25/05/2025
شہادت کی نعمت اور شیخ کی محبت
جامعہ دارالعلوم زکریا اسلام آباد کے ایک طالب علم، جو اچر بالا، تحصیل شیرینگل ضلع دیربالا کے رہائشی تھے، ایک روزہ چھٹی پر روانہ ہوئے اور بروز جمعہ پانی میں ڈوب کر شہید ہوگئے۔ یہ موت جہاں غم انگیز تھی، وہیں ان کی سعادت مندی کا ثبوت بھی بنی۔
حضرت مولانا عتیق الرحمن ہزاروی مدظلہ، جانشینِ حضرت ہزاروی رحمہ اللہ، نے بنفس نفیس غمزدہ خاندان کے ہاں حاضری دی اور تدفین کے آخری مراحل بھی خود انجام دیے۔ شہادت کی موت اور استاد کے دست مبارک سے تدفین، اس سے بڑی خوش بختی اور کیا ہوسکتی ہے!
اللہ تعالیٰ ان کی شہادت قبول فرمائے، درجات بلند کرے، اور اہل خانہ کو صبر جمیل عطا کرے۔ آمین۔
