Hurrasul Harakatil Islamiyya

Hurrasul Harakatil Islamiyya Official Page of Hurras of the Islamic movement, under the leadership of Shaikh Ibraheem Zakzaky (H)

Mu'assasatus Shuhada Ta Yabawa Lajanar HarisanciA jiya Lahadi 8 ga Rabi'ul Thani 1448 (20/9/2026), Lajanar Mu'assasatus ...
21/09/2026

Mu'assasatus Shuhada Ta Yabawa Lajanar Harisanci

A jiya Lahadi 8 ga Rabi'ul Thani 1448 (20/9/2026), Lajanar Mu'assasatus Shuhada, da ke kula da al'amarin Shahidan Harka Islamiyya, tare da iyalansu, a ƙarƙashin Jagorancin Sayyid Ibraheem Zakzaky (H), ta gana da Wakilan Central Command din Harisawan Harkar Musulunci, a ƙoƙarin ƙarfafa juna dangane da sauke wazifa akan al'amarin Shahidai masu girma.

A yayin ganawar, Mu'assasatus Shuhada ta nuna yabawanta kan irin yadda Hurras s**a yi ƙoƙari wajen sauke Haƙƙin Shuhada a shekarar da ta gabata, inda Mu'assasar ta miƙa takardar shaidar amsar kuɗi Naira Miliyan Goma Sha Huɗu (14,000,000) daga Lajanar Harisanci a shekarar da ta gabata (1447/2025) a dunƙule.

Mu'assasatus Shuhada ta bakin shugabanta, Malama Maryam Sani, ta yi fatan Harisawa da dukkan sassan 'yan uwa Musulmi almajiran Jagora Shaikh Ibraheem Zakzaky (H) za su ƙara zage damtse wajen ganin sun sauke Haƙƙin na Shuhada, wanda a bana bisa ta'ayidin Jagora (H) ya koma Naira 500 a kowane wata, Naira 6,000 a shekara.

Allah Ta'ala Ya girmama matsayin Shahidanmu masu girma. Ya bamu ikon sauke haƙƙokinsu da ke kawukanmu gabaɗaya.

— Hurrasul Harakatil Islamiyya



9 Rabi'ul Thani 1448 (21/9/2026)

MAULUD 1448/2026:Ɓangarorin Harisawan Harka Islamiyya, ƙarƙashin Jagorancin Sayyid Ibraheem Zakzaky (H) a yayin Muzaharo...
26/08/2026

MAULUD 1448/2026:

Ɓangarorin Harisawan Harka Islamiyya, ƙarƙashin Jagorancin Sayyid Ibraheem Zakzaky (H) a yayin Muzaharorin Mauludin Manzon Allah (S) na ranar 12 ga watan Rabi'ul Awwal 1448 a Da'irori daban-daban.

A yayin Muzaharorin, Harisawa sun gudanar da faretin girmamawa ga Annabi (S), tare da gudanar da ayyukan kiyaye tsaro, nizami da hidimtawa al'umma, da s**a hada da kula da zirga-zirgan ababen hawa, kiyaye haɗurran gobara, tsaftace muhallai bayan Muzaharar ta wuce, da sauransu.

Labbaika Ya Rasulallah❤️

— Hurrasul Harakatil Islamiyya




13 Rabi'ul Auwal 1448 (26/8/2026)

BITAN KARATUN KWAMITIN ILIMIN HARISAWAA makon jiya ne, Kwamitin Ilimi na Central, na Harisawan Harkar Musulunci almajira...
25/08/2026

BITAN KARATUN KWAMITIN ILIMIN HARISAWA

A makon jiya ne, Kwamitin Ilimi na Central, na Harisawan Harkar Musulunci almajiran Jagora Shaikh Ibraheem Zakzaky (H), s**a gudanar da taron bitan karatu ga Wakilan kwamitin da s**a zo daga Zones 14 da ake da su na aikin Harisanci a faɗin ƙasar nan da ƙetare.

Karatun, wanda aka shiga ranar Juma'a 1 zuwa Lahadi 3 ga Rabi'ul Auwal 1448 (14-16/8/2026) a garin Bauchi, an yi bitan akan littafin Aklaq na Harisawa, wanda a baya aka ma take da “Arba'una Hadithan fiyl Akhlaq”, yanzu kuma aka sake gyara shi, aka mai da shi “Arba'una Darsan fiyl Akhlaq.” ya ƙunshi darussa 40, wanda suke kunshe da Hadisan Ma'asumai (AS) akan bangarori daban-daban na rayuwa, zamantakewa, da kuma abinda ya shafi ayyukan Harisanci.

Har ila yau, Kwamitin sun yi bita akan abinda ya shafi Fiqihu, da sauran darussa da ake koyarwa a makarantun Harisawa da aka kaddamar watannin da s**a gabata a faɗin aikin bakidaya.

H-Central ta tura wakilinta a yayin rufe zaman, inda ta yaba da sa'ayin da kwamitin ke yi wajen ganin an samu bunƙasan ilimi da tarbiya Harisawa, tare da karfafa guiwarsu akan cigaba da sa'ayi har a kai ga cimma inda ake hankoro a ɓangaren, da taimakon Allah Ta'ala.

— Hurrasul Harakatil Islamiyya



12 Rabi'ul Auwal 1448 (25/8/2026)

MU'UTAMAR NA 'UNIT HEADS' KARO NA BIYUAn kammala Mu'utamar da H-Central ta shirya wa Wakilan UNITOCIN 45 na aikin Harisa...
24/08/2026

MU'UTAMAR NA 'UNIT HEADS' KARO NA BIYU

An kammala Mu'utamar da H-Central ta shirya wa Wakilan UNITOCIN 45 na aikin Harisanci, da Mataimakansu bakidaya, a jiya Lahadi 23/8/2026 (10 Rabi'ul Auwal 1448) a garin Zaria.

A yayin taron na kwanaki uku, an gudanar da karatuttuka da s**a shafi aikin Harisanci, gudanarwarsa (management), da kuma wasu bangarori masu muhimmanci, irin yadda ake bayar da taimakon farko a yayin waki'a da haɗurra, da kuma tattaunawa akan Harka Islamiyya da Fikirarta.

An bude taron ne da saukan Alƙur'ani, da addu'o'i a yammacin ranar Alhamis, sannan aka saurari jawabi daga Jagoranmu (H) akan ma'ana da manufar aikin Harisanci, a ranar Juma'a da Asabar aka cigaba da gudanar da karatuttuka, inda aka kammala taron a safiyar Lahadi, bayan an saurari jawabin rufewa daga Jagoranmu Sayyid Ibraheem Zakzaky (H).

Wannan ne karo na biyu da aka gudanar da irin taron, bayan wanda ya gudana a shekarar da ta gabata a garin Kano.

— Hurrasul Harakatil Islamiyya



11 Rabi'ul Auwal 1448 (24/8/2026)

An Gudanar Da Zikiran Waki'ar Buhari A Da'irorin 'Yan UwaA jiya Asabar 2 ga watan Rabi'ul Awwal 1448, 'yan uwa Musulmi a...
16/08/2026

An Gudanar Da Zikiran Waki'ar Buhari A Da'irorin 'Yan Uwa

A jiya Asabar 2 ga watan Rabi'ul Awwal 1448, 'yan uwa Musulmi almajiran Jagoranmu Shaikh Ibraheem Zakzaky (H) s**a gudanar da Zikiran Waki'ar Buhari, da juyayin cikarta shekaru 11 da aukuwa, a Da'irori daban-daban a faɗin ƙasar nan da ƙetare.

A daidai irin wannan lokaci na farkon watan Rabi'ul Awwal ne, sojojin Nijeriya bisa umurnin shugaban ƙasa na lokacin, Muhammadu Buhari, s**a dirarwa 'yan uwa Musulmi a Zaria, inda s**a kashe kusan kimanin mutum dubu a cikin kwanaki uku.

A rana mai kamar yau, 3 ga Rabi'ul Auwal ne sojojin s**a harbi Jagoranmu Sayyid Ibraheem Zakzaky (H) bayan sun kashe daruruwan almajiransa, 'yan uwansa na jini, da kuma 'ya'yansa na cikinsa guda uku da s**a kashe su a gabansa, sannan s**a tafi da shi da matarshi cikin harbin harsasai da nufin ganin bayanshi da kawo karshen Harka Islamiyya bakidaya.

Ko da yake a watan Disamba ne ake gudanar da manyan tarurrukan tunawa da Waki'ar a lissafin Miladiyyah, bisa raya Munasabar a lissafin Hijiriyya ma 'yan uwa a kowace Da'ira sun gudanar da taron Zikira, wanda a mafi yawan wurare Harisawan Harkar Musulunci s**a shirya, inda aka tuna da Waki'ar, da Shahidanta, da kuma darussan dauka daga gare ta, tare da addu'o'i na musamman ga Shahidan Waki'ar masu girma.

Ga hotunan wasu daga tarurrukan.

— Hurrasul Harakatil Islamiyya

3 Rabi'ul Auwal 1448 (16/8/2026)

Hidima Ga Masu Tattakin Yaumul Arba'een A KarbalaƁangaren Harisawan Harka Islamiyya ƙarƙashin Jagorancin Sayyid Ibraheem...
11/08/2026

Hidima Ga Masu Tattakin Yaumul Arba'een A Karbala

Ɓangaren Harisawan Harka Islamiyya ƙarƙashin Jagorancin Sayyid Ibraheem Zakzaky (H) sun yi musaharaka a cikin hidimtawa masu Tattakin Yaumul Arba'een din Imam Husaini (AS) da ya gudana daga Birnin Najaf mai tsarki zuwa Karbala a bana.

A yayin Tattakin, wanda aka shafe yini shida ana gudanarwa, 'yan uwa almajiran Jagoranmu Shaikh Ibraheem Zakzaky (H) s**a isa Haramin Imam Husain (AS) da ke birnin Karbala a ranar 19 ga Safar 1448, Harisawa sun riƙa bayar da gudummawa ga dukkan maziyarta a ɓangarori daban-daban.

Harisawa sun riƙa kula da chajin wayoyin masu Tattaki, da taya su wajen daukan jakankunansu zuwa masaukai na gaba. Da gyaran ƙafafu da jiki (tausa) a yayin gajiya, da kuma tsaftace makewayi, tare da kula da jinya da kiwon lafiyan maziyartan, wanda ɓangaren Hurras Medical Team (HMT) s**a riƙa yi, duka domin saukaka wa masu Tattakin na Arba'een wajen gudanar da shi cikin aminci.

Hidimtawa masu ziyarar Imam Husaini (AS) ya kasance daga ayyuka masu dimbin lada, wanda Harisawan s**a yi Tawassuli da shi, akan Allah Ya kara wa Jagoranmu Sayyid Ibraheem Zakzaky (H) lafiya da kariya, Ya kuma karfafi Harisawa wajen sadaukarwa da tsayuwa ƙyam har ƙarshen rayuwa.

— Hurrasul Harakatil Islamiyya




27 Safar 1448 (11/8/2026)

09/08/2026

“Haihaata minna zhilla!!!”

LABBAIKA YA HUSAIN❤️

— Hurrasul Harakatil Islamiyya



Wasu hotunan Tattakin Yaumul Arba'een din Imam Husaini (AS) da 'yan uwa almajiran Jagoranmu Shaikh Ibraheem Zakzaky (H) ...
09/08/2026

Wasu hotunan Tattakin Yaumul Arba'een din Imam Husaini (AS) da 'yan uwa almajiran Jagoranmu Shaikh Ibraheem Zakzaky (H) s**a gudanar a yankin Malumfashi zuwa Zaria, a ranar Lahadi 18 ga Safar 1448.

Assalamu alal Husain❤️

— Hurrasul Harakatil Islamiyya
25 Safar 1448 (9/8/2026)

Yankin Funtua Zuwa ZariaWasu hotunan 'yan uwa Musulmi almajiran Jagoranmu Shaikh Ibraheem Zakzaky (H), da s**a taso daga...
08/08/2026

Yankin Funtua Zuwa Zaria

Wasu hotunan 'yan uwa Musulmi almajiran Jagoranmu Shaikh Ibraheem Zakzaky (H), da s**a taso daga yankin Funtua zuwa Zaria da Tattakin Yaumul Arba'een din Imam Husaini (AS) a ranar Lahadi 18 ga Safar 1448.

Amincin Allah ga Imam Husaini, da Iyalansa da Sahabbansa.

— Hurrasul Harakatil Islamiyya
24 Safar 1448 (8/8/2026)

An Gudanar Da Jana'izar 'Yan Uwa Biyar Da S**a Yi Hatsari A Hanyar Zuwa Yaumul Arba'eenDa yammacin yau Laraba, 21 ga Saf...
05/08/2026

An Gudanar Da Jana'izar 'Yan Uwa Biyar Da S**a Yi Hatsari A Hanyar Zuwa Yaumul Arba'een

Da yammacin yau Laraba, 21 ga Safar 1448 (5/8/2026) ne aka gudanar da jana'izar 'yan uwa Musulmi almajiran Jagora Shaikh Ibraheem Zakzaky (H) da s**a yi hatsarin mota akan hanyar su ta zuwa Taron Yaumul Arba'een a Abuja daga Da'irar Udawa.

'Yan uwan, wadanda duk cikansu Harisawan Harka Islamiyya ne, sun yi hatsari a ranar Lahadi 18 ga Safar 1448 ne a garin Azara da ke kusa da Jere, inda motarsu ta fada rafi.

Biyar daga cikinsu sun fito da ransu, a yayin da aka samu nasarar ciro sauran mutane biyar zuwa safiyar yau, inda Shaikh Abdulhamid Bello ya yi musu Sallah, aka bizne su a Darur Rahma.

Harisawa sun gabatar da faretin girmamawa ga Marhuman, a yayin da aka gabatar da Azah, tare da bankwana da Shuhada, da addu'o'i kafin da bayan an bizne su.

Marhuman sun hada da: Aliyu Muhammad, Husaini Nuhu, Adam Abdullah, Mubarak Abubakar da Abdullahi Mahmud.

Hurrasul Harakatil Islamiyya na kara miƙa ta'aziyya ga iyalai da dangin Mamatan. Muna rokon Allah Ta'ala Ya jikansu da rahama. Ya karɓi uzurinsu. Ya sada su da Shahidan Karbala.

— Hurrasul Harakatil Islamiyya
21 Safar 1448 (5/8/2026)

Address

Abuja
900001

Website

Alerts

Be the first to know and let us send you an email when Hurrasul Harakatil Islamiyya posts news and promotions. Your email address will not be used for any other purpose, and you can unsubscribe at any time.

Shortcuts

Share

Category