16/02/2026
IDAN KANA SON ZAMA MAI KUDI, DOLE KA YARDA KA RASA WADANNAN ABUBUWAN 10.
Arziki ciniki ne... Kana bada wani abu, ka karbi wani.
Dan uwa,
Hanyar Arziki bata da dadi a farko. Dole sai ka biya Farashin da sa'anninka suke tsoron biya.
Ga abubuwa 10 da dole ka yi bankwana da su idan kana so ka daina talauci:
1. HAKURIN JIN DADI:
Dole ka daina biyan bukatun Yanzu-Yanzu.
Ka daina siyan waya mai tsada alhali baka da fili.
Ka koyi Saving da Investing kafin ka fara Spending.
Barin jin dadi yau, shine jin dadin gobe.
2. FITO DAGA COMFORT ZONE:
Arziki baya cikin daki mai sanyi inda babu kalubale.
Dole ka fito ka rungumi duk wata kalar gwagwarmaya.
Duk abin da kake tsoron yi kamar Business, Travel, Sabon Skill, nan ne kudin yake.
3. RAGE "SHA'ANIN MUTANE:
Idan kana son yin kudi, dole ka rage zuwa kowane biki, suna, da taron da ba zai kara maka ilimi ko kudi ba.
4. RABUWA DA ABOKAN BANZA:
Idan abokanka mutane ne da basu da Ambition, dole ka rabu da su.
Idan kana tafiya da mutum 4 marasa kudi, kai ne na 5.
Nemi wadanda s**a fi ka ilimi da kudi, su ne za su ja ka sama.
5. RAGE LOKACIN WASA:
Duk lokacin da ka bata wajen kallon Series ko wasan Game, lokaci ne ka cire daga ginin rayuwarka.
Mai neman kudi bashi da Weekend. Kullum aiki ne.
6. RASHIN TABBAS:
Aikin Gwamnati ko Salary yana da dadi saboda Tabbas shi Security ne.
Amma Arziki yana cikin Business wanda bashi da tabbas.
Dole ka cire tsoron In na yi asara fa? ka rungumi kasada.
7. RAGE BARCI:
Ba wai ka kashe kanka ba, amma dole ka rage barci fiye da mai cin albashi.
Lokacin da kowa yake barci, lokacin ne masu kudi suke karatu ko tsarawa.
8. DAINA BURGE MUTANE:
Dole ka sadaukar da ego dinka.
Ka daina siyan kaya don Deserving, ka sayi kaya don Investing.
Gwara a gan ka da tsohuwar mota amma kana da Plot 10, da a gan ka da sabuwar mota kana haya.
9. KASHE GIRMAN KAI:
Dole ka zama mai tawali'u.
Ka koyi ilimi a wajen wanda ya fi ka kudi ko da ya yi jikanka.
Ka yarda da kuskure, ka karbi gyara. Masu girman kai basu da girma.
10. HAKURI DA JINKIRI:
Arziki na gaskiya baya zuwa dare daya.
Dole ka sadaukar da Gaggawar da ke ranka.
Ka bi matakala daya bayan daya har ka kai.
TAMBAYA GA MAI KARATU:
A cikin wadannan guda 10, wanne ne YA FI MAKA WUYA ka daina?
Allah ya azurta mu da Halal🤲
