က Win-Win လို့ တွေးပေမဲ့ တချို့လူတွေကတော့ Win-Lose ဆိုတဲ့အမြင်နဲ့ပဲ ကြည့်တတ်ကြတယ်။ သေးသေးလေး ကူညီပေးတာကို မြင်တတ်သူတွေရှိသလို စေတနာနဲ့ လုပ်ပေးထားတာကိုလည်း ကိုယ်မြင်ချင်တဲ့အပိုင်းတစ်ခုတည်းပဲ မြင်တဲ့သူတွေ ရှိတတ်တယ်။

🍀🍀🍀ဘယ်လိုပဲဖြစ်ဖြစ် ကိုယ့်စေတနာက ကိုယ့်ဆီ ပြန်လာမယ်ဆိုတာ ယုံကြည်ထားပြီး Win၊ Lose မစဉ်းစားဘဲ သေးသေးလေးကအစ Appreciate လုပ်တတ်ဖို့ လိုတယ်လို့ ထင်မိပါတယ်။

🍀🍀🍀အဲ့ဒီလိုလုပ်နိုင်မှ ကျမတို့ရဲ့ Society လေးက ပိုပြီး နွေးထွေး၊ ပိုပြီး ချစ်စရာကောင်းလာမယ်လို့ ယုံကြည်ပါတယ် 🤍🤍🤍🍀🍀🍀

✅✅✅ သင့်ရဲ့ Learning and Development Program ကို Management က "Yes" လို့ ပြောဖို့ ဘယ်လို Propose လုပ်မလဲ? ✍️✍️✍️✅✅✅ ဒီနေ...
28/01/2026

✅✅✅ သင့်ရဲ့ Learning and Development Program ကို Management က "Yes" လို့ ပြောဖို့ ဘယ်လို Propose လုပ်မလဲ? ✍️✍️✍️

✅✅✅ ဒီနေ့ခေတ်မှာ ကိုယ်တင်ပြတဲ့ Program တစ်ခုကို Approve ရဖို့ဆိုတာ "ကောင်းပါတယ်" ဆိုတဲ့ အကြောင်းပြချက်ထက် ပိုလိုအပ်လာပါပြီ။
Management တိုင်းက မေးလေ့ရှိတာက: "ဒါကို လုပ်ရင် ဘာပြန်ရမှာလဲ?" "ဘာကြောင့် ဒီအပေါ်မှာ Invest လုပ်သင့်တာလဲ?"
ယေဘုယျ အကြောင်းပြချက်တွေနဲ့ပဲ ဖြေနေတုန်းလား? 🤨🤨🤨🤨

✅✅✅ Management ဆိုတာ သူတို့ Invest လုပ်သမျှအပေါ် Return (အကျိုးအမြတ်) ပြန်ရချင်တာ သဘာဝပါ။
ဒါကြောင့် Professional တစ်ယောက်အနေနဲ့ ROI (Return on Investment) ကို တွက်ပြတတ်ခြင်းက သင့် Program ရဲ့ Value ကို မြှင့်တင်ပေးရုံတင်မကဘဲ သင့်ရဲ့ Professional Image ကိုပါ သိသိသာသာ တိုးတက်စေပါတယ်။ 🥇🥇🥇🥇

💡 💡💡ROI ဆိုတာ ဘာလဲ?
Financial နဲ့ Business Leaders တွေကြားမှာ ရင်းနှီးပြီးသားဖြစ်ပေမဲ့၊ အခုခေတ်မှာတော့ မည်သည့် Professional မဆို ROI ကို သိထားဖို့ လိုအပ်ပါတယ်။ 📈📈📈

✅✅✅အထူးသဖြင့် HR (L&D) နယ်ပယ်မှာ Dr. Jack Phillips ရဲ့ ROI Methodology ကြောင့် Training Program တွေရဲ့ Impact နဲ့ Value ကို ငွေကြေးပမာဏနဲ့ တိတိကျကျ တိုင်းတာပြလို့ ရနေပါပြီ။ 💰💰💰

🔄 🔁🔁Kirkpatrick Model vs. Phillips ROI Model
ဒီ Model 2 ခုက ဘာကွာပါသလဲ?? ROI အကြောင်း မပြောခင် အားလုံးရင်းနှီးတဲ့ Kirkpatrick Model (4 Levels of Evaluation) ကို အရင်ကြည့်ရအောင်။ 🏆🏆🏆
အောက်ဖော်ပြပါ အချက် ၄ ချက်ကို Kirkpatrick Model က တိုင်းပါတယ်။
1. Reaction: သင်တန်းသားတွေ စိတ်ကျေနပ်မှု ရှိရဲ့လား?
2. Learning: အသိပညာတွေ တကယ်ရသွားလား?
3. Behavior: လုပ်ငန်းခွင်မှာ ပြန်အသုံးချရဲ့လား?
4. Results: လုပ်ငန်းရဲ့ ရလဒ်တွေ တိုးတက်လာလား?

အဲ့ Model ၂ ခု ဘာကွာလဲဆို အောက်ဖော်ပြပါ ပုံကို ကြည့်ပြီး သိနိုင်ပါတယ်။

✅✅✅ အကယ်၍ သင်က ဒီအဆင့် ၄ ဆင့်ကို တိုင်းတာတတ်ရင် Dr. Jack Phillips ရဲ့ 5th Level ဖြစ်တဲ့ ROI ကို တွက်ချက်ဖို့ မခက်ခဲတော့ပါဘူး။ 🤝🤝🤝🤝

✅✅✅ Dr. Jack Phillips ရဲ့ Model က Kirkpatrick ကို အခြေခံထားပေမဲ့ ပိုမိုအသေးစိတ်ပြီး Monetary Value (ငွေကြေးတန်ဖိုး) အဖြစ် ပြောင်းလဲတွက်ချက်တာ ဖြစ်ပါတယ်။ 📈📈📈📈

✍️✍️✍️ မှတ်ချက်: ROI အထိ တိုင်းတာတော့မယ်ဆိုရင် Program ကို စတင် Design ဆွဲကတည်းက Data Collection Method တွေကအစ စနစ်တကျ ပြင်ဆင်ရပါတယ်။ Dr. Jack Phillips ရဲ့ Process မှာဆိုရင် ROI အဆင့်ထိရောက်ဖို့ စုစုပေါင်း အဆင့် (၁၂) ဆင့် ရှိပါတယ်။ 👍👍👍👍

🤔🤔🤔သင်ရော... သင် Invest လုပ်လိုက်တဲ့ Training တွေကနေ ကုမ္ပဏီအတွက် ဘယ်လောက်ထိ ငွေကြေးတန်ဖိုး ပြန်ရလဲဆိုတာ သိချင်ပါသလား?📈📈 📈

🧮🧮🧮လက်ရှိမှာရော ကိုယ့်ရဲ့ Training Program တွေကို ဘယ် Kirkpatrick ရဲ့ ဘယ် Level အထိ တိုင်းတာဖြစ်နေလဲ? Still level 1 or 2? ဘယ်အဆင့်က တွက်ရတာ အခက်ဆုံးလဲ? Comment မှာ ဆွေးနွေးကြည့်ကြရအောင်.........👇👇👇

Photo Credit- Source Google image

27/01/2026

Do you know why we have 2 ears 👂 👂and 1 mouth 👄?

Address

Yangon

Website

Alerts

Be the first to know and let us send you an email when Win Moh Moh Ko posts news and promotions. Your email address will not be used for any other purpose, and you can unsubscribe at any time.

Shortcuts

Share

Category