Erdenes Alt Resource LLC

30/05/2026

“Эрдэнэс Монгол” ХХК-ийн Гүйцэтгэх захирал Б.Даваадалай болон удирдлагууд Олон улсын валютын сангийн Монгол дахь суурин төлөөлөгч Тигран Погосяныг хүлээн авч уулзлаа.

28/05/2026

🔸”Эрдэнэс Тавантолгой” ХК-ийн хувьцаа, ногдол ашгийг өвлөн авах заавар🔸

🔸Монгол Улсын Засгийн газраас “Эрдэнэс Тавантолгой” ХК-ийн иргэдэд эзэмшүүлсэн хувьцаа, түүнд хуваарилагдсан ногдол ашгийг 2026 оны зургаадугаар сарын 1-ний өдрөөс хууль ёсны өвлөгчид шилжүүлэх шийдвэр гаргаад байна.

Энэхүү шийдвэрийн хүрээнд 2011 оны гуравдугаар сарын 31-ний өдрөөс хойш нас барсан “Эрдэнэс Тавантолгой” ХК-ийн хувьцаа эзэмшигч 130 мянга гаруй иргэний хувьцаа, түүнд ногдох ногдол ашгийг хууль ёсны өвлөгч нь өвлөн авах боломж бүрдэж байгаа юм.

🔸Хууль ёсны өвлөгчид хувьцааг шилжүүлэх ажил 2026 оны 6 дугаар сарын 1-ний өдрөөс 2027 оны 06 сарын 1-ний өдөр хүртэл нэг жилийн хугацаанд улс даяар өрнөх бөгөөд хууль ёсны өвлөгч нотлох баримт бичиг бүрдүүлэн нотариатын байгууллагаар баталгаажуулж өв хүлээн авах боломжтой боллоо.

🔸Та “Эрдэнэс Тавантолгой” ХК-ийн иргэдэд эзэмшүүлсэн хувьцаа, түүнд хуваарилагдсан ногдол ашгийг өвлөн авах заавартай танилцана уу.

#ЭрдэнэсТавантолгой ХК
#1072хувьцаа
#Ногдолашиг
#Өвлөхэрх

27/05/2026

✅ Засгийн газар “Эрдэнэс Монгол” нэгдлийг Үндэсний баялгийн сангийн тухай хуульд заасан үндсэн чиг үүрэгт бүрэн шилжүүлэх хүрээнд “Чингис хаан Үндэсний баялгийн сан корпораци” болгон өөрчлөн зохион байгуулах
шийдвэр гаргалаа.

✅ Энэ шийдвэрийн үр дүнд хөрөнгийн удирдлага, хөрөнгө оруулалт, баялгийн сангийн менежмент, IPO болон хувьчлал хариуцсан олон улсын жишигт нийцсэн санхүүгийн мэргэжлийн институци болж шинэчлэгдэх юм.

✅ “Эрдэнэс Монгол” нэгдлийн харьяа 10 компанийг татан буулгаж, давхардсан орон тоог танаж, ₮67.3 тэрбум хэмнэлээ.

https://mongolia.gov.mn/news/view/27614

25/05/2026

⛅️2026.05.25-2026.05.29-ний цаг агаарын 5 хоногийн урьдчилсан төлөв байдал

22/05/2026

“Эрдэнэс алт ресурс” ХХК-ийн удирдах түвшний ажилтнууд Эрсдэлийн удирдлагын тогтолцоо сэдэвт практик сургалтад хамрагдлаа

🔸Компанийн удирдах түвшний ажилтнуудад эрсдэлийн удирдлагыг хэрэгжүүлэх суурь ойлголтыг өгөх, эрсдэлийн удирдлагын тогтолцоог бэхжүүлж сайжруулах зорилгоор “Эрдэнэс Монгол” нэгдлийн Эрсдэлийн удирдлага, хяналтын газар болон “Эрдэнэс алт ресурс” ХХК-ийн Эрсдэл, дотоод хяналтын алба хамтран сургалт зохион байгуулав.

🔸Сургалтыг “Эрдэнэс Монгол” нэгдлийн Эрсдэлийн удирдлага, хяналтын газрын дарга Л.Наранчимэг удирдан явуулсан бөгөөд энэ үеэр “Эрдэнэс алт ресурс” ХХК-ийн Эрсдэл, дотоод хяналтын албаны ахлах мэргэжилтэн Б.Лхагвасүрэн компанийн 2026 оны эрсдэлийн удирдлагын хариу арга хэмжээний төлөвлөгөөг танилцуулсан юм.

🔸Аливаа компани эрсдэлийн удирдлага, дотоод хяналтыг бэхжүүлж эрсдэлийн менежментийг тогтвортой хэрэгжүүлснээр компанийн сайн засаглалд эерэг нөлөө үзүүлэхээс гадна байгууллагын үнэ цэн, үр ашиг нэмэгдэх, олон улсад нээлттэй компани болох суурь нөхцөл бүрдэх, тооцоолоогүй зардал буурах зэрэг маш олон талын ач холбогдолтой байдаг байна. Энэ утгаараа “Эрдэнэс Монгол” нэгдэл болон “Эрдэнэс алт ресурс” ХХК-ийн зүгээс энэ асуудалд онцгой анхаарч буй бөгөөд цаашид ямар бодлого баримталж ажиллах, компанийн дунд хугацааны төлөвлөгөөнд эрсдэлийн менежментийг хэрхэн тусгах, ямар ямар стандартуудыг ямар үе шаттайгаар хэрэгжүүлэх шаардлагатайг дэлгэрэнгүй ярилцсан үр дүнтэй сургалт боллоо.

21/05/2026

Sinomach группийн төлөөлөгчид “Эрдэнэс алт ресурс” ХХК-тай танилцан, хамтын ажиллагааны боломжийг сонирхлоо

🔸“Эрдэнэс алт ресурс” ХХК-ийн удирдлагууд БНХАУ-ын Sinomach группийн төлөөлөгчидтэй хөрөнгө оруулалт, хамтран ажиллах боломжийн талаар санал солилцов.

🔸“Эрдэнэс алт ресурс” ХХК-ийн зүгээс тус группийн төлөөлөгчдөд компанийнхаа хэрэгжүүлж буй болон хэрэгжүүлэхээр зорьж буй төслүүдийг танилцууллаа. “Эрдэнэс алт ресурс” ХХК нь ашиглалтын болон хайгуулын тусгай зөвшөөрлүүдийнхээ хүрээнд хэд хэдэн томоохон төсөл хэрэгжүүлэхээр бэлтгэж байгаа бөгөөд гадаад дотоодын хөрөнгө оруулалт татах, хөрөнгө оруулалтын таатай нөхцөл бүрдүүлэх, хүдрийн шинж чанарт тохирсон технологийг нэвтрүүлж нутагшуулахыг зорьж байгаа юм. Тиймээс ирээдүйд хэрэгжүүлэх төслүүдэд Sinomach групптэй хамтран ажиллах чиглэлийг нарийвчлан судлахаар харилцан тохиролцлоо.

🔸БНХАУ-ын төрийн өмчит Sinomach групп нь аж үйлдвэрийн тоног төхөөрөмж, хүнд даацын машин механизм, уул уурхай, металлургийн болон цэвэр эрчим хүчний тоног төхөөрөмж үйлдвэрлэл, дэд бүтэц, эрчим хүч, байгаль орчны инженерчлэл, олон улсын худалдаа үйлчилгээ, хөрөнгө оруулалтын чиглэлээр үйл ажиллагаа явуулдаг дэлхийн топ 500 компанийн нэгд тооцогддог байна. Үйл ажиллагааны чиглэлийнхээ хүрээнд дэлхийн олон улс оронд мега төслүүд хэрэгжүүлж ирсэн тус группийн төлөөлөгчид“Эрдэнэс алт ресурс” ХХК-ийн үйл ажиллагаатай танилцаад, хөрөнгө оруулалт, хамтын ажиллагааны боломж нээлттэй гэдэгт итгэж буйгаа илэрхийллээ.

20/05/2026

“Эрдэнэс алт ресурс” ХХК-ийн үүсэн байгуулагдсаны долоон жилийн ой өнөөдөр тохиож байна

🔸“Эрдэнэс алт ресурс” ХХК нь Монгол Улсын төрийн мэдэлд байгаа алт, мөнгөний ордуудыг ашиглах, эдийн засгийн эргэлтэд оруулах, нөөцийг нэмэгдүүлэх, олборлох, боловсруулах, баялгийн хуримтлалыг нэмэгдүүлэхэд түлхэц үзүүлэх зорилготойгоор 2019 онд байгуулагдсан Төрийн өмчит компани юм.

🔸Салхитын мөнгө-алтны үндсэн ордыг ашиглах Техник эдийн засгийн үндэслэлээр төлөвлөсөн хугацаанд 29.1 мян.тн баяжмал үйлдвэрлэж борлуулах тооцоотой байсан бол “Эрдэнэс алт ресурс” ХХК тус орддоо нэмэлт геологи хайгуул, технологи туршилтуудыг амжилттай гүйцэтгэснээр 50 мян.тн баяжмал үйлдвэрлэж борлуулсан амжилт үзүүлээд байна. Компанийн хамт олон Салхит төслийнхөө ашиглалтын үеийн нөөцийг өсгөж ажилласны үр дүнд ТЭЗҮ-ийн гүйцэтгэл 200 орчим тэрбум төгрөгөөр давсан байна.

🔸Хамгийн сүүлийн үеийн амжилтаас дурдвал, 2025 онд улс орон нутагт 75.9 тэрбум төгрөг төвлөрүүлсэн амжилтаараа том сегментийн “Шилдэг татвар төлөгч” компаниар шалгарсан. Мөн эдийн засгийн болон бусад үзүүлэлтээр “Эрдэнэс Монгол” нэгдлийн компаниуд дундаа дээгүүр эрэмбэлэгдэх болсон бөгөөд 2025 онд эрдэс баялгийн нөөцийг нэмэгдүүлж, ордыг иж бүрэн ашиглаж чадсан үзүүлэлтээрээ “Эрдэнэс Монгол” нэгдлийн бүрэлдэхүүн компаниуд дундаас тэргүүлээд байна.

🔸Өнгөрсөн хугацаанд “Эрдэнэс алт ресурс” ХХК шинэ төслүүдийнхээ үүдийг нээх, шинэ шинэ бүтээн байгуулалтаа эхлүүлэх их ажлыг амжуулснаар улс орны эдийн засагт жинтэй хувь нэмэр оруулах нөлөө бүхий компани болохоо улам илүү тодотгож чадлаа. Цаашид Монгол Улсын үндсэн хуулиар хүлээсэн үүргээ нэр төртэй биелүүлж, хариуцлагатай уул уурхайг манлайлан хөгжүүлж, нийгмийн хариуцлагаа хэрэгжүүлэн, эдийн засгийн үр ашиг өндөр, эрдэс баялгийн өгөөжийг иргэдэд шударга хүртээх үйлсэд түүчээлдэг ёс зүйт компани болох эрхэм зорилготой ажиллаж байна.

🔸Компанийн амжилтыг хамтран бүтээлцсэн хөдөлмөрч, чадварлаг уурхайчид, ажилтан албан хаагч хамт олон, уул уурхайн салбарын шударга хамтрагч нартаа “Эрдэнэс алт ресурс” ХХК-ийн бүтээмж дүүрэн долоон жилийн ойн баярын мэнд дэвшүүлье.

18/05/2026

“Салхит” Уулын баяжуулах үйлдвэрийн уурхайчид сэтгэцийн эрүүл мэндийн сургалт, үзлэгт хамрагдлаа

🔸“Эрдэнэс алт ресурс” ХХК Сэтгэцийн эрүүл мэндийн үндэсний төв (СЭМҮТ)-тэй хамтран “Салхит” Уулын баяжуулах үйлдвэрийн уурхайчид, ажилчдадаа зориулсан сэтгэцийн эрүүл мэнд, стрессээ зөв зохицуулах сэдэвт сургалт болон үзлэг, оношилгооны арга хэмжээг үе шаттайгаар зохион байгуулж байна.

🔸Өнгөрсөн дөрөвдүгээр сард Гэр бүл, хөдөлмөр нийгмийн хамгааллын яамнаас өрнүүлсэн Хөдөлмөрийн аюулгүй байдал, эрүүл ахуйн сарын аяны хүрээнд энэхүү арга хэмжээг эхлүүлсэн бөгөөд уурхайчдыг бүрэн хамруулах үүднээс ээлж тус бүрд зориулан сэтгэцийн эрүүл мэндийн сэдэвт сургалт, өдөрлөгийг хийж байгаа юм.

🔸Бие махбод болон сэтгэлзүйн өндөр ачаалалтайд тооцогддог уул уурхайн салбарынхны хувьд сэтгэлзүйн дархлаагаа бэхжүүлэх, ажлын ачаалал болон урт хугацааны ээлжээс үүдэх стрессийг зөв удирдах арга барилд суралцах зайлшгүй шаардлагатай байдаг. Энэ үүднээс “Эрдэнэс алт ресурс” ХХК ажилтнуудынхаа сэтгэлзүйн эрүүл мэндэд онцгой анхаарч энэ төрлийн сургалт, эрүүл мэндийн үзлэгийг тогтмол зохион байгуулдаг уламжлалтай. Ингэснээр ажилчдын стрессийг бууруулах, сэтгэл гутрал, түгшүүрийн эмгэгийг эрт илрүүлэх, улмаар ажлын байрны аюулгүй байдлыг сайжруулахад чухал нөлөө үзүүлдэг юм.

15/05/2026

Ч.Болдбаатар: Салхитын төсөл ашиглалтын үеийн хайгуулаар нөөцөө өсгөж, ТЭЗҮ-ийн гүйцэтгэлийг 200 тэрбум төгрөгөөр давууллаа

🔸“Эрдэнэс Алт Ресурс” ХХК-ийн хэрэгжүүлсэн Салхитын мөнгө-алтны ордын төсөл нь төрийн өмчит компаниуд дунд засаглал болон санхүүгийн сахилга батаараа жишиг болохуйц үзүүлэлттэй байна.

🔸Тус хамт олон өдгөө 100 гаруй тонн алтны нөөцийг эдийн засгийн эргэлтэд оруулах дараагийн том гараан дээрээ иржээ. “Эрдэнэс Алт Ресурс” ХХК-ийн Салхит уулын баяжуулах үйлдвэрийн захирал, Монгол Улсын Зөвлөх инженер Ч.Болдбаатартай технологийн инновац болон ирээдүйн төслүүдийн талаар ярилцлаа.

Ярилцлагыг: https://www.mongolianminingjournal.com/a/75054 холбоосоор хүлээн авч уншина уу!

Ч.БОЛДБААТАР: САЛХИТЫН ТӨСӨЛ АШИГЛАЛТЫН ҮЕИЙН ХАЙГУУЛААР НӨӨЦӨӨ ӨСГӨЖ, ТЭЗҮ-ИЙН ГҮЙЦЭТГЭЛИЙГ 200 ТЭРБУМ ТӨГРӨГӨӨР ДАВУУЛЛАА

✅“Эрдэнэс Алт Ресурс” ХХК-ийн хэрэгжүүлсэн Салхитын мөнгө-алтны ордын төсөл нь төрийн өмчит компаниуд дунд засаглал болон санхүүгийн сахилга батаараа жишиг болохуйц үзүүлэлттэй байна.

✅Тус хамт олон өдгөө 100 гаруй тонн алтны нөөцийг эдийн засгийн эргэлтэд оруулах дараагийн том гараан дээрээ иржээ. “Эрдэнэс Алт Ресурс” ХХК-ийн Салхит уулын баяжуулах үйлдвэрийн захирал, Монгол Улсын Зөвлөх инженер Ч.Болдбаатартай технологийн инновац болон ирээдүйн төслүүдийн талаар ярилцлаа.

Ярилцлагыг: https://www.mongolianminingjournal.com/a/75054 холбоосоор хүлээн авч уншина уу!

Erdenes Alt Resource LLC