15/07/2026
وزیراعلیٰ پنجاب مریم نواز شریف نے صوبے میں تعلیمی نظام کی حالت بدلنے اور اس کی عملی نگرانی کے لیے ایک انتہائی منفرد اور بڑا فیصلہ کیا ہے، جس کے تحت انہوں نے صوبائی وزیر تعلیم رانا سکندر حیات کو باقاعدہ ہدایت جاری کی ہے کہ وہ ہر ہفتے لازمی طور پر کسی ایک سرکاری اسکول کا دورہ کریں اور وہاں بچوں کی کلاس لیں۔
وزیراعلیٰ کی زیر صدارت ہونے والے اس اہم اجلاس میں پنجاب بھر کے اسکولوں، نجی اسکولوں اور ٹیوشن سینٹرز کی ڈیجیٹل رجسٹریشن کا جائزہ لیا گیا، جبکہ اساتذہ کی تنخواہوں کو بینک اکاؤنٹس کے ذریعے آن لائن منتقل کرنے کا بھی فیصلہ کیا گیا۔
حکومت کا دعویٰ ہے کہ گزشتہ دو سال چار ماہ کے دوران سرکاری اسکولوں میں ریکارڈ 43 لاکھ نئے طلبہ کے داخلے کا ہدف کامیابی سے حاصل کر لیا گیا ہے جو کہ ایک بڑا ریکارڈ ہے۔
