https://www.facebook.com/102035904831035/

AGC - Hausa, Abuja (2026)

13/10/2026

An Ci Gaba da Shari’ar El-Rufai a Kaduna

Yayin da jami'an tsaron s**a iso da tsohon Gwamnan Jihar Kaduna, Malam Nasir Ahmad El-Rufai, a Babbar Kotun Jihar Kaduna a yau, Talata, 13 ga Oktoba, 2026 kenan, domin ci gaba da sauraron shari’ar da ake yi masa.

A baya dai an ɗage zaman shari’ar daga jiya Litinin zuwa yau Talata, bayan da El-Rufa'in bai samu bayyana a kotun ba. Rahotanni sun ce an ɗauki matakin ne bayan buƙatar da aka gabatar dangane da neman ganin likitansa.

Alƙalin da ke jagorantar shari’ar, Mai Shari’a Darius Khobo, ya umarci Hukumar Yaƙi da Cin Hanci da Rashawa da Sauran Laifuffukan da S**a Shafi Hakan (ICPC), wadda ke tsare da tsohon gwamnan, da ta kawo shi kotu a zaman na gaba.

Shari’ar ta shafi zarge-zargen da ICPC ke yi masa, waɗanda s**a haɗa da cin zarafin muƙami, zamba da wasu laifuffukan da s**a shafi kuɗi.

Ana ci gaba da sauraron batutuwan ne bisa tanade-tanaden doka, kuma zarge-zargen da ake yi wa El-Rufai ba su zama tabbatattun laifuffuka ba har sai kotu ta yanke hukunci a kansu.

AGC-HAUSA za ta ci gaba da bibiyar yadda shari’ar ke gudana tare da kawo muku sahihan bayanai yayin da suke samuwa.

13/10/2026

Ministan Yaɗa Labarai Ya Kare Rangwamen Farashin Fetur na NNPC, Ya Ce Sauye-sauyen Tattalin Arziki Za Su Samar da Wadata

Daga AGC-HAUSA

Ministan Yaɗa Labarai da Wayar da Kan Al’umma, Mohammed Idris, ya ce rangwamen farashin fetur da Kamfanin Man Fetur na Ƙasa (NNPC Ltd.) ya yi na tsawon kwanaki 30, wani mataki ne na rage wa ’yan Najeriya nauyin tsadar mai, ba wai dawo da tallafin man fetur ba.

Idris ya bayyana hakan ne a ranar Litinin yayin wata tattaunawa da manyan editocin jaridu da masu gabatar da shirye-shiryen gidajen talabijin da rediyo a Abuja, inda aka tattauna batutuwan tattalin arziki, tsaro, wadatar abinci, ayyukan raya ƙasa, ’yancin aikin jarida da sauran manufofin Gwamnatin Tarayya.

Da yake bayani kan rangwamen farashin fetur ɗin, ministan ya ce NNPC ta amince ta rage wani ɓangare na ribar da take samu domin sauƙaƙa wa ’yan Najeriya nauyin tsadar mai, sak**akon hauhawar farashin mak**ashi a kasuwannin duniya.

A cewarsa, wannan mataki ne na wucin-gadi da aka ɗauka domin rage raɗaɗin tsadar rayuwa, ba wai sake dawo da tsarin tallafin man fetur da gwamnati ta cire ba.

Ministan ya amince cewa har yanzu ’yan Najeriya na fuskantar ƙalubalen tattalin arziki, yana mai cewa dole ne sauye-sauyen da gwamnati ke aiwatarwa su haifar da sauƙin rayuwa ga al’umma.

Ya bayyana raguwar hauhawar farashi, ƙaruwa da ajiyar kuɗaɗen waje da kuma bunƙasar kuɗaɗen shiga daga fitar da kayayyakin da ba na mai ba zuwa ƙasashen waje a matsayin wasu alamomin farfaɗowar tattalin arziki.

Sai dai ya jaddada cewa babban ƙalubalen da ke gaban gwamnati shi ne tabbatar da cewa wannan ci gaba ya isa ga talakawa da sauran jama’a ta yadda za su ji amfaninsa a rayuwarsu ta yau da kullum.

# # # Gwamnati Za Ta Ci Gaba da Tattaunawa da Ƙungiyoyin Ƙwadago

Dangane da alaƙar gwamnati da ƙungiyoyin ƙwadago da kuma matsin tattalin arziki, Idris ya bayyana kwarin gwiwar cewa za a warware matsalolin da s**a rage ta hanyar tattaunawa.

Ya kuma tuna da matsayar Shugaba Bola Ahmed Tinubu kan yiwuwar sake duba mafi ƙarancin albashi duk bayan shekaru uku, maimakon shekaru biyar.

A kan cin gashin kan ƙananan hukumomi ta fuskar kuɗi, ministan ya sake jaddada aniyar gwamnati na aiwatar da tsarin, yana mai cewa ana tattaunawa da masu ruwa da tsaki domin magance matsalolin da s**a shafi aiwatar da shi da tabbatar da ingantaccen shugabanci a ƙananan hukumomi.

# # # Matakan Inganta Wadatar Abinci

Kan batun wadatar abinci, ministan ya ce gwamnati na tallafa wa noman cikin gida tare da ƙoƙarin ƙarfafa ma’ajiyar abinci ta ƙasa domin inganta samuwar kayan abinci da sauƙaƙa farashinsu.

Ya buƙaci ’yan kasuwa da su guji tara kayan abinci da nufin riƙe su domin tsawwala farashi, yana mai cewa ya k**ata kowa ya bayar da gudunmawa wajen tabbatar da samun abinci cikin sauƙi.

A cewarsa, gwamnati na da rawar da za ta taka wajen sauƙaƙa rayuwar ’yan Najeriya, amma haɗin kan jama’a da goyon bayan manufofin da s**a dace su ma suna da muhimmanci.

# # # An Kare Ayyukan Gina Hanyoyi

Idris ya kare ayyukan gina hanyoyin da Gwamnatin Tarayya ke gudanarwa, yana mai cewa an tsara su ne domin sauƙaƙa zirga-zirga, bunƙasa kasuwanci, tallafa wa noma da buɗe sababbin hanyoyin ci gaban tattalin arziki.

Ya ce manufar gina hanyoyin ba ta taƙaita ga neman ƙuri’a a lokacin zaɓe ba, illa samar da hanyoyin da za su haɗa birane da al’ummomi tare da sauƙaƙa harkokin kasuwanci.

# # # Rundunonin Sojoji Sun Ƙaru Daga Takwas Zuwa 12

A kan matsalar tsaro, ministan ya bayyana cewa an ƙara yawan rundunonin sojojin da ke gudanar da ayyukan soja daga takwas zuwa 12, tare da inganta tallafin da ake bai wa jami’an tsaro.

Duk da haka, ya amince cewa Najeriya na ci gaba da fuskantar manyan ƙalubalen tsaro, yana mai jaddada aniyar gwamnati na ƙarfafa tsarin tsaro da kare rayuka da dukiyoyin al’umma.

# # # Ministan Ya Jaddada Muhimmancin Ɗaukar Nauyin Aikin Jarida

Da yake mayar da martani kan damuwar da aka nuna game da ’yancin aikin jarida da rahotannin k**a mutanen da ke bayyana ra’ayoyinsu na siyasa, Idris ya ce bai san da wani umarni da Shugaba Tinubu ya bayar na danne kafafen yaɗa labarai ba.

Sai dai ya yi alƙawarin neman ƙarin bayani kan tak**aiman batutuwan da ’yan jaridar s**a gabatar yayin tattaunawar.

Ministan ya buƙaci kafafen yaɗa labarai su kiyaye ƙa’idojin aikin jarida, su tabbatar da sahihancin bayanai kafin yaɗa su, sannan su guji kanun labarai masu ruɗarwa ko ƙara gishiri a cikin labarai.

Ya jaddada cewa ’yancin aikin jarida yana tafiya ne tare da ɗaukar nauyin da ke tattare da shi.

Idris ya kuma yaba wa ’yan jaridar da s**a halarci tattaunawar, yana mai bayyana aniyarsa ta ci gaba da gudanar da irin waɗannan taruka, mai yiwuwa duk bayan makonni biyu.

A cewarsa, ci gaba da tattaunawar zai ƙarfafa sadarwa tsakanin Gwamnatin Tarayya da kafafen yaɗa labarai, tare da samar da damar fayyace manufofin gwamnati da tattauna muhimman batutuwan ƙasa.

12/10/2026

Farin Wake = ₦200,000,
Waken Suya= ₦120,000

a Kasuwar Giwa!!!

🌽 Sabuwar masara: ₦58,000 – ₦63,000
🌽 Tsohuwar masara: ₦85,000 – ₦93,000
🫘 Farin wake: ₦188,000 – ₦200,000
🫘 Waken soya: ₦108,000 – ₦120,000
🍚 Sabuwar shinkafa: ₦60,000 – ₦65,000

Waɗannan su ne farashin wasu muhimman kayan amfanin gona a kasuwar hatsi ta Giwa, da ke Ƙaramar Hukumar Giwa a Jihar Kaduna, a ranar Alhamis, 29 ga Agusta, 2024.

Ga cikakken jerin farashin hatsi a wancan lokaci:

1. Masara (tsohuwa): ₦85,000, ₦88,000, ₦89,000, ₦90,000 da ₦93,000.

2. Dawa ta Kaura: ₦80,000, ₦82,000 da ₦85,000.

3. Waken soya: ₦108,000, ₦112,000, ₦115,000, ₦118,000 da ₦120,000.

4. Farin wake: ₦188,000, ₦190,000, ₦195,000 da ₦200,000.

5. Sabuwar shinkafa: ₦60,000, ₦62,000 da ₦65,000.

6. Sabuwar masara: ₦58,000, ₦60,000 da ₦63,000.

7. Sabon farin wake ɗan Arewa: ₦135,000, ₦138,000 da ₦140,000.

8. Gero/Dauro: ₦110,000.

Waɗannan bayanai sun nuna irin farashin da aka samu a kasuwar Giwa a lokacin tsadar kayan abinci da aka fuskanta a Najeriya a shekarar 2024.

Tambayar AGC-HAUSA: Kuna tuna wannan lokaci? Ta yaya tsadar kayan abinci ta shafi rayuwarku da ta iyalanku? Ku bayyana ra’ayoyinku a sashen sharhi.

Lura: Farashin da aka ambata na shekarar 2024 ne, ba farashin kasuwa na yanzu ba.

Ku ci gaba da bibiyar AGC-HAUSA domin samun labarai da rahotanni kan noma, kasuwanni da tattalin arziki.

11/10/2026

KUNGIYAR LIMAMAN MASALLATAN JUMA'A TA NAJERIYA TA KARRAMA ALHAJI MUJAHID DOKUBO-ASARI

Wata tawaga daga Kungiyar Limaman Masallatan Juma'a ta Najeriya ta kai ziyara gidan Mai Martaba Alhaji Mujahid Abubakr Dokubo-Asari a Abuja, inda ta miƙa masa lambar yabo ta ƙwarewa (Award of Excellence).

An mika masa lambar yabon ne a ranar 10 ga Oktoba, 2026, bisa abin da kungiyar ta bayyana a matsayin "jarumta ta musamman, jagoranci abin koyi, da hidimar jin kai ga dan Adam."

Tawagar ta yaba da jarumtarsa, tsayuwarsa kan ka'idoji, da gudummawarsa ga rayuwar al'umma a sassa daban-daban.

Da yake karɓar lambar yabon, Dokubo-Asari ya gode wa ƙungiyar, yana mai cewa karramawar ta ƙara masa kwarin gwiwar ci gaba da hidima ga dan Adam, da inganta jagoranci, tausayi, haɗin kai da zaman lafiya.

Shugaban ƙungiyar na kasa, Sheikh Muhammad Nasir Adam, ne ya amince da bayar da lambar yabon.

Me zaku ce dangane da wannan ?

✍️ Daga: Isokariari Otonye Bobmanuel, Celebrity Media G One, Mai Ba da Shawara na Musamman kan Harkokin Yada Labarai ga Alhaji Asari Dokubo

11/10/2026

Shugaban SSMC Ya Tallafa Wa Mutane 300 Mabukata a Sokoto

Daga Hadiza Haliru Muhammad, Sokoto

Shugaban Hukumar Yaɗa Labarai ta Jihar Sokoto (SSMC), Alhaji Labaran Lumo Dundaye, ya ƙaddamar da shirin tallafa wa mutane 300 masu ƙaramin ƙarfi a wasu gundumomi uku na Ƙaramar Hukumar Wamakko da ke Jihar Sokoto.

An gudanar da bikin ƙaddamar da shirin ne a ranar Lahadi a garin Dundaye, inda aka raba kuɗi ga waɗanda s**a amfana da tallafin, da nufin rage musu raɗaɗin talauci da kuma taimaka musu wajen inganta rayuwarsu.

Alhaji Labaran Lumo Dundaye ya bayyana cewa an tsara shirin ne domin tallafa wa mabukata da kuma ƙarfafa ƙoƙarin Gwamnatin Jihar Sokoto ƙarƙashin jagorancin Gwamna Ahmed Aliyu na inganta rayuwar al’umma, musamman masu ƙaramin ƙarfi.

Ya kuma yi kira ga masu hannu da shuni, ’yan kasuwa da ƙungiyoyin kamfanoni da su rungumi al’adar taimaka wa mabukata, yana mai cewa haɗin gwiwar gwamnati da sauran masu ruwa da tsaki na da muhimmanci wajen rage talauci da inganta walwalar jama’a.

Daga cikin manyan baƙin da s**a halarci taron akwai Alhaji Yusuf Dingyadi, Babban Mataimaki na Musamman ga Shugaban Jam’iyyar APC na Ƙasa kan Yaɗa Labarai, da Shugaban Ƙaramar Hukumar Wamakko, Alhaji Umar Ahmed Dundaye, tare da sauran jami’an gwamnati da na jam’iyyar.

Wasu daga cikin waɗanda s**a amfana da tallafin sun bayyana farin cikinsu da godiyarsu ga waɗanda s**a samar da shirin, inda s**a ce tallafin ya zo a lokacin da suke matuƙar buƙatarsa.

Sun kuma bayyana aniyarsu ta yin amfani da kuɗin yadda ya k**ata domin biyan wasu buƙatun rayuwa da kuma inganta yanayin tattalin arzikinsu.

Shirin na daga cikin matakan tallafa wa masu ƙaramin ƙarfi a cikin al’umma, musamman waɗanda ke buƙatar taimako domin magance matsalolin yau da kullum da kuma samun damar dogaro da kansu.

Ku ci gaba da bibiyar AGC-HAUSA domin samun sahihan labarai da rahotanni kan al’amuran yau da kullum.

10/10/2026

INEC: Wasu Jam’iyyu Na Iya Rasa Damar Tsayar da ’Yan Takara a Zaɓen 2027

Daga Musa Aminu |AGC-HAUSA

Hukumar Zaɓe Mai Zaman Kanta ta Ƙasa (INEC) ta yi gargaɗin cewa jam’iyyun siyasar da s**a gabatar da ’yan takarar da sunayensu ba su cikin kundin rajistar mambobin jam’iyyar da aka miƙa wa hukumar, na iya fuskantar matsala wajen tsayar da ’yan takara a babban zaɓen shekarar 2027.

Kwamishinan INEC mai kula da yaɗa labarai da wayar da kan masu zaɓe, Mohammed Haruna, ne ya bayyana hakan yayin wata tattaunawa a shirin Daily Politics na gidan talabijin na Trust TV, inda yake magana kan hukuncin Kotun Ƙoli da ya tabbatar da ingancin wasu tanade-tanaden Dokar Zaɓe ta 2026 (Electoral Act 2026).

A cewarsa, jam’iyyar siyasa ba za ta iya amfani da sauya ɗan takara a matsayin hanyar gyara matsalar da ta samo asali daga rashin bin ƙa’idojin rajistar mambobinta ba. Ya bayyana cewa yin hakan na iya zama k**ar ba wa jam’iyyar damar cin gajiyar kuskuren da ta aikata.

Haruna ya ƙara da cewa wannan tanadi na iya shafar ’yan takarar da ke neman kujeru a matakai daban-daban na zaɓe, ciki har da kujerun Majalisun Dokokin Jihohi.

Sai dai kwamishinan ya jaddada cewa INEC ba ta kammala tantance yadda za ta aiwatar da hukuncin Kotun Ƙolin ba, domin har yanzu tana nazarin cikakken hukuncin tare da neman shawarwarin doka kafin ta bayyana matsayinta na ƙarshe.

Wannan na nufin cewa bai k**ata a ɗauki bayanin a matsayin sanarwar cewa an riga an soke takarar wani ɗan siyasa ko kuma an hana wata jam’iyya shiga zaɓen 2027 ba. Za a jira cikakken bayani daga INEC domin fahimtar yadda hukuncin zai shafi jam’iyyun siyasa da ’yan takararsu.

Baya ga batun dokokin zaɓe, Haruna ya nuna damuwa kan kalaman barazana da ake yi a yayin shirye-shiryen siyasar 2027, yana mai jaddada cewa bai k**ata wani ɗan siyasa ko ɗan ƙasa ya fuskanci barazana saboda ra’ayinsa ko matsayinsa na siyasa ba.

Ya kuma bayyana cewa hukumar na ci gaba da ƙoƙarin tabbatar da samun isassun kuɗaɗen da ake buƙata domin gudanar da zaɓen 2027 yadda ya k**ata.

Me Wannan Ke Nufi Ga Jam’iyyun Siyasa?

A taƙaice, batun ya shafi muhimmancin da jam’iyyun siyasa za su ba wa bin ƙa’idojin rajistar mambobinsu da kuma tabbatar da cewa bayanan ’yan takarar da suke gabatarwa sun dace da kundin da aka miƙa wa INEC.

Duk da haka, matsayar INEC ta ƙarshe kan yadda za a aiwatar da hukuncin Kotun Ƙoli ce za ta fayyace matakan da za a ɗauka da kuma irin tasirin da hakan zai yi ga jam’iyyun siyasa da ’yan takara a zaɓen 2027.

Ku ci gaba da bibiyar AGC-HAUSA domin samun sahihan labarai da rahotanni kan zaɓe, siyasa, dokoki da sauran muhimman al’amuran yau da kullum.

09/10/2026

🌿 GUZURIN RAYUWA 🌿
Shirin tunatarwa da faɗakarwa daga AGC-HAUSA

📅 Juma’a, 9 ga Oktoba, 2026
🕌 27 ga Rabi’us Thani, 1448H

🌸 TAKEN YAU: KYAWAWAN ƊABI’U SU NE ADO NA GASKIYA

“Kada ka auna darajar kanka da yawan dukiyar da ka mallaka, ko matsayin da ka kai; ka auna ta da gaskiyarka, kyakkyawar mu’amalarka da yadda kake kyautatawa mutane.”

Rayuwa ba ta dawwama a kan dukiya, mulki ko matsayi. Abubuwan da za su sa mutane su riƙa tunawa da kai da alheri su ne kyawawan ɗabi’u, riƙon amana, taimakon masu buƙata da kyautatawa jama’a.

Wani lokaci, kalma mai daɗi za ta iya sanyaya zuciyar wanda yake cikin damuwa. Wani taimako da ka yi wa mabukaci zai iya zama sanadin sauƙaƙa masa rayuwa. Haka kuma, haƙuri da yafiya za su iya kawo ƙarshen gaba da ƙiyayya.

Saboda haka, a duk inda ka samu kanka a yau, ka kasance mai gaskiya, mai tausayi da sauƙin kai. Kada ka raina kowa saboda talaucinsa, kada kuma ka ɗaukaka kanka saboda abin da Allah Ya ba ka.

Ka tuna cewa kyakkyawan suna ana gina shi ne da kyawawan ayyuka, ba da kyawawan kalamai kawai ba.

📖 DARASIN ALƘUR’ANI

Allah Maɗaukakin Sarki Ya ce:

وَقُولُوا لِلنَّاسِ حُسْنًا

“Kuma ku faɗa wa mutane magana mai kyau.”

📚 Suratul Baƙara, aya ta 83.

Wannan aya tana tunatar da mu muhimmancin kyakkyawar magana da kyautata mu’amala da mutane.

🤔 TAMBAYAR YAU

Idan mutane za su tuna da kai saboda yadda kake mu’amala da su, wane irin mutum za su ce kai ne?

💭 Ka yi tunani, ka gyara inda ya dace, kuma ka sanya kyautatawa ta zama ɗaya daga cikin manufofin rayuwarka.

🤲 ADDU’AR YAU

Ya Allah, Ka ƙawata mana rayuwa da kyawawan ɗabi’u, Ka tsarkake zukatanmu daga girman kai da hassada, Ka sa mu zama masu gaskiya, tausayi da riƙon amana. Ka sanya ayyukanmu su zama sanadin alheri a gare mu da sauran al’umma. Amin.

✨ JUMU'AT MUBARAK!

━━━━━━━━━━━━━━━━━━

AGC-HAUSA
Mallakin Aishub General Concept Ltd.

“Muna mayar da tunani zuwa kafofin watsa labarai masu ilimantarwa, faɗakarwa da nishaɗantarwa.”

09/10/2026

ACF TA BUƘACI TINUBU YA MAYAR DA HANKALI KAN TSARO MAIMAKON ZAƁEN 2027

Ƙungiyar Tuntuɓa ta Arewa (Arewa Consultative Forum — ACF) ta buƙaci gwamnatin tarayya ƙarƙashin jagorancin Shugaban Najeriya, Bola Ahmed Tinubu, da ta mayar da hankali kan matsalolin tsaro da ke addabar ƙasar, maimakon karkata hankalinta ga zaɓen shekarar 2027.

Ƙungiyar ta jaddada cewa ya k**ata tsaro ya kasance cikin manyan abubuwan da gwamnati ke ba fifiko, duba da muhimmancin kare rayuka da dukiyoyin al’umma da kuma tabbatar da zaman lafiya a sassa daban-daban na ƙasar.

ACF ta kuma buƙaci ɗaukar matakan gaggawa da ingantattun tsare-tsare domin tunkarar matsalolin rashin tsaro, tare da ƙarfafa ayyukan hukumomin tsaro da tabbatar da cewa al’umma sun samu kariya.

A cewar ƙungiyar, mayar da hankali kan tsaro yana da muhimmanci wajen samar da yanayin da jama’a za su gudanar da harkokinsu cikin kwanciyar hankali, yayin da harkokin tattalin arziki da sauran ayyukan ci gaba za su samu damar bunƙasa.

Kiran na ACF ya zo ne a daidai lokacin da ake ci gaba da tattaunawa kan makomar tsaro da kuma shirye-shiryen siyasa gabanin babban zaɓen 2027.

Ƙungiyar ta jaddada muhimmancin bai wa matsalar tsaro fifiko, domin tabbatar da kare al’umma da samar da yanayin da zai ba su damar rayuwa cikin kwanciyar hankali.

Ku ci gaba da bibiyar AGC-HAUSA domin samun sahihan labarai da rahotanni kan tsaro, siyasa, shugabanci da sauran muhimman al’amuran yau da kullum.

09/10/2026

Majalisar Limaman Juma’a Ba Za Ta Yi Amfani da Mimbari Wajen Umartar Jama’a Su Zabi Wani Ɗan Siyasa Ba.. Sheikh Muhammad Nasir Adam

Shugaban Majalisar Limaman Masallatan Juma’a, Sheikh Muhammad Nasir Adam, ya bayyana cewa majalisar ba za ta yi amfani da mimbari wajen umartar al’umma da su zaɓi wani ɗan siyasa ko su ƙi zaɓar wani ba.

Sheikh Muhammad Nasir Adam ya bayyana hakan ne a wani taron yini biyu da aka shirya domin limaman Masallatan Juma’a na Arewacin Najeriya, wanda aka gudanar a Jihar Kano a ƙarshen mako.

Ya ce matsayin majalisar shi ne ta ci gaba da gudanar da ayyukanta na addini, tare da ba da shawarwari da jan hankalin al’umma kan muhimman batutuwan da s**a shafi rayuwarsu, ba tare da amfani da mimbari wajen umartar jama’a su zaɓi wani ɗan takara ba.

Ya kuma jaddada muhimmancin kiyaye martabar limamai da kuma tabbatar da cewa ana amfani da mimbari wajen isar da saƙonnin addini, tarbiyya, zaman lafiya da haɗin kai a tsakanin al’umma.

Taron ya samu halartar ɗaruruwan malamai da limaman Masallatan Juma’a daga sassa daban-daban na Arewacin Najeriya, inda s**a samu damar tattauna batutuwan da s**a shafi rawar da malamai ke takawa wajen wayar da kan al’umma da inganta zaman lafiya.

Ana kallon irin waɗannan taruka a matsayin wata dama ta ƙarfafa haɗin gwiwa tsakanin malaman addinin Musulunci, musayar ra’ayoyi da kuma tattauna hanyoyin da za su taimaka wajen magance matsalolin da al’umma ke fuskanta.

A yayin da harkokin siyasa ke ci gaba da jan hankalin jama’a a Najeriya, kalaman shugaban majalisar sun sake jaddada muhimmancin rawar da shugabannin addini ke takawa wajen wayar da kan jama’a, tare da barin ’yan ƙasa su gudanar da zaɓensu bisa ra’ayinsu da abin da s**a ga ya dace.

Ku ci gaba da bibiyar AGC-HAUSA domin samun sahihan labarai da rahotanni kan addini, siyasa, shugabanci da sauran muhimman al’amuran yau da kullum.

08/10/2026

"Idan yaranmu s**a rasa ilimi, mun rasa makoma, shi ya sa ma na mayar da hankali kan ilimin matasa...". Hon. Beni

Hon. Barr. Beni Butmak Lar na daga cikin ’yan siyasa mata da s**a shafe tsawon lokaci suna wakiltar al’ummarsu a Majalisar Wakilan Tarayyar Najeriya.

Ta wakilci mazabar tarayya ta Langtang ta Arewa da Langtang ta Kudu a Majalisar Wakilai har sau biyar, inda ta samu damar riƙe muƙamai daban-daban tare da jagorantar wasu kwamitocin Majalisar, ciki har da Kwamitin ’Yancin Ɗan Adam, Kwamitin Kimiyya da Fasaha da Kwamitin Harkokin Mata.

A halin yanzu, Hon. Beni Butmak Lar na daga cikin ’yan majalisar tarayya mata biyu da s**a fi daɗewa a Majalisar Dokokin Najeriya, kuma tana neman wa’adi na shida domin ci gaba da wakiltar al’ummar Langtang ta Arewa da Langtang ta Kudu.

Bayan shekaru da dama tana siyasa a ƙarƙashin Jam’iyyar PDP, Hon. Butmak Lar ta samu sahalewar INEC domin tsayawa takarar zaɓen 2027 a ƙarƙashin Jam’iyyar APC Mai mulki.

A wannan hira ta musamman da ta yi da AGC-HAUSA, Hon. Beni Butmak Lar ta yi ƙarin bayani kan wasu daga cikin nasarorin da ta samu a tsawon shekarun da ta yi a Majalisar Wakilai, da irin ayyukan da ta gudanar wajen wakiltar al’ummar mazabarta, da kuma gudunmawar da ta bayar a harkokin majalisa.

Ga cikakkiyar hirar:

AGC - Hausa

13/10/2026

13/10/2026

12/10/2026

11/10/2026

11/10/2026

10/10/2026

09/10/2026

09/10/2026

09/10/2026

08/10/2026

Address

Telephone

Website

Alerts

Contact The Business

Shortcuts

Share

Listing takedown request