SA For Design

27/05/2026

عيد أضحى مبارك 💜 ✨

كل عام وأنتم بخير…
ونسأل الله أن يحمل لكم هذا العيد
راحة بعد تعب وفرصا بعد انتظار ونجاحات تستحقونها 🤍

عيدكم فرحة… ومستقبلكم يستحق الأفضل ✨

21/05/2026

في ناس مؤهلاتهم أقل منك… لكن اتوظفوا قبلك
عارف السبب شنو؟ 👀

في الغالب المشكلة ما في الخبرة…المشكلة في الـ CV

لأنو ببساطة:
السيرة الذاتية ما مجرد ورقة فيها معلومات دي أول انطباع عنك… وأحياناً هي البتحدد إذا ح تصل للمقابلة ولا لا

أنا سمية عبد المنعم
بساعد المهنيين يحولو الـ CV من ملف عادي… لأداة تفتح فرص حقيقية.

والحاجة اللافتة بالنسبة لي إنو حتى ناس عندهم خبرات قوية جداً لحدي الان حاسين إنو سيرتهم الذاتية ما بتمثلهم صاح 😅

خلونا نكون صريحين شوية
لو هسه قدمت بالـ CV حقك لوظيفة بتحلم بيها… إحساسك حيكون شنو؟
1) واثق جداً إنو حيعمل شغل ممتاز 💪
2) متوتر شوية وحاسس محتاج تحسين 😟
3) محتار… ما متأكد إذا قوي كفاية 🤔
4) اصلاً ما عندي CV جاهز 😅

اكتب الرقم في التعليقات 👇
وأنا ح أكتب بوست أكثر الأخطاء البتخلي الـ CV يترفض بدون ما الناس تنتبه ليها

17/05/2026

بتقدم على وظائف كتيرة… لكن ما في أي رد؟
ممكن المشكلة ما تكون فيك… ممكن تكون في طريقة كتابة الـ CV وعرض المهارات والخبرات

شنو أكبر تحدي بواجهك لما تقدم على وظيفة؟
1. ما بيصلني أي رد
2. بوصل للمقابلة وبنرفض
3. ما بعرف أكتب خبراتي بشكل قوي
4. سبب تاني؟

اكتب رقم المشكلة في التعليقات 👇

ولو حابي تعرف نقاط الضعف في الـ CV حقك رسل لي السيرة على الواتساب الرابط في أول تعليق 👇

15/05/2026

هل الخبرة كفابة علشان تتقبل في الوظيفة ؟
الخبرة براها ما كفاية… المهم كيف تكتبها

ناس كتير بتضيع منهم فرص وظيفية لأنهم بيكتبوا :
"محاسب" – "مهندس" – "سكرتير"… وبس.

لكن الشركات ما بتبحث عن مسمى وظيفي هي بتبحث عن شخص يحقق نتائج ويضيف قيمة.

لما تكتب خبراتك وضح:

* شنو المسؤوليات القمت بيها؟
* شنو النتائج الحققتها؟
* شنو القيمة الأضفتها للشركة؟

📌 اكتب خبرتك بالطريقة دي:

* المسمى الوظيفي
* اسم الجهة + الموقع + فترة العمل
* المهام والإنجازات بنقاط واضحة

✍️ أهم النصائح:

1. اشرح مسؤولياتك بدقة
2. ركز على الإنجازات الحقيقية
3. استخدم أرقام ونتائج قابلة للقياس
4. أبرز النجاحات المهمة
5. اربط كل إنجاز بقيمة مضافة

سيرتك الذاتية هي أول فرصة لإقناع صاحب العمل… فاكتبها صح.

📩 ولو محتاج سيرة احترافية توصلك للمقابلة علق ب CV ونحن بنساعدك

14/05/2026

شنو اغرب حاجة كتبتها في السيرة الذاتية ؟😂

20/02/2026

اكتب خبراتك صاح ☑️💜

الخبرة ما بتنفع لو ما اتكتبت صاح.

كتير من الناس بتضيع منهم فرص بس لأنهم كتبو خبراتهم من غير ما يشرحوا هم عملوا شنو فعلاً!
كتبت: "محاسب" – "مهندس" – "سكرتير"…وسكت.
أنت اشتغلت، لكن هل وصلت ده في سيرتك؟
المؤسسات ما بتفتش لمسمى وظيفي… بتفتش لنتيجة.

لما تكتب خبراتك، لازم توضح:

- شنو المسؤوليات القمت بيها؟
- شنو الإنجازات الحقيقية اللي حققتها؟
- شنو القيمة القدمتها للشركة؟

كل نقطة بتكتبها = رسالة قوية إنك شخص مؤثر وتستحق الفرصة.

📌 كيف تكتب خبرتك العملية بشكل احترافي؟

1. ركز فقط على الخبرات المرتبطة بالوظيفة.
2. رتبها من الأحدث إلى الأقدم.
3. استخدم الصيغة التالية:

- المسمى الوظيفي.
- اسم الجهة+ الموقع + فترة العمل.
- المهام والإنجازات في نقاط واضحة.

✍️ أهم 5 نصائح لكتابة المهام والإنجازات:

1. اشرح مسؤولياتك بدقة.
2. ركز على الإنجازات الملموسة.
3. حدد أبرز النجاحات.
4. استخدم أرقام ونتائج قابلة للقياس.
5. اربط كل إنجاز بـ "قيمة مضافة" حقيقية.

لو حسيت إنك ما عارف تعبر عن شغلك بطريقة تقنع صاحب العمل… تابعنا في سلسلة واعرف اكتر عن كتابة السيرة الذاتية.
📩 و راسلنا لو محتاج سيرة توصلك للمقابلة بأسرع وقت.

سيرتك هي فرصتك… صممها صح.

رابط صفحتنا على Facebook :
https://www.facebook.com/profile.php?id=100082917473800
رابط الواتساب:
https://wa.me/message/V265OVDFEX6OM1

واتساب و مكالمات : 0904610023

18/02/2026

رمضان كريم صوماً مقبولاً وذنباً مغفوراً🌛💜✨

24/12/2025

💜🔥🔥

🔵🟠 جاهزين نَختِم السنة بحَدَث كبير😎🔥

نختَصِر الطريق ونجيبها مِن الآخِر👇
اللابتوب البتشتَغِل بيهو كُلّ يوم
لو ما فَحَصتو وصِنتو بدري
حتدفَع التمن مُتأخِّر⏳🥲

🔧 تسطيب غَلَط = أداء تعبان
🔧 حرارة عالية = عُمر أقصَر
🔧 إهمال بسيط = خسارة كبيرة

ومِن هِنا جات الفِكرة👏

🔶 مركز شهد المعرفة
🔷 و RX Technology
(مُختّصين في بيع وصيانة اللابتوبات والأجهزة الإلكترونية)
🔶 ومجمع الضمان للصناعات الهندسية
🔷 ورابطة طلاب كلية الهندسة والتقنية - جامعة وادي النيل

قرّروا يعملوا مُبادرة خِدمة مُجتمَعية حقيقيّة👌
لأنّو الشّباب يستَحِق🧡💙

🔥🔥وجينا بفعاليّة مجّانيّة:
#ظبِّط_لابتوبّك (تسطيب - صيانة)
يوم لفَحص وتسطيب البرامِج وصِيانة اللابتوبات #مجّاناً🧡💙

🔶 شنو البِنقَدِّموا؟
✔️ تسطيب وتنزيل البرامِج على اللابتوبات مجّاناً.
✔️ فَحص عام للأجهِزة وتحسين الأداء.
✔️ صِيانة الأعطال التِقَنِيّة للأجهِزة.

📍المكان: مجمع الضمان للصناعات الهندسية - صالات الإنتاج
⏰ الزمان: السبت الموافق 2025/12/27
من الساعة 10 صباحاً - وحتى الخامسة مساءاً

بدون قروش
بدون لف
بدون وعود فاضية

هل اكتَفينا بكِدا ...❌
أكيد لا 😌
حيكون في وِرَش قصيرة و فقرة تفاعُليّة وسحوبااااات وهدايا 🎁🎉🎊

يعني شنو؟ يعني ما خلِّينا ليك فَرَقة تاني😂
يا تجي يا تجي🤣🤣

لو جِهازك مُهِم
ولو شُغلك واقِف عليهو
ولو داير تتفَادى وَجَع الرأس…
جهِّز لابتوبك…🫰
وخَلِّي الباقي علينا🧡💙🔥


💪
🔝
✌️