02/02/2026
एउटा शिक्षित व्यक्ति, परिपक्व व्यक्ति प्रधानमन्त्री हुँदा कति फरक पर्ने रहेछ — उनले न कहिल्यै कसैलाई आरोप र आक्षेप लगाएको देखियो । न उनले कुनै विचौलिया र माफिया पोस्ने काम गरिन भन्ने सुन्नमा आयो । न कहिल्यै तडकभडक गरिन । न अनावश्यक उद्घाटन गर्ने र रिवन काट्न हिडेको देखियो । यस्तो विषम समयमा पनि चुनाव गराउने प्रतिबद्धताबाट टाढा गइनन् । फकाउनुपर्नेलाई बरू आफै झुकिन तर कसैलाई दुई शब्द नराम्रो बोलिनन । न ठूला मिडियामा गएर 'ठूला गफ' गर्दै हिडीन ।
यदि उनि यति सालिन भएर प्रस्तुत हुदैनथिन भने न चुनावको लागि दलहरू विश्वस्त हुन्थे, न जेन-जी समूह नै चुप लगेर बस्न सक्थे । तर आजसम्म औला उठाएर उनलाई कराउन कसैले सकेको छैन । यस्तो विषम समयमा सबैले चुनाव हुन सक्दैन भनिरहँदा पनि उनि अघि बढी रहिन, प्रधानमन्त्रीको सपथ लिएपछि तोकेको मिति मै चुनाव गराउन उनि दृढ छिन, लागि परिरहेको छिन् ।
एउटा बुझक्की, शिक्षित र पटक्कै घमण्ड नभएको व्यक्ति पदमा पुग्दा नै कति फरक पर्ने रहेछ, सुशिला कार्कीले त्यो देखाएकी छन् । देशलाई निकास दिनको लागि गरेको यो योगदानको लागि प्र म शुशीला कार्की प्रति आभार ।
