25/02/2026
Pebrero 25 | 40๐๐ต ๐๐ป๐ป๐ถ๐๐ฒ๐ฟ๐๐ฎ๐ฟ๐ ๐ผ๐ณ ๐ฃ๐ฒ๐ผ๐ฝ๐น๐ฒ ๐ฃ๐ผ๐๐ฒ๐ฟ ๐ฅ๐ฒ๐๐ผ๐น๐๐๐ถ๐ผ๐ป
โThe Church is not silent and will never be silent.โ
๐๐๐ฆ๐๐๐ | CBCP - Surat Pastoral ha Pagsalin-urog han ika 40 nga Anibersaryo han EDSA People Power
(Paghulin/Paghubad sa Waray tikang sa Archdiocese san Palo)
Note: The Diocese of Catarman is a suffragan diocese of the Archdiocese of Palo, within the Ecclesiastical Province of Palo.
***
"HINUMDUMI AN MGA KATINGALAHAN NGA GINBUHAT HAN GINOO."
(cf Psalm 105:5)
Hinigugma nga mga Kabugtoan.
Grasya ug kamurayaw nga natikang han aton Ginoo Jesucrtisto!
"Hinumduni an mga katingalahan nga ginbuhat han Ginoo," an Salmo nag-aaghat han mga Isaraelitas dida han ira pag-atubang han mga kakuri-an kahuman nira paglalakaton ngadto han kanan Dyos iginsaad nga tuna.
Kap-atan na katuig kahuman naton matumba an diktatorya nga naghadi hin maiha nga panahon pinaagi hin panlimbong ha eleksyon (pinili-ay), hinbatian naton an salmo yana nga nagpapahinumdum ha aton mga katilingalahan nga ginbuhat han Ginoo sugad nga naatubang kita yana hin mga pagsari.
Han 1986, kahuman han aton pag-ilob han mga katuigan nga pagsakit, nagdurungan kita hin paggoli-at "Tama na! Sobra na! Palitan nal" Tikang han Pebrero 22 ngadto han 25, 1986, nakita naton ha mga Pilipino an kaisog pero malinawon nga nagpahayag han ira kasina ug mga kapakyasan ha mga kalsada. An kahilab-an han EDSA nahimo nga abri nga cathedral han pagtoo ug malinawon nga pag-ato. Milyones nga mga Pilipino han bug-os nga nasud, nagkaurusa ha ilarom han manto han panalipod han mahal nga Birhen Maria ug han iya anak nga hi Jesus. Nagkakarapyot ug nag-aampo han rosaryo, naghahalad han santos nga Misa, nagkakaranta hin mga himno - Hi kita, komo katawhan, tumindog sugbong ha sugbong, gin atubang an mga tangke de gyema ug mga sundalo, nga waray dara kundi an waray kawaring nga pagtoo ha an aton mga kasingkasing.
Natumba an diktatorya, diri pinaagi hin aragway kundi" pinaagi hin madinayunon nga pag-ilob ug gahum han pag-ampo ngan hinugpong nga pagtoo nga nag-ungara hin hustisya ug tinood nga pagbag-o.
Ini nga katingalahan nga nahitabo diri aksidente, diri la kanan tawhanon nga katumanan. Kundi, ini nagpapadayag han kanan Dyos pag-ugop ngada han iya katawhan, nga nagbiling ha lya dida han ira takna ha kasisidman. An pagtoo ug paghigugma ha aton nasud nagdara ha aton hin pagkaurusa. An mga pag-ampo ginbaton. An "Milagro ha EDSA: An Gahum han Katawhan nahitabo.
Yana, upod an ngatanan nga Pilipino nga nahigugma han kalinaw, aton gindudumdom an ka40 nga anibersaryo han People Power. Nagpapasalamat kita tungod han grasya nga ini. nahinabo. Sugad nga aton ginbubuhat ini, kami, an CBCP, naghahangyo ha iyo nga iyo buhaton ini nga tulo nga sagrado nga mga buruhaton: hin pagdumdom, hin pagbasol, ug hin pagbaton - nga aton liwat paabuton ito nga espiritu hadto nga milagro, ngan magdara ha aton ngadto hin mauruopay nga kabubuwason.
[Pagdumdom]
An aton syahan nga buruhaton amo an pagdumdom. Aton gindudumdom an mga waray hingarani nga mga bayani, an tuod nga kasingkasing han Gahum han Katawhan (People Power): an iroy nga nagpanalipod hin sundalo nga igintahob an iya lawas, an kalagasan nga nakasakay ha ira mga wheelchairs nag-aampo han rosaryo ha butnga han tunog han mga makina ngan an aton mga kabatan-unan nga nagkakarampyutay hin hugot ha pagbarikada. Ira iginpakita an tinuod nga gahum han pagtoo nga makakabag-o han dagway han sosyedad nga waray pag-ula hin dugo. An ira iginpakita nga pagtoo nakatahos han hinganiban han pag-uripon. Ginpamatud an nga an pag-ampo mas makusog kay han mga tangke de gyerra. An pagtoo nagdaug han kahadlok.
An kalayo han EDSA, nga naglaga' kap-atan katuig an naglabay, buruhaton nga aton igpapadayon. An kadasig maghadi ha aton mga kasingkasing ngan an aton pagtoo utro palagahon ini dida han aton hingyap hin paghingita han kaupayan han ngatanan, diri la para ha aton, kundi" para liwat han masunod nga mga henerasyon.
[Pagbasol]
Aton nasantop nga aton la ginkaragan an upa han EDSA - an pagpuni-as han bag-o nga kagawasan. Naanad na kita. Aton nahingalimtan nga an kagawasan usa nga turumanon ug buruhaton. Aton ginpasibay-an an higayon han bag-o nga pagtikang.
Sugad han mga Israelita, kahuman nira pagbaya han Ehipto, ira hinkalimtan an kanan Dyos kamaugupon ug kamaupay. Binalik kita han aton daan nga mga kinaiya - mga nahigagaraan nga buhat nga nagdadara ha aton hin kahimyang pero aton nahingangalimtan an aton mga kabugtoan nga nagkukuri. Nahulog kita dida hin pag-akon han buruhaton hin pag-ayad han aton nasud. An aton nasud nagpadayon hin karun-og. Nahigara ug nahiapi han makaaralo nga pangawat ug han maraut nga bayhon han kadiri kasiruti, aton ginlingo diri la an aton kalugaringon, kundi" , an aton Dyos.
Ini nga paglingo nakita ha aton ha mga bayhon han: padayon nga kakablasan, waray wantas nga pangawat, kawaray pagtapod, kaciri pag-uswag.
"An ngatanan nakasala ngan nagkulang. an baraan nga Kasuratan nagpapahinumdum ha aton nga an aton pagpakamatadong mahihimo la pinaagi hin mapainubsanon nga pagtoo, diri han kinalugaringon nga pagkamatadong.
An pagbasol nag-uungara nga aton atubangon an aton kamakasasala - an aton kahiapi hini nga sistema ug estruktura nga nagtatamak han mga iginsaad hadto ha EDSA, Pagbasol kita ha mahinuklugon nga mga kasingkasing, himuon naton an bulawan nga kabakahan han materyalismo ngada han aton pagdangop han Ginoo nga hadto nagtalwas ha aton.
[Pagabaton nga may Kadasig ug Gugma]
An EDSA pahimangno ha aton nga hasta ngada yana nagtatawag ha aton. Sugd han Exudo. nagpakita nga an kagawasan ginkikinahanglan an kadasig. Sugad han Pentescostes, nagpapahayag ha aton nga an pagkaurusa naghahatag ha aton hin bag-o nga misyon. Yana, gintatawag kita diri la hin pagdumdom ug pagbasol, kundi" liwat hin pagbaton nga may kadasig ug gugma pinaagi hin pagbag-o.
An pagbag-o ginkikinahanglan an katangkod. Diri unta kita mabutlaw hin paghingita ug paghupot han kamatuoran ngan han aton pagdumiri han mga buwa. An ka diri katangkod nagtatahob han aton mga kasamdan ug kakablasan.
An pagbag-o natikang han gugma. Gugma nga binubuhat. Kon waray gugma, diri kita makakailob ha aton mga kasakit. An waray pulos nga mga puplonganon ug mga panaad nahihimo nga aton tambal han kasakitan, pero diri man nakakaupay ha aton.
An pagbag-o ginkikinahanglan an personal nga konbersyon (pagbag-o). An kada adlaw nga maupay nga dungog in sakripisyo han padayon nga pagbuhat hin maupay ug matadong bisan kon waray nagkikita. Ini in pagtalikod naton tikang han mga buwa ug diri matadong nga mga binuhatan.
An pagbag-o ginkikinahanglan an katilingbanon nga konbersyon (pagbag-o). An aton mga institusyon ug mga katilingban kinahanglan bayaan an nahigaraan nga mga buhat diin nagpapadayon an korapsyon o pangawat. Ngan kon magbubuhat kita hini ngatanan, damo iton aton mahihimo.
An EDSA Gahum han Katawhan amo an aton malinawon nga paagi hin pagpatuman han pagbag-o. Ini nag-ungara hin kadasig, sakripisyo ug gugma. Ngan nag-urusa kita hin pagbuhat.
Amon kamo gin-aaghat hin pipira nga mga konkreto nga mga buhat ha aton pagasaurog han ika40 han EDSA:
โข Atohan naton ngatanan an pag-alinggawas han sirot. An pag-alinggawas han sirot amo an kawarayi hin baratunon, diri nasisirutan han balaud. An pakalusot han mga baratunon. Diin an sayop nagigin normal nala nga buhat. An mga gamhanan waray kinahahadlokan. Basi magbaton adton may mga kalabtanan, ig-undong naton an pagpasaka han tinuod nga Anti-Dynasty Bill. An gahum magpabilin dida han katawhan, diri dida han pipira la.
โข Magmabinantayon kita. Tikangan naton ha aton mga lokal nga katilingban, diyosesano o parokyal nga boluntaryo nga mga hugpo ug kagi-usan hin pagbantay han may mga turumanon ug pag alinsusunod han salapi han katawhan, mga proyekto ug mga programa.
โข Panginlabot kita. Magtikang kita ngan magpartisipar hin mga haruharampang. dayalugo ngan mga pamaki-ana diin babati-on an aton mga boses, pag-undong nga maginresponsable, magindayag ngan magmatinumanon. Mga miting ha bungto, pakisumpay ha mga hugpo, institusyon ug mga organisasyon o hini nga bag-o la Trillion peso marches mga ehemplo ini nga aton angay buhaton.
โข Suporta kita hiton mga tangkod ug may kabatiran nga mga lideres, ngan nagdudumdom han kaupayan han kadam-an. Ipadayon naton an pagtutdo han maupay nga molupyo ug magpapangulo ha aton hini nga tiarabot nga 2028 election o pinili-ay. Ha temprano pa tikangan naton an pag-edukar han aton mga botante. Ngan kilalaon naton an may tinuod nga tinguha hin pagsirbe ngan adton mga tawo
nga diri matadong nga nagbubuhat hiton eleksyon o pinili-ay.
Ini ngatanan nagkikinahanglan hin rebolusyon: an rebolusyon han aton kasingkasing. Kahuman han kap-atan (40) katuig han EDSA, milyones ha aton naglulunay dida han kakablasan ug pagsakit, tungod kay binalik kita han aton daan nga magraut nga mga nahigagaraan. Kinahanglan naton an rebolusyon han aton mga kasingkasing. Tungod kay kinahanglan makit-an ini nga pagbag-o dida han aton mga kalugaringon nga dapit ug lugar: ha aton mga panimalay, ha mga conventos, mga parokya, mga hugpo, mga institusyon, mga organisasyon, mga asosasyon, mga kagi-usan, mga congregasyon, mga diyosesis.
Ha katapusan, ayaw naton hingalimti an pagbag-o mahihimo la nga inupdan han grasya han Ginoo. EDSA, para ha aton, tigaman han kanan Dyos gugma ug kalooy. Ayaw kita kawad-i hin pagtoo, kay an Dyos nagpapahayag pinaagi han Espiritu Santo "Kundi sumala han siring han Kasuratan: An waray pa hikit-ฤฑ ngan hibatii hin tawo, an waray gud paghunahunaa han tawo nga mahinanabo amo lugod an butang nga gin-andam han Dyos para hadton mga nahigugma ha iya." (1 Cor 2:9). Pag-ampo kita hin hugot, sugad nga maduruto kita nagtratrabaho.
Mga kabugtoan, "Hinumduni an mga katingalahan nga ginbuhat han Ginoo," Ha utro pa higayon mapuno kita han pareho nga espiritu nga nagdara han 1986 People Power nga mabinungahon. Ha paglingi han naglabay, usa adto nga buhat han sinodalidad - karapyutay, sugbong ha sugbong, urusa kita nga naglakat ha pagtoo, paglaum ug ha paghฤฑgugma.
'Sulong-Padayon, ini an tawag ha aton agud nga makatalabok kita tikang han kauripon ngadto han katalwasan.
Kap-atan (40) katuig, an mga Israelitas naglakat ha kamingawan. Kahuman han kap-atan (40) katuig, sugad nga aton pagsasaurugon an kap-atan kaadlaw han Cuaresma, gintatawag kita hin bag-o nga rebolusyon han aton kasingkasing, kasigkasing nga madangop han Ginoo nga aton gindudumdom an mga katinglahan nga ginbuhat han Ginoo. An 1986 People Power usa nga "kairos" - takna hin grasya. : Dumdumon naton nga mapinasalamaton, mapainubsanon nga paghinulsol ngan ha kadasig ug guma kita mabaton. An Ginoo nagpapahinumdum ha aton "nahigugma ako ha imo" (Ginp 3:9).
Birhen Maria, Iroy han amon nasud, ig-ampo an Pilipinas. Ngan an kalinaw maghadi ha amon tuna.
โ
Catholic Bishops Conference of the Philippines
+++
[Orihinal nga publikasiyon tikang sa Diocese of Catarman - Secretariat Office]
The Roman Catholic Diocese of Catarman
โ
๐ถ๐พ๐
๐ผ๐๐๐พ ๐๐ ๐๐๐พ ๐๐พ๐ ๐บ๐๐ฝ ๐๐ฟ๐ฟ๐๐ผ๐๐บ๐
๐ฅ๐บ๐ผ๐พ๐ป๐๐๐ ๐ฏ๐บ๐๐พ ๐๐ฟ ๐ข๐จ๐ฅ ๐๐๐๐ฌ ๐๐ ๐๐๐ ๐๐ฆ๐ฆ๐จ๐ ๐ฃ๐ง๐๐ข๐ก ๐ฃ๐๐ฅ๐๐ฆ๐, ๐ซ๐บ๐๐พ๐๐บ๐๐พ๐, ๐ญ๐๐๐๐๐พ๐๐ ๐ฒ๐บ๐๐บ๐, ๐ฃ๐๐๐ผ๐พ๐๐พ ๐๐ฟ ๐ข๐บ๐๐บ๐๐๐บ๐โ๐๐๐๐พ ๐๐ฟ ๐๐๐พ ๐๐พ๐๐พ๐๐พ๐ฝ ๐๐๐บ๐๐พ ๐๐ฟ ๐๐๐พ ๐๐๐๐โ๐ ๐๐บ๐๐๐๐ ๐๐บ๐๐๐, ๐ต๐๐๐๐๐๐ ๐บ๐รฑ๐๐๐ ๐
๐ ๐๐ ๐บ๐๐๐๐๐๐๐๐ ๐
๐ ๐ณ๐๐๐๐๐๐๐๐.
๐๐ผ๐ถ๐ป ๐ผ๐๐ฟ ๐ฃ๐ฎ๐ฟ๐ถ๐๐ต ๐ข๐ป๐น๐ถ๐ป๐ฒ ๐๐ผ๐บ๐บ๐๐ป๐ถ๐๐:
Search: Lavezares Parish Online Community
