23/08/2023
ESE KOKO NI ICYAHA MU MASO Y'IMANA NK'UKO BIVUGWA
•••••••••••••••••••••••••••••••••••••••••••••
- Kudefuriza imisatsi, kuyishyiramo amarangi no kuyiboha;
- Guhindura uruhu urusiga amarangi cyangwa uruhindurisha amavuta;
- Gusiga amarangi ku nzara, no kwiyomekaho inzara zo mu nganda;
- Kwisiga amarangi ku munwa no ku maso ndetse no kwiyogosha ingohe n'ibitsike byo ku maso;
- Kwikeba ku mubiri no kwishushanyaho(Tatoo cyangwa tatouages);
- Kwiyogeshesha ibiharanjongo cyangwa ibisunzu;
- Kwambara amapantalo ku bagore;
- Kwambara amakanzu n'amajipo bigufi(mini jupes) n'indi myenda yose igaragaza ingingo z'umubiri ( amabere n'umukondo) cyangwa imyenda icikaguritse( déchirés);
- Kurimbishisha umubiri amaherena, impeta n'imikufi, amasaro n'inigi, imitamirizi n'ibishunzi,...
: NI YEGO , NI ICYAHA RWOSE MU MASO Y'IMANA, abakora ibyo ntibazaragwa ubugingo buhoraho.
Kuko uhereye kera kose kugeza uyu munsi IJAMBO RY'IMANA ribyamagana.
Muri ryo tubonamo ko Imana yaremye umuntu utunganye rwose, ariko abantu bishakiye ibihimbano byinshi. Umubwiriza 7:29.
Ndetse no mu itangiriro 35:1-4 tubona uko Uwiteka Imana yasabye Yakobo ko yiyezanya n'abo bari kumwe hanyuma bakajya kumutambirira igitambo i Beteli.
Ibyo byatumye abari kumwe nawe bikuramo impeta, amaherena n'imikufi bari bambaye barabimuha nawe abihisha munsi y'igiti cy'umwela.
Muri Yesaya 3:16-22 hatwereka uko Uwiteka atishimiraga na gato abakobwa b'i Siyoni bari bameze batyo. Ahubwo abona ari ugushingana ijosi ubwibone n'amaso y'ubuhehesi.
Abakobwa b'abamidiyanikazi ni bo badukanye imyambaro migufi, imikufi yo mu ijosi n'iyo ku maguru kugira ngo babone uko bagusha abisirayeli mu byaha by'ubusambanyi, babyohejwe na Balamu na Balaki umwami w'i Mowabu. Kubara 25:1-18; Kubara 31:50
Ijambo ry'Imana 1 Abami 16:31; 2 Abami 9:22; 2 Abami 9:30 ritwereka ko inkomoko yo kwisiga amarangi ku mubiri, ari umwuka w' umugore wabaye mu isi witwaga akaba umugore wa umwami wa/Isirayeli.
Uyu mugore yari umunyabwibone ukomeye, umwicanyi w'umugome akaba n'umurozi kabuhariwe. Uyu ni we wadukanye mu isi bwa mbere kwisiga amarangi abyohejwe n'imyuka mibi, kuko yakoranaga nayo asenga ibigirwamana bya Bali na ashera akicisha n'abatabiramya bose.
Uyu mugore rero iherezo rye ryaje kuba ribi, kuko yababaje Imana. Ubwo ni bwo yapfaga ahanuwe mu idirishya ry'inzu ndende, ahanuwe n'inkone zamurindaga, babisabwe na Yehu. Intumbi ye ihita iribwa n'imbwa ariko kuko yari yisize
amarangi ntizarya ibirenge, intoki n'igihanga bye.Baje kumushyingura basanga ari ibyo byonyine bisigaye.
Umukozi w'Imana Eliya yahanganye cyane no kugoma k'uwo mugore ndetse n'inzu y'Ahabu umugabo we.Ibyo yakoze ibyo byanejeje Imana cyane ndetse bituma imwimurira mu ijuru adapfuye. 2 Abami 2:11.
Muri Yeremiya 9:24-25; 49:32 havuga ukuntu Uwiteka azahana abiyogoshesha ingohe.
Mu Gutegeka kwa kabiri 22:5 habuza abagore n'abakobwa kwambara imyambaro y'abagabo, hakabuza kandi n'abagabo kwambara imyambaro y'abagore, kuko Uwiteka abyanga urunuka!
Kandi muri iki gatabo cyo Gutegeka kwa kabiri 14:1 Uwiteka yihanangiriza abantu ababuza kwiyogoshesha
ibiharanjongo no kwikeba ku mubiri (tatoo).
Iyi yari imihango abanyamahanga bakoreraga imbere y'ibigirwamana byabo babigaragariza ko bababajwe
n'ababo bapfuye, bakabiraburira batyo.
Muri Hoseya 2:3-5 ijambo ry'Imana ribuza abagore gusambanisha imyambarire itambitse amabere. Kandi
aha muri Hoseya 2:15 hagaragaza uburyo Uwiteka atishimira kwambara impeta zo mu matwi n'inigi.
Ijambo ry'Imana ryakomeje rirwanya ubwibone, ribuza abagore kuboha imisatsi, no kwirimbishisha izahabu n'imaragarita no gukanisha imyenda ihambaye, bagategekwa Kwambara bakikwiza. 1 Timoteyo 2:9-10, 1 Petero 3:3-5
Iyo myambaro ibuzanijwe yitwa imyambaro y'abamaraya. Imigani 7:10; Ibyahishuwe 17:1-5.
Nuko rero wowe utari ubizi ubimenye w'ihanewitandukanye na byo.
Kandi nawe ubyirengagiza ukabikora nkana umenye ko iherezo ryawe ari ukurimbuka, kuko nta munyabwibone u*injira mu bwami bwo mu ijuru.
Mwikwishinga abigisha b'ibinyoma n'amadini ayobya ahubwo mwitandukanye n'ibyo Imana yanga, muyoborwe n'ijambo ryayo ni bwo muzayinezeza.
Kandi ntukifuze gushimwa n'abantu nyamara Imana ikugaya.
Ahubwo hirimbanira gushimwa n'Imana naho abantu bose bakugaya, uretse ko nunezeza Imana uzaba inshuti y'abandi bayinezeza.
N'ukuri ikintu cyose Imana ikitaho. N'ingohe. " Egiputa n'u Buyuda na Edomu, n'Abamoni n'ab'i Mowabu, n'abiyogoshesha # ingohe z'umusatsi bose batuye mu butayu, kuko ayo mahanga yose atakebwe n'ab'inzu ya Isirayeli bose ntibakebwe mu mutima." (Yeremiya 9:25)
"Kandi ingamiya zabo zizajyanwa n'amatungo yabo atabarika azaba iminyago, nanjye nzatatanyiriza mu birere byose abiyogoshesha z'umusatsiwabo, nzabateza ibyago
bibaturutse impande zose. Ni ko Uwiteka avuga. (Yeremiya 49:32)
Icyaha cy'ubwibone ni icyaha kibi cyane. Ese wari u*i ko ari cyo cyaha cya mbere cyabayeho? Cyakorewe mu ijuru gikozwe na Satani se w'ibyaha byose, na cyo kikaba imfura mu byaha byose. Ni na cyo cyamumanuye mu ijuru. Ezekiyeli 28:11-18. nicyo cyarimbuje sodomu Ezekiyeli 16:49.
None se ubwo wowe urumva wagera ute mu ijuru ukiri umunyabwibone ? Nuko rero fata icyemezo uce bugufi wihane utazarimbuka. Kuko Umwami Yesu ateze amaboko ngo uze akurengere bikitwa none. Matayo 11:28-30; Yesaya 55:6-7.
Yesu akugirire neza kandi aguhe umugisha wowe wifuza kunezeza Imana Data wa twese n'Umwana wayo Yesu Kristo.
Ubuntu bw'Imana bugenderere imitima yanyu!!!!
Like na Share ubisangize Abandii
Whatsapp Number: (+250) 784138049
Injira muri Groupe yacu unyuze hano!
https://chat.whatsapp.com/J6zVyWBlR8MLFSZGctObsZ
