29/10/2023
WHITE CLIFF❤️
Isa sa pinakamalayong barangay ng San Narciso. Napapalibutan ng apat na bayan (San Narciso, Mulanay, San Francisco at San Andres).
Nakagisnan kong walang kuryente at kalsada. Payak ang pamumuhay. Madalas gulay na bulanglang ang ulam na may prito o inihaw na tuyo (as side dish🤣). Halos lahat ay may tanim na malunggay. Makakapanghingi din ng halamang gamot sa kapitbahay. 🫒🥦🌽🫚🍅🥬🫛🫑
Medyo may mga marites na rin 🫣
pero hanga ako sa aking mga kabarangay. Kapag may handaa'y tulong-tulong sa pagluluto, pagbabalag (improvised canopy), pagdadayag at pag-estima ng mga bisita. Maliit na handaan ma'y napapagkasya. 🍲
Napakamasayahin din namin. Basta may sayawan kahit malayo at maputik ang lakarin ay t'yak dadayuhin. Walang maarteng dalaga at baka mas maton pa sa binata kung magkopra. 💃🕺
Tuwing piyesta ay pumunta ka na ng gutom at uuwi kang busog dahil bawat bahay ay aalukin kang kumain. 🎇🎆
Lahat ay magkakaramay sa lungkot, saya, pagdiriwang o lamayan. Maging sa inuman ay isang baso lang ang tagayan. Lumalaban kahit na sa kahirapan. 💪
Maraming lugar na ang aking napuntahan at masasabi kong ang lugar nami'y hindi nila mapapantayan. 😊
Ngayon ay unti-unti nang umaangat ang mahal kong barangay.
At bukas ay pipili na ng pinunong aalalay.
Hangad ko na ang hihirangi'y magserbisyong tunay.
Upang sa hamon ng buhay lahat ay magtagumpay.🍾
Isang matikas na pagsaludo sa lahat ng kandidato. 🫡