Great Gobi Development Gateway (2026)

07/05/2026

ГАДААД ХАРИЛЦААНЫ ҮР ШИМИЙГ ОРОН НУТГИЙН ХӨГЖИЛД ЧИГЛҮҮЛЭХ НЬ

Гадаад харилцааны яамны Төрийн нарийн бичгийн дарга Л.Мөнхтүшиг тэргүүтэй төлөөлөгчид 2026 оны 05 дугаар сарын 07-ны өдөр Дорноговь аймагт ажиллаж, орон нутгийн гадаад харилцаа, хамтын ажиллагаа, хөгжлийн боломжийн талаар сургалт, хэлэлцүүлэг зохион байгууллаа.

Дорноговь аймаг нь хил, боомт, уул уурхай, дэд бүтэц, аялал жуулчлал, хөрөнгө оруулалтын хувьд стратегийн ач холбогдолтой бүс нутаг тул гадаад харилцааны бодлогыг орон нутгийн бодит хөгжил, иргэд, аж ахуйн нэгжийн боломжтой уялдуулах шаардлага улам нэмэгдэж байна.

“Их говийн хөгжлийн гарц” ОНӨААТҮГ нь аймгийн хөгжлийн бодлого, хөрөнгө оруулалт, төр-хувийн хэвшлийн хамтын ажиллагаа, орон нутгийн эдийн засгийн чадавхыг нэмэгдүүлэх чиглэлээр холбогдох байгууллагуудтай хамтран ажиллахад анхаарч байна.

Гадаад харилцаа нь зөвхөн албан айлчлал бус, орон нутгийн иргэд, бизнес эрхлэгчид, үйлдвэрлэл үйлчилгээ, аялал жуулчлал, хөрөнгө оруулалтын бодит үр дүнд чиглэх ёстой.

Эх сурвалж: Дорноговь аймгийн Засаг даргын Тамгын газар

22/04/2026

📌 УУЛЗАЛТЫН МЭДЭЭЛЭЛ

Орон нутгийн бонд, санхүүжилтийн боломжийн талаар уулзалт зохион байгуулагдлаа

2026 оны 04 дүгээр сарын 22-ны өдөр “Их говийн хөгжлийн гарц” ОНӨААТҮГ-аас орон нутгийн санхүүжилтийн эх үүсвэрийг судлах зорилгоор Монголын хөрөнгийн бирж ХК, Гүүдсек ҮЦК ХХК-ийн төлөөлөлтэй уулзалт зохион байгууллаа.

Уулзалтаар орон нутгийн бонд, сангийн санхүүжилтийн эрх зүйн орчин, хэрэгжилтийн боломж, зах зээлийн нөхцөл байдлын талаар санал солилцов.

📊 Монгол Улсад орон нутгийн бонд
- Нийслэл 2024 оноос дотоодын зах зээлд бонд гаргаж эхэлсэн;
- Аймгийн түвшинд Өмнөговь аймаг 500 тэрбум төгрөгийн бонд гаргах шийдвэр гарч, дэд бүтцийн төсөлд үе шаттай хэрэгжүүлэхээр ажиллаж байна;
Бонд нь тодорхой орлогын эх үүсвэртэй төслүүдэд суурилсан санхүүгийн хэрэгсэл юм.

📍 Дорноговь аймагт боломж
Дорноговь аймаг нь хил, логистик, уул уурхайн зангилаа бүс бөгөөд дэд бүтэц, эрчим хүчний тодорхой суурьтай тул дунд хугацаанд бонд болон хөрөнгийн зах зээлээр санхүүжилт татах боломжтой. Богино хугацаанд шууд бонд гаргахаас илүүтэй орлогын урсгал бүхий төслийн багц бүрдүүлэх, санхүүгийн болон институцийн бэлтгэлийг хангах шаардлагатай юм.

11/04/2026

📌 ЗӨВЛӨЛДӨХ ЗӨВЛӨЛИЙН УУЛЗАЛТ БОЛЛОО

“Их говийн хөгжлийн гарц” ОНӨААТҮГ-ын дэргэд мэргэжлийн холбоод, төрийн бус байгууллагуудын зөвлөлдөх зөвлөл 2026 оны 03 дугаар сарын 04-ний өдөр байгуулагдсан.

Тус зөвлөлийг байгууллагын үйл ажиллагаанд бизнес, мэргэжлийн холбоодын оролцоог нэмэгдүүлэх, хамтын ажиллагааг хөгжүүлэх зорилгоор байгуулсан бөгөөд 2026 оны 04 дүгээр сарын 10-ны өдөр ээлжит уулзалтыг зохион байгууллаа.

🔹 Уулзалтад 14 байгууллагын төлөөлөл оролцож, 2026 оны Хөрөнгө оруулалтын форумыг зохион байгуулахтай холбогдуулан дараах асуудлуудаар санал солилцов:

- Салбар холбоодын гишүүн байгууллагуудыг форумд оролцуулах
- Форумын үеэр бизнесүүдийн бүтээгдэхүүн, үйлчилгээг сурталчлах
- Холбогдох байгууллагуудтай хамтын ажиллагааг өргөжүүлэх
Бизнес хоорондын уулзалт, уялдааг сайжруулах

Уулзалтаар дээрх чиглэлүүдээр хамтран ажиллах, төлөвлөгөө гарган хэрэгжүүлэх талаар санал нэгдлээ.

🤝 Мэдээлэл:
Бизнесийн эрх ашгийг хамгаалах, судалгаа шинжилгээний чиглэлээр үйл ажиллагаа явуулдаг
төрийн бус байгууллагууд тус зөвлөлд нээлттэй бөгөөд оролцох боломжтой.

#ИхГовийнХөгжлийнГарц #ЗөвлөлдөхЗөвлөл #ХөрөнгөОруулалтынФорум2026

07/04/2026

📌 УУЛЗАЛТЫН ТОВЧ МЭДЭЭ

Өнөөдөр буюу 2026.04.07-ны өдөр Эрдэнэчимэгийн Амар (ХАА-н шинжлэх ухааны доктор)-ын санаачилсан мал аж ахуйн эрчимжсэн загвар төслийн хүрээнд хамтарсан уулзалтыг зохион байгууллаа.

Уулзалтад Сайншанд сумын ЗДТГ, Дорноговь аймгийн ХХААГ, Мал эмнэлгийн газар болон холбогдох байгууллагууд оролцов.

Уулзалтын эхэнд “Их говийн хөгжлийн гарц” ОНӨААТҮГ-ын захирал Пүрэв Дорноговь аймгийн хөдөө аж ахуйн салбарын өнөөгийн нөхцөл байдал, тулгамдсан асуудал, хөгжлийн чиг хандлага, орон нутгийн барьж буй бодлогын талаар танилцуулж, оролцогч талууд санал солилцов.

Үргэлжлүүлэн:
Орхон үүлдрийн хонинд суурилсан эрчимжсэн аж ахуй (paddock систем), Таримал бэлчээр, “Мандал” сортын тэжээлийн ургамал, Малын ашиг шим, нэмүү өртгийн сүлжээ зэрэг асуудлаар хэлэлцүүлэг өрнүүлэв.

Судалгаагаар Монгол Улсад нарийн ноост хонины эзлэх хувь 0.065% байгаа нь нэмүү өртөг шингэсэн ноосон бүтээгдэхүүний түүхий эдийн суурь хангалтгүй байгааг, мөн малын тэжээлийн жил бүрийн хэрэгцээ 10 сая тонн орчим дутагдалтай байгаа нь салбарын бүтээмж, тогтвортой байдлыг хязгаарлаж байгааг харуулж байна.

Энэ нь Дорноговь аймагт эрчимжсэн мал аж ахуй, таримал бэлчээр, үүлдэр угсааг сайжруулах, нэмүү өртөг шингэсэн үйлдвэрлэлийг хөгжүүлэх бодлоготой нийцэж, өндөр ашиг шимт мал аж ахуйг нутагшуулах, тэжээлийн суурь баазыг бүрдүүлэх замаар орон нутгийн эдийн засгийн шинэ өсөлтийн боломж бүрдүүлэх нөхцөл байгааг илтгэж байна.

Уулзалтаар Дорноговь аймагт эрчимжсэн мал аж ахуйн туршилтын загвар аж ахуй байгуулах, хамтын ажиллагааг өргөжүүлэх чиглэлээр цаашид хамтран ажиллахаар тохиролцов.

19/03/2026

ХАМТЫН АЖИЛЛАГААНЫ ТАЛААР САНАЛ СОЛИЛЦЛОО
“Эмпасофт” мэдээлэл технологийн дээд сургуулийн хамтран үүсгэн байгуулагч, “Woman in Tech” хөдөлгөөний Монгол дахь элч, олон улсын көүч, зохиолч Н.Энхсайхан, тус сургуулийн захирал н.Энхжин нар өнөөдөр “Их говийн хөгжлийн гарц” ОНӨААТҮГ-ын мэргэжилтнүүдтэй уулзалт хийлээ.
Уулзалтын эхэнд газрын захирал Э.Пүрэв байгууллагын бодлого, төлөвлөлт, үйл ажиллагааг танилцуулахас гадна төрийн байгууллагын суурь мэдээллийг нэгтгэн боловсруулж, хиймэл оюуны шийдэл ашиглан үйл ажиллагааны үр ашгийг нэмэгдүүлэх, мөн аялал жуулчлал болон бизнес эрхлэгчдийг дэмжих чиглэлээр хэрэгжүүлж буй ажлуудаа танилцуулан, цаашдын хамтын ажиллагааны боломжийн талаар санал солилцов.
Үргэлжлүүлэн Н.Энхсайхан, н.Энхжин нар хиймэл оюуныг бодлого төлөвлөлт, гүйцэтгэлд үр дүнтэй ашиглах, эмэгтэй бизнес эрхлэгчдийг чадавхжуулах чиглэлээр хэрэгжүүлж буй туршлага, санаачилгаа хуваалцав.

17/03/2026

📣 **Дорноговь аймгийн аялал жуулчлалын салбар ЦАХИМ ЗӨВЛӨХТЭЙ боллоо**

Аялал жуулчлалын бизнес эрхлэгчид, үйлчилгээ үзүүлэгчид, иргэдэд зориулсан
**“Говийн зөвлөх тэмээ” цахим зөвлөхийг** нэвтрүүлж байна.

📌 Та дараах мэдээллийг шууд авах боломжтой:
• Аялал жуулчлалын холбоонд хэрхэн бүртгүүлэх
• Хөнгөлөлттэй зээл, санхүүжилтийн боломж
• Жуулчны үйлчилгээний стандарт, шаардлага
• Төсөл, хөтөлбөр, сургалтын мэдээлэл

📌 Давуу тал:
• 24/7 хариу өгөх боломж
• Шуурхай, нэг цэгийн мэдээлэл
• Салбарын бодит мэдээлэлд суурилсан зөвлөгөө

📊 Зорилго:
Аялал жуулчлалын салбарын оролцогч талуудыг мэдээллээр хангах,
шийдвэр гаргалтыг дэмжих, үйлчилгээний чанарыг сайжруулах

🔗 Холбоос: https://shorturl.at/UPSDj

#АялалЖуулчлал #Дорноговь #ЦахимЗөвлөх

09/03/2026

ЦАХИМ ХӨГЖИЛ, ИННОВАЦ, ХАРИЛЦАА ХОЛБООНЫ ДЭД САЙД Г.БАЯРХҮҮ БАЙГУУЛЛАГЫН ҮЙЛ АЖИЛЛАГААТАЙ ТАНИЛЦЛАА

Цахим хөгжил, инновац, харилцаа холбооны дэд сайд Г.Баярхүү, Төрийн нарийн бичгийн дарга Б.Мягмарнаран, Төрийн цахим үйлчилгээний зохицуулалтын газрын дарга Ц.Борхүү тэргүүтэй ажлын хэсэг Дорноговь аймагт ажиллаж байна. Тус ажлын хэсэг нь 2026 оны 03 дугаар сарын 19-20-ны өдрүүдэд зохион байгуулагдах “Цахим Дорноговь” өдөрлөгийн бэлтгэл ажлыг хангах хүрээнд орон нутгийн байгууллагуудтай уулзалтууд хийж байна.

Өнөөдөр ажлын хэсгийнхэнтэй “Их говийн хөгжлийн гарц” ОНӨААТҮГ-ын захирал Э.Пүрэв болон харилцаа холбооны салбарт үйл ажиллагаа явуулж буй хувийн хэвшлийн байгууллагуудын төлөөлөл уулзлаа.

Уулзалтын үеэр байгууллагын үйл ажиллагааны чиглэл, бодлого, зорилтыг танилцуулж, орон нутагт хэрэгжүүлэх цахим шилжилт, дэд бүтэц, төр, хувийн хэвшлийн хамтын ажиллагааны түншлэлийн талаар санал бодлоо солилцов.

Мөн Дорноговь аймагт зохион байгуулахаар төлөвлөж буй Хөрөнгө оруулалтын чуулга уулзалттай холбогдуулан харилцаа холбоо, дижитал дэд бүтцийн салбарт хамтран ажиллах боломжийн талаар ярилцлаа.

04/03/2026

МЭРГЭЖЛИЙН ХОЛБОО, БИЗНЕС ЭРХЛЭГЧДИЙН НЭГДЛИЙН ЗӨВЛӨЛДӨХ ЗӨВЛӨЛ БАЙГУУЛАГДЛАА

Өнөөдөр Дорноговь аймагт үйл ажиллагаа явуулдаг мэргэжлийн холбоод, бизнесийн нэгдлийн уулзалт Соёмбо цогцолборт зохион байгуулагдлаа. Уулзалтад Дорноговь аймгийн Хүнс хөдөө аж ахуйн газар, Соёл урлаг, аялал жуулчлал залуучуудын хөгжлийн газар, Сайншанд сумын Засаг даргын тамгын газар, мөн 12 мэргэжлийн холбоо, бизнес нэгдлийн удирдлагууд, цаашид шинээр байгуулагдаж байгаа сонирхлын бүлгүүд оролцож цаашдын хамтын ажиллагааны талаар санал солилцов.
Уулзалтын үр дүнд мэргэжлийн холбоод, бизнесийн нэгдэл хамтарсан “Зөвлөлдөх зөвлөл”-ийг “Их говийн хөгжлийн гарц” ОНӨААТҮГ-ын дэргэд байгууллаа. Энэхүү Зөвлөлдөх зөвлөл байгуулагдсанаар аймгийн эдийн засгийн төрөлжилтийг нэмэгдүүлэх, бизнес, мэргэжлийн холбоодын чадавхыг нэгтгэх, хамтын ажиллагааг өргөжүүлэх, ханган нийлүүлэлтийн сүлжээг хөгжүүлэх, гишүүн байгууллагуудыг үйл ажиллагааг уялдуулах зэрэг давуу тал бий болж байгаа юм.
“Их говийн хөгжлийн гарц” ОНӨААТҮГ нь орон нутгийн эдийн засгийг төрөлжүүлэх, хөрөнгө оруулалтын менежмент, хот байгуулалт, дэд бүтцийн хөгжлийг дэмжих замаар бизнесийн орчныг сайжруулах зорилготойгоор үйл ажиллагаа явуулж байна. Тус зөвлөлдөх зөвлөл нь 1 жилийн хугацаатай бөгөөд мэргэжлийн холбоод, бизнесийн нэгдэл байгууллагуудад нээлттэй хамтран ажиллана.

Уулзад дараах холбоод оролцлоо:
1. Дорноговь дахь Худалдаа аж үйлвэрлэлийн танхим
2. Ажил олгогч эздийн “Ханбаян” холбоо
3. Дорноговь аймгийн Аялал жуулчлалын холбоо
4. “Дорнын говь тариаланчдын холбоо” НҮТББ
5. Дорноговь аймгийн эмэгтэйчүүдийн бизнес түүчээ ГҮТББ
6. Бизнес эмэгтэйчүүдийн холбоо
7. Дорноговь аймгийн инженерүүдийн “Ололт” холбоо
8. “Тэргүүн гоёл” Үсчин гоо сайханчдын холбоо
9. BNI OASIS Дорноговь салбар
10. “Говь”тогооч нарын холбоо
11. Дорноговь аймгийн Авто тээвэрчдийн холбоо
12. Дорноговь аймгийн Барилгачдын холбоо
13. Дорноговь аймгийн хөдөө аж ахуйн хоршоологчдын холбоо

26/02/2026

ӨГЛӨӨНИЙ ЧӨЛӨӨТ УУЛЗАЛТЫН ЗАР

Сэдэв:
“Орон нутгийн хөгжилд төр–хувийн хэвшлийн хамтын ажиллагааг бэхжүүлэх нь”

Зохион байгуулагч:
“Их говийн хөгжлийн гарц” ОНӨААТҮГ

Зорилго:
Дорноговь аймагт үйл ажиллагаа явуулж буй мэргэжлийн холбоод, бизнесийн нэгдлүүдийн удирдлагуудтай харилцан мэдээлэл солилцох, хамтын ажиллагааны чиглэлүүдийг тодорхойлох, орон нутгийн эдийн засгийн хөгжил, хөрөнгө оруулалтын боломжуудыг уялдуулахад санал солилцох.

Хэлэлцэх үндсэн асуудлууд:
- Аймгийн эдийн засгийн хөгжлийн бодлого, тэргүүлэх чиглэлүүд
- Төр–хувийн хэвшлийн түншлэлийн боломж, хамтын ажиллагааны хэлбэрүүд
- Бизнесийн орчны тулгамдсан асуудал, шийдвэрлэх боломж
- Хамтарсан төсөл, санаачилгын боломжууд
- Мэргэжлийн холбоодын оролцоог нэмэгдүүлэх механизм

Оролцогчид:
Дорноговь аймгийн мэргэжлийн холбоод, салбарын бизнесийн нэгдлүүдийн удирдлага, төлөөлөл

Хугацаа: 2026 оны 02 дугаар сарын 27
Цаг: 07:00 цаг
Байршил: Дорноговь аймаг, Сайншанд сум, Date Coffee Shop

Формат:
Албан бус, нээлттэй хэлэлцүүлгийн өглөөний уулзалт (кофе, цайтай)

Бүртгэл:
Оролцох байгууллага, төлөөллийн мэдээллийг урьдчилан ирүүлнэ үү.

Холбоо барих:
77006933, “Их говийн хөгжлийн гарц” ОНӨААТҮГ

Орон нутгийн хөгжилд бизнесийн оролцоо, түншлэл чухал ач холбогдолтой тул Та бүхнийг идэвхтэй оролцохыг урьж байна.

19/02/2026

🐎 XVII-р жарны “Сүрээр дарагч” хэмээх Гал Морин жилдээ ажил үйлс тань арвин бүтэмжтэй, эрүүл энх, аз хийморь, амжилт бүтээлээр дүүрэн байхыг хүсэн ерөөе. ✨

Сар шинэдээ сайхан шинэлж, сэтгэл тэнүүн, инээд баяслаар бялхаж яваарай.

02/02/2026

БҮС НУТГИЙН АЯЛАЛ ЖУУЛЧЛАЛЫН ӨРСӨЛДӨХ ЧАДВАР, ЭДИЙН ЗАСГИЙН ҮР ӨГӨӨЖИЙГ БОДИТОЙГООР НЭМЭГДҮҮЛЭХ ЭХЛЭЛ ТАВИГДЛАА

Монгол Улсын Засгийн газрын үйл ажиллагааны хөтөлбөр, бүсчилсэн хөгжлийн бодлого, орон нутгийн хөгжлийн стратеги, гадаад харилцааны төлөвлөгөөтэй уялдуулан Дорноговь аймгийн аялал жуулчлалын салбарын гадаад хамтын ажиллагааг өргөжүүлэх зорилгоор Дорноговь аймаг болон БНХАУ-ын Эрээн хотын соёл, аялал жуулчлалын салбарын хамтын ажиллагааны уулзалт амжилттай зохион байгуулагдлаа.
Уулзалтын хүрээнд талууд Орос–Монгол–Хятадын эдийн засгийн коридорын бодлогын хүрээнд хил дамнасан аялал жуулчлалын хамтын ажиллагааг хөгжүүлэх, бүс нутгийн аялал жуулчлалын урсгалыг нэмэгдүүлэх, мөн “Цайны зам” түүхэн аялал жуулчлалын брэндийг хамтран сэргээж, олон улсын зах зээлд дахин байршуулан хөгжүүлэх чиглэлээр урт хугацааны тогтвортой хамтын ажиллагааны суурийг тавилаа.
Мөн уулзалтын үеэр Дорноговь аймгийн Аялал жуулчлалын холбоо холбогдох соёл, аялал жуулчлалын байгууллагуудтай хамтын ажиллагааны санамж бичигт гарын үсэг зурж, талуудын хамтын ажиллагааг албан ёсоор баталгаажууллаа. Энэхүү хамтын ажиллагаа нь бүс нутгийн аялал жуулчлалын өрсөлдөх чадварыг нэмэгдүүлэх, эдийн засгийн үр өгөөжийг бодитойгоор сайжруулахад чухал ач холбогдолтой юм.

Monday	09:00 - 17:00
Tuesday	09:00 - 17:00
Wednesday	09:00 - 17:00
Thursday	09:00 - 17:00
Friday	09:00 - 17:00

Great Gobi Development Gateway

07/05/2026

22/04/2026

11/04/2026

07/04/2026

19/03/2026

17/03/2026

09/03/2026

04/03/2026

26/02/2026

19/02/2026

02/02/2026

Address

Opening Hours

Website

Alerts

Shortcuts

Share