01/06/2026
Ku Bar Shan Flagyl Haka Kawai Don Kun Ci Naman Sallah ya saku zawo.
A lokutan shagalin Sallah, mutane da yawa kan fuskanci matsalar zawo (gudawa) bayan sun ci naman Sallah da yawa. Kuma yawanci abin da mutum zai fara yi shi ne garzaya shagon magani ya sayi Flagyl (Metronidazole) wai don ya tsayar da gudan.
Wannan kuskure ne babba a likitance.
Ga dalilan da s**a sa KADA ka sha Flagyl don gudawa bayan kaci naman Sallah:
1. Ciki Ne Ya Kasa Sarrafa Abinci da kaci, Ba Kwayar Cuta bace ta haifar da Gudawar ba yawanci ta rashin natsuwar ciki ce.
Idan cikin ka ya ɓaci, hakan na faruwa ne sakamakon nau'ukan nama masu maiko da sinadarin gina jiki da kaci da yawa lokaci guda, saboda haka tumbinka yakan sha wahala wajen niƙa abincin.
Wannan maikon da nauyin su ke janyo zawo don jiki ya fitar da su. Flagyl ba zai iya nika maka naman Sallah ba.
2. Flagyl Ba Maganin Tsayar da Zawo Ba Ne
Kamata ya yi a sani, Flagyl maganin kashe ƙwayoyin cuta ne (Antimicrobial) na musamman, wanda ke yaƙar wasu nau'ukan kwayoyin cuta na "Bacteria" ko "Parasites." Ba a yi shi don ya tsayar da gudawa ba. Saboda haka, shansa don matsalar juyawar ciki asara ce.
3. Kana Kashe Amfanukkan Halittu Na Cikinka
da Ubangiji ya halitta (Good Bacteria) a cikin hanjinmu wadanda ke taimakawa wajen nika abinci.
Flagyl magani ne mai karfi; idan kana sha ba ƙaƙƙautawa ka sani kana tarwatsa wadannan amfananun halittun ne. Hakan ma zai iya sa gudawar ta ƙi tsayawa ko kuma ta juye da wata matsalar cikin na daban.
4. Kana Karfafa Wa ƙwayoyin Cuta Gwiwa (Drug Resistance) Duk lokacin da ka sha maganin kashe ƙwayoyin cuta ba bisa ƙa'ida ba, kana koya wa ƙwayoyin cutar dabarun yadda za su jure wa maganin ne. Idan kana amfani da Flagyl barkatai, nan gaba idan jikinka ya kamu da rashin lafiya na gaske, Flagyl din ba zai yi maka amfani ba domin kwayoyin cutar sun riga sun saba da shi.
To Mene Ne Mafita?
Koma Kan Ruwan Gishiri da Suga (ORS): Gudawa na fitar da ruwa da sinadarai na jiki. Yawan shan ruwan gishiri da suga (ORS) ko tsaftataccen ruwa akai-akai don jikinka kada ya bushe (wato dehydration).
Sassauta Wa Cikin: Ka huta da cin nau'ukan abinci masu nauyi; ka koma kan abubuwa masu sauki kamar kunun shinkafa, ko ayaba zuwa nan da sa'o'i 24 har cikin ya natsu.
Rage Zafafa Cin Naman: A rika cin naman a hankali ana raba lokaci, don a ba wa ciki damar nika abincin da kyau.
Idan gudawar ta haura tsawon kwanaki biyu (sa'o'i 48), ko kuma ta haifar da zazzabi, ciwon ciki mai tsanani, ko yin kashi da jini, kada ka tsaya maganin gida, maza ka garzaya asibiti mafi kusa.
Da fatan munyi sallah lafiya. Allah ya maimaita mana.
Ameeen
Amma fa har yanzu banga an fara kawomin Barka da sallah ba...!
Sani Bashir P**i
Public health advocate
@31052026
