12/12/2024
🇲🇳🇲🇳🇲🇳 #ӨНӨӨДӨР: МУ-ын Авлигатай тэмцэх газраас орон даяар зохион байгуулж буй “Авлигын эсрэг соён гэгээрүүлэх сургалт, өдөрлөг”-ийг Сэлэнгэ аймагт зохион байгуулж байна.✅️✅️✅️
🇲🇳🇲🇳🇲🇳 Аймаг, нийслэл, сум дүүргийн иргэдийн Төлөөлөгчдийн Хурлын ээлжит сонгуулийн үр дүнд шинээр бүрэлдсэн иргэдийн Төлөөлөгчдийн Хурал, түүний Төлөөлөгч нарт авлигын эсрэг хууль тогтоомжийг сурталчлан таниулах, авлигаас урьдчилан сэргийлэх чиглэлээр заавар зөвлөгөө өгөх, мэргэжил арга зүйн удирдлагаар хангах, авлигын эсрэг соён гэгээрүүлэх сургалт, өдөрлөг хуваарийн дагуу Сэлэнгэ аймагт ийнхүү болж байна.
Сургалтын зорилго Авлигатай тэмцэх үндэсний хөтөлбөр, Авлигатай тэмцэх газрын үйл ажиллагааг танилцуулах, орон нутаг дахь авлигын нөхцөл байдлын талаар мэдээлэл өгөх, авлига, ашиг сонирхлын зөрчил, авлигын гэмт хэрэг, түүнээс урьдчилан сэргийлэх талаарх мэдлэг, ойлголтыг нэмэгдүүлэх, авлигын эсрэг хууль тогтоомжийг сурталчлан таниулахад оршиж байгаа юм.
Сургалт өдөрлөгт аймаг, сумын иргэдийн Төлөөлөгчдийн Хурлын Төлөөлөгч, Ажлын албаны албан хаагч, бүх шатны Засаг дарга, ЗДТГ, Засаг даргын эрхлэх асуудлын хүрээний агентлаг, хэлтэс, алба, тасаг, нэгж, нутгийн захиргааны байгууллагын албан хаагч, орон нутгийн өмчит болон орон нутгийн өмчийн оролцоотой хуулийн этгээдүүд мөн ийн ажилтнууд гэсэн 400 гаруй хүний бүрэлдэхүүнтэй баг оролцож байна.
Сургалт, өдөрлөг манай аймагт нэг өдөр үргэлжилнэ.✍️✍️✍️
