Great Gobi Development Gateway

28/07/2026

Шинжлэх ухаан, инновацад суурилсан уул уурхайн хөгжлийг Дорноговьд нутагшуулах олон улсын хамтын ажиллагааны шинэ алхам эхэллээ.

"Их говийн хөгжлийн гарц" ОНӨААТҮГ уул уурхайн шинжлэх ухаан, инновац, дэвшилтэт технологийн чиглэлээр олон улсын хамтын ажиллагаагаа өргөжүүлж, хамтын ажиллагааны санамж бичиг байгууллаа.

Энэхүү хамтын ажиллагааны гол ач холбогдол нь зөвхөн туршлага солилцох бус, бодит төсөл, судалгаа, технологийг Дорноговь аймагт нутагшуулах боломжийг бүрдүүлж байгаад оршино.

Хамтын ажиллагааны хүрээнд:

🔹 Уул уурхайн салбарт хиймэл оюун ухаан (AI), автоматжуулалт, дижитал технологийг нэвтрүүлэх боломжийг хамтран судална.

🔹 Ус, эрчим хүчний хэрэглээг бууруулах, байгаль орчинд үзүүлэх нөлөөллийг багасгах шинэ технологи, тэр дундаа хуурай аргаар ашигт малтмал баяжуулах шийдлүүдийг судалж, турших боломж бүрдэнэ.

🔹 ESG, ногоон уул уурхай, нөхөн сэргээлт, тогтвортой хөгжлийн чиглэлээр хамтарсан судалгаа, зөвлөх үйлчилгээ, туршилтын төслүүд хэрэгжинэ.

🔹 Дорноговийн инженер, мэргэжилтнүүдийн чадавхыг дээшлүүлэх сургалт, эрдэм шинжилгээний хамтарсан ажил, мэдлэг, технологийн солилцоо өргөжинө.

🔹 Цаашид орон нутгийн онцлогт тохирсон жишиг төслүүдийг хэрэгжүүлэх, хөрөнгө оруулалт болон технологийн хамтын ажиллагааг хөгжүүлэх үндэс тавигдаж байна.

Энэ нь Дорноговь аймгийн уул уурхай, аж үйлдвэр, эрчим хүчний хөгжлийг шинжлэх ухаан, инновацад тулгуурлан дараагийн шатанд гаргах урт хугацааны хамтын ажиллагааны эхлэл юм.

---

Хамтран ажиллах байгууллагын тухай

Ши-Аний Шинжлэх Ухаан, Технологийн Их Сургууль (Xi'an University of Science and Technology) нь 1895 онд үүсгэн байгуулагдсан, 130 гаруй жилийн түүхтэй их сургууль бөгөөд эрчим хүч, уул уурхай, уурхайн аюулгүй ажиллагааны чиглэлээр БНХАУ-ын тэргүүлэх судалгааны их сургуулиудын нэг юм.

Тус сургууль нь аюулгүй байдлын инженерчлэлийн салбараараа үндэсний хэмжээнд A- үнэлгээтэй бөгөөд инженер, материал судлал, газар судлал, байгаль орчны шинжлэх ухаан зэрэг зургаан салбар нь ESI-ийн дэлхийн шилдэг 1%-д багтдаг. Мөн 60 гаруй улсын их сургууль, судалгааны байгууллагатай хамтран ажиллаж, "Бүс ба Зам" санаачилгын хүрээнд олон улсын судалгаа, инновацын төслүүдийг хэрэгжүүлдэг.

24/06/2026

**НААДМААС ӨМНӨ БИЗНЕСЭЭ ЦЭГЦЭЛЬЕ**

Өнөөдөр хэрэглэгч ресторан, зочид буудал, дэлгүүр, үйлчилгээний газрыг хамгийн түрүүнд гар утсаараа хайж, Google Maps болон Facebook дээрх мэдээлэлд үндэслэн сонголт хийдэг болсон.

Ийм үед жижиг, дунд бизнесүүд Google Maps, Facebook дээр нэр, байршил, утас, ажиллах цаг, зураг, меню, үнэ, өрөөний мэдээлэл, review, холбоосоо үнэн зөв байршуулах нь зөвхөн сурталчилгаа биш. Энэ нь хэрэглэгчид олдох, итгэл төрүүлэх, шууд холбогдох, улмаар борлуулалтаа нэмэгдүүлэх бодит боломж юм.

Их говийн хөгжлийн гарц ОНӨААТҮГ-аас Сайншанд болон Замын-Үүд сумын ресторан, зочид буудлын Google Maps хайлтын илэрцэд суурилсан ажиглалт хийлээ.

Ажиглалтаас харахад зарим байгууллагын цахим мэдээлэл бүрэн бус, жигд биш, хайлтад хангалттай харагдахгүй байна. Ялангуяа хил, аялал жуулчлал, транзит хөдөлгөөнтэй бүс нутагт Google Maps дээр зөв харагдах нь хэрэглэгчээ алдахгүй байх, аялагч, жуулчин, зорчигчдоос орлого авах, орон нутгийн үйлчилгээний өрсөлдөх чадварыг нэмэгдүүлэх чухал нөхцөл болж байна.

Иймээс “Наадмаас өмнө бизнесээ цэгцэлье”. Үүний тулд жижиг, дунд бизнес эрхлэгчид дараах 5 ажлыг нэн тэргүүнд хийхийг уриалж байна.

1. Google Business Profile-оо claim/add хийх
2. Category буюу ангиллаа зөв тохируулах
3. Утас, цагийн хуваарь, хаяг, байршлын pin-ээ шинэчлэх
4. 5–10 бодит зураг, меню, өрөө, үнэ, үйлчилгээний мэдээллээ нэмэх
5. Review link болон Facebook холбоосоо цэгцлэх

Сургалт • Зөвлөгөө • Хөрөнгө оруулалт

#НаадмаасӨмнөБизнесээЦэгцэлье
#ИхГовийнХөгжлийнГарц


#ЖижигДундБизнес
#Сайншанд
#ЗамынҮүд

15/06/2026

Танай дэлгүүрээр өдөрт хэдэн хүн орж ирээд юм авалгүй гардаг вэ?

Зарим алдагдал кассан дээр шууд харагддаггүй.
Үнэ тодорхойгүй байх, худалдагч мэндлэхгүй байх, хэрэглэгч асуухаас эвгүйрхэх, гомдлыг буруу шийдэх, өдрийн борлуулалт ба ашгаа хянахгүй байх зэрэг нь бизнесийн “чимээгүй алдагдал” болдог.

Ийм алдагдлыг өөрийн бизнес дээрээ шалгах **90 минутын бизнес оношилгоо, уулзалт** зохион байгуулж байна.

📍 Date Coffee Shop
🕘 2026.06.16 | 09:00
☎️ Бүртгэл: 99975871
🎟 Үнэ төлбөргүй, суудал хязгаартай

Нэг бизнесээс **захирал + 1 ажилтан** хамт оролцвол илүү үр дүнтэй.

15/06/2026

ТАНАЙ БИЗНЕС ӨДӨР БҮР ХААНААС МӨНГӨ АЛДАЖ БАЙНА ВЭ?

Сайншанд сумын худалдаа эрхлэгчид, дэлгүүрийн эзэд, худалдагч, кассчин нарт зориулсан 90 минутын бизнес оношилгоо, уулзалт зохион байгуулагдана.

Жижиг худалдааны бизнес өдөр бүр зөвхөн бараа зарах асуудалтай тулгардаггүй.
Хэрэглэгч орж ирээд юм авалгүй гарах, гомдлыг буруу шийдэх, худалдагчийн харилцаа сул байх, ашиггүй бараа лангуу дүүргэх, өдрийн борлуулалт ба ашгаа хянахгүй байх зэрэг нь бизнесийн “чимээгүй алдагдал” болдог.

Энэ уулзалтаар:

✅ Танай бизнесийн мөнгө алдаж буй 7 цэгийн зураглал
✅ Гомдол, бухимдлыг зөв шийдэх 4 алхам
✅ Өдрийн борлуулалт, ашиг, бараагаа хянах 1 хуудас загвар
✅ Орон нутгийн харилцагчийн үйлчилгээний бодит аргачлал
✅ Их говийн хөгжлийн гарцтай цаашид сургалт, зөвлөгөө, хамтын ажиллагаанд холбогдох боломжийг танилцуулна.

Хэзээ: 2026.06.16, 09:00
Хаана: Date Coffee Shop
Оролцоо: Үнэ төлбөргүй
Хэнд: Худалдаа эрхлэгчид, дэлгүүрийн эзэд, худалдагч, кассчин

Нэг бизнесээс эзэн + 1 ажилтан хамт оролцвол илүү үр дүнтэй.

Суудал хязгаартай.
Бүртгэл / холбоо барих: 99975871

Зохион байгуулагч: Их говийн хөгжлийн гарц ОНӨААТҮГ
Хамтран зохион байгуулагч: Дорноговь аймгийн эмэгтэйчүүдийн бизнес түүчээ ТББ
Байршлын түнш: Date Coffee House

10/06/2026

10/06/2026

**Орон нутгийн хөгжлийн ур чадварын зураглал**

“Их говийн хөгжлийн гарц” ОНӨААТҮГ нь орон нутгийн хөгжил, судалгаа, төсөл хөтөлбөр, хөрөнгө оруулалт, аялал жуулчлал, хамтын ажиллагаа, мэдээлэл боловсруулалтын чиглэлээр иргэдийн сонирхол, мэдлэг, ур чадварын ерөнхий зураглал гаргаж байна.

Дээрх чиглэлүүдтэй холбоотой мэдлэг, туршлага, сонирхолтой иргэд доорх маягтыг бөглөнө үү.

https://forms.gle/qvdd5H4U2FmsNGCP8

07/05/2026

ГАДААД ХАРИЛЦААНЫ ҮР ШИМИЙГ ОРОН НУТГИЙН ХӨГЖИЛД ЧИГЛҮҮЛЭХ НЬ

Гадаад харилцааны яамны Төрийн нарийн бичгийн дарга Л.Мөнхтүшиг тэргүүтэй төлөөлөгчид 2026 оны 05 дугаар сарын 07-ны өдөр Дорноговь аймагт ажиллаж, орон нутгийн гадаад харилцаа, хамтын ажиллагаа, хөгжлийн боломжийн талаар сургалт, хэлэлцүүлэг зохион байгууллаа.

Дорноговь аймаг нь хил, боомт, уул уурхай, дэд бүтэц, аялал жуулчлал, хөрөнгө оруулалтын хувьд стратегийн ач холбогдолтой бүс нутаг тул гадаад харилцааны бодлогыг орон нутгийн бодит хөгжил, иргэд, аж ахуйн нэгжийн боломжтой уялдуулах шаардлага улам нэмэгдэж байна.

“Их говийн хөгжлийн гарц” ОНӨААТҮГ нь аймгийн хөгжлийн бодлого, хөрөнгө оруулалт, төр-хувийн хэвшлийн хамтын ажиллагаа, орон нутгийн эдийн засгийн чадавхыг нэмэгдүүлэх чиглэлээр холбогдох байгууллагуудтай хамтран ажиллахад анхаарч байна.

Гадаад харилцаа нь зөвхөн албан айлчлал бус, орон нутгийн иргэд, бизнес эрхлэгчид, үйлдвэрлэл үйлчилгээ, аялал жуулчлал, хөрөнгө оруулалтын бодит үр дүнд чиглэх ёстой.

Эх сурвалж: Дорноговь аймгийн Засаг даргын Тамгын газар

22/04/2026

📌 УУЛЗАЛТЫН МЭДЭЭЛЭЛ

Орон нутгийн бонд, санхүүжилтийн боломжийн талаар уулзалт зохион байгуулагдлаа

2026 оны 04 дүгээр сарын 22-ны өдөр “Их говийн хөгжлийн гарц” ОНӨААТҮГ-аас орон нутгийн санхүүжилтийн эх үүсвэрийг судлах зорилгоор Монголын хөрөнгийн бирж ХК, Гүүдсек ҮЦК ХХК-ийн төлөөлөлтэй уулзалт зохион байгууллаа.

Уулзалтаар орон нутгийн бонд, сангийн санхүүжилтийн эрх зүйн орчин, хэрэгжилтийн боломж, зах зээлийн нөхцөл байдлын талаар санал солилцов.

📊 Монгол Улсад орон нутгийн бонд
- Нийслэл 2024 оноос дотоодын зах зээлд бонд гаргаж эхэлсэн;
- Аймгийн түвшинд Өмнөговь аймаг 500 тэрбум төгрөгийн бонд гаргах шийдвэр гарч, дэд бүтцийн төсөлд үе шаттай хэрэгжүүлэхээр ажиллаж байна;
Бонд нь тодорхой орлогын эх үүсвэртэй төслүүдэд суурилсан санхүүгийн хэрэгсэл юм.

📍 Дорноговь аймагт боломж
Дорноговь аймаг нь хил, логистик, уул уурхайн зангилаа бүс бөгөөд дэд бүтэц, эрчим хүчний тодорхой суурьтай тул дунд хугацаанд бонд болон хөрөнгийн зах зээлээр санхүүжилт татах боломжтой. Богино хугацаанд шууд бонд гаргахаас илүүтэй орлогын урсгал бүхий төслийн багц бүрдүүлэх, санхүүгийн болон институцийн бэлтгэлийг хангах шаардлагатай юм.

11/04/2026

📌 ЗӨВЛӨЛДӨХ ЗӨВЛӨЛИЙН УУЛЗАЛТ БОЛЛОО

“Их говийн хөгжлийн гарц” ОНӨААТҮГ-ын дэргэд мэргэжлийн холбоод, төрийн бус байгууллагуудын зөвлөлдөх зөвлөл 2026 оны 03 дугаар сарын 04-ний өдөр байгуулагдсан.

Тус зөвлөлийг байгууллагын үйл ажиллагаанд бизнес, мэргэжлийн холбоодын оролцоог нэмэгдүүлэх, хамтын ажиллагааг хөгжүүлэх зорилгоор байгуулсан бөгөөд 2026 оны 04 дүгээр сарын 10-ны өдөр ээлжит уулзалтыг зохион байгууллаа.

🔹 Уулзалтад 14 байгууллагын төлөөлөл оролцож, 2026 оны Хөрөнгө оруулалтын форумыг зохион байгуулахтай холбогдуулан дараах асуудлуудаар санал солилцов:

- Салбар холбоодын гишүүн байгууллагуудыг форумд оролцуулах
- Форумын үеэр бизнесүүдийн бүтээгдэхүүн, үйлчилгээг сурталчлах
- Холбогдох байгууллагуудтай хамтын ажиллагааг өргөжүүлэх
Бизнес хоорондын уулзалт, уялдааг сайжруулах

Уулзалтаар дээрх чиглэлүүдээр хамтран ажиллах, төлөвлөгөө гарган хэрэгжүүлэх талаар санал нэгдлээ.

🤝 Мэдээлэл:
Бизнесийн эрх ашгийг хамгаалах, судалгаа шинжилгээний чиглэлээр үйл ажиллагаа явуулдаг
төрийн бус байгууллагууд тус зөвлөлд нээлттэй бөгөөд оролцох боломжтой.

#ИхГовийнХөгжлийнГарц #ЗөвлөлдөхЗөвлөл #ХөрөнгөОруулалтынФорум2026