02/05/2026
وزیراعلیٰ ہاؤس پشاور آج ایک اہم سیاسی و قبائلی سرگرمی کا مرکز بنا ہوا ہے، جہاں وزیراعلیٰ محمد سہیل آفریدی کی میزبانی میں قبائلی لویہ جرگہ جاری ہے۔
اس جرگے میں قبائلی اضلاع سے تعلق رکھنے والے اراکینِ قومی و صوبائی اسمبلی، سینیٹرز، علمائے کرام، قبائلی عمائدین، مشران اور نوجوان بھرپور شرکت کر رہے ہیں، جو اس کی اہمیت کو دوچند کر رہا ہے۔
موجودہ سیکیورٹی صورتحال، خصوصاً ڈرون حملوں اور دہشتگردی کے بڑھتے ہوئے واقعات کے تناظر میں، اس جرگے کا انعقاد کیا گیا ہے تاکہ تمام اسٹیک ہولڈرز مل بیٹھ کر ایک مشترکہ، مؤثر اور قابلِ عمل حکمتِ عملی ترتیب دے سکیں۔
یہ جرگہ نہ صرف قبائلی علاقوں کے مستقبل کے حوالے سے اہم فیصلوں کی بنیاد بن سکتا ہے بلکہ امن، استحکام اور عوامی تحفظ کے لیے ایک متفقہ آواز بھی ثابت ہو سکتا ہے۔
