20/11/2023
رات ہم سردی کی کھوج میں چھت پر کھڑے دور بین سے چاروں طرف نظر دوڑا رہے تھے کہ ہمارے کانوں سے آسٹریلوی کپتان پیٹ کمنز کی آواز ٹکرائی ۔۔۔۔۔۔
"ہڈیاں توڑنے میں وہ مزا کہاں جو ایک کروڑ تیس لاکھ تماشائیوں کو چپ کروانے میں ہے "
ہم اس آواز کے منبع ، مطلب ٹی لاونج میں بھاگ کر اس آس پر پہنچ گئے کہ آسڑیلیا کی جیت پر عرفان پٹھان کا پیٹ کمنز کے ساتھ والہانہ ڈانس دیکھنے کو ملے گا لیکن اسکرین پر تو سائلنٹ موڈ پر لگے ماتمی شکلوں والے حاضرین اسٹیڈیم ہی نظر آرہے تھے ۔۔۔۔۔
ہم سوچ میں پڑ گئے کہ ۔۔۔۔۔
اسکرپٹ رائٹر کے مطابق تو انڈیا کی فتح یقینی تھی پر آخر ایسا کیا ہوا کہ
"وقت بدل گیا حالات بدل گئے "
تحقیقات پر معلوم ہوا کہ آسٹریلوی کپتان نے سب سے پہلے تو انڈین رنگ میں بھنگ ڈالنے کے لیے فائنل سے ایک دن قبل گراؤنڈ میں جاکر انڈین کپتان کی منتخب کردہ پچ کی تصویر بنانے کے ساتھ ساتھ گراؤنڈ اسٹاف کو کان پکڑوا کر واضح الفاظ میں وارننگ بھی دی تھی کہ کل فائنل میں یہی وکٹ ہونی چاہیے ورنہ
"میں تہاڈے ٹبر کھا جاواں گا تے ڈکار وی نہیں لوواں گا "
گراؤنڈ اسٹاف کی طرف سے رحم کی اپیل پر وہ ہلکا سا مسکرایا اور بولا
"جب میں ایک بار کمٹمنٹ کرلیتا ہوں تو پھر اپنے آپ کی بھی نہیں سنتا "
اس نے صرف اتنے پر اکتفا نہیں کیا بلکہ عرفان پٹھان کو نگرانی پلس جیت رقص کے لیے پانچ سو ایڈوانس دے کر ایک چارپائی سمیت پوری رات وکٹ کے پاس بٹھا دیا ۔۔۔۔۔۔
گراؤنڈ سٹاف سے فارغ ہو کر وہ میچ ریفری کے پاس پہنچا اور اسے بھی چتاونی دی کہ ٹاس کا سکہ وکٹ پر ہم دونوں کپتانوں کے قریب گرنا چاہیے انڈیا کے پہلے دس میچوں کی طرح ایسا نہ ہو کہ 25 گز کے دائرے سے باہر سکہ پھینک کر واپسی پر بیشرمی سے انڈیا کے ٹاس جیتنے کا اعلان کردو ۔۔۔۔۔اور ہاں
"اگر کسی قسم کی فنکاری دکھائی تو میں تجھے ایسی جگہ لے جا کر ماروں گا جہاں تجھے نہ پانی ملے گا نا آکسیجن "
یہ کہہ کر واپس چلا اور چند قدم چلنے کے بعد رک کر بولا
"جو میں کہتا ہوں وہ میں کرتا ہوں اور جو نہیں کہتا وہ ڈیفینٹلی کرتا ہوں "
انہی حفاظتی اقدامات کی وجہ سے آسٹریلوی ٹیم نے انڈیا کو اتنا دھویا جتنا دھویا جاسکتا تھا
کیا سوا لاکھ تماشائیوں کے سامنے اس سے زیادہ دھویا جاسکتا تھا ۔۔۔۔؟؟؟؟؟
#بیبرس
