San Pedro GovernMemes

26/05/2026

PRIMEWATER SAN PEDRO, BIBILHIN NA NI KAP ERDIE MALVEDA?! TUBIG NA AAGOS SA MGA GRIPO, MAPAGHIMALA!

Isang malaking balita ang yumanig sa San Pedro matapos umanong ihayag ng bilyonaryong barangay captain na si Kap Erdie Malveda ng Barangay Pacita 1 na plano niyang bilhin ang PrimeWater upang tuluyan nang maresolba ang problema sa tubig ng lungsod.

Ayon kay Kap Erdie, “Kung walang tubig, edi bumili tayo ng kumpanya. Ganun lang kasimple.”

Ngunit mas ikinagulat ng marami ang kanyang source of water supply. Ayon sa kanya, pinaplano nilang kumuha ng tubig mula sa sikat na Balon ni Lolo Uweng sa Landayan—isang balon na ayon sa mga kuwento ay “pinagpapala” at hindi umano nauubusan ng tubig kahit tag-init.

Hindi pa diyan natatapos ang plano. Kinumpirma rin umano ni Kap Erdie na nakikipag-usap na siya kay Romeo Amorado, Mayor ng Majayjay, upang kumuha rin ng supply mula sa Majayjay Falls—na direkta raw nanggagaling sa bukal ng mahiwagang Mount Banahaw.

Samantala, ipinaliwanag naman ni Engineer Cholo Casacop na posible raw maglagay ng malalaking tubo sa Landayan at sa Majayjay upang direktang masuplayan ang buong San Pedro ngunit aabutin umano ng 50 years ang project bago ito matapos.

Ikinatuwa naman ito ni Kapitan Romeo Bonoan at Kapitan Bibot Baldomar dahil kahit kapiling na nila si Papa Jesus sa mga panahong yun at hindi na nila abutin matapos ang kontraksyon nito. Makakasiguro naman na mapaghimala ang tubig na dadaloy sa gripo ng mga taga SOL PEDRO.

26/05/2026

STANDING OVATION O STANDING WHILE SLEEPING? ABS JONG PASCIAL, TULOG KAHIT SAAN!

Usap-usapan ngayon sa lungsod ang kakaibang “talent” umano ni ABS Jong Pascual este ABC Jong Pascual matapos mapabalitang kaya nitong makatulog kahit saan — basta may masasandalan.

Ayon sa mga insider, matagal na raw napapansin ng ilan ang “instant sleep mode” ni ABC Jong. Ngunit mas naging viral ito matapos ang isang session sa city hall kung saan inakala ng marami na taimtim lamang itong nagdadasal habang nakatayo.

Ayon sa SP Secretariat “Akala namin sobra siyang emotional sa prayer… yun pala parang si Snorlax! Sleep na!”

Laking gulat daw ng mga nasa session nang mapansing bahagya nang humihilik si ABC Jong habang nakatayo. Ayon pa sa ilan, “Sayang wala akong pokeball, huhulihin ko sana si Snorlax!”

Mas naging usap-usapan pa ito nang hanapin umano siya ng ilang residente kaugnay ng matinding problema sa pagkawala ng tubig sa mga upper villages. Ngunit ayon sa reports, habang abala ang lahat sa pagrereklamo sa Prime Water… tulog pa rin umano si Kap.

Ayon kay Kap. Nenen Talaga, “Naghahanap kami ng aksyon tungkol sa tubig… nakita namin siya, mahimbing pa ang tulog. Parang walang interruption sa buhay niya.”

Sa gitna ng mga reklamo, tila chill lang umano si Kap Egroy tungkol sa water crisis.

Ayon mismo kay Kap. Egroy, “Ay may krisis ba sa tubig? Kelan pa? Jusko. Hindi ko alam. Jusko, sa sobrang busy ko. Parang 1 week na akong hindi pumupunta sa banyo para maligo.”

Dahil dito, may ilang netizens na nagbiro na baka raw ang tunay na water conservation program ng barangay ay: “Matulog para hindi mainitan at hindi maligo.”

Sa ngayon, patuloy pa ring hinihintay ng mga residente ang solusyon sa problema sa tubig—habang si ABC Jong Pascual naman ay hinihintay pa ring magising.

17/05/2026

BARANGAY SAN ANTONIO, HAHATIIN NA SA APAT NA BARANGAY!

Umani ng matinding reaksiyon ang umano’y panukalang ordinansa ni Konsehal Marion Acierto kung saan nais nitong hatiin sa apat na magkakahiwalay na barangay ang Barangay San Antonio.

Ayon sa panukala, mula sa isang malaking barangay ay magkakaroon umano ng apat na “specialized districts” depende sa estado ng buhay ng residente.

📍 Barangay San Antonio OG Proper
— Binubuo ng mga kabahayan mula sa tulay katabi ng Barangay Sto. Niño hanggang sa may riles. Ayon sa konsehal, ito raw ang “classic edition” ng San Antonio. Dito umano matatagpuan ang mga matatandang apelyido na mas matanda pa sa barangay.

📍 Barangay San Antonio Yayamanin
— Binubuo ng La Marea Subdivision, mga industrial park, at Camella Woodhills. Dito raw makikita ang mga bahay na mas malaki pa sa barangay hall. Sila umano ang tinaguriang "Posh Barangay"

📍 Barangay San Antonio Middle Class
— Sakop ang United, Camella, Adelina, Holiday, SouthPeak, at Glenns. Tinawag umano itong “sakto lang district.” Hindi mayaman, hindi ganong kahirap. Sila din umano ang malaking magbayad ng tax sa gobyerno mula sa kanilang kakarampot na sweldo.

📍 Barangay San Antonio Dukha Proper
— Binubuo naman ng Southville at iba pang mahihirap na lugar sa barangay. Dito daw makikita ang karamihan ng 4ps na naka aircon na umaasa lang din umano sa gobyerno.

Ayon kay Konsehal Marion, ang layunin umano nito ay para “organized” agad ang pagkakakilanlan ng mga residente.

Ayon kay Konsehal Marion Acierto, makakatulong din daw ito sa social interactions. “Maiiwasan na ang culture shock sa panliligaw at reunion." Maganda rin umano ito, para malaman kung anong barangay ang unang kelangan hatiran ng tulong dahil mas demanding daw umano ang mga ito.

Ngunit agad naman itong ikinagalit ni Kap Jun Ynion na mahigpit na tumutol sa plano.

Ayon mismo kay Kap Jun Ynion, “Wag nilang pakialaman ang barangay ko! Buo kami dito—mayaman man o mahirap, pare-pareho lang kaming nagkakaubusan ng tubig!”

Marami ring netizens ang napa-“check address” agad kung saan sila mapapabilang.

Ayon kay Aling Trining: “Kinabahan ako baka mapunta ako sa ‘Laylayan Extension Phase 2!’”

Sa ngayon, pinag-aaralan pa umano ang kapalaran ng kontrobersyal na panukala.

Ikaw? Payag ka bang hatiin ang Barangay San Antonio base sa social status… o sapat na ang group chat para malaman kung sino ang mayaman?

- Ebel Aguilar | News Correspondent

17/05/2026

SENATOR BATO, NAGPANGGAP NA BAKLA! HULI SA OPERASYON SA BARANGAY SAN ANTONIO

Nagsagawa umano ng isang high-level operation ang National Bureau of Investigation sa Barangay San Antonio matapos makatanggap ng intel report na nagpapanggap umanong bakla si Senator Ronald dela Rosa upang makaiwas sa mga operatiba.

Ayon sa impormasyon, nagtatrabaho raw umano bilang hairdresser si “Bato” sa isang salon sa lugar, dahilan upang agad lusubin ng mga operatiba ang naturang establisimyento.

Hindi na nagulat ang mga operatiba ng NBI dahil alam nilang magaling si Senator Bato dela Rosa sa mga pag disguise dahil ito raw ang isa sa mga itinuro sa kanya sa PMA.

Sa pagsalakay ng mga operatiba, laking gulat nila nang makita ang isang empleyadong kamukhang-kamukha umano ni Senator Bato. Dahil dito, agad nila itong pinosasan habang hawak pa umano ang blower at suklay.

Ngunit nagpumiglas pa raw ang suspek habang sumisigaw ng: “HINDI AKO SI BATO! AKO SI DARNAAA!”

Sa gitna ng kaguluhan, doon lamang napansin ng mga operatiba na tila mali ang kanilang nahuli. Ayon sa isang agent, “masyado raw itong malambot.”

Ayon sa operatiba ng NBI, “Napansin namin na mas malambot pa siya sa plemang green at gelatin. Imposibleng siya si Bato dahil si Bato, matigas… PMA ’yan eh.”

Kalaunan ay nakilala ang nasabing nadakip bilang si Teddy Tercero, isang kilalang stylist umano sa lugar na wala namang kaugnayan sa anumang pagtatago ni Senador Bato.

Sa ngayon, humingi na raw ng paumanhin ang ilang operatiba matapos ang “salon misunderstanding,” habang ipinagpatuloy naman ni Teddy ang pagba-blower sa kanyang customer na naiwan sa gitna ng raid.

14/05/2026

24 ORAS NA BARANGAY? CAPONPON, MAY "NO SLEEP POLICY" KUNG SAKALING MAKAKABALIK!

Nagbigay ng kakaibang pahayag si Mel Amil Caponpon, dating kagawad ng Barangay Poblacion, matapos nitong sabihin na nais na niyang matuloy ang barangay elections ngayong Nobyembre upang mapalitan na umano ang mga kasalukuyang nakaupo sa barangay.

Ayon kay Caponpon, panahon na raw para sa “modernized at tuloy-tuloy na serbisyo publiko.” Ang kanyang pangunahing plataporma? Gawing 24 oras ang serbisyo ng barangay — walang pahinga, walang uwian, at higit sa lahat… walang tulugan.

Sa kanyang kontrobersyal na plano, nais umano niyang kumuha ng mga adik mula Kapitan, Kagawad hanggang janitor.

Ayon pa kay Caponpon, mas magiging mabilis umano ang serbisyo kung ang mga empleyado ay kayang magtrabaho kahit madaling araw at non-stop.

Sa ngayon, hati ang opinyon ng publiko sa naturang panukala. Ngunit isang bagay ang sigurado — kung matutuloy ito, baka ang Barangay Poblacion na ang kauna-unahang barangay na may slogan na: “Serbisyong Ngiwi at Walang Tulugan!”

*Nasa comment section ang kanyang naging pahayag.

- Manuel Hustler Monroy | News Correspondent

14/05/2026

TARGET: BATO... NBI, NALITO SA OPERASYON SA PACITA!

Isang nakakagulat na operasyon ang isinagawa ng National Bureau of Investigation (NBI) sa isang farm ng manok panabong sa City of San Pedro matapos makatanggap ng impormasyon na doon umano nagtatago si Senator Ronald "Bato" dela Rosa.

Sa pangunguna ni Atty. Melvin Matibag, halos isang batalyon ng NBI agents ang lumusob sa naturang farm sa Pacita Complex. Kumpleto umano ang operasyon—may surveillance, tactical formation, at dramatic pagbaba mula sa van.

May balita pa umano na napatakbo din si dating Senator Antonio Trillanes III sa Pacita dala-dala ang ICC warrant na i-seserve kay Senador Bato dela Rosa.

Ayon sa mga source, Halos dalawang minuto lang ang tinagal matapos maaresto ng mga kawani ng NBI ang isang lalaking nasa loob ng farm habang nagbabantay umano ng mga mamahaling manok panabong. Hindi na raw ito nakapalag dahil abala sa pagpapakain ng feeds.

Ngunit pagdating ng grupo sa kanilang opisina sa Maynila, doon na lamang nila napagtanto na maling tao pala ang kanilang nadampot!

Sa halip na si Senator Bato, si Board Member Raffy Campos pala ang kanilang nahuli.

Labis namang ikinagulat ni BM Raffy ang pangyayari kaya't napatunganga na lamang ito habang napapakamot na lang din sa ulo ang mga operatiba ng NBI.

Kaagad naman pinakawalan si BM Raffy Campos sa NBI Compound at dahil sa gulat at gutom ay kaagad itong nagpunta sa Diwata Pares sa Pasay kung saan nakihalubilo at nakipagpapicture pa ito sa mga taga suporta ni Senator Bato dela Rosa na nagrally sa harap ng Senado.

Sa ngayon, iniimbestigahan na ni NBI Director Melvin Matibag kung paano nagkaroon ng “identity mix-up” ang operasyon. May ilang netizens naman ang nagbiro na baka kailangan na raw ng “hair follicle test” sa susunod na raid.

Patuloy naming babantayan ang susunod na kabanata ng operasyong tinawag na: “Oplan Kalbo: Wrong Target Edition.”

- Brad NagLulu Ambayec | News Correspondent

09/05/2026

𝐌𝐆𝐀 𝐓𝐀𝐆𝐀 SOL 𝐏𝐄𝐃𝐑𝐎, 𝐅𝐀𝐊𝐄 𝐍𝐄𝐖𝐒 𝐏𝐎 𝐈𝐓𝐎‼️

Labanan natin ang FakeNews!

𝐌𝐆𝐀 𝐓𝐀𝐆𝐀 𝐒𝐀𝐍 𝐏𝐄𝐃𝐑𝐎, 𝐅𝐀𝐊𝐄 𝐍𝐄𝐖𝐒 𝐏𝐎 𝐈𝐓𝐎‼️

09/05/2026

KAGAWAD ELOY AMBAYEC, NATAGPUANG ON DUTY SA SIMBAHAN

Isang nakakatuwang insidente ang naging usap-usapan sa Barangay San Antonio matapos umanong matagpuang lasing na lasing si Kagawad Eloy Ambayec na nakatulog sa harap ng San Antonio Church noong isang gabi.

Ayon sa mga saksi, umaga na nang magising ang kagawad—bandang 7:00 AM—at agad umano itong napasuka habang naguguluhan kung nasaan siya. Mas lalo pa siyang nagulat nang mapansin na may mga baryang nakakalat sa kanyang harapan.

Napagkamalan tuloy ng ilan na siya ay isang street beggar, dahil sa posisyon niya at sa mga baryang inihulog ng ilang dumaraan na akala ay nangangailangan siya ng tulong.

Ngunit sa ikinagulat ng marami, ipinagdiwang pa ng ilang residente ang insidente. Ayon sa kanila, kahit kagawad si Eloy ay “naipakita niya ang tunay na diwa ng tanod”—ang magbantay umano ng kalsada… kahit nakahiga.

Sa ngayon, maayos na umano ang kalagayan ni Kagawad Eloy Ambayec at inaasahang babalik na sa normal na tungkulin—sa mas “upright” na posisyon.

Samantala, patuloy na pinag-uusapan sa barangay ang insidente na tinaguriang:
“The Sleeping Kagawad Chronicles: Duty Never Sleeps… si Kagawad Eloy lang.”

08/05/2026

Congratulations Atty. Melvin Matibag, NBI Director! Buo ang suporta naming mga taga San Pedro at supporters' ng Pangulong Bongbong Marcos sa iyo. Keep up the good work Sir! Salute!

No one can put a GOOD MAN down!

08/05/2026

MANOK NA MAY ITLOG ILILIPAT SA PLAZA, DAHIL SA SOL MONUMENT REPLACEMENT PLAN!

Ikinalungkot umano nina Congresswoman Ann Matibag at Kap Tracy Bedico ang napapabalitang paglipat ng tinaguriang historical na manok na may itlog sa plaza ng San Pedro.

Ayon sa mga ulat, papalitan umano ito ng isang bagong monumento na inisyatiba ni Sol Aragones matapos hindi na matuloy ang naunang plano na palitan ang pangalan ng lungsod sa “Sol Pedro.”

Sa halip na rebranding ng pangalan, monumento na lang daw ang “branding solution” — at ito ay ilalagay mismo sa dating kinalalagyan ng sikat na manok.

Ayon sa plano, ang bagong monumento ni Gov. Sol ay magsisilbing first welcome structure para sa mga papasok ng Laguna. Siya raw ang unang babati sa mga turista—kahit statue lang, very hands-on ang presence.

Marami naman ang natuwa sa konsepto, sinasabing mas “modern provincial welcome experience” ito. May ilan pa ngang nagbiro: “From chicken to Governor Sol vibes!”

Sa gitna ng isyu, inihayag ni Ann Matibag na maghahain siya ng resolusyon sa Kongreso upang ipatigil ang plano ng paglipat ng naturang manok at ang pagtatayo ng monumento sa kasalukuyang pwesto nito. Ayon sa kanya, kailangang mapanatili ang “historical identity at itlog-based heritage” ng San Pedro.

Sa ngayon, pinagdedebatehan pa kung ililipat ba ang manok, o gagawin itong companion statue ng bagong monumento—para raw mas “balanced ang welcome experience” sa San Pedro.

Kayo mga kabayan? Ano sa tingin ninyo? Papayag ba kayong palitan ang Manok na may itlog?

- Kagawad ARCY JOM HARA | News Correspondent