26/09/2026
ایک بندہ تھا، وہ کافی عرصے (تقریباً 5 سال) سے شادی کے لیے میرے پیچھے پڑا ہوا تھا۔ خیر، پھر میں نے ہاں کر دی اور بات فیملی تک آ گئی۔
اب میری فیملی نے کہا کہ حقِ مہر «غیر معجل» (مؤجل) 3 تولہ سونا رکھوانا ہے۔ اس پر اس لڑکے نے کہا کہ اسلام میں حقِ مہر فوری ادا ہوتا ہے، اور اگر 3 تولہ ہو گا تو میں یہ افورڈ نہیں کر سکتا، اور ہماری فیملی میں یہ رسم بھی نہیں ہے۔
اب میرا دل اس کی طرف سے بہت خراب ہو گیا ہے کہ اتنے بڑے بڑے دعوے تھے اور پہلے ہی مرحلے پر مجبوری کی داستانیں شروع ہو گئیں۔ اس نے مجھ سے ریکویسٹ کی کہ یہ نہ لکھوائیں۔
اب فیملی میں بات چلی گئی ہے اور مجھے سمجھ نہیں آ رہی کہ پیچھے کیسے ہٹوں۔ اس مسئلے کے علاوہ فی الحال کوئی اور مسئلہ محسوس نہیں ہوا، بس ایک یہی ریڈ فلیگ (Red Flag) شو ہوا ہے۔ اس کا بیہیویئر بھی اچھا ہے، بہت امیر نہیں ہے، ایوریج انکم (تقریباً 70 ہزار ماہانہ) ہے۔
اب منگنی ہو گئی ہے، آئندہ نكاح ہونا تھا اور ایک سال بعد رخصتی کا سوچا تھا۔ لیکن اب میرا دل خراب ہو گیا ہے اور جان بھی نہیں چھوٹ رہی، کیونکہ انکار کے لیے کوئی اور برائی بھی نہیں مل رہی۔
کیا واقعی سب کے ہاں حقِ مہر کم ہی ہوتا ہے اور غیر معجل نہیں ہوتا؟ میں نے تو اس سے بس اتنا کہا تھا کہ غیر معجل 3 تولہ سونا رکھوا لو، بعد میں زندگی میں کبھی ہوا تو پے کر دینا ورنہ میں معاف کر دوں گی۔ اس پر اس نے کہا کہ نہیں، پے کرنا ہی ہوتا ہے، کہیں معاف کرنے کا ذکر نہیں ہے۔
اس نے اسلام اسلام کی اتنی باتیں کیں کہ میں خود شرمندہ ہو گئی، حالانکہ میں نے حدیثیں پڑھیں لیکن مجھے غیر معجل حقِ مہر کے خلاف کوئی سچی منطق نہیں ملی۔
آپ شادی شدہ لوگ بتائیں کہ آپ کی شادی کے وقت حقِ مہر کتنا طے ہوا تھا؟ اور کن کن کی شادی پر حقِ مہر کو لے کر اس طرح کے مسائل یا بحث ہوئی تھی؟ اس کے علاوہ اگر اس ساری صورتِ حال میں کوئی اہم بات یا پہلو مجھ سے رہ گیا ہو تو وہ بھی ضرور شیئر کریں۔
