23/05/2026
📢 غير سياسي پوسٽ
گهوٽڪي شهر ۾ اڄڪلهه بجلي جي لوڊشيڊنگ عوام لاءِ عذاب بڻجي وئي آهي۔ ڏينهن جو ته هر ماڻهو پنهنجي وس آهر سولر يا پکي تي وقت گذاري ٿو، پر جيئن ئي شام ٿئي ٿي، گهوٽڪي جي مختلف فيڊرن ــ اسٽيشن روڊ، عادلپور فيڊر ،رحموالي، انورآباد ۽ ٻين علائقن ــ سان جيڪو ظلم ٿئي ٿو، ان جو آخر داد فرياد ڪير ٻڌندو؟
شهر جي انڊسٽريل لائين، جيڪا اصل ۾ صرف فيڪٽرين ۽ ڪاروباري مقصدن لاءِ آهي، اتي 24 ڪلاڪن ۾ صرف 2 ڪلاڪ بجلي بند ٿئي ٿي، جڏهن ته هر گهر ۾ اها ئي لائين هلي رهي آهي۔ ڪو پڇڻ وارو ناهي، ڪو حساب وٺڻ وارو ناهي۔ ساڳي طرح عادلپور شھر ۾ ڄام خان واري لائن استعمال ڪئي ٿي وڃي باقي ڳوٺ مسو خان ڪلوڙ ،ڳوٺ حاجي نيڪ محمد ڪليري ۽ انھي جي آس پاس ڳوٺ متاثر آھن
ڪجهه سال اڳ عادلپور سٽي ۽ ڀرپاسي جي ڳوٺن لاءِ به الڳ لائين منظور ڪئي وئي هئي، جتي صرف 2 ڪلاڪ لوڊشيڊنگ ٿئي ٿي۔ پوءِ سوال اهو ٿو پيدا ٿئي ته گهوٽڪي شهر۽ ڳوٺ حاجي نيڪ محمد ڪليري جي رهواسين سان سڄي سڄي رات ۽ سڄو ڏينهن بجلي بند ڪرڻ ڪهڙي انصاف تحت ڪيو پيو وڃي؟
اليڪشن وقت ووٽ وٺندڙ نمائندن کان صرف هڪ سوال آهي:
ڇا گهوٽڪي جي عوام جو قصور صرف اهو آهي جو هو خاموش آهن؟
ڏينهن جو ماڻهو پنهنجي خرچ تي سولر ذريعي بجلي هلائين ٿا، پر شام جو بجلي بند ڪرڻ آخر ڪهڙي ڏوهه جي سزا آهي؟
گرمي ته اڃا وڌڻي آهي، جولاءِ ته اڃا آئي ئي ناهي۔ جيڪڏهن مئي مهيني ۾ عوام سان اهڙو حشر آهي، ته پوءِ اڳتي ڇا ٿيندو؟
⚠️ خدارا، عوام جي تڪليف کي سمجهو، ۽ گهوٽڪي شهر سان ٿيندڙ هن ناانصافي جو نوٽيس ورتو وڃي۔
