15/11/2026
انسانیت کا تقاضا ہے کہ اپنے اردگرد رہنے والوں کا خیال رکھیں!
ہمیں چاہیے کہ اپنے اردگرد بسنے والے لوگوں کی خبرگیری کرتے رہیں کہ کہیں کوئی پریشانی میں تو مبتلا نہیں، کوئی ایسا تو نہیں جو خاموشی سے تکلیف برداشت کر رہا ہو اور اسے کسی کے سہارے کی ضرورت ہو۔
گزشتہ روز فیس بک پر حسن ریاض بھائی کی ایک ویڈیو دیکھی، جس میں وہ اپنے والدین کی قبروں پر بیٹھ کر آبدیدہ حالت میں کہہ رہے تھے کہ میرا کوئی نہیں، میں بالکل اکیلا ہوں۔
ویڈیو دیکھ کر دل بہت افسردہ ہوا۔ آج انہیں اپنے پاس بلایا اور ان سے ملاقات کرکے ان کی پریشانی اور مشکلات جاننے کی کوشش کی۔
اللہ پاک حسن ریاض بھائی کی تمام پریشانیاں دور فرمائے، ان کے لیے آسانیاں پیدا کرے اور انہیں خوشیوں بھری زندگی عطا فرمائے۔ آمین!
میری آپ سب سے گزارش ہے کہ اپنے اردگرد موجود ضرورت مند اور پریشان حال لوگوں کو نظر انداز نہ کریں۔ اگر کسی کو پریشان دیکھیں تو اس کی خیریت ضرور دریافت کریں، اس کی بات سنیں اور اپنی استطاعت کے مطابق مالی یا اخلاقی مدد ضرور کریں۔
یاد رکھیں! کبھی کبھی کسی کے لیے ہمارا تھوڑا سا وقت، چند محبت بھرے الفاظ یا معمولی سی مدد بھی بہت بڑا سہارا بن جاتی ہے۔