07/04/2020
BREAKING
ANTIQUE, NAKA-RECORD SANG ILA LABING UNA NGA COVID-19 CASE
By: May Ortega l April 7, 2020, 12:28pm
via Antique Provincial Health Office
Ginkumpirmar sang Office of the Governor sang Antique ang labing una nga kaso sang coronavirus disease sa probinsiya.
Sa post sa page sang Antique Provincial Health Office, nabutang nga ang labing una nga kaso sa probinsiya amo ang 74-anyos nga lalaki nga taga-Parañaque City sa Manila.
Nag-abot ang pasyente sa Semirara Island sa Caluya sang Marso 9 sakay sa private plane.
Ang Semirara Island nahamtang may 159 kilometros halin sa mainland Antique.
Ang pasyente nagbatyag sang kabudlay sa pagginhawa kag hilanat sang Marso 19 kabangdanan nagpakunsulta siya sa Semirara Mining Power Corporation Hospital. Abril 2 sang nakuhaan siya sang specimen.
Suno sa statement nga pirmado ni Antique Governor Rhodora Cadiao, nag-abot ang resulta sa test sa pasyente halin sa Western Visayas Medical Center nga nagapamatuod nga nagpositibo siya sa COVID-19.
Naka-home quarantine ang pasyente kag estable na ang kundisyon.
Bangud sini, ang Guimaras na lang ang naga-isahanon nga probinsiya sa Western Visayas nga zero-case sa COVID-19.
Read: https://www.facebook.com/AntiquePHO/photos/a.869365759913500/1395710893945648/?type=3&theater
