18/07/2026
За бас л нийтлэг асуултуудын нэг асуулт болох: Рашаандаа яаж орох вэ гэх? Асуултад товчхон байдлаар хариулхыг хичээe.
Жич: энэ бол зөвхөн миний 3 жил явж рашаанд орсон хүний миний мэдэрсэн мэдрэмж, туршлага гэдгийг ойлгоорой. Би ямар нэгэн байдлаар эмч биш, уламжлалтын эмч ч биш шүү гэдгийг ойлгоорой.
Миний олж харснаас харахад рашаан нь маш хүйтэн, мөн түүнчлэн эрдэс баялаг, химийн найрлага бүхий агууламжтай байдаг. Тэгэхээр Рашаанд их удаан суух буюу хүйтэн усанд хэн хэр удаан суух вэ гэдэг тэвчээрийн асуудал биш болов уу? Гагцхүү хүйтэн рашаанд богино хугацаанд Цочроох үүгээрээ дамжуулж тархи мэдэрлийн үйл ажиллагаанд оролцох эд эсийг цочроож хөдөлгөөнд оруулах л мөн чанарыг агуулдаг болов уу гэж боддог.(жич миний хувийн бодол шүү!!!)
Манай хувьд өглөө өдөр орой 3 удаа 10-15 тоолоод л гаргадаг. Рашаанаа хүүхэд ямар уух боломжтой байна тэр хэмжээгээр нь уулгаж байсан. Хоолыг аль болох нь хүүхэд иддэг хэмжээгээр нь өгсөн ямар нэгэн хориглох зүйл байгаагүй. Шинэ хонины махаар тогтмол хоол хийж өгч байсан.
Орох дараалал:
-Боргиондоо очоод хүүхдээ нуруугаар нь гэдэсрүүгээ харуулж бариад магнайд рашаанаасаа хэд хэдэн удаа шавшиж өгнө,
-үүний дараа хоёр өвдөгийг нь урсаж байгаа рашаанруугаа дүрээд, шавшаад авна,(үүнийг доош нь татуулах гэж ярьдаг юм бна лээ)
-Үүний дараагаар хүүхдээ цээжин талаараа өөрийнхөө цээжинд наагаад боргиондоо гоожиж байгаа хэсэгт өвдөглөж суугаад хүзүү болон хүзүүнээс дээг мөрний хоёр талаар боргиондоо бүхлээр оруулаад л гаргана. Энэ үeд хүүхэд бага зэрэг ээрэх цочрох шинж тэмдэг байдаг.
-гаргаад алчуураар ороогоод хажуу талын өвсөн дээр бэлдсэн дэвсгэр дээр байлгана. Жич нартай өдөр бол арчих хэрэггүй. Өөрөөр нь хатаана. Болж өгвөл хүүхэд дараагийнхаа оролтоос айхгүй дасгах зорилгоор боргионы доогуур гүйгээд тоглуулбал зүгээр, мэдээж сэрүүхэн өдөр бол алчуур дээлэндээ ороогоод хувцаслана.
За боломж бололцоо үзэх эмч нар байдаг бол бас давхар үзүүлээрэй, том хүмүүс нь нь рашаандаа ч ордог, уудаг ч юм бна лээ. Бас хануур хийлгэдэг л юм бна лээ. Тэгээл хүнд хүний үг илүүдэх биш, бусдаас асуугаарай, бас өөрийнхөө мэдрэмжээ дагаарай, шинжлэх ухааны арга барилаас бас суралцаарай. Та бүгдэд амжилт хүсэe. Хэрэгтэй гэж үзвэл бусдад түгээнэ биз.
Хамгийн гол зүйл хүүхэд бүр өөр өөр онцлогтой, өөр өөр үр дүн гарна шүү. Миний бичсэн зүйл бол миний л мэдрэмж туршлага шүү.
