Kids Lunch Box Deals

24/05/2026

*کبھی کبھی دل ایسے خاموش ہو جاتا ہے جیسے اندر کوئی ہلکی سی بارش ہو رہی ہو…باہر سب نارمل، مگر اندر عجیب سا بوجھ*۔ 🌧️

💖ایسے وقت میں اپنے دل کو ڈانٹیں نہیں… اسے تھوڑا سہارا دیں۔

*وضو کریں، دو منٹ کے لیے بس آسمان کی طرف دیکھ کر یہ کہیں*:

🤲“یا اللہ… میرا دل آپ کے حوالے۔”

اور ایک بات؟

🌺*ہر اداسی گناہ کی علامت نہیں ہوتی…*

*کبھی یہ دل کا تھک جانا بھی ہوتا ہے۔*

👈گھر، ذمہ داریاں، لوگوں کی باتیں، اپنی توقعات…

*ہاؤس وائف کا دل بھی آخر دل ہی ہوتا ہے،وہ بھی اداس ہو جاتا ہے.. یہ پریشر ککر نہیں کہ سیٹی دے کر بھاپ نکال لے۔*
آج اپنے لیے ایک چھوٹا سا کام کریں:

🔅پانی پیئیں

🔅کچھ ہلکا سا کھائیں
🔅ذکر کر لیں

*👈اور خود کو یہ نہ کہیں کہ “میں کچھ نہیں کر رہی”*

✨*کیونکہ جو عورت پورا گھر سنبھالتی ہے… وہ “کچھ” نہیں، بہت کچھ کر رہی ہوتی ہے۔*

🌸 *“اللہ اُس دل کو کبھی اکیلا نہیں چھوڑتا جو خاموشی میں بھی اُسے یاد کرتا ہے۔”*.. کچھ نہیں کر پا رہیں تو... *اللہ کو یاد کر لیں دعا اور ذکر کے ذریعے*

18/05/2026

"Surah Hajj" Urdu translation

18/05/2026

18/05/2026

Hajj ki Dua

18/05/2026

*ذوالحجہ کے یہ دس دن عام نہیں*🌻
اگر رمضان میں آپ سے کوتاہی ہوگئی…
اگر آپ ویسی عبادت نہ کرسکے جیسے دل چاہتا تھا…
اگر قرآن، تہجد، دعا یا توبہ میں کمی رہ گئی…
تو مایوس نہ ہوں
اللہ نے ایک بار پھر اپنے بندوں کے لیے رحمت کے دروازے کھول دیے ہیں
یہ عام دن نہیں ہیں
ذوالحجہ کے پہلے دس دن اللہ تعالیٰ کے نزدیک نیک اعمال کے لیے سب سے زیادہ محبوب دن ہیں

*رسول اللہ ﷺ نے فرمایا:*♥️

“کوئی دن ایسا نہیں جس میں نیک عمل اللہ کے نزدیک ان دس دنوں سے زیادہ محبوب ہو۔”
— صحیح بخاری

اگر آپ حج پر نہیں جارہے تب بھی رحمت، مغفرت، ذکر، صدقہ، روزہ، قرآن اور سچی توبہ کے دروازے آپ کے لیے کھلے ہیں
ان قیمتی دنوں کو سال کے دوسرے دنوں کی طرح گزرنے نہ دیں

*ان دنوں میں کیا کریں؟*

1۔ پانچ وقت کی نماز
سب سے پہلے اپنی نمازیں درست کریں
صرف پڑھنا نہیں… دل کے ساتھ، سکون سے، خوبصورتی سے نماز ادا کریں
کیونکہ جس کی نماز سنور گئی، اس کی زندگی سنورنے لگتی ہے۔

*2۔ تہجد کو زندگی میں لائیں*

کوشش کریں کہ ان دس دنوں میں رات کو اٹھیں۔
اگر صرف 10 منٹ بھی مل جائیں تو اللہ کے سامنے کھڑے ہوجائیں۔
روئیں، مانگیں، توبہ کریں۔
کبھی کبھی ایک سجدہ انسان کی تقدیر بدل دیتا ہے

*3۔ کثرت سے ذکر کریں*

اپنی زبان کو اللہ کے ذکر سے تر رکھیں۔
• سبحان اللہ
• الحمدللہ
• لا إله إلا الله
• اللہ أكبر
• أستغفر الله

مختلف اذکار پڑھیں تاکہ دل حاضر رہے اور زبان صرف عادت میں نہ چلے۔

*4۔ تکبیرِات پڑھیں*

اپنے دن کو تکبیر سے بھر دیں۔
چلتے پھرتے، کام کرتے، اٹھتے بیٹھتے:

اللّٰهُ أَكْبَرُ اللّٰهُ أَكْبَرُ، لَا إِلٰهَ إِلَّا اللّٰهُ وَاللّٰهُ أَكْبَرُ، اللّٰهُ أَكْبَرُ وَلِلّٰهِ الْحَمْدُ

اتنا پڑھیں کہ دل گواہی دے
“اللہ ہر چیز سے بڑا ہے… میری پریشانیوں سے بھی میرے خوف سے بھی میری خواہشات سے بھی۔”

*5۔ صدقہ کریں*

چاہے تھوڑا ہی کیوں نہ ہو
ایک مسکراہٹ ایک کھانا، کسی کی مدد، کسی کے لیے دعا…
اللہ کے نزدیک کوئی نیکی چھوٹی نہیں۔

*6۔ قرآن سے تعلق جوڑیں*

روز تھوڑا ہی سہی، قرآن ضرور پڑھیں۔
قرآن صرف ثواب نہیں دیتا، دلوں کو زندہ بھی کرتا ہے۔

*7۔ معاف کرنا سیکھیں*

اگر کسی نے آپ کے ساتھ برا کیا ہے تو دل صاف کرنے کی کوشش کریں۔
`یاد رکھیں`🌸
جو دل لوگوں کو معاف نہیں کرسکتا وہ راتوں کو اللہ کے سامنے سکون سے کھڑا بھی نہیں ہوسکتا۔

سلام دعا قائم رکھیں رشتے نہ توڑیں۔

*8۔ کسی کو تکلیف نہ دیں*

نہ زبان سے، نہ رویے سے، نہ سوشل میڈیا پر
ہوسکتا ہے آپ کا ایک جملہ کسی کے دل کو زخمی کردے

*9۔ حسد سے بچیں*

کوئی زیادہ عبادت کررہا ہے…
کوئی بڑی قربانی کررہا ہے…
کوئی عید کی اچھی تیاری کررہا ہے…
دل میں حسد نہ آنے دیں
کیونکہ حسد نیکیوں کو ایسے کھا جاتا ہے جیسے آگ لکڑی کو

*ایک خاص عمل*🌸

اگر ہوسکے تو:
• پہلے 9 دن، یا سوموار اور جمعرات یا پھرعرفہ کا روزہ ضرور رکھیں
• روزانہ استغفار کریں
• والدین کے لیے دعا کریں
• اور ہر دن کم از کم ایک نیکی چھپ کر کریں جسے صرف اللہ جانتا ہو

*آخر میں*💛

`ہوسکتا ہے یہ دس دن آپ کی زندگی بدل دیں ہوسکتا ہے ایک سچی توبہ، ایک آنسو، ایک دعا… آپ کو اللہ کے بہت قریب کردے۔`
`اس لیے ان دنوں کو غفلت میں ضائع نہ کریں کیونکہ ہر کسی کو یہ مبارک دن دوبارہ نصیب نہیں ہوتے`🥺♥️
👈 فالو کریں
👈 شیئر کریں

08/05/2026

Series:Part 1
*بچوں کا غصہ اور Tantrums*

*“بچہ بات نہ مانے تو کیا کریں؟”*
اکثر ہم فوراً یہ سوچ لیتے ہیں کہ بچہ ضدی ہو رہا ہے یا بات نہیں مان رہا، لیکن ذرا رک کر دیکھیں
*کیا وہ واقعی “نہیں مان رہا” یا وہ کسی اندرونی کیفیت سے گزر رہا ہے جسے وہ الفاظ میں بیان نہیں کر پا رہا؟*
چھوٹے بچوں کا brain ابھی develop ہو رہا ہوتا ہے، خاص طور پر وہ حصہ جو emotions کو regulate کرتا ہے۔ اسی لیے وہ overwhelm ہو کر react کرتے ہیں، نہ کہ plan کر کے ضد کرتے ہیں۔
*اس وقت اگر ہم صرف “بات منوانے” پر فوکس کریں گے تو ہم اصل مسئلہ miss کر دیں گے۔ بہتر approach یہ ہے کہ* *پہلے بچے کی feeling کو acknowledge کریں. “مجھے لگ رہا ہے* تم upset ہو کیونکہ تمہیں یہ چیز چاہیے تھی۔” جب بچہ understood feel کرتا ہے تو اس کا nervous system calm ہونا شروع ہوتا ہے، اور تب وہ سننے کے قابل ہوتا ہے۔

21/03/2026

Eid Mubarak to all of my page followers.