02/01/2026
This new year I no get any prayer or wish for anybody because no be today we don dey pray and wish, yet many people still dey stagnant with little or no progress.
Na very simple and common sense advice I get for you this year 2026 and I believe say those wey go follow this advice go get good testimonies🙌
TO AVOID EMBARRASSMENT AND UNNECESSARY PRESSURE THIS YEAR 2026👇
1. Put your children for
school wey you fit afford
because expensive
schools no
guarantee good
results. Just ensure
Say them dey attend good
affordable school✔
2. Rent house wey your power reach
No go stay house wey you go dey
struggle to pay yearly✔
3. From the day your wife get Belle,
You get good 9 months to prepare,
So prepare well, if possible do Osusu (Contribution)
you go park like a week to her due date
so that you no go begin run around dey find Money to borrow.✔
4. From the day you rent house,
You suppose know say you go
Pay rent when rent due
So plan and save towards your
Next rent to avoid disgrace✔
5. plan your life well and
live within your means,
No put your hand for where
Your power no reach,
Save more and spend
less✔
6. E no make sense to dey buy food
for your children every
morning before them go
school because e Dey cheaper
to cook so cook for your house✔
7. If you no get money for DSTV
go for GOTV and upgrade
when your income don
upgrade. Afterall na still
the same CNN✔
8. Eat healthy food and
protect your family
from mosquitoes to
avoid everyday hospital wahala✔
9. No copy your
neighbor lifestyle, because
Una two pockets no be neighbors✔
10. No follow trends,
If your power no reach bone straight,
Do Ghana weaving police no go arrest you✔
11. Keep your circle
small, keep only
friends wey get
sense✔
12. Above all things, have
fear of God, get
integrity, work hard
and dey prayerful✔
13. Plan and prepare early because if
you fail to plan, you
plan to FAIL.✔
This na Just my little advice for you this year. 💯
welcome to 2026👋
