06/09/2025
Client - ကိုဟိန်း မောင်လေးရေ အစ်မ တိုင်ပင်ချင်တာလေး တစ်ခုရှိလို့ပါ။ စကားပြောလို့ ရလား မသိဘူး။
Me - ဟုတ်ကဲ့ အစ်မ ရပါတယ် ပြောပါခင်ဗျ
Client - အစ်မတို့ကတော့ Survey လိုအပ်လာရင် မောင်လေးကိုပဲ ခေါ်နေကြပါ။ အဆင်လဲ ပြေပါတယ်။ တစ်ခါတစ်လေကျတော့ လုပ်ငန်းကလဲ သေးသေးလေး ဖြစ်နေတော့ တစ်ရက်လောက်ပဲ တိုင်းဖို့ လိုတာမျိုးတွေ ရှိတော့ ကိုဟိန်းတို့ကို ခေါ်ရတာ အားနာလို့ပါ။ အစ်မတို့ Team မှာ Total Station တစ်စုံလောက်ဝယ်ပြီး Survey တိုင်းဖို့ ထားရင် ကောင်းမလားလို့ တိုင်ပင်ချင်တာပါ မောင်လေး။
Me - ကောင်းတာပေါ့ အစ်မ။ ကျွန်တော်တို့ကို ခေါ်ရတာထက် In House Survey Team ထားထားတော့ ပိုအဆင်ပြေတာပေါ့ အစ်မ။ ကုန်ကျစားရိတ်လဲ သက်သာသွားတာပေါ့။
Client - အစ်မ အသိတစ်ယောက်က Total Station တစ်လုံး ပြန်ရောင်းဖို့ရှိတာလေးလဲ ပြောထားတော့ အဲ့ စက်လေး ဝယ်ရင်လဲ သင့်တော်မလား ဆိုတာလေးလဲ တိုင်ပင်ချင်လို့ပါ။
Me - ရတယ် အစ်မ။ စက်အမျိုးအစားလေးနဲ့ ဈေးနှုန်းလေးများ သိလို့ရနိုင်မလားဗျ။
Client - စက်ကတော့ …… တံဆိပ်ပါ။ မော်ဒယ်က……။ …….နဲ့ ရောင်းမယ်လို့ ပြောလို့လေ။ အဝယ်မှားမှာလဲ စိုးရိမ်လို့ပါ။
Me - အာ… အစ်မပြောတဲ့ စက်အမျိုးအစား အဲ့ဈေးနဲ့ ရမယ်ဆိုရင် တန်တာပေါ့။ အချင်းချင်းမို့လို့ ဒီဈေးနဲ့ ပေးတာဖြစ်နိုင်တယ်ဗျ။ အပြင်မှာ ဒီအမျိုးအစားကို ဒီဈေးနဲ့ မရနိုင်ဘူးဗျ။
Client - သူကတော့ တစ်ဆိုဒ်လောက်ပဲ သုံးထားတာ။ နောက်ပိုင်း မသုံးဖြစ်လို့ သိမ်းထားတာ။ နားလည်တဲ့လူခေါ်ပြီး လာကြည့်ပါလို့တော့ ပြောတယ်။
Me - ရတယ် အစ်မ။ ကျွန်တော်အားရင်လဲ လိုက်ကြည့်ပေးပါ့မယ်။ ကျွန်တော် ခရီးလွန်နေခဲ့ရင်လဲ ရန်ကုန်မှာ ကျွန်တော့် Team ရှိပါတယ်ဗျ။
Client - အဲ့လိုဆိုရင် အဆင်ပြေတယ် မောင်လေး။ ကျေးဇူးလဲ တင်တယ်။ အစ်မတို့က အခုမှ စတိုင်းမှာ ဆိုတော့ အစ်မတို့ဆီက ဝန်ထမ်းတွေကို Training လေး လုပ်ပေးဖို့လဲ ကူညီပေးဦးနော်။ မောင်လေးအတွက်လဲ ဉာဏ်ပူဇော်ခလေး လုပ်ပေးပါ့မယ်။
Me - အာ….ရပါတယ်ဗျာ။ ပိုက်ဆံရယ်လို့ ပေးစရာ မလိုပါဘူး။ ကျွန်တော် တတ်နိုင်သလောက် လာကူညီပေးပါ့မယ်။ အခုမှ သိတဲ့လူတွေမှ မဟုတ်တာ။ ကျွန်တော်တို့ သိလာတာပဲ နှစ်ချီနေပြီ။ လိုအပ်တာသာပြောပါ။ ကျွန်တော့်ဘက်က တတ်နိုင်တဲ့အပိုင်း ကူညီပါ့မယ်။
Client - ကျေးဇူးကိုဟိန်းရေ။ အဲ့ဒါဆို အစ်မတို့ စက်သွားကြည့်ဖြစ်မယ့်ရက်လေး ကိုဟိန်းနဲ့ ပြန်တိုင်ပင်ပါ့မယ်။
Me - ဟုတ်ကဲ့ပါ အစ်မ။ လိုအပ်တာရှိရင် ဆက်သွယ်လိုက်ပါဗျ။
စာကြွင်း - သမုဒ္ဒရာ ရေ တစ်ယောက်တည်းသောက်လို့ မကုန်နိုင်ပါ။