02/05/2026
. #میانوالی #پنجاب یکم مئی یوم مزدور 🚩🚩
مکڑوال: پاکستان سینٹرل مائنز لیبر فیڈریشن کے زیر اہتمام یومِ مزدور کی پروقار تقریب، کان کنوں کے حقوق اور تحفظ کا مطالبہ ✌️✌️✊🌟🚩🚩
مکڑوال (نمائندہ خصوصی) یومِ مزدور کے عالمی دن کے موقع پر پاکستان سینٹرل مائنز لیبر فیڈریشن (PCMLF) کے زیر اہتمام مائنز لیبر ویلفیئر ہسپتال مکڑوال میں ایک خصوصی تقریب کا انعقاد کیا گیا، جس میں کان کنوں کی خدمات، قربانیوں اور انہیں درپیش سنگین مسائل کو بھرپور انداز میں اجاگر کیا گیا۔
تقریب کے مہمانِ خصوصی پاکستان سینٹرل مائنز لیبر فیڈریشن کے چیئرمین را سعید خٹک تھے۔ دیگر معزز شرکاء میں صوبائی وائس پریزیڈنٹ حاجی مصور حسین شاہ، صوبائی سیکرٹری اطلاعات و نشریات زاہد اقبال ملاخیل،کمشنر مائنز لیبر ویلفیئر پنجاب محمد اسد کی ہدایات پر پرنسپل ندیم احمد٫ربنواز صاحب لیبر آفیسرضلع میانوالی، اور ایم سی ایل کے کوآرڈینیشن آفیسر ریاض احمد خان سمیت مزدور رہنماؤں اور کان کنوں کی بڑی تعداد نے شرکت کی۔
تقریب سے خطاب کرتے ہوئے را سعید خٹک نے کہا کہ مزدور ملک کی معاشی ترقی میں ریڑھ کی ہڈی کی حیثیت رکھتے ہیں۔ انہوں نے افسوس کا اظہار کیا کہ کان کن زمین کی گہرائیوں میں اتر کر ملک کی ترقی کا ایندھن تو نکالتے ہیں، لیکن خود بنیادی سہولیات سے محروم ہیں۔ انہوں نے کہا کہ
مائنز کا کام انتہائی خطرناک ہے جہاں مزدور ہر وقت گیس دھماکوں اور حادثات کی زد میں رہتے ہیں۔ حکومت اور متعلقہ ادارے مزدوروں کو جدید حفاظتی آلات، بہتر طبی سہولیات، معقول اجرت اور انشورنس کی فراہمی یقینی بنائیں تاکہ ان کی جان و مال کا تحفظ ہو سکے۔"
انہوں نے حکومت پنجاب کی مزدور دوست پالیسیوں کو خراجِ تحسین بھی پیش کیا کہ مستقبل میں حکومت پنجاب ایک رول ماڈل کی حیثیت اختیار کرنے والی ہے جس کی بدولت مائن سیکٹر پنجاب میں مزدوروں کے حقوق کے لیے انقلابی اقدامات اٹھائے جائیں گے
تقریب کے دوران مقررین نے شکاگو کے شہداء اور مقامی کان کنوں کی قربانیوں کو خراجِ تحسین پیش کیا۔ اس عزم کا اعادہ کیا گیا کہ لیبر فیڈریشن مزدوروں کے حقوق کے تحفظ اور ان کی فلاح و بہبود کے لیے جدوجہد جاری رکھے گی۔ تقریب میں مطالبہ کیا گیا کہ یومِ مزدور محض ایک رسمی دن نہیں بلکہ یہ اس عہد کا نام ہے کہ محنت کشوں کو ان کا جائز حق اور سماجی تحفظ فراہم کیا جائے۔
آخر میں شرکاء نے مائنز حادثات میں جاں بحق ہونے والے مزدوروں کے لیے دعا کی اور مزدوروں کے اتحاد کا نعرہ بلند کیا۔
