AYola Data

27/01/2026

💞Manzon Allah (ﷺ) ya ce:
“A ranar Alƙiyama, Allah zai riƙe ƙasa gaba ɗaya, Ya nade sammai da hannunSa na dama, sannan Ya ce: Ni ne Sarki. Ina sarakunan duniya?”

26/01/2026

💞 Manzon Allah S.A.W Ya ce: Abubuwa Guda Biyu Dan Adam Yana Ƙin su:

Yana ƙin Mutuwa, Kuma Mutuwa Ita Ta fi Zamewa Mumini Alkhairi Daga Fitintunun Duniya.

Kuma Yana ƙin ƙarancin Dukiya, Kuma ƙarancin Dukiya Shi ne Mafi ƙaranci A Wajan Hisabi. ❞

Sheikh Ahmad Tijjani Yusuf Guruntum, Hafizahullah

21/01/2026

21/01/2026

💞INNALILLAHI WA'INNA ILAIHI RAJI'UN:
Yanzu muke samun labari, Shahararren malamin Musulunci Dake Katsina, Sheikh Habibu Yahaya Kaura
ALLAH yamasa rasuwa"

Ya rasu ne a wani asibiti dake birnin tarayya Abuja.

Za A Gudanar Da Jana’izarsa Da Misalin Karfe 4:30 Na Yammacin Yau Laraba A Hedikwatar Kungiyar JIBWIS Ta Kasa Dake Utako Bega Junction, Abuja.

Allah Ya Jikansa Da Rahama.

15/01/2026

💞SIRAƊI GADAR ƘETAREN KOWA

"Allah maɗaukakin sarki acikin alƙur'aninsa mai girma da tsarki ya shaida mana cewa lallai babu wani ɗaya daga cikinku face sai yabi takan gadar siraɗi, wannan ya kasance akan ubangijinka wani hukunci ne zartacce"
(Quran)

"Mutane s**an shagaltu da aiyukan banza a wannan duniyar, sun bar aiyukan da zai taimaka musu wajen tsallake abu mafi hatsari a garesu, wato gadar siraɗi wacce tafi kowace gada hatsari da fargaba ga kowane ɗan adam"

"Siraɗi, gada ce wacce kowa sai ya ƙetara ta cikinta, wani zai wuce cikin sauƙi, wani kuma cikin wahala, wasu zasu ƙetare lafiya sabida sun yi aiki mai kyau, wasu kuma zasu zame su afka cikinta sakamakon munanan aiyukan su, ya Allah kasa mu ƙetare wannan gada cikin sauƙi ba tareda ruftawa cikinta ba, Ameen"

13/01/2026

💞SALLAR DARE :

" In kana neman wani abu, ka tashi cikin dare ka roki Allah SWT, wallahi sai Allah ya baka, kuma sai ya yi maka maganin matsalar ka.

06/01/2026

💞FALALAR KARATUN SURATUL MULK.

1. TANA TSAREWA DAGA AZABAR KABARI

Annabi ﷺ ya ce:

"Lallai wata sura ce daga Alqur’ani, ayoyinta talatin, ta yi ceto ga wanda ya saba karanta ta har aka gafarta masa. Ita ce Tabārakalladhī biyadihil-mulk."

(Tirmidhi, Abu Dawud, Ibn Majah – Hasan Sahih)

2. TANA MAGANIN AZABAR KABARI

Annabi ﷺ ya ce:

"Lallai Suratun Mulk tana hana azabar kabari."

(Hakim da Nasai sun rawaito, Al-Albani ya ce Sahih)

3. SURAR DAKE CETON WANDA YA SABO DAITA

An rawaito cewa:

"Lallai ita ce sura da take yin magana a kan mai karanta ta, har ta tsare shi daga azabar kabari."
(Ahmad, Ibn Hibban – Sahih)

4. ANA SON A KARANTA TA KULLUM KAFIN KWANCIYA

Annabi ﷺ yana karanta Suratul Mulk kafin barci.
(Tirmidhi, Nasai – Sahih)

A TAKAICE:

Suratul Mulk na hana azabar kabari.

Sura ce da take ceto mai karanta ta a wurin Allah.

An so a karanta ta kowacce dare kafin kwanciya.

Wanda ya saba da ita zai sami tsari da rahama daga Allah.

MUYI KOKARI MUNA KARANTA WANNAN SURAH DOMIN WADANNAN FALALOLI

Kuyi sharin wa yan uwa musulmi.

Abdullahi saminu ✍️

30/12/2025

💞Duk Wanda Yake Da Ɗabi’a Ya Yi Wa Manzon Allah ﷺ Salati Goma Kacal Da Safe, Salati Goma Kacal Da Yamma, Toh Annabi ﷺ Ya Ce Tabbas Cetona Sai Ya Riski Shi. Ya Rabbi, Ka Sa Mu Cikin Waɗanda Manzon Allah ﷺ Zai Ceta.

Sheik Dr. Abdallah Usman Gadon Kaya (Hafizahullah)

27/12/2025

💞SALLAR WALHA (Sallar Ḍuḥa)

Adadin raka’o’i:
– Mafi ƙaranci: 2 raka’a
– Mafi yawa: 8 zuwa 12 raka’a
– Ana yinta 2-2 kamar sallar nafila.
Fa’idodinta:
1. Ladarta kamar hajji da umrah cikakku.
2. Tana kawo albarka da wadatuwa.
3. Tana wanke zunubai kamar yadda ruwa ke wanke datti.

🗣️ Hadisi:
Manzon Allah (SAW) ya ce:
“Duk wani Bangaren jiki da ya motsa a jikinka yana da sadaka a kowane yini… amma raka’a biyu na sallar duha sun wadatar da haka.”
(Muslim)
Allah bada Iko

25/12/2025

💞Manzon Allah (ﷺ) ya ce: “Allah Ta’ala zai ce wa ‘yan Aljanna: “Ya ku ‘yan Aljanna.” Sai su ce: “Mun amsa maka, ya Ubangijinmu.” Sai ya ce: “Shin kun yarda?” Sai su ce: “Me zai sa ba za mu yarda ba, alhalin ka ba mu abin da babu wanda ka taɓa ba shi irinsa a cikin halittarka?” Sai Allah ya ce: “To zan ba ku abin da ya fi wannan da na ba ku.” Sai su ce: “Ya Ubangiji, mene ne kuma ya fi wannan da ka ba mu?” Sai ya ce: “Zan halatta muku yardata, daga yanzu ba zan yi fushi da ku ba har abada.”

[Bukhari #6549, da Muslim #2829].

23/12/2025

💞FALALAR SALLAR WALAHA*

Yaku bayin Allah! Sallar walaha tana daga cikin mafi ƙimantattu a wajen Allah. Domin tana nuna cewa *bawan ya fifita Ubangijinsa fiye da jin daɗinsa*, kuma ya yi *mujāhada* (ƙwazo da jajircewa) wajen tsayuwa a ibada *duk da cewa zuciyarsa ko jikinsa yana ƙin hakan.*

Allah madaukakin sarki acikin Suratul Ankabut ayata 69 yace

*وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا ۚ وَإِنَّ اللَّهَ لَمَعَ الْمُحْسِنِينَ*

_Kuma waɗanda s**a yi jihadi (ƙoƙari da jajircewa) a cikin lamarinmu (ibada da biyayya), lalle ne za Mu shiryar da su hanyoyinmu. Lalle ne Allah na tare da masu kyautatawa (al'amuransu da ayyukansu)._

*_Sallah ta masu komawa ga Allah tana da girma fiye da sallar masu jin daɗi.”_*
Wannan yana nuni da masu salla da wahala ko jajircewa (wato sallar da mutum ke yi da nauyin zuciya, amma saboda Allah). Wannan ma’anar tana cikin hadisan da s**a nuna cewa *ibada mafi falala ita ce wadda mutum ya tilasta kansa yin ta domin Allah.*

Yaku bayin Allah! Sallar wahala tana ɗaukaka darajarku a wajen Allah, tana kawo shiriya da nasara, har da jin daɗin zuciya daga baya.

Manzon Allah (SAW) ya ce: _“Mafi falala daga cikin ayyuka shi ne wanda ka yi shi yayin da ka ke jin nauyi ko gajiya.”_


_Yaku bayin Allah magabata na kwarai sun kasance suna tursasa kansu wajen cikakkiyar biyayya zuwa ga Allah_

- *Umar bn Khattab (RA):*
_“Wani lokaci ina tursasa kaina yin salla da nufin kada in bari ruhina ya saba da sakaci.”_

- *Hasan al-Basri (RA):*
_“Wallahi, na ga mutane da idan ba su samu damarsu na ibada ba da dare – sai su yi kuka kamar sun rasa ‘ya’yansu.”_

- *Ibn al-Qayyim (RH):*

_"Ka fi kusanci da Allah lokacin da zuciyarka ke ƙin yin salla amma ka tilasta kanka saboda ƙaunar Allah."_

- *Imam Ibn Taymiyyah (RH):*
_“Sallar da mutum ke yi da nauyin zuciya amma saboda tsoron Allah, tana fi daraja fiye da wadda ya yi da jin daɗi amma da gafala (sakon zuciya).”