08/04/2024
ХОРШОО:
Хоршоо ба компанийн ялгаа нь хоршоо нь үйлдвэрлэгчидийн нэгдэл байгууллага юм. Жижиг дунд үйлдвэрлэгчид нэгдсэнээр:
- Нэг жижиг үйдвэрлэгчийн үйлдвэрлэсэн бараа сар, улиралд нэг удаа гардаг. Энэ нь эцсийн жижиглэн худалдааны сүлжээний шаардлагыг хангадаггүй тул бөөний худалдаа зуучлагч болох зах, ченжүүдэд хямд үнээр бараа нийлүүлэх сонголтыг л бий болгодог.
- Нэгж үйлдвэрлэгч бага хэмжээний үйлдвэрлэлтэй байдаг учраас тээвэр, машин механизм, хэрэгцээ шаардлагатай хүний нөөцийг авах боломжгүй байдаг бөгөөд худалдан авсан ч тухайн техник хүний нөөцийн ашиглалт нь бага байдаг, мөн дээрээс тухайн техник, хүний нөөцийн хөрөнгө оруулалт, урсгал зардал өндөр байдагаас хамааран машин механизм, мэргэжлийн хүний нөөц шаардлагатай үйл ажиллагааг эзэн өөрөө орлуулан гүйцэтгэдэг нь бүтээмж муутай, үр ашигггүй, хэт ачаалалтай байдаг. Энэ нь явцдаа жижиг дунд үйлдвэрлэгчидийн дампуурлын гол хүчин зүйл болж байна.
- Харин жижиг үйлдвэрлэгчид нэгдэн хоршиж үйлдвэрлэлийн цуврал хэлхээг бий болговол тасралтгүй өдөр тутам бараа бүтээгдэхүүнээ эцсийн жижиглэн худалдаанд нийлүүлэх чадамжтай болж санхүүгийн үр ашигтай үйл ажиллагаанд шилжих маш том давуу талыг бий болгоно.
- Мөн дээрээс нь хамтын байгууллага нь санхүүгийн нэгдмэл урсгалтай болсноор төрөл бүрийн санхүүгийн үйлчилгээ хэрэгцээ шаардлагаа хангаж эхлэх боломж бүрдэнэ.
- Хоршоодын бас нэгэн давуу тал дундын үйлдвэрлэлийн машин механизм, мэргэжлийн хүний нөөц, технологи үйл ажиллагааг бий болгох боломж бөгөөд энэ нь дундын зардлаар хямд өртөгөөр, өндөр чанартай өрсөлдөх чадамжтай бараа бүтээгдэхүүн үйлдвэрлэх борлуулах суурь нөхцөлийг хангаж өгдөг байна.
ХОРШООНЫ ХӨГЖИЛД АНХААРАЛ ЗҮЙЛС:
Манай улсад 47,000 хоршоо бүртгэлтэй байдаг ч бодит үйл ажиллагаатай хоршоод маш бага байна. Үүний учир нь дараах хэд хэдэн зүйлсээс хамаарч байна.
- Менежментийн баг:
o Малчид тариаланч, үйлдвэрлэгчид хүсэл зорилгоо нэгтгэн хоршоо байгуулж хөгжлийн хөтөлбөр боловсруулан батлаж үйл ажиллагагаа эхлүүлдэг ч гүйцэтгэх менежментийн багаа дотроосоо томилдог байна. Гэтэл бодит байдал дээр хоршооны хөгжлийн хөтөлбөр хэрэгжүүлэгч баг нь өөрсдөө бусад гишүүдтэйгээ адилхан мал, тариалан үйлдвэрлэлдээ анхаарах шаардлагатай байдаг учраас хамтын зорилго цаасан дээр үлдэж хоцордог. Иймээс хоршоо нь олон улсын жишгээр байнгын үйл ажиллагаатай хөдөлмөрийн хөлс, урамшуулалтай менежментийн баг байгуулан үйл ажиллагаа явуулах шаардлагата.
- Оролцоо:
o Хоршооны гишүүд хөгжлийн хөтөлбөртөө заавал оролцоог өндөр байлгах бодлого зохицуулалт хийх шаардлагатай. Хоршооны гишүүдийн нэг зорилт болох санхүүгийн хэрэгцээ нь хангагдаж байх нь нэг талдаа сайн ч нөгөө талдаа оролцоо багасаж Тэргүүлэгч, үйл ажиллагаа хариуцсан ажилтнууд эрсдэл, эрх мэдэл төвлөрч эхэлдэг нь. Энэ нь хоршооны эхэн үеийн мөчлөгт анзаарагдахгүй ч урт хугацаандаа тэнцвэргүй, ашиг сонирхол зөрчил үүсэх суурийг бий болгодог.
- Зөвлөх үйлчилгээ:
o Хоршоод байгуулагдахдаа засаглалын, санхүү, технологи, мэргэжил арга зүйн хувьд гарааны байгууллага байдаг. Тиймээс төлөвлөсөн зорилгодоо хүрэх, найдвартай тогтолцоог бий болгох хүртэл болон цаашдын үйл ажиллагаандаа мэргэжлийн зөвлөх байгууллагуудтай нягт хамтран ажиллах нь чухал.
