Yunusa Akilu

28/10/2025

Abubuwan dakesa yaro kaifin basira da haddar karatu:

1. Cin abinci mai gina jiki

2. Samun isashshen bacci (awa 8 zuwa 10)

3. Motsa jiki (ƙwallo, gudu, tseren keke)

4. Samun kulawar iyaye da soyayya
-------------------------

Bugu da ƙari:

5. Iyaye su kasance masu duba littafan karatu da rubutun yaro tare da kulawa

- Shin yaro yana mayarda hankali gurin abunda ake koyar dashi a makaranta?

- Shin yaro yana rubuta abunda malami ke koyar dashi a makaranta?

- Shin yaro yana cin kyakkyawan sakamakon jarabawa?

6. Ka nemi wani wanda zai koyarda yaronka "extra lesson" a gida (English da Mathematics) da dare misalin ƙarfe 8:30 zuwa 9:30pm

⚠️ Babu wani maganin bature, ko na gargajiya da ake baiwa yaro domin samun kaifin hadda da basirar karatu a makaranta

Saboda haka kar ku kashe kuɗinku a banza, ku jarraba wannan tsarin Insha Allah zakuyi farinciki.

Alhassan Mai Lafia

27/10/2025

TAMBAYA DA AMSA 👇👇👇👇👇👇👇👇👇

❓Tambaya 1: Idan fitsari yana yin kumfa sosai, shin hakan alama ce ta lafiya?

✅ Amsa: A’a, idan kumfar tana da yawa kuma kullum haka yake, ba normal ba ce. Na iya zama alamar cewa koda tana zubar da furotin a fitsari.

❓Tambaya 2: Me yasa fitsari zai zubar da furotin?

✅ Amsa: Wannan yana faruwa idan ƙananan matatun koda (glomeruli) sun lalace, wanda ake kira proteinuria.

❓Tambaya 3: Wane haɗari ne ke tattare da proteinuria idan ba a kula ba?

✅ Amsa:

Na iya kaiwa ga ciwon koda mai dorewa (Chronic Kidney Disease - CKD)

✍️A ƙarshe zai iya haifar da gazawar koda

✍️Zai iya jawo taruwar ruwa a jiki (kumburi)

✍️Har ma ya ƙara haɗarin cutar zuciya

❓Tambaya 4: Shin ana iya magance shi idan an gano da wuri?

✅ Amsa: Eh! Idan an gano da wuri, za a iya sarrafa abubuwan da ke haddasawa, kamar hawan jini da ciwon s**ari, don kare koda daga ƙarin lalacewa.

✅ A takaice:

Fitsari mai yawan kumfa yana iya zama gargadi daga kodarka cewa tana cikin haɗari, kuma ya kamata ka ga likita
Bilal Yakubu Ballah
26/10/2025

25/10/2025

Ba’a ƙwaƙule kunnuwa, wannan maiƙon da kuke ƙwaƙulewa ba datti bane, shine alamar lafiyar kunnuwanku.
————————————

Allah ta’ala ya halicce wani maiƙo kamar zuma acikin kunnuwanku ana kiransa (earwax) da turanci. Muhimmancinsa shine:

• Yana aiki ne amatsayin garkuwa domin hana datti, kasa, ƙura, ruwan wanka da ƙwayoyin cuta shiga acikin kunne

• Wannan maiƙon yana kashe ƙwari (insects) idan s**a shiga acikin kunne

• Yana lausasa kunnuwa tare da hana fatar kunne bushewa ko lalacewa

Allah mabuwayi maigirma……….
—————————————

Duk wanda yake ƙwaƙule kunnensa tamkar yana janye wannan garkuwar ne, kuma yin hakan yana iya sanya kunne kamuwa da ƙwayoyin cuta

Shiyasa idan mutum ya ƙwaƙule kunnensa wannan maiƙon yana dawowa acikin ƙanƙanin lokaci (kwana ɗaya) domin cigaba da baiwa kunne kariya
—————————————

Bayan haka

Idan wannan maiƙon yayi yawa sosai, da kansa yake fitowa waje ba sai anyi amfani da auduga an ƙwaƙulesa ba

Allah ta’ala yayi kyakkyawar hikima acikin halittar kunnuwa.

⚠️ Facebook ba assibiti bane, idan kana fama da ciwon kunnuwa ko kunnuwan mutum na fitarda wani ruwa mai wari ko ruwa mai ɗanɗanon zaƙi, to kaje assibiti domin ganin likita da yin gwaji tare da samun ingantaccen magani.

Alhassan Mai Lafia

25/10/2025

Watarana naje gidan wani mutum attajiri, sai aka kawomin abincin alfarma, naman kifi, waken gwangwani, salad, da yayan itace.

Aka kawomin ruwan roba, sai naga ankawo zoɓo maimakon lemun kwalba

Nayi mamaki sosai ace irin wannan babban mutum ace gidansa ba’a shan lemun kwalba 🤔

Uwargidan take gayamin cewa; likitocin maigidansu daga Dubai sun hana maigidan shan lemun kwalba mai ɗauke da soda (carbonated drinks) shiyasa s**a maye gurbin lemun kwalba da zoɓo domin kula da lafiyarsu.
———————————-

Saboda haka yan uwana talakawa ga wasu dagacikin amfanin shan zoɓo:

Shan zoɓo yanada matuƙar amfani ga lafiyar jiki

Zoɓo yana ɗauke da sinadarai kamarsu (Vitamin A, Vitamin C, Magnesium, Calcium, Phosphorus, da Potassium)

Wasu dagacikin muhimmancin zoɓo ga lafiyar jiki sun haɗa da;

1. Zoɓo yana rage hawan jini tare da taimakawa wurin inganta lafiyar zuciya. Saboda haka masu fama da matsalar hawan jini ko ciwon zuciya, shan zoɓo yanada matuƙar amfani agareku.

2. Zoɓo yana rage kitsen jiki

3. Zoɓo yana rage nauyin jiki da ƙiba

4. Zoɓo yana inganta lafiyar hanta

5. Zoɓo yana inganta lafiyar fatar jiki

6. Zoɓo yana kare jiki daga kamuwa da ƙwayar cutar kansa

7. Zoɓo yana kare jiki daga kamuwa da ƙwayar cutar infection musamman awurin mata da maza masu fama da cutar sanyi ga azzakari ko farjinsu.

8. Shan Zoɓo yana inganta garkuwar jiki (Immune system) tare da kare jiki daga kamuwa da cutuka iri daban-daban

Alhassan Mai Lafia

20/10/2025

Idan kana jinyar marar lafiya a assibiti

Alamar da ke nuna cewa wannan marar lafiya zai koma zuwaga ubangijinsa shine:

TERMINAL LUCIDITY:

Marar lafiyan da yake acikin tsananin ciwo, a lokaci ɗaya sai kaga kamar yasamu waraka

Yana cin abinci
Yana magana da mutane
Yana fara’a da murmushi
Yana cewa ai yasamu sauƙi
Yana neman mutane domin ganawa dasu

Marar lafiya ya jima kwance, lokaci ɗaya zakaga ya miƙe har yana tafiya.

Idan kaga marar lafiya a irin wannan yanayin, idan kai ɗan uwansa ne sai kayi ƙoƙarin neman gafararsa, kuma kayi ƙoƙarin kiran yan uwansa da suke nesa dashi a waya domin su gana da juna, kuma su nemi gafarar juna 🥹😭

Wani lokaci zakaji ana cewa; ai wallahi sai da yasamu sauƙi sosai har magana yayi, yaci abinci, kai har tashi yayi daga gadon assibiti yaje waje da ƙafafunsa

“Terminal lucidity” kenan, alama ce dake nuna marar lafiya zai mutu.

Allah mai yanda yaso “subuhanahu wata’ala” 🥹

Allah ka gafarta mana ameen

Alhassan Mai Lafia

19/10/2025

Shin ana haihuwar yaro ɗan daudu?

Wannan darasi ne mai matuƙar muhimmanci
——————————————

Amsa: Ba’a haihuwar yaro ɗan daudu.

Yadda yaro ya taso a gida, muhalli da tarbiyyarsa ke sa ya sauya ɗabi’unsa zuwa “ɗan daudu”
——————————————

Abubuwan da za su taimaka domin hana yaro zama ɗan daudu:

1. Hana yaro zama acikin mata

Idan kanada yaro ƙarami acikin gida wanda yakai shekaru biyar zuwa goma, yanada amfani ka ware masa ɗakinsa daban acikin gidanka, ka hanashi zama acikin mata, ka hanashi cin abinci tare da mata, ka hanashi hira, wasa, ko mu’amala da mata

Idan yaro yana zama acikin mata, to tabbas zai iya kwaikwayon halayensu (misali rangwaɗa, muryar mata, yadda mata ke kwalliya, wani lokaci har tufafin mata zai iya sakawa) a kwana a tashi waɗannan halayen za su bi gangar jikinsa.

2. Wajibi ne iyaye susan su waye abokan yaro a waje

Duk yadda kake kula da tarbiyyar yaro acikin gida, zai iya lalacewa idan ya haɗu da gurɓatattun abokai daga waje

3. Acikin gida akwai aikace-aikacen da maza keyi, hakazalika akwai wanda mata keyi.

Kuskure ne a sanya yaro yin irin aikin da mata keyi (misali rairaya, wanke-wanke, ƙulƙule, girki, yiwa ƙananan yara wanka, da sauransu)

4. Hana yaro sauraren waƙoƙi, kiɗa da rawa

Mafiyawan yan daudu shaiɗan yana rinjayar zuciyarsu ta hanyar raye-raye da sauraren kiɗa.

5. Kullum yaronka yakasance yana kwana acikin gida, kuskure ne barin yaro yana kwana a wani guri
———————————————

Za’a iya haihuwar yaro namiji da nono ko muryar mata sakamakon sauye-sauyen sinadaran “hormones” acikin mahaifa, idan yaro yakai shekarun balaga nonon yana gushewa kuma muryarsa yana dawowa lafiya lau irin na maza

Duk da haka baya zama dalilin kasancewar yaro “ɗan daudu”

Alhassan Mai Lafia

17/10/2025

(Kujera na farko) shi yafi dacewa da ma’aikatan ofis da yan kasuwa masu zama a shago.

Duk wanda yake aikin awa biyu zuwa takwas a zaune, to irin wannan kujerar yafi dacewa ya nema domin inganta lafiyar jikinsa
———————————

(Kujera na biyu) yawan zama akan wannan kujerar yana haifarda ciwon baya, basir, ciwon ƙashi da tsukewar jijiyoyin wuya.

Kar a zauna fiye da awa ɗaya.

Alhassan Mai Lafia

16/10/2025

16/10/2025

ME YASA BAI KAMATA MU WANKE BUROSHINMU DA HANNU BAYAN GOGE HAƘORA BA?

Ba fa wasa nake ba, ehe,kamar fa wasa nake amma gaskiya ne , hakan yana da muhimmanci sosai ga tsabtace baki da kariya daga ƙwayoyin cuta.

Dalilan da yasa bai kamata mu taɓa tsintsiyar Buroshin da hannu ba:

1. Hannu na ɗauke da ƙwayoyin cuta, Ko da hannunka yana da tsabta, akwai ƙwayoyin cuta daga abubuwan da ka taɓa a ranar. Idan ka taɓa Buroshin da hannu, waɗannan ƙwayoyin na iya shiga cikin tsintsiyar goge bakin.

2. Buroshin yana da sauƙi riƙe ƙwayoyin cuta, Saboda yana da laushi kuma yana ɗauke da danshi, ƙwayoyin cuta da s**a fito daga hannu na iya zama a cikinsa.

3. Na iya haifar da cututtuka a baki, Idan ƙwayoyin cuta sun shiga baki ta hanyar Buroshin da aka taɓa da hannu, na iya jawo cututtuka kamar ciwon Dasashi.

4. Abin da ya fi dacewa, Bayan ka gama goge haƙora, ka wanke Buroshin da ruwa mai gudana, kamar yadda yake a jikin hoton dake ƙasa, ka bar shi a tsaye ya bushe. Kada ka rufe shi da murfi har sai ya bushe.
Wani zai ce " to ai nima Yaa Ayyuhan-Naasu ne irinka, ba mu da tap na ruwa " to bari kaji, kofin Ruwan zaka kwantar ka zuba Ruwa Kamar a tap, ba sai ka nemi Bokiti ba. Nima haka nake yi. Muna roƙon Allah ya bamu damare tap din ehe.

Allah ya datar da mu. Amin ya Rabbi

© Ibrahim Usman
20th Rabiul-Thaani, 1447AH / 12th October, 2025.