25/09/2020
. ان شاءاللہ
گندم کی اوسط پیداوار بڑھانے
70 سے 80 من کے حصول کیلیے سفارشات کے تسلسل کی یہ یاسر چوہدری کے تجربات کی دوسری کڑی ہے
سخت اورچکنی زمین کیلیے سفارشات
طریقہ کاشت
سخت اور چکنی مٹی میں اگر سوکھے طریقے سے گندم کی کاشت کرنی مقصود ہو تو گپ چھٹ کا طریقہ استعمال کیا جاتا ہے۔
کھاد پلان
زمیں سوکھی تیار کرنے کے دوران دو بوری زورآور یا گوبر استعمال کرنے کی صورت میں ایک بوری زورآور کے ساتھ آدھی بوری یوریا کی استعمال کی جائے اور زمیں کو پانی سے بھر دیا جاتا ہے۔
زمیں کے پانی پینے کے فوری بعد گندم کا چھٹہ دیا جاتا ہے۔
پہلا پانی
ایسی زمینون میں گندم کے اگاو کے بعد پہلا پانی لگاتے وقت ایک بوری نائیٹروفاس یا اینگرو زرخیز لازمی استعمال کریں۔ اور اسکے بعدجڑی بوٹی مار سپرے لازمی کروادیں البتہٰ سپرے آپ دوسرے پانی کے بعد بھی کروا سکتے۔
دوسرا پانی
دوسرے پانی میں 40 کلو یوریا کے ساتھ زنک یا ایک بوری گوارا کا استعمال کریں
تیسرا پانی
اور تیسرے پانی پر ایک بوری گوارہ کھاد فلڈ کروا دیں۔
چوتھا پانی سادہ ہی لگائیں۔
کاشت کا دوسرا طریقہ
البتہٰ رونی کرنے کی صورت میں فاسفورسی کھادیں اور آدھی بوری یوریا نیچے گندم کی بوائی کے وقت دیں۔ اگاو کے 20 دن بعد ایک بوری اینگرو کی زرخیز یا نائیٹروفاس کے ساتھ ہیومک ایسڈ کا استعمال کریں۔۔ دوسرے پانی پر 40 کلو یوریا کے ساتھ زنک لازمی دیں۔
تیسرے پانی پر گوارہ کھاد ایک سے ڈیڑھ بوری کا استعمال کروا دیں۔۔
چوتھا پانی گوبھ کی حالت میں گوارا کھاد کے ساتھ لازمی لگوائیں۔ اور کسان بھائی یاد رکھیں کہ دانہ جب دودھیا حالت میں ابھی بن رہا ہو تب پانی لازمی دیں۔۔
پوٹاش کی کھاد بوقت بجائی ایک بوری اپنے جیب خرچ کے حساب سے استعمال کریں ورنہ گوبھ کی حالت میں سٹے نکلنے سے پہلے پہلے کسی بھی کمپنی کی کلورائیڈ سے پاک ہوٹاش کی دو سپرے 7 دن کے وقفے سے سپرے کروا دیں۔
بارانی رقبوں کیلیے
بارانی علاقوں میں چونکہ گندم کا سارا دارومدار بارشوں پر یا زیر زمین پانی پر ہے اس لیے کوشش کریں کہ فاسفورسی کھاد اور یوریا کی ایک بوری بوقت گندم کاشت زمیں میں ڈال دیں۔
ماہرین کے مطابق نائیٹروجن کھاد سب سے زیادہ اثر زمین کے نیچے دینے سے ہوتا ہے۔ اوپر ایک بوری یوریا یا گوارا کا چھٹہ کروا دیا جائے کیونکہ یہ نائیٹروجن والی کھادیں کم۔نمی میں بھی پورا اثر دکھاتی ہیں۔
کلراٹھے رقبے کیلیے
کلر والی زمینوں میں رونی سے ہی گندم کی کاشت کریں اور رونی کرتے وقت 8 سے 10 کلو سلفیورک ایسڈ لازمی فلڈ کروادیں۔
پہلے پانی ہر 4 کلو سلفیورک ایسڈ یا دو دو کلو سلفر دو پانیوں میں یوریا کے ساتھ گندم کو ڈال دیں۔۔۔ اور کھادوں میں زور آور اور نائٹروفاس کا استعمال کریں۔ گوارا کھاد کا استعمال ایسی زمین میں نہ کریں
دھان والے رقبے کیلیے
دھان کی زمینوں میں بوائی کے وقت 1.1/2 بوری زورآور کی استعمال کریں۔
30 دن بعد ڈیڑھ بوری نائیٹروفاس یا ایک بوری اینگرو کی زرخیز پلس ہیومک ایسڈ کے ساتھ پانی دیں۔ اور دوسرا پانی اگاو کے 70 دن بعد گوبھ کی حالت میں 40 کلو یوریا کے ساتھ دیا جاتا ہے۔ جبکہ تیسرا پانی دانہ بننے کے دوران گوارا کھاد کے ساتھ دیا جائے۔
بیج منظور شدہ استعمال کریں اور مستند ادارے یا کسی اچھے کسان سے کھیت دیکھ کر سلیکٹ کرین
بیج کو پھپھوندی کش زہر لگا کر کاشت کرین
اپنے رب سے تجارت کرین
عشر دینے کیلیے ابھی سے نیت کر لیں
دنیا مین ہر جگہ اور ہر بندے سے تجارت مین نقصان کا خدشہ ہوتا ہے
مگر رب سے تجارت میں کبھی نقصان کا خدشہ نہی ہوتا. اور منافع بھی 11 گنا تک ملتا ہے
اسلیے لازمی عشر ادا کرنے کی نیت کر لیں
