Tasty сахарын пудр, какао, шоколад

08/03/2026

17/02/2026

Сар шинийн баярын мэнд хүргэе!
Морин жилдээ таны ажил үйлс улам өргөжин тэлж, амжилт бүтээл арвин байх болтугай.

31/12/2025

🥰🥰🥰😍😍😍

23/12/2025

Энэтхэг наан (гамбир) гэртээ хялбархан хийх жор

Энэтхэг хоолыг наангүйгээр төсөөлөх аргагүй билээ. Харин заавал шавар зуух гэхгүйгээр гэртээ хялбархан хийх жорыг энд орууллаа. Зарим энэтхэг хоолны газрууд ч бас ингэж хийдэг. :)

Орц:
•1/2 цайны халбага хуурай хөрөнгө (Саф-Левюр-н орос хөрөнгө их гоё болж байна лээ. Бүх дэлгүүрт байгаа)
•1/2 цайны халбага элсэн чихэр
• 1 аяга дээд эсвэл дээдийн дээд гурил
•1 хоолны халбага шинэ элгэн тараг (Шингэн уудаг таргаар гоё болохгүй байна лээ. Гэрийн нөхцөлд бүрсэн юм уу эсвэл гаднаас элгэн тараг аваад хийгээрэй)
•1 хоолны халбага хайлуулсан цөцгийн тос (Рама, маргарин энэ тэр онцгүй. Шар тос эсвэл ориг цөцгийн тос гоё болж байсан)
•5 цайны халбага хар гүнжидийн үр (Шар үрийг жоохон хуураад харлуулж болно шүү)
•Давс өөрийн мэдрэмжээр

Хийх арга:
1.Хөрөнгө, элсэн чихэрээ 10 хоолны халбага бүлээн усанд найруулаад, 5-7 минут таглаж тавьна.
2.Гурил, тараг, хайлуулсан масло, давс, хөрөнгө элсэн чихрийн холимогоо бүлээн усаар зууран зөөлөн нухсан гурил болгоно. Хатуу бол дэмий шүү. Гурил хүйтэн байвал халуун бүлээн усаар зуурч болно. 30-д минут хөөлгөнө. Жоохон хөөхөд л бараг болно доо.
3.Хөөсөн гурилаа 10 тэнцүү хэсэгт хуваана.
4.Гурилаа жоохон хуурай гурил цацаж хавтгайлж элдээд , дээр нь 1/2 цайны халбага хар гүнждийн үрээ цацна.
5.Плитка-гаа хамгийн халуун дээр нь тавьж наалддаггүй гадаргуутай хайруулын тавагаа халаана.
6.Эхлээд гүнждийн үртэй талаар нь 1 минут, дараа нь нөгөө талаар нь 1 минут хайрна. Плитка болгон өөр учир хэт түлэгдэх гээд байвал галаа багасгаж болно. Гэхдээ энэтхэг зоогийн газарт жоохон түлсэн өгдөг биз дээ.  Миний плитка хамгийн дээд тал нь 9 байсан 7 дээр янзын болж байна лээ.
7.Хайруулын тавагнаас гаргангуутаа багахан хэмжээний цөцгийн тосоор багсдаад л бэлэн боллоо.
8.Бэлэн болсон наан гамбираа даавуу юмуу салфетка цаас модон гампанз дээр тавьж гаргана шүү. Дээрээс нь даавуу юм уу, салфетка цаасаар эхэлж хучаад таглаж болно.
9.Сармисны наанд дуртай бол сармисаа бяцалж цөцгийн тостойгоо холиод түрхэж болно.