29/04/2025
بتفتش على وظيفة أحلامك؟
خلّيك من اللقب والمرتب العالي شوية، وركز على الحاجات اللي بتعود عليك بالفايدة على المدى البعيد.
الوظيفة اللي بتنفعك فعلياً، فيها الحاجات دي:
1. برامج بتخليك تطور مهاراتك باستمرار.
2. بيئة بتحب تتعلم وما بتقيف في محلها.
3. تواصل مفتوح وواضح مع كل الناس.
4. تقدير للإنجازات، حتى لو كانت بسيطة.
5. عدالة في المرتبات والحوافز والمكافآت.
6. جو تعاوني، ما فيهو تنافس سلبي.
7. خارطة طريق واضحة للنمو والاستمرار.
8. فرص تتعلم من ناس أقدم منك (مرشدين).
9. أمان نفسي، تقدر تقول رأيك بدون خوف.
10. توازن بين عملك وحياتك الشخصية.
الناس غالباً بتغلط وتركز على المظاهر وبتفتكر إنها قيمة حقيقية، ولكن:
→ القروش ما بتغنيك لو ما مرتاح نفسيا.
→ المنصب بدون تقدير ما عندو قيمة.
→ اللقب ما بفيدك لو ما في احترام.
الشركة المحترمة بتعمل شنو؟؟
بتدعمك تتعلم وتكبر في مجالك.
بتديك ملاحظات تفيدك.
بتخليك تبتكر وتفكر براحتك.
بتحترم خصوصيتك وحدودك.
بتكسب ثقتك بأفعالها، ما كلام ساي.
بتقدر مجهودك.
بتفرح بيك لما تنجح.
بتسمع ليك وبتديك فرصة تبدع.
اتذكّر دايما:
بيئة العمل المسمومة حتى لو بتاخد راتب عالي، حتهدك نفسيا وما حتشعر إنك أنجزت.
البيئة المحترمة، حتى لو المرتب أقل من المتوقع، حتشحن طاقتك وتخليك تتقدم.
البيئة الصاح ما بتغيّر أدائك بس، بتغيّر حياتك كلها.
فكّر كويس، قبل تختار وبعدين تحتار.
رأيك شنو في الكلام دا؟
لو هبشك، شاركو مع ناسك...
عااادي ما تخجل وشاركو مع مديرك، وورينا قال ليك شنو..
وما تنسى تتابعنا 👍🏽
#سودانيز #السودان
