29/11/2017
Стиг Ларсоны хамгийн алдартай зохиол болох гэмт хэргийн цуврал зохиолуудаас бүрдсэн "Меллиниум"ийн 3 цуврал нь түүнийг нас барсны дараа хэвлэгдсэн юм. Зохиолын эхний хэсэг болох “Луун шивээст охин” нь 2005 онд анх Швед хэлээр Mоn som hatar kүinnor (Эмэгтэйчүүдийг үзэн яддаг эрчүүд) нэрээр хэвлэгдэв. Үүний дараа 2008 оны 2 сард Их Британид англи хэлээр хэвлэгджээ. Хоёрдох зохиол болох “Галаар наадсан охин” 2009 оны 1 сард, гуравдахь цуврал буюу "Зөгийн үүр бусниулсан охин" нь 2009 оны 10 сард Их Британид, 2010 оны 5 сард АНУ-д тус тус хэвлэгдсэн ба 2013 оны 12-р сарын байдлаар түүний цувралууд дэлхий даяар 80 сая гаруй хувь борлогдсон байна.
, II (Millennium) товч тайлбар:
Компьютерын гарамгай мэргэжилтэн, няцашгүй Лизбет Саландер зорилгоо гүйцээх үүднээс бүх л зэвсгийг эзэмшиж сурна. Тэр ялзрал, завхрал, зүй бус үзэгдлийг ялангуяа эмэгтэйчүүд хүчирхийлүүлж, доромжлуулахыг огт тэвчихгүй, өршөөхгүй. Тэр хэзээ ч бууж өгдөггүй. Тэрээр хакерын гарамгай чадвараа ашиглан Millennium сэтгүүлийн сурвалжлагч Микаел Бломквистэд хүний наймаа, сексийн зах зээлийн нуугдмал хэргүүдийг илрүүлэхэд нь туслахаар шийддэг. Гэвч тэр нууц байрандаа бүгж байсан хэр нь гурван өөр аллагад сэжиглэгдэн, цагдаагийнханд мөрдөгдөж эхэлнэ. Түүнийг сэтгэцийн өвчтэй гэх нотлох баримт гарч ирээд зогсохгүй, аллагын зэвсгээс хурууны хээ нь олдоно. Саландерыг олох ганц арга бол компьютер. Гэвч тэр өөртэй нь холбогдох гэсэн ямар ч оролдлогыг няцааж, сүлжээг будилуулж чадна. Ямар ч ов мэх, шийдэл, халдлага түүнд үйлчилдэггүй. Түүнийг мөрдөгч Бубланскийн баг, Шведийн цагдаагийн хүчнийхэн мөшгөх зуур охин гэмт хэргийн сүлжээний хамсаатан болох туйлын хэрцгий эрийн олз болно. Ангуучид нь түүнийг авлахаас өмнө Саландер үнэнийг олж илрүүлэх ёстой болжээ.
Та энэхүү бүтээлийг 3-р хороолол эцэст байрлах “Эрдмийн Түлхүүр” бичиг хэргийн бөөний төвөөс худалдан авч уншаарай.
Захиалгын утас: +976 7014-0005
