LALA SATAR khilji

07/10/2026

کوئٹہ: پاکستان سنٹرل مائنز لیبر فیڈریشن (PCMLF) کے سیکرٹری جنرل جناب سلطان محمد خان نے علی بھائی کول مائنز، سورینج کے سانحے کے متاثرہ کان کنوں اور ان کے خاندانوں کے مالی معاوضے کے لیے وزیراعلیٰ بلوچستان اور ڈائریکٹر جنرل PDMA سے مسلسل رابطہ رکھا۔
PCMLF سیکرٹری جنرل سلطان محمد خان کی کوششوں اور مسلسل رابطے کے نتیجے میں علی بھائی کول مائنز، سورینج کے سانحے کے 30 متاثرہ کان کنوں کے لیے مجموعی طور پر 1 کروڑ 50 لاکھ روپے کی مالی امداد جاری کی گئی ہے۔ ہر متاثرہ کان کن کو 5 لاکھ روپے کے حساب سے امدادی رقم فراہم کی گئی ہے۔
اس مالی امداد کی TCS رسید بھی منسلک ہے۔

پاکستان سنٹرل مائنز لیبر فیڈریشن (PCMLF) نے حکومت کی جانب سے جاری کی گئی اس مالی امداد کا خیرمقدم کرتے ہوئے اسے متاثرہ کان کنوں اور ان کے خاندانوں کے لیے ناکافی قرار دیا ہے۔ فیڈریشن کا کہنا ہے کہ کان کنوں اور ان کے خاندانوں کو درپیش مشکلات، جانی نقصان اور مستقبل کے معاشی مسائل کو مدنظر رکھتے ہوئے مزید مناسب اور بھرپور مالی معاوضہ فراہم کیا جانا چاہیے۔
PCMLF نے وزیراعلیٰ بلوچستان اور DG PDMA سے مطالبہ کیا ہے کہ باقی 4 متاثرہ کان کنوں کے ضروری دستاویزات مکمل ہونے کے بعد ان کے لیے بھی 5 لاکھ روپے فی کس کی مالی امداد فوری طور پر جاری کی جائے۔
پاکستان سنٹرل مائنز لیبر فیڈریشن (PCMLF)
سلطان محمد خان
سیکرٹری جنرل

03/10/2026

ٹریڈ یونین رہنماﺅں کاعلی باش خان سے بیٹی کی وفات پر اظہارتعزیت
سلطان خان ، عبدالستار ،شاہ علی بگٹی،را سعید خٹک ،تنویر نذیر ،سعید بلا نوشی،حاجی یونس نے اظہار تعزیت کیا
کوئٹہ(سٹاف رپورٹر) پاکستان سینٹرل مائنز لیبر فیڈریشن ، آل پاکستان لیبر فیڈریشن ، بلوچستان فیڈریشن آف ٹریڈ یونینزاور شانگلہ کول مائنز ورکرز ویلفیئر ایسوسی ایشن (سموا)کے عہدیداروں سمیت سیاسی، سماجی رہنماو¿ں، دوست احباب اور عزیز و اقارب نے پاکستان سینٹرل مائنز لیبر فیڈریشن کے خیبر پختونخوا( شا نگلہ )سے ممبرایگزیکٹوکونسل علی باش خان کی جوان صاحبزادی کے انتقال پر گہرے رنج و غم کا اظہار کرتے ہوئے مرحومہ کی فیملی سے تعزیت اور دُعا کی کہ اللہ تعالیٰ مرحومہ کی مغفرت کرے اور انہیں جنت الفردوس میں جگہ دیں اور تمام لواحقین کو صبرو جمیل عطا فرمائے۔آل پاکستان لیبر فیڈریشن کے مرکزی صدر اورپاکستان سینٹرل مائنز لیبر فیڈریشن کے مرکزی سیکرٹری جنرل سلطان محمد خان، بلوچستان فیڈریشن آف ٹریڈ یونینزکے سیکرٹری جنرل عبدالستار ،ایجوکیشن سیکرٹری عبدالعلیم خان ،بلوچستان یونیورسٹی ایمپلائز ایسوسی ایشن کے صدر شاہ علی بگٹی ، انڈسٹری آل گلوبل یونین کے پاکستان میں پراجیکٹ کوآڈی نیٹر تنویر نذیر،آل پاکستان نیوز پیپر ایمپلائیز کنفیڈریشن (ایپنک) پنجاب کے سابق چیئرمین محمد قیصر چوہان ، پاکستان سینٹرل مائنز لیبر فیڈریشن پنجاب کے چیئرمین را سعید خٹک ،آفتاب رائٹنگ سنز ورکرز یونین کے جنرل سیکرٹری چوہدری عبیداللہ گجر، شانگلہ کول مائنز ورکرز ویلفیئر ایسوسی ایشن (سموا) کے سرفرازخان ، یونائیٹڈ ماربل ورکرز یونین چاغی کے صدر سعید احمد بلا نوشی،پی ایم ڈی سی ایمپلائز یونین شاہرگ کے جوائنٹ سیکرٹری حاجی یونس،پی ایم ڈی سی ایمپلائز یونین سورنج کے جنرل سیکرٹری سجاد کھوکھر،ایگریکلچر ایمپلائز یونین بلوچستان کے صدرعبدالغفار جمالی، جنرل سیکرٹری منظور احمد بلوچ ،سینئر نائب صدر شاہنواز زہری، سردار بہادر خان وویمن یونیورسٹی ایمپلائزایسوسی ایشن کے صدر نصیب اللہ بازئی ، کوئٹہ سرینا ہوٹل لیبر یونین (سی بی اے)کے صدر عجب خان،یو ایم سی ورکرز یونین کے صدر حاجی سیف اللہ خان سمیت دیگر ٹریڈ یونین رہنماﺅں آصف شاہ ،محمد زمین،شاہ وزیر، ولید ، نور شاہ ،حنیف کاکڑاور عبدالستار جونیئرنے علی باش خان اور سوگوار خاندان سے دلی ہمدردی اور افسوس کا اظہار کرتے ہوئے کہا کہ جوان بیٹی کا انتقال والدین اور اہل خانہ کیلئے ناقابل بیان صدمہ ہے۔ ٹریڈ یونین رہنماﺅں نے مرحومہ کے درجات بلندی اور مغفرت کیلئے دعا کرتے ہوئے اللہ تعالیٰ سے دعا کی کہ وہ سوگوار خاندان کو یہ صدمہ صبر و حوصلے کے ساتھ برداشت کرنے کی توفیق عطا فرمائے۔

01/10/2026

کانکنوں کی صحت و سلامتی سب سے پہلے

01/10/2026