Hurrasul Harakatil Islamiyya

Hurrasul Harakatil Islamiyya Official Page of Hurras of the Islamic movement, under the leadership of Shaikh Ibraheem Zakzaky (H)

Bayar Da Agaji A Hanyar Kaduna-Abuja:Ɓangaren Traffic Control, na HURRAS, ƙarƙashin Jagora Sayyid Ibraheem Zakzaky (H), ...
27/05/2026

Bayar Da Agaji A Hanyar Kaduna-Abuja:

Ɓangaren Traffic Control, na HURRAS, ƙarƙashin Jagora Sayyid Ibraheem Zakzaky (H), sun taimaka wajen warware cunkoson ababen hawa, wanda aka shafe kwanaki biyu ana fama da shi a wajajen Jere, da ke kan hanyar Kaduna zuwa Abuja a jiya Talata da daddare.

Cinkoson, wanda ya shafe kwanaki biyu ana fama da shi, duk da ƙoƙarin jami'an tsaro na warware shi, Harisawa sun je wajen da yammacin jiya Talata 26/5/2026, inda cikin ludufin Allah Ta'ala s**a warware shi zuwa 11:00 na dare. Ya zuwa yanzu, ana iya cewa babu cinkoson a yau.

— Hurrasul Harakatil Islamiyya


10 Zulhijja 1447 (27/5/2026)

AN KAMMALA DAURAN MASU MAS'ULIYYA NA HARISAWAKwamitin Ilimi na Harisawan Harkar Musulunci ƙarƙashin Jagorancin Sayyid Ib...
26/05/2026

AN KAMMALA DAURAN MASU MAS'ULIYYA NA HARISAWA

Kwamitin Ilimi na Harisawan Harkar Musulunci ƙarƙashin Jagorancin Sayyid Ibraheem Zakzaky (H) sun kammala gabatar da Daura Ilmiyya, na Harisawa masu Mas'uliyya a Zones din aikin Harisanci.

A wannan makon, wato mako na uku da fara Dauran, an gabatar a Zones huɗu ne, da s**a hada da:

1- Rasulul Akram(S) Zone,
2- Amirulmumin (AS) Zone
3- Imam Hasan Almujtaba (AS) Zone
4- Imam Zainul Abidin (AS) Zone

Dauran na kwana biyu, an fara ne a ranar Juma'a 22 ga watan Mayu, 2026 (5/12/1447), inda aka kammala a kowane Zone a ranar Lahadi 24/5/2026.

An gabatar da karatuttuka ga masu Mas'uliyya din, da s**a shafi ɓangarori da dama, daga ciki akwai Tauhidi, Fiqihu, Akhlaq, da kuma darussan musamman akan sanin mak**an aiki, da kwakkwafe Fikira.

Dauran ya kunshi dukkan masu Mas'uliyya a ɓangaren aikin Harisanci ne a kowane Zone da aka gabatar, k**a daga Wakilan kwamitin karatu, malaman makarantun Harisawa na Sub-unitota, Zonal Heads da Unit Heads, da Wakilan kwamitocin da aikin ke da su na dukkan unitota da Zones.

Manufar shi, shi ne, ƙoƙarin bunƙasa ilimin Harisawa, musamman masu Mas'uliyya, wanda yake biyo bayan karatun mako-mako da aka assasa gudanarwa a kowane Sub-unit tun tsawon kimanin watanni shida da s**a gabata. Kuma Dauran zai cigaba a duk lokacin da aka yi hutun makarantar Harisawa na Sub-unitota, don ƙara inganta ilimi da sanin mak**an aiki ga masu Mas'uliyyan aikin a kowane mataki.

Wannan shi ne mako na ƙarshe da kwamitin na ilimin Harisawa s**a kammala gudanar da Daura Ilmiyya a Zones 14 da aikin ke da shi. Sai kuma bayan wata shida za a maimaita. Inda yanzu za a cigaba da karatun da ake gudanarwa kowane mako a kowane Sub-unit.

Nan wasu daga hotunan Daura din ne, na Zones din da aka gudanar.

Hurrasul Harakatil Islamiyya


9 Zulhijja, 1447 (26/5/2026)

HARISAWA MATA SUN SHIRYA TARON ƘARAWA JUNA SANI KAN AIKIA makon da ya gabata ne, ɓangaren Harisawa Mata (Hurras Sistersʼ...
20/05/2026

HARISAWA MATA SUN SHIRYA TARON ƘARAWA JUNA SANI KAN AIKI

A makon da ya gabata ne, ɓangaren Harisawa Mata (Hurras Sistersʼ Affairs) s**a gabatar da taron ƙarawa juna sani ga wakilansu na dukkan Unitoci, da Wakilan Kwamitin Sisters na Central, tare da sauran Hurras Sisters da ke cikin kwamitocin aikin Harisanci.

Taron, wanda aka gudanar a tsawon yini uku, an fara shi ne a ranar Juma'a 27 ga Zulƙa'ada 1447 (15/5/2026) zuwa Lahadi a garin Zaria. An gabatar da karatuttuka da jawabai akan Maudu'ai daban-daban, da s**a shafi yadda ake gudanar da aiki, da kuma kwakkwafe tunani (Fikira), tare da addu'o'i ga Jagora (H) da sauran 'yan gwagwarmaya da ke faɗin duniya bakidaya.

— Hurrasul Harakatil Islamiyya
3 Zulhijja, 1447 (20/5/2026)

DAURAN MASU MAS'ULIYYA NA HARISAWA A MAKO NA BIYUKwamitin Ilimi na Harisawan Harkar Musulunci karkashin Jagorancin Sayyi...
19/05/2026

DAURAN MASU MAS'ULIYYA NA HARISAWA A MAKO NA BIYU

Kwamitin Ilimi na Harisawan Harkar Musulunci karkashin Jagorancin Sayyid Ibraheem Zakzaky (H) sun cigaba da gabatar da Daura Ilmiyya, na Harisawa masu Mas'uliyya a Zones din aikin Harisanci.

A wannan makon, wato mako na biyu da fara Dauran, an gabatar a Zones biyar ne, da s**a hada da:

1- Sayyida Zahra (SA) Zone,
2- Imam Baqir (AS) Zone
3- Imam Ridha (AS) Zone
4- Imam Alhadi (AS) Zone
5- Imam Imam Mahdi (AS) Zone.

Dauran na kwana biyu, an fara ne a ranar Juma'a 15 ga watan Mayu, 2026 (27/11/1447), inda aka kammala a kowane Zone a ranar Lahadi 17/5/2026.

An gabatar da karatuttuka ga masu Mas'uliyya din, da s**a shafi ɓangarori da dama, daga ciki akwai Tauhidi, Fiqihu, Akhlaq, da kuma darussan musamman akan sanin mak**an aiki, da kwakkwafe Fikira.

Dauran ya kunshi dukkan masu Mas'uliyya a ɓangaren aikin Harisanci ne a kowane Zone da aka gabatar, k**a daga Wakilan kwamitin karatu, malaman makarantun Harisawa na Sub-unitota, Zonal Heads da Unit Heads, da Wakilan kwamitocin da aikin ke da su na dukkan unitota.

Manufar shi, shi ne kokarin bunƙasa ilimin Harisawa, musamman masu Mas'uliyya, wanda yake biyo bayan karatun mako-mako da aka assasa gudanarwa a kowane Sub-unit tun tsawon kimanin watanni shida da s**a gabata. Kuma Dauran zai cigaba a duk lokacin da aka yi hutun makarantar Harisawa na Sub-unitota, don ƙara inganta ilimi da sanin mak**an aiki ga masu Mas'uliyyan aikin a kowane mataki.

A ƙarshen mako mai zuwa ne kwamitin na ilimin Harisawa s**a shirya za a cigaba da gudanar da Daura Ilmiyya din a sauran Zones ɗin da s**a rage.

Nan wasu daga hotunan Daura din ne, na Zones din da aka gudanar.

Hurrasul Harakatil Islamiyya


2 Zulhijja, 1447 (19/5/2026)

AN FARA DAURAN MASU MAS'ULIYYA NA HARISAWA Kwamitin Ilimi na Harisawan Harkar Musulunci karkashin Jagorancin Sayyid Ibra...
12/05/2026

AN FARA DAURAN MASU MAS'ULIYYA NA HARISAWA

Kwamitin Ilimi na Harisawan Harkar Musulunci karkashin Jagorancin Sayyid Ibraheem Zakzaky (H) sun fara gabatar da Daura Ilmiyya, na Harisawa masu Mas'uliyya a kowane Zone din aikin Harisanci.

A wannan makon, an gabatar da Daura din a Zones biyar ne, da s**a hada da:

1- Imam Husaini (AS) Zone,
2- Imam Sadiq (AS) Zone
3- Imam Kazim (AS) Zone
4- Imam Jawad (AS) Zone
5- Imam Askari (AS) Zone.

Dauran na kwana biyu, an fara ne a ranar Juma'a 8 ga watan Mayu, 2026 (20/11/1447), inda aka kammala a kowane Zone a ranar Lahadi 10/5/2026.

An gabatar da karatuttuka ga masu Mas'uliyya din, da s**a shafi bangarori da dama, daga ciki akwai Tauhidi, Fiqihu, Akhlaq, da kuma darussan musamman akan sanin mak**an aiki, da kwakkwafe Fikira.

Dauran ya kunshi dukkan masu Mas'uliyya a bangaren aikin Harisanci ne a kowane Zone da aka gabatar, k**a daga Wakilan kwamitin karatu, malaman makarantun Harisawa na Sub-unitota, Zonal Heads da Unit Heads, da Wakilan kwamitocin da aikin ke da su na dukkan unitota.

Manufar shi, shi ne kokarin bunkasa ilimin Harisawa, musamman masu Mas'uliyya, wanda yake biyo bayan karatun mako-mako da aka assasa gudanarwa a kowane Sub-unit tun tsawon kimanin watanni shida da s**a gabata. Kuma Dauran zai cigaba a duk lokacin da aka yi hutun makarantar Harisawa na Sub-unitota, don kara inganta ilimi da sanin mak**an aiki ga masu Mas'uliyyan aikin a kowane mataki.

A karshen makonni biyu masu zuwa ne kwamitin na ilimin Harisawa s**a shirya za a cigaba da gudanar da Daura Ilmiyya din a sauran Zones da ake da su a aikin Harisanci guda tara da s**a rage.

Nan wasu daga hotunan Daura din ne, na Zones din da aka gudanar.

Hurrasul Harakatil Islamiyya


24 Zulƙa'ada 1447 (12/5/2026)

KWAMITIN NOMA NA HURRAS CENTRAL YA SHIRYA TARON ƘARAWA JUNA SANIA safiyar Lahadi 10/5/2026 ne aka kammala taron ƙarawa j...
10/05/2026

KWAMITIN NOMA NA HURRAS CENTRAL YA SHIRYA TARON ƘARAWA JUNA SANI

A safiyar Lahadi 10/5/2026 ne aka kammala taron ƙarawa juna sani kan harkar noma da kiwo, da dabarun samar da abincin dabbobi, da takin OPNK, da rigakafin cututtuka da ƙwari a noma da kiwon, wanda kwamitin Noma na Hurras Central ta shiryawa wakilanta dake Zone 14 da Unitoci 44 na faɗin aikin Harisanci.

Taron wanda aka fara shi a ranar Juma'a, 8/5/2026, ya samu halartan wakilan kwamitin na Noma, inda aka saurari jawabai da lakcoci, da ma tattaunawa akan noma da kiwon daga kwararru daban-daban a bangaren.

Daga masu jawabi, akwai Dr. Abdullahi 'Yar'adua, wanda yake Masani, kuma ƙwararre ne a ɓangaren noman tsirrai (crop production).

A ƙarshe, Kwamandan Hurras, Mukhtar Abdullahi Shariff ne ya rufe taron da kalmomin ƙarfafawa, da muhimmanta riƙo da irshadin su Jagora (H) dangane da kula al'amarin noma.

A yayin jawabinsa, Sharif ya yabawa kwamitin na noman na Harisawa a bisa sa'ayinsu a bangaren ta hanyar kawo cigaban da ba a taba samun irinsa ba. Ya kuma yi fatan a ga cigaban da ya fi haka cikin ƙanƙanin lokaci, tare da kira zuwa ga tsayuwa da yin komai domin Allah Ta'ala.

— Hurrasul Harakatil Islamiyya
22 Zulƙa'ada 1447 (10/5/2026)

Kwanaki Uku Da Rasuwar Malam Faruku Musa; HARISAWA SUN MIƘA TA'AZIYYA GA IYALAI DA 'YAN UWADa yammacin yau Asabar, 21 Zu...
09/05/2026

Kwanaki Uku Da Rasuwar Malam Faruku Musa; HARISAWA SUN MIƘA TA'AZIYYA GA IYALAI DA 'YAN UWA

Da yammacin yau Asabar, 21 Zulƙa'ada 1447 (9/5/2026) ne aka gudanar da addu'ar kwanaki uku da rasuwar abokin aikinmu, Malam Faruku Musa, wanda kafin rasuwarsa shi ne Unit Head din Birnin Kebbi Unit, da ke Zone din Imam Ridha (AS).

Ɗimbin al'ummar Musulmi, maza da mata ne s**a halarci taron addu'an, wanda ya gudana fara gudana da misalin karfe 5:00 na yammaci a garin na Birnin Kebbi.

Malam Murtala Umar, Zonal Head din Imam Hasan Almujtaba (AS) Zone, da Malam Usman Bello, Zonal Head din Imam Ridha (AS) Zone, tare da Wakilan Unitocin da ke Zones din gabadaya ne s**a isa, domin yi wa iyalai, iyaye, da 'yan uwan mamacin ta'aziyya a madadin H-Central da dukkanin Harisawa bakiɗaya.

Muna roƙon Allah Ta'ala Ya jaddada masa rahama da jinkai. Ya karɓi uzurinshi. Ya sada shi da ceton Annabi da Ahlulbaiti (AS).

— Hurrasul Harakatil Islamiyya
21 Zulƙa'ada 1447 (9/5/2026).

MUN YI RASHI Inna lillahi wa inna ilahi raji'un. Allah Ya yi rasuwa ga Unit Head din Birnin Kebbi, da ke Zone din Imam R...
07/05/2026

MUN YI RASHI

Inna lillahi wa inna ilahi raji'un.

Allah Ya yi rasuwa ga Unit Head din Birnin Kebbi, da ke Zone din Imam Ridha (AS) na HARISAWA rasuwa, wato Malam Faruku Musa, jiya Laraba 18 ga Zulƙa'ada 1447 (6/5/2026) da daddare, sak**akon jinya da ya yi.

Za a yi masa sallar janaza yau Alhamis da misalin karfe 11:00 na safe a garin Birnin Kebbi.

Dafatan za a saka shi a addu'a, da sadaka zuwa ga ruhinsa, tare da Sallar Wahsha, da nufin Allah Ya riskar izuwa gare she shi.

A madadin Harisawan Harka Islamiyya, muna isar da ta'aziyyarmu ga Sahibul Asr Waz Zaman (AJ), da Jagora Sayyid Ibraheem Zakzaky (H), da iyalai da 'yan uwan marigayin, tare da abokan aiki, da 'yan uwa Musulmi bakidaya.

Allah Ta'ala Ya jikansa da rahama. Ya karɓi uzurinshi. Ya sada shi da ceton tsarkakan bayinSa (AS).

— Hurrasul Harakatil Islamiyya
19 Zulƙa'ada 1447 (7/5/2026)

A Ranar Mauludin Imam Ridha (AS):Sashen Harisawa masu kula da bangaren kiwon lafiya (Hurras Medical Team) sun bayar da a...
03/05/2026

A Ranar Mauludin Imam Ridha (AS):

Sashen Harisawa masu kula da bangaren kiwon lafiya (Hurras Medical Team) sun bayar da agaji a ciki da wajen Nijeriya don tunawa da ranar haihuwar Imam Ridha (AS), limami na takwas a cikin limaman shiriya (AS).

Bangaren, sun ayyana ranar ta haihuwar Imam Ridha (AS), wanda ya kasance likitan likitoci, wato ranar 11 ga watan Zulƙa'ada, a matsayin “Ranar Ƙungiyar Ma’aikatan Lafiya ta Ƙasa” (National Medical Team Day) a bangaren na Harisawa, inda suke burin a duk shekara za su rika bayar da agaji na musamman ga mabukata a cikinta.

A yayin gudanar da ayyukan ranar, HMT sun gudanar da ayyukan tsaftace muhallai, ziyarar asibitoci, duben marasa lafiya, yankan farce da aski (kyauta) da kuma raba kyaututtuka ga duk waɗanda s**a ziyarta a ranar. An gudanar da ayyukan ne a Zones 10 daga cikin 14 da ake da su a faɗin aikin na Harisanci.

1. A Rasulul Akram Zone, Harisawan sun gudanar da yankan farce da aski kyauta tare da raba kyaututtuka ga al'umma a matsayin ayyukan wannan ranar.

2. Haka a Amirulmumin (AS) Zone, Harisawan sun ziyarci Primary Health Care Centre da ke Yalwan Kagadama, inda s**a tsaftace muhallin tare da duba marasa lafiyar da ke kwance a wurin.

3. Zone din Azzahra (AS) ma ba a bar su a baya ba, sun buɗe ajin karatu ne don karantarwa kan sha'anin kiwon lafiya.

4. Imam Husaini (AS) Zone sun gudanar da ayyukan tsaftace muhallai tare da yi wa al'umma aski kyauta.

5. Zone ɗin Imam Baqir (AS) sun gudanar da wankin ciwo ga waɗanda suke da rauni, da kuma gwajin BP (Blood Pressure) ga al'umma kyauta.

6. A Zone ɗin Imam Musa Al-Kazeem (AS) kuma, Harisawan sun ziyarci makarantar allo a Jalingo Unit, da kuma ziyarar asibiti a Gombe Unit.

7. Haka Zone ɗin Imam Aliyu Ridha (AS) sun ziyarci tsangayar almajirai inda s**a wayar musu kai akan muhimmancin kula da tsafta.

8. A Zone ɗin Imam Jawad (AS) kuwa, Harisawan sun gudanar da aikin tsaftace muhallai da share wuraren da suke tara datti da ƙazanta.

9. Zone ɗin Imam Aliyu Al-Hadi (AS) ma ba a bar su a baya ba, sun ziyarci makarantar allo, inda s**a wayar musu kai kan muhimmancin kula da lafiya, tare da raba musu kyautar Omo don su tsaftace tafafinsu.

10. A Zone ɗin Imam Mahadi (AF) kuwa, Harisawan sun ziyarci asibiti don duba marasa lafiyar da ke kwance a wajen, tare da raba musu kyaututtuka.

Wannan rana ba kawai rana ce ta masu kula da kiwon lafiya ba, sai dai rana ce ta nuna ƙauna da sada zumunci tsakanin al'ummar da ke rayuwa a muhalli guda. Cikin taimakon Allah, duk wurin da aka ziyarta ko aka gudanar musu da wani aiki, sun mayar da martani ne da addu'o'i na neman kariya da lafiya ga Jagoran Harkar Musulunci, Shaikh Ibraheem Zakzaky (H), wanda shi ne ya nusar da Harisawan irin wannan aiki.

Hurras Medical Team na ƙara kira ga al'umma da su riƙa lura da abincin da suke ci, ruwan da suke sha, muhallin da suke zama, da kuma tsaftar kayan da suke sakawa don kula da lafiyarsu. Yin hakan zai taimaka sosai wajen rage kamuwa da cututtuka a cikin al'umma.

Saƙo daga Hurras Medical Team,
— Hurrasul Harakatil Islamiyya


15 Zulƙa'ada, 1447
03/05/2026

Shahada A Tafarkin Allah:قَالَ الصَّادِقُ (ع): فَوْقَ كُلِّ بِرٍّ بِرٌّ حَتَّى يُقْتَلَ الرَّجُلُ فِي سَبِيلِ اللَّهِ، ف...
23/04/2026

Shahada A Tafarkin Allah:

قَالَ الصَّادِقُ (ع): فَوْقَ كُلِّ بِرٍّ بِرٌّ حَتَّى يُقْتَلَ الرَّجُلُ فِي سَبِيلِ اللَّهِ، فَإِذَا قُتِلَ فِي سَبِيلِ اللَّهِ فَلَيْسَ فَوْقَهُ بِرٌّ.

An ruwaito daga Imam Sadiq (AS) ya ce: “Akwai alheri da ke saman kowane alheri, har sai an kashe mutum a tafarkin Allah, idan aka kashe mutum a tafarkin Allah, to wannan (Shahada din) babu wani alheri da ke sama da shi.”

— Alkafiy, 2/348.

Shahid Hamza Yawuri na daga cikin wadanda s**a riski mafi ƙololuwar alherin Allah Ta'ala, sak**akon sadaukar da ransa da ya yi a tafarkin Allah Ta'ala, da baiwa addini kariya da ransa a yayin da maƙiya s**a nufi kashe addinin.

Ya samu Shahada yana mai ƙoƙarin sauke wazifarsa na baiwa Jagorancin motsin addini mai riskuwa da Imamul Asr (AJ) kariya, yana riƙe da mas'uliyya mai girma na tsaron Harka Islamiyya. Ya kasance na farko-farko a Shahidan Wakiar Buhari (L) ta Zaria, wadda ta auku a ranar 1 zuwa 3 ga Rabi'ul Auwal 1437 (12-14 Dec. 2015).

Allah Ya bamu ikon koyi da shi, tare da sauran Shuhada. Ya girmama matsayinsu. Ya tsine wa makasansu albarka.

— Hurrasul Harakatil Islamiyya

5 Zulƙa'ada 1447 (23/4/2026)

SAƘON ƘARFAFAWAHurras Central na yi wa dukkan Harisawa da s**a samu halartan Mu'utamar da aka yi a Bauchi a makon da ya ...
22/04/2026

SAƘON ƘARFAFAWA

Hurras Central na yi wa dukkan Harisawa da s**a samu halartan Mu'utamar da aka yi a Bauchi a makon da ya wuce, barka da gajiya. Dafatan Allah Ta'ala Ya karɓi sa'ayi. Ya girmama ladan hidindimu. Ya kuma ba mu sabati a tafarkinSa Madaukaki.

Haƙiƙa Harisawa sun yi ƙoƙari sosai, inda aka samu wakilci daga dukkan Unitocin aiki, fiye da tsammani, an samu halartan ma'aikatan HURRAS sama da dubu ɗaya, waɗanda s**a ba da gudummawa a ɓangarori daban-daban, k**a daga shirya muhallai, ba da tsaro, gadi da kiyaye nizami, hidimtawa mahalarta, kula da ababen hawa, kula da kiwon lafiyar al'umma, da sauran ɓangarori.

Muna fatan za a ƙara himma wajen cigaba da sadaukarwa saboda Allah, a yayin dukkan tarurrukan Harka Islamiyya, da baiwa al'umma bakiɗaya gudummawa, kariya da tsaro ta ɓangarori daban-daban, k**ar yadda Jagoranmu Sayyid Ibraheem Zakzaky (H) ke mana irshadi a ko yaushe.

Muna kuma baiwa 'yan'uwa mahalarta haƙuri akan inda aka samu gazawa daga janibin Harisawa. A ko yaushe, Haris mai hidima ne ga al'umma, da addini, don haka gazawa, ko munana mu'amala naƙasu ne da ɓangaren Harisanci zai cigaba da ƙoƙarin daƙilewa a cikin aiki, Insha Allah.

— Hurrasul Harakatil Islamiyya
4 Zulƙa'ada 1447 (22/4/2026)

Address

Abuja
900001

Website

Alerts

Be the first to know and let us send you an email when Hurrasul Harakatil Islamiyya posts news and promotions. Your email address will not be used for any other purpose, and you can unsubscribe at any time.

Shortcuts

Share

Category